الموضوع: اعرف اسماء الاسواق بس حابه اعرف قربهم لبعض

السلام عليكم ورحمة الله وبركاته

ان شاء الله جايه يوم الاحد 20 ديسمبر طبعا هاذي الزياره الخامسه بس ما اروح الا
الافنيوز وشرق والفنار وزهره والمعلم الاحمر
هالمره ودي اغير

وحابه اتقضى لبس للمحجبات بعد البحث عرفت كذا اسم

طلبي هو ودي اعرف اذا في مجمعات متقاربه حتى اوفر وقت وجزاكم الله خير

الاسماء اللي غرفتها

المهلب و كويت ماجيك و مجمع النقره و مجمع المنشر والكوت

ومجمع العربيد بس كأن العربيد جلابيات وانا ما احتاجها

يارب تفيدوني يا صبايا ونساء الكويت الكرام ولو في اضافه
بعد استفيد وتستيفيدون الاجر باذن الله

مواضيع عشوائيه ممكن تكون تعجبك اخترناها لك:

• «الكويتية» توقع عقداً بتكلفة ملايين دينار لتأجير طائرة إيرباص
• مطلوب برنامج
• عدة استفسارات بخصوص الكويت
• باقي عن رحلتي يومين
• جيييييت جيييييت للكويت
• عاجل للأهميه
• يومين بس احتاج سكن مناسب واهم الاماكن
• لا يطوفكم مهرجان جمعية المعلمين اسرتنا سر سعادتنا
• السنغافورية الى الكويت قريبا
• بخصوص مباراة برشلونه ومدريد
• بخصوص الاتصال لجوال كويتي
• أرقام جميع المطاعم والكافيهات بدولة الكويت
• ماهي الأماكن السياحيه المهمة في الصين
• بناء برج بطول متر
• مباني تاريخية في دولة الكويت الحبيبة
• شنو المشكلة
• دلوني على مطعم يشوي السمك السمك من عندي
• وين موقع فندق ريتز الشرق الكويت
• افتتاح عطورات بارفيوميري دكسيبسيون
• اهلين يا أهل الكويت

هلا حبيبتى حياج الله


المنشر -الكوت بمنطقه الفحاحيل بالقرب منهم كويت ماجيك بمنطقه ابو حليفه كلهم يقعون على الطريق

الساحلى يعنى امتداد لشارع البحر


المهلب ومحمع النقره بمنطقه واحده تقريبا بحولى بينهما شارع بس المنطقه هذى مزدحمه

حييل بفضل زيارتها بالنهار او بعد العصر مباشره المهلب اعتقد محلات ما تسكر بالظهيره

اما النقره روحوا له بعد العصر ويمه على طول النقره الجنوبى فيه ملابس للمحجبات وموديلاته

حلو ومنفاوته من الرخيص للمتوسط وساوموا بالاسعار بالنقره الجنوبى والشمالى لان الاسعار مو محدوده


اما العربيد فيه اثنين واحد مول وواحد مثل مجمع قديم للدراعات والجلاليب والعبى والخياطين اما المول

فهو مول فيه ملابس ومحلات متنوعه وملاصق له الحمراء مو ويقعون فى منطقه الفروانيه


فى مولات متقاربه بمنطقه السالميه مثل الفنار -ليلى جاليرى -الدانه-زهره-مارينا مول-البستان

كلهم بنفس الشارع وامتداد لشارع واحد

واذا عندج اى استفسار انا حاضره

المهلب فيه كذا محل لملابس المحجبات مثل جويس و كوتون و يفتح من 10 الصبح لي 10 بليل متواصل

مجمع النقره الشمالي و الجنوبي يسكرون الظهر من الساعه 1 لي 4 (انتبهوا لهشي عشان ما تضيعون وقت) و فعلا في ملابس حلو و اسعارهم جيده

وعندج سوق السالمية القديم اللي يبدي من مطافي السالميه صوب مرسيدس بنز

اهني محلات كثيره واسعارهم حلوه مجرد تركنين السياره بالباركنج وتجولي بريوولج محلات ملاصقه لبعض

وخاصه للمتحجبات ..

وحياج الله

ماقصرتوا خواتي وجزاكم الله خير
ام بدر
Hambka
واحلى كيميائيه

صراحه جبرتوا بخاطري الله يجبر خواطركم

بالذات اختي كيميائيه هاذي ثاني مره تردين علي

الله يرزقك الصحه والعافيه ويشفيك ويشفي مرضى المسلمين
اختي كميائيه انا متاكده انك كريمه وما تقصرين
بس ان الذكرى تنفع المؤمنين حبيبتي اكثري من الصدقه
انا عارفه انك تتصدقين عشان كذا اقولك اكثري يعني زيدي
العيار حبتين
يقول رسول الله صللى الله عليه وسلم وهو لا ينطق عن الهوى
( داوو مرضاكم بالصدقه )

كتبت كل كلامكم عشان ما يضيع علي وقت

تحياتي

_ في بمنطقة حولي : المهلب + النقرة + مجمع العثمان ( بس النقرة والعثمان شوي مجمعات قديمة لكن فيها لبس مناسب للمتحجبات واسعار معقولة )

اما الباقي مثل الافنيوز ومارينا مول وسوق شرق و360 مول والفنار والبستان وغيره ممكن تلاقين فيهم بعد بس مو كل المحلات تناسب

وحيااكم الله

شوفي تقريري كاتب عن المجمعات و مفصل عن اماكنهم بس
عاد سالفة الاحجابات ما اقدر افيدكي اسف ما اعرف