الموضوع: محتار وين اروح في المالديف وماليزيا

السلام عليكم

اخواني انا ناوي اروح المالديف شهر عسل ان شاء الله وبعدها اروح لماليزيا على حسب علمي ان المالديف ما ينقعد فيها اكثر من اسبوع وبعدها اروح للماليزيا..


ياريت اتساعدوني لان مب عارف اي هوتيل انزل في المالديف وانا اطلعت علي المواقع كله غالي في غالي بس ياريت حد ينصحني بهوتيل . وفي ماليزيا اي هوتيل لان والله مب عارف راح اطفش.

مواضيع عشوائيه ممكن تكون تعجبك اخترناها لك:

• طيران الاتحاد والحجز لمالديف
• طيران الجزيرة تطلق رحلاتها الي المالديف
• تنظيم رحلة الى سيريلانكا والمالديفاطفال
• استفسر عن منتجعين في بوكيت
• جزر القمر محتاج نصائحكم
• رغبة السفر للمالديف
• شهر عسل جديد بعد سنه زواج
• معلومات حول جــزيــرة كــيــش الايــرانــيــه
• كم متوسط قيمة الوجبة العربية في موريشيوس؟
• خبراء المالديف الفزعه
• من الكويت لموريشيوس وغلاء السعر
• رحلتي الثانيه الى جزر المالديف منتجع جميرا ديفانافوشي
• إخواني الأعضاء أين توجد هذه الجزيرة أو المدينة يوجد صور
• شهر عسل في جزر المالديف مساعده
• أبغى أستأجر جزيرة كاملة في المالديف
• نصائحكم و توجيهاتكم في التعامل مع مشكلة في الحجز
• من يفيدني
• جزيرة مايوت الفرنسية
• ابغاااا راااايكم تكفوووون
• ساير موريشيوس عقب باجر

هلا اخوي انا رايحه المالديف وماليزيا جميع فنادق المالديف اسعارها مرتفعه مره اقل شي الليله ب 500 ريال و في ماليزيا جلست فيه حلو مره اسمه كوروس corus الليله كانت بس ب 400 ريال مع الفطور والعشا .و موقع الفندق ممتاز بجانب التوين تاور ال klcc موقعه فظيع وفيه الاندر قراوند بجانبه
سهل التنقل الركوب بالقطار ب 2 ريال بس . والله يوفقكم

السلام عليكم

أنصحك انك ما تطول في المالديف أكثر من 3 ليالي لأن اسبوع كثير في المالديف وفنادق المالديف كلها غاليه بس انصحك بفندق فورس سيزون كوداهورا لأنه قريب من المطار

واذا كانت ميزانيتك ماتسمح أنصحك تكتفي بماليزيا بس أو تروح ماليزيا وجزيرة بوكيت في تايلند
لأن الأجواء اللي تبيها في المالديف موجوده في جزر تايلند وماليزيا وبأسعار أرخص بكثييييييييييييييييييير
وهذا من واقع تجربه شخصيه.....

اذا كنت تحب البحر والجزر عندك جزيرة لانكاوي في ماليزيا فيها كل اللي تدور عليه وأنصحك بفندق لانجاوي لاجون لأن غرفهم حلوه وفيه أكواخ مبنيه وسط البحر مثل الأكواخ اللي نشوفها في المالديف وأنصحك أيضا بفندق برجايا في جزيرة لانكاوي وهو عبارة عن شاليهات على البحر وميزة هالفندق انك ممكن تشوف القرود ( أعزكم الله) وممكن تعطيهم موز

وتقدر تروح لجزيرة بوكيت التايلنديه من جزيرة لانكاوي الماليزيه بالطيران الداخلي وبسعر رخيص جدا وممكن تحجز الطيران الداخلي من ماليزيا وعلى فكرة المسافه من لانكاوي لبوكيت حوالي ساعه بالطياره

وجزيرة بوكيت أحلى من جزيرة لانكاوي ولو ان الطبيعه متقاربه لكن اللي يميز بوكيت كثرة البرامج السياحيه فيها واذا كنت تحب الهدوء أنصحك بفندق الماريوت اللي على شاطىء ( ماي كوه ) لأن فيه ماريوت آخر ماأنصحك فيه وايضا اذا كنت تبحث عن المزيد من الهدوء أنصحك تروح جزيرة بي بي وهي جزيرة قريبه من بوكيت ( حوالي 40 دقيقه بالعباره )وأنصحك بفندق هوليداي ان بي بي آيلند , بس لا تطول اكثر من ليلتين أو ثلاث ليالي

أما اذا كنت تحب البحر والتسوق معا أنصحك بشاطىء باتونج بيتش اللي في جزيرة بوكيت وانصحك بفندق امبيانا أو فندق اماري كورال بيتش وأغلب البرامج السياحيه متوفره في شاطىء باتونج وتقدر تقظي أربع ليالي في شاطىء باتونج دون أن تشعر بالملل لأن يومك راح يكون حافل بالبرامج السياحيه والرحلات والأنشطه البحريه والتمشي ليلا ( بس مايعيب هالشاطىء كثرة العري على شاطىء البحر في موسم السياح الأوروبيين من شهر 10 الى شهر 4)

أما في كوالالمبور عاصمة ماليزيا فهناك الكثير من الفنادق والبرامج السياحيه وبامكانك الدخول لبوابة السفر الى ماليزيا للاستفاده من معلومات الاخوة الأعضاء

تقبل تحياتي

خلك على ماليزيا بس احلى ومنتب مال والفنادق عندك بكوالا ماندرين ورنتال روعه
بتوفيق

اخواني انا كنسلت ماليزيا اللحين رايح مكتب سفريات ،بشوف ابى بكيج رخيص وممتع

الف الف الف
الف الف الف
الف الف الف

الف الف الف الف الف الف الف
الف الف الف الف الف
الف الف الف
الف

مبـــــــــــــــروك على الزواج

وبارك الله لك وبارك عليك وجمع بينكم على خير

وبخصوص شهر العسل

انصحك إبـــ زيارة تقريري عن رحلتي الى شهر العسل

عن طريق هذا الرابط

http://www.arabtravelersforum.com/travel251934/


وكانت 5 ايام في المالديف و15 يوم في ماليزيا

واي شي او استفسار

نحن حاضرون

هلا والله انا اطلعت على موضوعك وعجبني بس ابدا مو جايب طاري ماليزيا



اللحين هاي مشكلتي يعطيك العافيه على هالتقرير

انا في خاطري فندق الكنراد لان ربعي كلهم يمدحونه لان فيه المطعم اللي تحت في البحر ويقولون خدماتهم اكثر من رايعه.
والله مادري صدق محتار يعني اسويها 10 ايام مالديف واخلص والا اخلي نص نص او 5 ايام مالديف و10 ماليزيا؟؟؟؟؟؟؟؟؟؟؟
يعني انا حسبتها بيتش فيلا في الكنراد الليله ب3000 وحبه في 10 ايام بنقول 32000 والتذاكر 6500 الشخص الاثنين 13000 على الامارت بزنس
هاي 45000 درهم !!!!!!!!!!!!!!! واذا اريد اروح ماليزيا اغلى واغلى بيصير البكيج شو الحل

السلام عليكم
الحل أخوي انك تكنسل المالديف وتستقر على ماليزيا
مثل ماقات لك في ماليزيا بتلقى اللي تدور عليه
10 أيام في المالديف واااااااااايد والمالديف مافيها برامج سياحيه
المالديف حق الاسترخاء وبس
أعتقد انك لو رحت ماليزيا بتلقى كل اللي تدور عليه وبربع أسعار المالديف

المشاركة الأصلية كتبت بواسطة مستر r
http://www.arabtravelersforum.com/tr...4/#post3368129

هلا والله انا اطلعت على موضوعك وعجبني بس ابدا مو جايب طاري ماليزيا









المشاركة الأصلية كتبت بواسطة مستر r
http://www.arabtravelersforum.com/tr...4/#post3368129

اللحين هاي مشكلتي يعطيك العافيه على هالتقرير

انا في خاطري فندق الكنراد لان ربعي كلهم يمدحونه لان فيه المطعم اللي تحت في البحر ويقولون خدماتهم اكثر من رايعه.
والله مادري صدق محتار يعني اسويها 10 ايام مالديف واخلص والا اخلي نص نص او 5 ايام مالديف و10 ماليزيا؟؟؟؟؟؟؟؟؟؟؟
يعني انا حسبتها بيتش فيلا في الكنراد الليله ب3000 وحبه في 10 ايام بنقول 32000 والتذاكر 6500 الشخص الاثنين 13000 على الامارت بزنس
هاي 45000 درهم !!!!!!!!!!!!!!! واذا اريد اروح ماليزيا اغلى واغلى بيصير البكيج شو الحل

حياك اخوي

مستر

بخصوص رحلتك

ترى المالديف اشوي غاليه يعني تكلفة اليوم الواحد لشخصين لا يقل عن 600 دولار

وعندك حل ثاني وهو انك تختار ماليزيا من غبر المالديف

وترى في ماليزيا فنادق حلوه وانا لمه اخذت فندق عباره عن شاليه غرفة وحمام سباحه

ومالزيا تمتاز بالرخص والسوق الجيد

وتقدر تروح من ماليزيا تروح تايلاند يومين وترد لانها قريبه

تكلفة روحتك للمالديف لمدة 6 ايام تساوي تكلفة رحتلك الى ماليزيا لمدة 12 يوم تقريبا