الموضوع: فلوريدا وتخصص الهندسه المدنية

بسم الله الرحمن الرحيم


يعطيكم العافيه اخواني وبصراحه مجهود واصح بساحة امريكا تشكرون عليه وعساه في ميزنا حسناتك ان شاءالله


اخواني كل اللي ابيه منك نصيحه منكم او تجربة بعضكم


اخوي يبي يدرس هندسه مدنية في فلوريدا على حسابه الخاص لكن باشراف التعليم العالي بالكويت بكاليريوس طبعا


ابي اعرف شنو افضل الجامعات في فلوريدا بتخصص الهندسة المدنيه واقواها وشنو تشترط اذا تعرفون الشروط بحكم التجربه


انا بعطيكم جم اسم لجم جامعه اذا تعرفونهم قوولولي اشرايكم فيهم


florida atlantic university
florida international university
florida state university
university of central florida
university of florida
university of north florida
university of south florida - tampa
UNIVERSITY OF WEST FLORIDA

ومشكورين وما قصرتوا مقدما

انتظر ردكم بفارغ الصبر

مواضيع عشوائيه ممكن تكون تعجبك اخترناها لك:

• لطلاب لوس انجلوس ارجو النصيحه بالنسبه للمعاهد
• ماستر امريكااااااا ام بريطانياااااااااااااا
• هااااام تحديد مصير يااااشباب
• دراسة القانون ارجو المساعده
• مقابلتي كانت هذا اليوم وهذا ماحصل
• إستخراج الفيزاا و السفر
• متخرج من دبلوم أشعه وأرغب في الاكمال في امريكا عندي بعض الاسئله مهم وعااااااااجل
• الــي سجلــوا بيانـاتهم في استمــارة البعثــات يدخلــوا
• مدينه معهد رأيكم يهمني
• استفسار بسيط لاهل الخبرة
• رحلتي لسوريا برفقه الشوفير ابومحمد
• استفسار عن دراسة اللغة في كولورادو سيبرينغ ضرورري
• السكن في الرياض يوم الملتقى
• معهد للغة قريب من الإجوارد رود
• واحد يوضح لنا ياشباب هل صحيح الدراسات العليا مالهم مقابلة ؟؟؟
• نصيحة للي بيدرس بأحد المعاهد لازم تعرف أحد يدرس فيه قبل لا تأتي
• معاهد صيفيه
• وزارة بـــــــــــلا معلومات
• معاهد
• اللي عنده اي سؤال عن تكساس وتحديدا هيوستن انا حاضر ومستعد للخدمه لوجه الله

حياك اخي

انصح بفلوريدا انترناشيونال في ميامي عشان بيها برنامج قوي للهندسة المدنية. و بالجامعة بكالريوس، ماستر، و دكتوراة. كونها في ميامي يسهل الوصول لها و يحتاجون درجة توفل ٦٣ و هي يسهل الحصول عليها و يريدون اختبار SAT I http://www.collegeboard.com/splash و اللي يمكن اختباره في اي مكان في العالم حتى الكويت. و يريدون ارسال شهادات الثانوية الى:

Florida International University
Office of Undergraduate Admissions
P.O. Box 659003
Miami, FL 33265-9003
USA

اتوقع الحين التقديم يكون حق سمستر الربيع و اللي يبدا في يناير
https://app.applyyourself.com/?ID=fiu-u
http://admissions.fiu.edu/how/apply.php

اهم شي تعبوا الفورم و ترسلوه قبل و بعدين يختبر الاختبارات المطلوبة. و ما بياخذوا الفورم الا بعد دفع قيمة الابلكيشن بالبطاقة و هي ٣٠ دولار

ان شاء الله يتوفق هناك و ما بيندم انه راح D=

http://apps.collegeboard.com/cbsearc...rchSatTest.jsp

موقع تسجيل الاختبار و امكانية اختيار الكويت كوحدة من الدول

و كيف اخوك في اللغة؟

يعطيك العافيه اخوي ما قصرت

انا اخوي مستواه فوق المتوسط وهو اساسا دخل كلية الهندسه بالكويت ووقف قيده يبي يدرس بأمريكا وان شااءلله بيمتحن توفل نص شهر مايو

بس بالنسبه لامتحان السات ماعندي معلومات عنه ياليت تفيدني

وانت شكلك اخوي تدرس بامريكا هل تدرس بنفس الجامعه ولا جامعه ثانيه وهل نفس المجال او مجال ثاني ؟

ومشكور اخوي ماقصرت على مساعدتك

المشاركة الأصلية كتبت بواسطة أديــــــــــم
http://www.arabtravelersforum.com/tr...4/#post2859179

يعطيك العافيه اخوي ما قصرت

انا اخوي مستواه فوق المتوسط وهو اساسا دخل كلية الهندسه بالكويت ووقف قيده يبي يدرس بأمريكا وان شااءلله بيمتحن توفل نص شهر مايو

بس بالنسبه لامتحان السات ماعندي معلومات عنه ياليت تفيدني

وانت شكلك اخوي تدرس بامريكا هل تدرس بنفس الجامعه ولا جامعه ثانيه وهل نفس المجال او مجال ثاني ؟

ومشكور اخوي ماقصرت على مساعدتك



انا ادرس هندسة بترول في كولورادو. السات يكون التسجيل له عن طريق موقع college board اللي وضعته لك و في مكانين بالكويت.

http://apps.collegeboard.com/cbsearc...rchSatTest.jsp

اضغط على الرابط و بتشوف select a test (date)

و اختر مثلا Jun 6 ثم اذهب اسفل و اختر الكويت من For International Test Centers ثم اختر search

بعدها يطلع لك Khaldiya Kuwait U و American Bilingual School كخيارين مختلفين و هذول هم مركزي الاختبار و اختار اللي تبيه و سجل الرقم اللي يبين على يسار اسم المركز و اللي يبدا ب5

بعد ذلك بتشوف على اليسار registration و اضغط عليها ثم اختر register now

سيطلب منك عمل بروفايل لاخيك فتضغط sign up

في الخطوة الاولى يطلب معلومات اخيك و يفضل كتابة الاسم مثل ما يبين في الجواز

الخطوة الثانية مو لازم تعبيها. الثالة تختر يوزر نيم و كلمة سر.

شوف بعدها اخي و اذا جاك شي صعب انا موجود

مشكور اخوي بجرب باجر واقولك

ماعرفت اسوي اخوي ياليت تساعدني

وبالنسبه للجامعه فلوريدا انترناشينال سويت account اخوي بس اكمله ادزلهم اياه ولا ننتظر لما يمتحن توفل وسات ؟

المشاركة الأصلية كتبت بواسطة أديــــــــــم
http://www.arabtravelersforum.com/tr...4/#post2876104

ماعرفت اسوي اخوي ياليت تساعدني

وبالنسبه للجامعه فلوريدا انترناشينال سويت account اخوي بس اكمله ادزلهم اياه ولا ننتظر لما يمتحن توفل وسات ؟



اذا عندك الخيار انك تدزه لهم و هو ناقص دزه لانه اهم شي الدز حتى لو كملت الفورمات بعدين.

بكمل من اخر التعليمات اللي عطيتك وياها.

بعد ما تسوي يوزر و باسوورد بيكون عندك بروفايل في college board. بتشوف تاب MY TESTS اضغط عليه و بتشوف Register for SAT و بيسالك عن الباسوورد مرة ثانية. بعدها بياكد على المعلومات الموجودة مثل الاسم و المدرسة الثانوية و العنوان بالكويت مهم عشان توصل الدرجات اليه على ورق حتى مع انه النتيجة تطلع اونلاين. و بعدها المفروض تختار محل الاختبار بس ما قدرت اني اوصل لهل مرحلة مدري ليش.

شوف ويش يصير معاك و قل لي ان احتجت شي زيادة