الموضوع: اى الولايات جوها زين فى شهر مارس؟

السلام عليكم

توى واصل من لندن وباقى فينى حماس السفر والسياحه والحين عازم النيه على بلاد العم سام..

بدي اعرف اى الولايات جوها زين فى شهر فبراير ومارس؟

وهل تنصحونى ابدأ فى امور طلب الفيزا من الحين؟

هل يقدرون يعرفون اى بلد زرتها بدون جوازى الحالي وجزازى القديم؟ اقصد اول جواز اخذته فى حياتى ..هل يقدرون يعرفون وش فيه والا بس حدهم الجواز الحالي واللى قبله فقط؟



بس هالسؤالين والله يعافيكم؟

مواضيع عشوائيه ممكن تكون تعجبك اخترناها لك:

• عااااااجل جداً
• اخوي استفسار بسيط
• هل مقاعد الخطوط السعوديه فيها هذا الشئ ؟
• نصيحة توقعوا يسألونكم عن أي شئ
• هل تبحث عن رحلة الي امريكا سواء دولية ام داخليه
• العمل بدون تصريح مسبق فى نيويورك لسائح
• سافرت للكثير من المدن الأمريكية من للآن
• قنصلية جدة مستمرة في إغلاق أبوابها أمام التأشيرات
• اللي من سوريا بليييييييز بسرعه
• سوأل للخبراء الاكل ودخوله في المطار
• ارجوا المساعده في تأجير السياره
• ابغى سكن في
• فين الغلط فهمووووني
• اريد اشحن من سان فرانسيسكوا كييييييف
• ابي شقق بواشنطن دي سي او فرجينيا
• لاس فيجاس الماضي والحاضر
• بعد يوم وصلت الموافقة و طريقة ممكن تضبط
• افيدوني
• رايكم تكفوون لوس انجلوس ولا سان دييغو
• طلب مستعجل الله يخليكم ساعدوني

الوقت الي بتطلع فيه .. افضل ولاية من ناحية الجو فلوريدا !!

نعم قدم من الحين ويا دوب ..

طبعاً لا زم يعرفوا وين سافرت اخر عشرة سنوات .. ويمكن يطلبوا جوازاتك القديمة ..

بالتوفيق

اخى العزيز

متوفر عندى جوازي الحالي واللى قبله فقط....سؤال هل عندهم مصادر اخرى غير هالجوازات ممكن يعرفون منها والا حدهم اللى بالجوازين فقط؟

والله يمكن يجيبوها بس انت خايف من ايش ؟

كل هالخوف عشانك رايح سوريا؟؟ وش فيها اذا رحت سوريا ما فيها أي شي

أنا رحت سوريا قبل وأعرف ناس كثيرين راحوا سوريا وطلعت لهم الفيزا على طول

اذا سالوك ليش رايح سوريا قل سياحة لانها رخيصة والجو فيها حلو ... واهم شي قلهم كل معلوماتك صحيحة وخلك دقيق في اجابتك وراح تتسهل أمورك

موفق

ايوالله يا لايف هارت هذى كل السالفه

اخاف اقول لا ما رحت فيعرفون بطريقه او باخرى برحلتى القديمه فيرفضون طلبي بحجة اعطاء معلومات غلط...واخاف اقول ايه رحت فادخل فى دوامة سين وجيم وقلق يطلع علي اكثر من بيع السوق...

كانت رحلة الندامه لسوريا ذيك السنه ماغير خساير على الفاضى

عزيزي

زي ما اتفضل عزيزينا لايف هيرت

خليك صريح وانت قلت انها في 98 يعني داخلة من اخر 10 سنوات ولازم تذكرها ..في نموذج Ds - 157

ولا تخاف وبالتوفيق

عزيزي قلهم انك رحت وبكل ثقة بعد

لاتنسى ان نسبة كبيرة من السعوديين قد راحوا سوريا اقل شي مرة في حياتهم وما صارت لهم مشاكل في الفيزا

بل اني أعرف ناس ما عمرهم سافروا سوريا وتأخرت الفيزا عليهم شوي (حوالي شهر)

وناس راحوا سوريا وطلعت فيزهم أسرع من غيرهم

انت ما رحت سوريا لنشاط مشبوه ... انت رايح سياحة ... عشان كذا اكتب هالكلام وخلك واثق من نفسك ... واذا كنت رايح مع الأهل لسوريا أفضل بعد ... قلهم انك رحت سياحة مع الاهل حتى لو كانت قبل أكثر من 10 سنوات عشان تكون في السيف سايد

موفق ... ولا تنسى اذا طلعت الفيزا نبي عزيمة لي وامباكت

مشكورين ياشباب على الردود والله يكتب اللى فيه الخير

لاتخاف من اي شي اخوي وخلك واثق وقول الشي الي يسألوك عنه بس والموضوع سهاله ...... انا كنت خايف زيك من الاسئله بس لاتشيل هم تراهم شعب فله على قولتنا ...... واذا سالوك سافرت سوريا قول ايه ...... لاتقول متى؟ قبل عشر سنوات ولا بعد؟ ........ راح يحسوا انه عند شي غريب .... خلك هادي وجاوب بثقه مع ابتسامه بريئه :109::24: ...... والله يسهلك ان شالله وطمنا عليك