الموضوع: بامريكا يصير نحط الجناط فوق السياره ؟

حبيت استفسر من الاخوان ... اذا يصير بامريكا نحط العفش ( الجناط ) فوق السياره و لا ممنوع ؟؟

و خبراء امريكا شايفين هل منظر هناك و لا لا ؟؟؟

و يا ريت تقولون لي اذا عادي او لا لان عندي مشكله بحجم السياره احنا عايلتيين 4 كبار و 3 اطفال

و ماني لاقيه غير الميني فان و ما راح تيزي جناطنا لان انشالله بننتقل من نيويورك لي جم ولا يه بقربها

و لنياجرا

فيا ريت تساعدوني

مواضيع عشوائيه ممكن تكون تعجبك اخترناها لك:

• مدة صلاحية الجواز
• عاجلاريد السفر الى واشنطن وابي مساعدتكم
• من فيكم يعرف شئ عن لانسنج؟
• ياهل الخيرة اريد خبرتكم
• ارغب بشراء بيت في امريكا
• ايه هيا ورقه تاكيد الحجز
• جنة في وسط أمريكا لا يعلمها الكثيرون
• ابي فندق حلو واقتصادي في تايمز سكوير
• منتجع رائع في ميامي
• ممكن مساعدة عن لوس انجلوس؟؟
• فيزا طالب ولا سائح ؟
• استفسار يالربع بليز هل الفيزا السياحيه تطول او لا
• استفسار بخصوص تأجير السيارات
• يأصحاب الحاجات ياصاحب الورقة الزرقاءتعالو لكم عندي حل
• هذه السنة الدراسية متى بدأت بالضبط ومتى تنتهي حسب جامعات لوس انجلس ؟
• ساعدونى من فضلكم يا خبراء امريكا اذا تكرمتم
• من هيوستن الي تلسى أي خطوط طيران أختار
• صوري في سانت لويس
• ممكن سؤال وارجو الرد بسرعه
• شاهد مباشرة منتجع بولاية أريزونا الأمريكية

llooooll اتخيل شكل السيارة
اشوفهم ببعض الافلام يسوونها بس مادري احس مو حلوووة
اخذولكم سيارة كبيرة
او خلو جناطكم حجمها مناسب عشان تكفي السيارة وتكفيكم

مو لاقيه سياره اكبر ... من نيوويورك مافي فانات لازم ميني فان و ميني فان شكلها ما بتيزينا

أستأجر تريلر trailer من ال u haul
واربطه بالسياره
خذ الحجم المناسب للشنط
واستاجره للمكان المحدد
وعندهم مكاتب في جميع انحاء امريكا
يعني تقدر تستاجره من مكان وتسلمه في مكان اخر
حتى ماتبلش فيه
يعني تستاجر مده الطريق
وبس
كل الامريكان يسووو كذا
ويمكن بعض شركات الايجار السيارات توفر هذا الشي

أخويي أحذرك
مغامرة و ماا تسوة
أولا قوانينهم تختلف من و لاية الي و لايه من ألي راح تمر عليهم
و لا نقدر نجزملك أنة أكي ولا لأ
و أول ما يشفونك الشرطة بهل منظرة و السيارة و هية مربطة من فوق
بوقفونك و أسألة حق كل واحد فيكم و أخرتة مخالفة
و ما تندفع ألا بالولاية نفسها
و تعال دور و ين محكمة الولاية علشان تدفع
و أنت بس تبي تمر منها هل و لاية
ما رح تكونون مستعدين تدورون
الي أنا و باجي الشباب شايفينة و كل الأمركان يسونها
أهو هذا






سو نفسهم يا خوي و الله يوفقك
و أن شاء الله موفقين يا ربي
و الله يسهل عليكم سفركم يااا رب :24:

الف شكر كويتي شرقاوي .. و ecw
انقذتوني الصراحه مشكله عويصه كانت بالنسبه لي هل كارجو ... كل الشكر

الله يعينكم.. طيب ليش ماتستأجروا لكل عائلة سيارة بدل ما تضايقوا على نفسكم؟؟ مجرد اقتراح..

فكرنا فيها ... بس خفنا نضيع اوشي و خصوصا ان اول مره يعني

ربطت عفش على السيارة تقول رايح للحج وذلك من تكساس إلى كليفورنيا ومريت على ست ولايات ودخلت عدة قواعد عسكرية وما أحد قال شي
حسب معلوماتي يجب أن يكون مربوط ومغطى بشراع أو تضعه في غلاف خاص تقدر تشتريه من وول مارت تضعه فوق السيارة وتضع الاغراض داخله وتقفل عليها بسحاب ويتم تثبيته بواسطة اشرطة خاصة من تصميم الغلاف يسمى كارقو باق

المشاركة الأصلية كتبت بواسطة amq
http://www.arabtravelersforum.com/tr...8/#post2857098

ربطت عفش على السيارة تقول رايح للحج وذلك من تكساس إلى كليفورنيا ومريت على ست ولايات ودخلت عدة قواعد عسكرية وما أحد قال شي
حسب معلوماتي يجب أن يكون مربوط ومغطى بشراع أو تضعه في غلاف خاص تقدر تشتريه من وول مارت تضعه فوق السيارة وتضع الاغراض داخله وتقفل عليها بسحاب ويتم تثبيته بواسطة اشرطة خاصة من تصميم الغلاف يسمى كارقو باق



الف شكر ... لووول ضحكت والله عل منظر بس جني بجرب هل شغله وايد اسهل :24:

المشاركة الأصلية كتبت بواسطة الكويت ديرتي
http://www.arabtravelersforum.com/tr...0/#post2857670

الف شكر ... لووول ضحكت والله عل منظر بس جني بجرب هل شغله وايد اسهل :24:



الشغلة ما هي أسهل فقط

بل ضرورية لأن السرعة القصوى عند سحب مقطورة فيجب أن لا تتجاوز 55 ميل بينما بدون مقطورة السرعة تصل في بعض الطرق ل 80 ميل

خلاص دامك مجرب .. بس ترى انا يمكن من اورلاندو لي ميامي اطبقها ... و ما يندرى اذا من بنسلفانيا لي اورلاندو بعد

الي اعرفه يختلف من ولايه الى ثانيه

كل الشكر اخواني