[font="Arial"][center][size="5"]لكل أعضاء المسافرون العرب:

السلام عليكم ورحمة الله وبركاته ..

طبعاً العام زي هذا الوقت كنت ألفلف من موضوع لموضوع حااايسة بخصوص التخطيط لشهر العسل بفرنسا..

والحمد لله ساعدني هذا الموقع كثييييير على ترتيب الرحلة بطريقة أكثر من رائعة..

فحبيت أشارككم تفاصيل الرحلة وأتمنى إنها تكون مفيدة ..

----
من وجهة نظري الرحلة الناجحة هي الرحلة المنظمة ... وقبل ما أبدأ التقرير المصور حبيت أركز على كذا نقطة للي ما سافر قبل ..
نصائح عامة:
(1) قسم المبلغ المخصص للرحلة لثلاثة أقسام ،، قسم بالفيزا (معظم الفنادق تفضل الدفع بالفيزا) ، وقسم بحسابك الجاري (طبعاً لازم تتأكد من البنك إن صرافك يعمل بالخارج) ،، وقسم كاش (والأفضل إنك تحول الريال السعودي ليورو من السعودية لأنك راح تحتاج مبلغ باليورو أول ما توصل المطار،، وبهذي الطريقة راح توفر على نفسك الفرفرة في المطار عشان تدور على مركز التحويل).
(2) الصرافات والفيزا وجوازات السفر حطها بخزنة الفندق أول ما توصل،، ومعظم الفنادق توفر لك خزنة تقفلها برقم سري من اختيارك ومأمونة جداً..
(3) لا تحمل المبلغ الكاش بكامله معاك ،، شيل معاك اللي يمشيك اليوم أو أكثر ،، والباقي ارفعه في الخزنة برضه.. وبالنسبة للمبلغ اللي راح تشيله معاك قسمه بينك وبين زوجتك عشان لا سمح الله لو أحد ضيع الفلوس يكون عند الثاني مبلغ يكملو بيه يومهم ( إنت شيل 10% وأعطيها 90% ) وصدقوني هذي احتياطات توفر عليكم مواقف محرجة كثير والأهم تعطيكم راحة البال.. أنا وزوجي سويناها وارتحنا كثير..
(4) أغلى شيء تتوقعوه في فرنسا : المــــــاء .. يترواح سعر قارورة الموية الصغيرة من 1 يورو (6ريال) لـ 6 يورو (36 ريال) .. فإذا كان عددكم قليل (1 أو 2) ما راح يأثر كثير.. لكن لو كنتم أكثر تقدروا تاخذوا كرتون موية معاكم من هنا (لاحظت كثير من اللي نازلين معانا بالفندق مسوينها) وانتبهوا إن الموسم صيف يعني راح تحتاجوا الموية بكثرة..
(5) المترو أفضل من التاكسي بكثير ،، مو من الناحية المادية بس ،، كمان من ناحية الراحة وتوسع الخيارات،، المترو راح يعطيك فرصة إنك تتعرف على الناس وصخب الحياة بباريس ،، خريطة المترو راح تلاقيها عند كل مركز يبيع تذاكر المترو.. والعملية سهلة جداً وراح تتحول لعبة في الأخير..
(6) المطاعم العربية بباريس

مواضيع عشوائيه ممكن تكون تعجبك اخترناها لك: