السلام عليكم ورحمة الله وبركاته
انا محتاجه مساعدتكو ضروري بسرعه ارجوكم مفيش وقت خالص واللي خلاني اشترك في المنتدي هنا اني كنت بدور في جوجل علي الاسئله اللي محيراني ولاحظت انكو متعاونين ما شاء الله وبتساعدو بعض فأرجوكم ساعدوني انا كمان
انا قصتي ان زوجي مسافر امريكا وهو الوقتي حصل علي الجرين كارد من تقريبا 6 شهور ورجع من هناك اتجوزنا وبعدين سافر بعد شهرين من الزواج وانا الوقتي حامل في الشهر السادس
وانا وهو الوقتي بنفكر اني اروح السفاره واقدم علي فيزة سياحه علشان اسافر هناك واولد هناك وهروح ان شاء الله المقابله الاسبوع الجاي حضرت ورقه اني بشتغل في شركه خاصه ولسه هعمل حساب في البنك بس مش هيكون كبير يعني ممكن 15 الف بالكتير وهروح علي اني مش متجوزه لاني خايفه لو وريتهم قسيمة جوازنا يعرفو ان زوجي هناك وميوافقوش اني اسافر له لان واحده صحبتي عملت كده وقالتلهم ان جوزها هناك وانه معاه الجرين كارد وهي راحه تقعد معاه شهرين بس وترجع فرفضوا اعطائها الفيزا وقالولها خلي زوجك يقدم ليكي عن طريق الهجره وتسافري له بعد حصوله علي الجنسيه
فأنا مش عايزه استني بعد الولاده
انا عايزه اسافر وانا حامل لان بعد الولاده المولود هيتكتب باسم ابوه واما اجي اسافر هيعرفو من اسم المولود ان ابوه في امريكا وهيرفضو برضو
بس انا الوقتي خايفه من شوية حاجات
اولا انا عايزه نصيحه منكم اثناء المقابله لأني هقولهم اني راحه لواحده امريكيه هناك وانا اعرفها وراحه ازورها شهر وارجع وهوريهم صوره من الباسبور بتاعها لأنهم طلبو مني كده لما اتصلت بالسفاره عشان احدد معاد المقابله وفعلا انا عارفه واحده هناك عايزه اعرف كده هما هيوافقو ولا هيقلقوا اكتر اني اعرف حد هناك وممكن يوفرلي الاقامه في امريكا
تانيه انا عايزه اعرف لو وافقو وحصلت علي الفيزا هل في المطار هناك ممكن لو عرفوا اني حامل انهم يرفضوا دخولي امريكا ؟
ثالثا عازه اعرف لو تمت علي خير ودخلت امريكا وولدت هناك ان شاء الله اكيد المولده هتتكتب باسم ابوها طبعا فأنا وانا راجعه مصر بقي ياتري في المطار هناك ممكن يسألوني عن البنت ؟ واني دخلت امريكا وانا مش متزوجه وازاي راجعه ببنت الوقتي ؟وفين ابوها وممكن اتسجن ولا ايه ؟او جوزي يتضر ؟ارجوكم انا تايهه قوي وخايفه من كل حاجه وبعدين لو معرفتش اروح الوقتي مش هعرف اروح لحد ما يحصل علي الجنسيه
وبتاخد سنين طويله انا اعرف واحد بقاله 9 سنين ولسه مخدهاش
ارجوكم انصحوني وردوا علي اسئلتي وانصحوني بالنسبه للمقابله ضروريمواضيع عشوائيه ممكن تكون تعجبك اخترناها لك:
- ناوي السفر الى امريكا
- تنبيه بخصوص فيديكس وجميع من ينتظر جوازة من السفارة الامريكية
- ممكن استفسار لطفا
- الى خبراء اورلاندو ؟
- المسافة بين مدينة نيويورك و أتلانتك ستي
- ما الحل مع هذا المسج عند التسجيل لأخذ موعد؟؟
- أبشركم استلمت الفيزا
- اجراءات التاشيرة والجنسية فيديو
- راس السنة وين تقضية
- شئ غريـب ؟؟ مالسبب ؟؟
- شعر عسل اختي
- استفسارات اخري عن النموذج
- ترتيب رحله العمر
- هل جزر الباهاما تحتاج فيزا
- مساعدة في ترتيب شهر العسل الى نيويورك اورلاندو ميامي
- نوع الفيزا السياحية b1 ولا b2 ولا b1 /b2
- لكل زوار أورلاندو
- عااااجل لمشرفنا الغالي
- لوس انسحلوس سان فرانسيسكو سان ديجو
- إش أرخص خطوط جوية للتنقل بين مدن أمريكا؟؟
رد مع اقتباس
المفضلات