الموضوع: استفسار عن صالون في الكويت

هلااااااا .......



عندي استفسار بليز لبنوتات الكويت



صالون حنان دشتي في اي منظقه في الكويت

و كم اسعارها...؟؟؟؟؟؟


و هل في صوالين احلى و باسعار اقل؟؟؟؟؟


و عندي استفسار ثاني


هل ممكن القى بضاعه مشابهه للبضايع اللي في سيتي سنتر السالميه

بمنطقه ثانيه في الكويت ؟؟؟؟

مواضيع عشوائيه ممكن تكون تعجبك اخترناها لك:

• استفسار عن الفندق الدولي في السالمية
• مين جرب فندق كورنيش
• استفسارات بسيطة عن الكويت
• الأخوة الكويتين
• صور متفرقه من الحياة بالكويت
• كم تكلفة الوزن الزائد من مطار الكويت الي القاهرة
• استفسار
• «طيران الإمارات» تطرح عروضاً على رحلاتها من الكويت
• زيارة للكويت ايام
• ياهل الكويت الطيبين ابي خدمة منكم
• شابان كويتيان ينفذان مجسما تاريخيا للكويت القديمة
• ممكن مساعده في مطاعم مول
• حبايبي ممكن تفيدوني ؟؟؟؟؟
• رايح للكويت اول مرة وابي منكم المساعدة
• محادثات سرية لبناء اطول برج في العالم في الكويت
• إلى كل كويتي و من زار الكويت أتمنى مساعدتي و لكم مني جزيل الشكر
• ما هي المطاعم التي تذهب إليها مع الأسرة ؟ كابينة ساترة
• افضل ماوجدت من الخرائط للكويت لكن ينقصهالمسات الأخ ضاري
• سؤال للاخوة في الكويت ،،
• بلدنـآ الغاليه الكويت

معقوله ؟؟؟؟؟؟؟


12 ساعه

و مافي رد

هلا وغلا بك بديرتج الثانيه
بالنسبه لصالون حنان دشتي لها فرعين واحد في ابو حليفه والثاني في حولي
واسعارهم حسب طلبج انتي شبغيتي بالضبط؟

اذا تكرمت هل عندهم تصميم لموديلات جديدة لصيف 2010

هلا اختى

الاتينيه ردت بالنسبه لسؤال صالون حنان دشتى

وصاجه لها فرعين الاول ب حولى والثانى ابو حليفه

اما بالنسبه لبضاعه سيتى سنتر موجود بضاعه مشابهه لها ب مجمع النقره الجنوبى و بسوق كويت ماجيك

ان كنتى تقصدين حبيبتى الملابس النسائيه والاسواق الشعبيه فيها بضاعات مقاربه لها من بطانيات وكفرات

واكسسوارت المنزليه واى سؤال حاضرين

وبالنسبه للصالونات كثيره والمميزه منها هم كثير شنو تبين بالضبط ان كان صبغ او قص بالسالميه

على شارع البلاجات هناك عده صالونات وبحولى وبالشعب ايضا وموفقه اختى

مشكورين خواتي


اللاتينيه

و ام البدر

على تجاوبكم

كان سؤالي عن الصالون للاخت حنان

لاني وااااااايد معجبه بشغلها.....

و كنت حابه مره اني اجرب مكياجها اثناء تواجدي في الكويت في مناسبة
..


و سمعت ان الاسعاار وااايد مرتفعه


و قلت اسأل اهل الكويت الطيبين ....اكيد بيفيدوني

اذا في صوالين شغلهم مثل شغلها و اسعارهم اقل

....


...


اما بالنسبه لبضاعة سوق السالميه

انا كنت موجوده بالكويت في شهر فبراير


و للاسف مالقيت اي ملابس للصيف


كانت المحلات تعرض البضايع الشتويه

و كنت حابه اعرف اذا في محلات بمجمعات ثانيه من نفس طبيعة مبيعات سيتي سنتر السالميه

و اللي كنت ادور عليه

الملابس النسائيه .....


لان بصرااااااحه القمصان الطويله و نوعياتها و الوانها و شغلها ما نلقاها الا عندكم





مشكوووووووورين مره ثانيه

عندج صالون عجبة في خيطان مجابل بنك التمويل ورا سينما غرناطة مكياجها واااااايد حللو واللي اتحط المكياج اهي نفسها صاحبة الصالون كويتية وشغلها ممتاز واسعارها حلوه صراحة انصحج فيه ..
اما بالنسبة للاسواق مقل ماقالت ام البدر حولي عندج مجمع النقره الجنوبي والشمالي ..
واي استفسار بالخدمه

شوفى اختى يبدى المكياج العادى 35 بدون اى زيادة مثلا الرموش حسابهم غير والعجينه غير والحسابه بتحسب كل شى له سعرة هذا بالنسبة الى بحولى و ابوحليفة اما سفير اسعارة اغلى 10 انشاء اكون فدتج

صالون حنان دشتي غالي يعني مكياج وشعر فوق الـ 100 دينار
بس انا مايعجبني شخصيا بس للشعر حلو
وبعدين حنان ماتمكيج احد بس الفنانات والشخصيات الكبيره اللي بالصالون اغلبهم فلبينيات
عندج صالون لمسه فن الرقعي عند مدام رشا رووعه واقل بشي بيسط من حنان دشتي
وبظاعه ستي ستنر اغلبها سوري وصيني تلاقينه نفسه بالمحلات الشعبيه

حبيبتي اذا تبين مكياج خفيف انصحج بعبير الياسين صالونها بالشعب البحري .. واتوقع اسعارها تبدا من 70
بس شي حلو ..

ولا ننسي منيره الفرج ايضا بالشعب البحري بس اسعارها ناااااااااار

شوفي أنا جربت حنان دشتي اللي بحولي عند شهلة ويلدا وايد حلو ماكو فلبينات يحطون الكريم وكريمهم طول الحفلة مايخترب أسعارهم 45 و55 و65 والشعر يبدأ من 25 و45 مع رموش