لاهل الخبرة ارخص خطوط طيران ل نيويورك من دنفر

**ahmed3** · 02-03-2015, 12:38 AM

شكراً مقدما لكل من يحاول مساعدتي

ارغب في السفر الى نيويورك من دنفر ومشكلتي سعر تذكرة الطيران

ارجوا مساعدتي في توجيهي الى ارخص شركة طيران الى نيويورك بتاريخ 10 ديسمبر

مواضيع عشوائيه ممكن تكون تعجبك اخترناها لك:

**ahmedali** · 02-03-2015, 12:38 AM

خطوط الطيران الامريكية .. ما عندها سعر ثابت على الرحلات .. السعر يختلف بين مسافر و ثاني .. و يعتمد على اكثر من شي .. وقت شراء التذكرة .. عدد الكراسي المتوفره بالطياره وقت الحجز .. و اسعار الخطوط الثانية و المنافسه بينهم. مثلا لو تبي تدور اليوم على تذكرة راح تطلع لك اسعار ولو تسوي بحث بعد اسبوع يمكن تطلع لك اسبوع ثانية.

والعاده لو تبي تحصل على سعر افضل وانت متأكد من السفر احجز قبلها بكم شهر. ولكن في الحالات الي يكون السفر مو مخطط طله .. افضل شي تدخل المواقع الي تسوي مقارنه بالاسعار و يكون عندك فكره عن ارخص الطيران في اليوم الي تبي تسافر فيه.

من المواقع المفضلة عندي

http://farecast.live.com/?

افضل سعر اعاطاني ب 175 دولار - one way ولكن مطار الوصول هو مطار Newark مدينة في نيوجيرسي قريبة من نيويورك و في مواصلات بين نيويورك سيتي و المطار.

وفي موقع
http://www.kayak.com

نفس فكرة الاول .. يسوي بحث عن اكثر من خطوط و يرتبها على حسب رغبتك .. مثلا مده الرحلة عدد محطات التوقف خلال الرحلة مطار الوصول و مطار الاقلاع.

نصيحة: لمن تبي تسافر الى نيويورك لا تحدد اسم مطار معين مثلا تقول ابي مطار كيندي.. اكتب في خانت البحث .. New York, NY او الرمز يكفي NYC طبعا الكلام لو انت تبي تجلس في نيويورك سيتي. ولكن لو عندك رحله ثانية على احد المطارات الموجوده في نيويورك طبعا اختار المطار الي تبي تكمل رحتلك منه.

من الخطوط الاقتصادية الي بعض المواقع ما تسوي بحث لها:
http://www.jetblue.com

ملاحظة: بعض المواقع تشوف سعر مغري جدا جدا جدا .. ولكن لمن تشوف السعر عند الدفع يختلف والسبب انهم ما يحطون اسعار الضرايب و الرسوم الاضافيه و يرتفع سعر التذكرة. ميزة الموقعين الاولين يعطونك السعر كامل شامل كل الرسوم و الضرايب.

ان شاء الله تلاقي عرض حلو.و تجي نيويورك بالسلامة.