السلام عليكم ورحمة الله وبركاته
اولا كيف حالكم يا جماعه الخير انا بقلكم السالفة من طقطق لين سلام عليكم
انا ادمي تخرجت من الثانوية ونسبتي زينة ودخلت الجامعة بعد توفيق من الله ولكن ..... للأسف ما قدرت اكمل لصعوبة المواد واعتمادها الكلي في اللغة الانجليزية وبصراحة انا لغتي تقريبا 10 - 15 % المهم يا شباب فصلت من الجامعة وجلست عاطل عن العمل يمكن شهر الين ما جاء يوم وجاني الوالد الله يعطيه العافية وقلي قوووم يالدلخ تحرك سوي شئ في حياتك نوم واكل نوم واكل المهم قمت وانا طفشااااان قلي تعال ابغاك في المجلس رحت له لقيت افراد العائلة مجتمعين وانا داخل والنوم مالي عيني قلي اقعد المهم وبدؤا بمناقشة امري وانا جالس مني بحولهم الين ما قال الوالد وتقرر التالي ::
راح نسفرك برى شهرين تاخذ لك كورس انجليزي ، ( والله انا انبسطت قلت عز الطلب ) المهم وافقت على طول ( مسوي بياخذون رأية اصلا ) قلي بسفرك بريطانيا ، بكرة قوم روح شوف مكاتب سياحة وشوف الاسعار
المهم رحت في صباح اليوم التالي ومع تغريد العصافير ( يقصد نباح الكلاب وانتم بكرامه ) قمت متحمس واروح ادور لي مكاتب لقيت مكاتب لكن اسعارها متقاربة
المهم رحت عن واحد قلي شوف انا بطلعك بريطانيا لمدينة اسمها سوساكس او كوساس والله اني ناسي اسمها وبنسكنك مع عائلة في غرفة منفصلة واستقبال ووداع في المطار وكورس مكثف 30 ساعه اسبوعيا = 15500 ريال
المهم علمت الوالد قلي خلاص تم ....
الخلاصة يا جماعه الخير ::
1- احد يعرف المدينة اللي بدرس فيها سوكاس مدري كوساس وما هو رأيكم فيها ؟؟؟
2- بصراحة انا قلت لكم 10 - 15 % في الانجليزي فهل في امل اني اتحسن لاني بصراحة ما ابي افشل الوالد ومهو ما قصر معاي
3- الحين كل ما اكلم واحد بنفس الاسئلة يقلي مع الناس بتتعلم تتكلم انجليزي طيب يا شبااب الحين اذا انا ما اعرف وش يقولون ببالانليجلزي كيف بتعلم ؟؟؟
4- طالع تقريبا بعد اسبوع وش الاغراض اللي اخذها معاي علما بأن المده 60 يوم !!!
5- ما هي نصائحكم لكي اتعلم اللغة يعني وش المطلوب مني عشان افهم لاني اذا رحت بشوف الناس تتكلم زي ما قلت لكم لكن ما راح اعرف وش المعنى وبكذا ما راح اعرف اتكلم
واسف على الاطالة ،، واتمنى تسااعدوووني يا شباااااب !!!
وشكرا لكم ............
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة dohazone
المفضلات