الموضوع: اختيار مكان شهر العسل

السلام عليكم
ومساكم الله بالانوار
في البداية حبيت اشكر القائمين على هذا المنتدى على مجهودهم الاكثر من رائع
وبصراحة الاخوان الاعضاء دائما موجودين لتقديم المساعده
فأرجو منكم مساعدتي على اختيار دوله " ويفضل جزيرة " لقضاء شهر العسل
حيث انه سيكون في 6 فبراير 2011
والميزانية تقريبا 20,000-25,000 ريال سعودي
وان تكون الاجواء معتدله ومائله للبروده قليلا

اتمنى من الجميع المشورى ومساعدتي على الاختيار

مواضيع عشوائيه ممكن تكون تعجبك اخترناها لك:

• ساعدوني بليز
• لا تحتار في جزر المالديف
• معلومات عن جزيرة فيجى
• محتاااااااار أرجو المساعده
• سؤال مهم عن المالديف
• بسبوووسه و والأعضاء أصحاب الخبره
• اذا موريشيوس ماتنفع وش اللي ينفع؟
• ابغي رقم مترجم انجليزي في المالديف
• مارأيكم في هذا العرض يااخوان
• محتاجه مساعدتكم في موريشوس
• تشرفت عندكم
• اســـتفســــار سـريــــــــــع
• أي الجزر مناسبة لـرحلة سريعة أيام
• هل تنفع زيارة سيشل ب شهر فبراير او مارس؟
• ابي فندق بالمالديف سعره حلو وممتاااز ضرووري
• استفسار
• هل تحتاج جزر المالديف لاصدار فيزا
• رأيكمـ يا اهل الخبـرة وين تنصحوني بشهر العسل ؟
• استفسار عن هالباكيج
• لعشاق موريشيوس مسبح خاص داخل فيلا او فندق

اولا الف مبروك مقدما وبارك الله لكما و عليكما و جمع بينكما في خير

ثانيا اذا جيت للجزر يعني الشرق و الشرق الجو معتدل دائما طول السنه مع امطار يعني برد مافيييه ,, الا اذا تبي اوروبا و هالوقت اتوقع بيكوون صقيع ,,

انصحك تروح المالديف اولا و تقعد فيها 3 ليالي في منتجع و بعدين تغير الى منتجع اخر 3 ليالي ثانيه ,, انصحك بالتغيير لانك تلتزم بانشطه الفندق لان كل فندق في جزيره لحالها يعني فالمالديف انعزال تااام عن الناس ,, و نصيحه ذهبيه لا تاخذ الا فيلا مائيه عن الحشرات ههههههههههههه و الاصوات اذا تحبون الراحه ,, و بعدين اطلع الى ماليزا او هونغ كونغ او اي مكان تحبه للتسوق و تغيير الطابع شوي و الاسعار راح تكون مناسبه جدا في ذلك الوقت .. و كل ما تقرر و تحجز بكير بتشووف السعر كيف راح يصيررررررر ,,,,

الله يبارك في عمرك اخوي "رد ستروباري"
وشكرا على الرد
بس اهم شي الميزانية المحدده تغطي التكاليف "6 ايام في الملديف مع هونغ كونغ"

الف مبروك إن شاء الله
بالنسبه وين ننصحك تروح هي ع حسب وش المكان اللي تفضله ..
كانك رجال تبي هدوء و عزله فأنصحك تروح للمالديف ..
و إذا كنت رجال تبي تمشى وتشوف لك مناظر وتزور لك حدائق وتروح للتلفريك فأنصحك بماليزيا ..
والميزانيه 20 الف تكفي 5 ايام بالمالديف و 14 يوم بماليزيا ..
والخيار راجع لك يا أخي العزيز ..

هلا اخوي كيمو
اشكرك على مرورك ونصيحتك الغالية
وبالنسبة لي فأنا افضل التمشية والنشاطات بالاضافة الى المناظر الجميله
بالنسبة للملديف اعتقد انها غير مناسبة تماما بالنسبة للميزانية وبالنسبة للتماشي
وماليزيا اتوقع بتكون حر شوي وفترة اعاصير في فبراير وكثيرين ماينصحوني بيها في ذيك الفترة

فهل هناك خيارات اخرى

يا شباب طيب كيف جنوب افريقيا كاختيار في فبراير

ماليزيا طبعاً...
اطول مده وارخص..

طيب ويش رايكم في جزيرة بالي ؟؟؟؟؟

شباب بليز ابي مساعدتكم في الاختيار
بحكم اني ذو خبرة قليلة

والله أخوي تقدر تروح المالديف تجلس يومين في منتجع و3 أيام في منتجع آخر وهذي نقطه هامه لأن النشاطات في كل منتجع محدوده بالإضافه إلى أن الإنتقال من منتجع إلى آخر متعه حيث تنتقلون بالقوارب وفيها متعه

هذا برنامجي لشهر العسل قبل عدة سنوات:

ليلتين - في منتج الباندوس ( 3 نجوم لكن بمستوى 4 نجوم ) حجزت فيلا بيتش جاكوزي ( فيلا مواجهه للبحر وبها جاكوزي )
3 ليالي - الفل مون ( 4 نجوم ) حجزت واتر بانقلو

ثم سافرت بالطيران الداخلي أعتقد فيشر إلى ماليزيا..

3 ليالي - فندق رينانسيز ( 5 نجوم) فندق كئيب ولا أنصح به أبداً
3ليالي - فندق الريتز ( 5 نجوم ) جناح خاص
ليله واحده بجنتنق فندق فيرست وورلد الجزء الجديد ( 4 نجوم )

لا أذكر التكاليف بالضبط ولكن الحجوزات من تذاكر طيران وفنادق جميعها بالإفطار والتنقلات بين الفنادق والرحله الداخليه بين المالديف وماليزيا كلفتني بالضبط 26 ألف + مصاريف معيشه وخلافه حوالي 4 آلالاف..

الكلام هذا له 3 سنوات بس هذا كان برنامجي وكان ناجح بجميع المقاييس ولله الحمد..

أعمل حجوزاتك بنفسك وأبعد عن المكاتب السياحيه راح توفر مايقل عن 2000 - 3000 ريال هذي تستفيد أنت منها لمصروفك.. مع أني بالنسبه لي حجزت عن طريق مكتب بالبحرين ماكنت ملم كثير بالحجز عن طريق النت لكن شهادة حق خدماتهم رائعه جداً وأسعارهم مناسبه لأني جيت للإمارات للطيران قالي أقل شي 40 ألف يكلفك هالباكج بينما للمكتب هذا دفعت 26 ألف بالضبط.

بالتوفيق وأي إستفسار لاتتردد ومبروك الزواج مقدماً..

اخوي نبع الصفا
شكررررررررررررا جزيلا على المعلومات الغالية والجميلة
بصراحة كفيت ووفيت

يعطيك العافية

شباب فيه خيارات ثانية ممكن تنصحوني فيها ؟؟؟؟؟؟

ويييييييييييييين اهل الخبره !!!!!!!!!!

مبروكـ عليكـ اخوي ,,,, والله يوفق بينكم ,,,

شكلنا بنتقابل بالمطار خخخخخ انا بعد ان شالله ناوي اسافر شهر العسل بنفس التاريخ ونفسكـ محتار ,,,

انا بحكم ظروف زوجتي رح تكون السفرهـ كحد اقصى 10 ايام ,,, ومفكر اني اقضيها بسنقافورهـ والمالديف لاني مشتهي المالديف مرهـ

سنغافورهـ قررتها عشان شغلتين فندق ودي ازورهـ Marina Bay Sands

وفيه جزيرة Sentosa فيها العاب Universal Studios

بس الحين محتار بالنسبه للمدهـ هل هي صعبه اني اغير الفندق ولا الافضل انها تكون ديره وحدهـ ,,,

و انا اشيكـ دايم من هالموقع http://WWW.agoda.com

وموفق اخوي وعطنا وش يصير معكـ ...

الله يوفقكم وييسر لكم اموركم