الموضوع: سااعدوني

:110:لوووووسمحتوا ابي جدوووول ماااااادري ايش الاماكن الحلوه والي تنفع للكبار والصغار ومن وين نستاجر السياره وفي فنادق اسعارهاا معقوله احنا بنروح ميامي وارلاندو ولوس انجلوس ولاس فيغاس ويمكن نيو يورك فسااااااعدوني الله يوووفقكم

مواضيع عشوائيه ممكن تكون تعجبك اخترناها لك:

• محتاج مساعده في شيكاغو
• الاخ والمشرفين الكرام ارجو افادتي
• هذا ما حصل بالضبط في مقابله السفاره الامريكيه بالكويت
• للأهمية ممكن احد يفيدني ؟؟
• الأفضل بين المكانين للسكن في اورلاندو
• إستفسارات تهم كل شخص يريد حجز موعدأخذ التأشيرةالأوراق المطلوبـةارجوا الإجابة
• تجاربكم لصيف م بأمريكا
• اريد مخطط لأفضل الأماكن لميامي و اورلاندو ولوس انجلوس وفيغاس ارجو المساعده
• اسعار تذاكر الطيران ناااار لي متى؟
• بنت الصقور
• تحرش المبتعثين بالمبتعثات خايفه
• سمعت كثير من الناس يقولون ان متطلبات السفر الى امريكا صعبه جدا فكيف ذلك هل هذا صحيح
• ما هي أفضل خطوط الطيران من بورتلاند الى الرياض
• ماريوت اورلاندو
• فيلا روعة رخص التراب كالفورنيا
• دلتا ايرلاينز مين جربها
• من فيكم راح لاس فيقس؟؟؟
• بخصوص الفيزا
• هل يوجد في امريكا جرائم
• استفسار عن فندق ريزيدنس إن باي ماريوت أنهايم مينجيت

اختي Sooze ..
انا اقدر افيدج بخصوص اورلاندو وميامي ..
بالنسبه للسياره تقدرين تستأجرينها .. اما من احد المواقع الخاصه بشركات تأجير السيارات ..
ومنها عن تجربه ..

http://www.alamo.com/
دقيقين فالحجز والوصول لهم سهل .. اما عن طريق مكاتب فالمطار نفسه توفر لج السياره او باصات تاخذج لين الفرع فالوضع سهل جداً .. لكن أحياناً تكون اسعارهم اغلى من غيرهم لذا تقدرين تقارنين بينهم وبين

http://www.nationalcar.com/ أو
http://www.enterprise.com/car_rental/home.do

هذي بالنسبه للسياره ..
اما الفندق (اورلاندو) ..
فانتي ذاكره انه تبون برامج للأطفال او لكبار .. لذى بحكم انكم عايله ومن اكثر الفنادق اللي بتناسبكم ..

سعره مناسب وموقعه ممتاز قريب من كلشي واهم شي نظافة الغرف والاثاث والمعامله ممتازه ..

http://www.starwoodvacationownership...rt/welcome.jsp

تقدرين تحجزين من الموقع مباشر .. اهم شي تأكدي يطرشون لج الكونفرميشن مال الحجز ..

واذا ماعجبج الفندق وتبين خيارات اخرى انا حاضره ..

بالنسبه لميامي ففنادقها تختلف عن اورلاندو اورلاندو فيها نظام المنتجعات وميامي غرف ..
انا جربت كل من

http://www.marriott.com/hotels/trave...t-hotel-miami/

وايد حلو هالفندق! .. لكن اذا كان سعره مقارب لفندق لوز .. فانصحج فيه وهذا موقعهم ..

http://www.loewshotels.com/en/Hotels.../Overview.aspx

راااااااااائع و5 ستار بمعنى الكلمه ..

اما هالفندق حياة ريجنسي ..

http://atlantagalleria.place.hyatt.c...aplaceredirect

حلو وسعره جداً مناسب .. واحنا ارتحنا فيه لكن مايطل على البحر ويقع فالداون تاون ..

توني اقرى انج تبين اماكن بعد ..

اول شي ميامي .. مجمعات واسواق والمحيط! ..
الشواطئ عندهم رائعه وعندج كل من Ocean Drive شارع فيه مطاعم ومحلات ..
Bayside Mall مجمع Out & Indoor وااااااااايد حلو وقعدات العشى فيه روعه!
Coco walk .. مجمع صغير في مطعم تشيز كيك فاكتوري وجم محل امريكي .. وايد حلو ..

افنتورا مول .. وديدلاند مول .. مجمعات كبيره وفيها كل المحلات الامريكيه ..
بل هاربر مول .. مجمع كله ماركات كل الماركات العالميه موجوده فيه!

والاوت لت .. Dolphin Mall .. روعه وفيه محلات وايد ..
ميامي فيها رحلات جت سكي تطلع من الميامي يخت كلاب او ميامي بوت .. روعه هالجولات انصحكم فيها ..

هذي عن ميامي اورلاندو طبعاً حدائق ديزني ويونيفرسال والـSeaWorld ..
حدايق ديزني 4 حدايق ولكل حديقه يوم .. ويونيفرسال حديقتين .. والسي ورلد حديقه عاديه فيها عروض والعاب وحديقه مائيه اسمها اكوا تيكا ..

البيت المقلوب والبيت المعوي .. حلوين وفيهم اشيا غريبه جداً .. وكل شي ذكرته لحد الان يصلح للكبار ولصغار ..
بالنسبه للاسواق في اورلاندو ..

Florida Mall .. ذا مول ات مالينيا ..
و 3 مجمعات اوت لت .. منها انرناشينوال وبونت ون وبريميم ..
وفيه اماكن اخرى بعد .. جولات بالهوليكبتر وغيره اذا تحبون ..
وحدائق مائيه ثانيه مثل typhoon Lagoon و بليزرد بيج ..

بالنسبه لنيويورك .. فأول ماتوصلون في جوله تعريفيه بنيويورك تاخذونها بالباص ..
بتمر بأهم النقاط في نيويورك .. منها تمثال الحريه وجاينا تاون والكثير الكثير .. فبتكون عندكم فكره وتقدرون ترجعون للي عجبكم بالايام ..
ومهم انكم تسكنون بالتايمز سكوير آمن شي ..

لاس فيجاس فيها الفنادق .. والعروض الليليه ..
احسن المجمعات موحوده بسيزرز او بيلاجيو حاولو تسكنون في احد هالفندقين وتمشو فالباقي مثل الفينيشين وباريس والباقي ..
ومن اهم العروض في فيجاس سيرك دو سوليه وعروض الساحر ديفيد كوبر فيلد .. هذي اللي اكثر شي سمعت عنه ..

ozyeee مشكووووره مااقصرتي واسفه تعبتك معااااناا مااقصرتي

يعطيك العافيه اووووووووووزي والله كفيتي ووفيتي وبعد اللي جبتيها الواحد ماعندو اي شي يضيفو


:113::113::113::113::113::113::113: