الموضوع: الفروانية هذي وينها فيه

الاخوة الكرام
الاخوات الكريمات


اخواني بجي للكويت وتحديدا ابغى جمعية الفروانية
والسؤال الفروانية هذي حي في الكويت ولا مدينة
وكيف اصل لها علما اني بجي مع الرقعي ...

ياليت تعلمونا وتوصفون لي ... لاني لو مااحد وصف لي
باصل اخر الكويت ..
لاني ماادل هناااااك نهائي وماسبق ورحت للكويت الا مره واحده
وضعت بطرقكم الدايرية مااشاء الله عندكم مية دايري الخامس والرابع
و... ..و.....

** واللي ماوده يوصف يقول لي معلم واضح جوار الفروانية هذي حتى اسال عنه
او على الاقل الوجهه وين .. وكم تبعد عن الحد حتى ندور والله يعينا وياكم

بانتظاركم

مواضيع عشوائيه ممكن تكون تعجبك اخترناها لك:

• رحلة مفيم فى السعودية الى الكويت
• وين افخم منتجع؟؟؟
• الكويت عينها على السياحة
• تكوفووووووووووووووووووون مساعدني
• هل الكويت حبايبنا
• بازوركم يااهل الكويت ساعدوني
• شقق نظيفة وعائلية و واسعة في السالمية طلبتكم يا هل الكويت
• سؤال عن بيضون الذي في شرق
• نصيحة لمن أراد شقق مفروشة ممتازة بالكويت عليه بـ سارة بلازا
• تكفوووووووون يااهل الذوق
• استفسار عاجل واللي يرحكم والديكم
• الخطوط البريطانية تزيد رحلاتها إلى الكويت
• في اسواق للبالات او اللنكات اسواق الاغراض المستعملة لكن جديدة
• محتاجة مساعدة ضروري
• لقـــاء القلوب فى ضيافة فهـــــــاد ومهند الفارس فى وفرة الخير
• فندق بلازا أثينية
• هل رأت هذه المشاريع الضخمه النور بالكويت ؟؟
• جاي الكويت بكره وعني كذا سؤال ؟؟
• ودي بخطوط ارخص من السعوديه سؤال هل العربيه تودي للكويت
• افضل محل لشراء احذية اديداس بالكويت

من اي حدود بتدش الكويت علشان ندليك

اذا تبي تروح الفروانيه تصعد الدائري السادس

سيده لما تشووف لافته مكتوب عليها الفروانيه و محطة البضائع

تاخذ يمين اول دخله تنزل من الجسر سييييييده لي الاشاره يمين تدش الفروانيه

جمعية الفروانية موجودة فى منطقة الفروانية بالقرب من منطقة الرقعى، وهى موجودة فى اول شارع حبيب مناور اشهر شارع بالفروانية وهى قبل مطعم جاد للفلافل

المشاركة الأصلية كتبت بواسطة a.baroun
http://www.arabtravelersforum.com/tr...1/#post3350711

من اي حدود بتدش الكويت علشان ندليك




بجي من حفر الباطن ... على الرقعي
ومانستغني طال عمرك

المشاركة الأصلية كتبت بواسطة a.baroun
http://www.arabtravelersforum.com/tr...5/#post3350715

اذا تبي تروح الفروانيه تصعد الدائري السادس

سيده لما تشووف لافته مكتوب عليها الفروانيه و محطة البضائع

تاخذ يمين اول دخله تنزل من الجسر سييييييده لي الاشاره يمين تدش الفروانيه



حياك اخوي ...
ولكن انت قلي من الرقعي كيف اصعد الدايري السادس هذا
ترا الغشيم عمى

المشاركة الأصلية كتبت بواسطة mikano
http://www.arabtravelersforum.com/tr...5/#post3351105

جمعية الفروانية موجودة فى منطقة الفروانية بالقرب من منطقة الرقعى، وهى موجودة فى اول شارع حبيب مناور اشهر شارع بالفروانية وهى قبل مطعم جاد للفلافل



يعني الفروانية قريبه من المنفذ الرقعي ؟؟
تذكر لما جينا الكويت من يوم دخلنا الكويت مافيه اي مدينة الا بعد 100 كلم اللي هي الجهراء ؟؟
ارجو التوضيح
ومانستغني ... وترا ان ماوصفتلي سيرت عليك ببيتك

وانت جاي من الرقعي باتجاة الكويت تمشي في منطقه صحراويه اسمها السالمي كمل لين تجيك اشارات مدينه الكويت اتبعها راح تدخل على دائري الخامس او السادس اذا راح فيك الطريق للدائري السادس تمرك لافته الفروانيه لانها موجوده على الدائري السادس مباشره


واذا


راح فيك الطريق على الدائري الخامس اتبع اشاره مكتوب عليها المطار وعلامه طيارة

لان المطار موجود بعد بالفروانيه

من الحد (منفذ الرقعي) الى الفروانيه حولي 120 كلم اول ما تلاقي اللوحات الارشاديه اتبع لوحه الكويت او السالميه
ولما تدخل راح تحصل اللوحات الارشاديه للفروانيه طبعا الكويت ما تسمي مدن تسمي مناطق لان المناطق قريبه من بعض ابعد منطقه هي الاحمدي تبعد عن العاصمه الكويت حوالي 80 كلم

هذي خريطه دوله الكويت فيها اسامي المناطق والشوارع انشاء الله تفيدك http://gis1.baladia.gov.kw/


واذا عندك جيهاز نفقيتر احسن لك من دوخه الراس يقطك على طول على جمعيه الفروانيه وشكلك تبي مجمع العربيد للدراريع

هذا سوق يبيله قعده وموحلوة تدوخ على ماتوصله

انا اشترك بهذا المنتدى علشان ارد على موضوعك


و بنسبة للفروانية هي شبه مدينة تقع في محافظة الفروانية يحطها من الجنوب الدائري السادس و الشرق خط المطار و الغرب خط ميناء الشويخ


و بنسبة للمنفذ منفذ الرقعي هو منفذ السالمي علشان الاعضاء ما يخربطون


و السالمي بينها و بين الجهراء 105 كيلوات بالضبط و الجهراء بينها و بين الفروانية 40 كيلو


و اول ما ينتهي خط السالمي راح يكون قدامك طريقين طريق الجهراء سيدا و طريق الدائري السادس يمين خذ يمين بإتجاه المسيلة لأن الدائري السادس ينتهي بمنطقة اسمها المسيلة كمل سيدا سيدا لين يجيك ستاد جابر الدولي على يسارك كمل سيدا تلاقي لوحات مكتوب فيها ميناء الشويخ فروانية رحاب لازم تاخذها ضروري لف يمين بعدين تلقا لفة فيها لوحة مكتوب جنوب الفروانية لا تاخذها كمل خذ الدخلة الثانية من صوب الرحاب بعدين تدخل الفروانية


بس الجمعية ما ادلها اعذرني و اذا تبي خريطة هاك ان شاء الله تفيدك

[IMG]Cocuments and SettingsXPPRESP3Desktop emp_37ade9deAc75eA4413A 860fA88cd7d887c04.png[/IMG]


[IMG]Cocuments and SettingsXPPRESP3Desktop emp_74934171Aa48dA4d92A b121Af84aa590d347.png[/IMG]



إن شاء الله توصل و اذا ما تدل الجمعية داخل الفروانية اسئل اي واحد

افدى هالمعرفات ...
والله ياانتم نشاما من جد ...
ركاز ... على راسي طال عمرك
دمتم بخير ...

حركة المطار هذي ...
حلت 90 % من القضية

اشكر كل من شارك ولكم كل الود

خذ كلامي و انا اخوك انا من سكان محافظة الفروانية اعرفها مثل بيتنا بس ما ادل الجمعية الى اعرفه عن الجميعة انها تقابل مجمع مغاتير و المخفر بس

المشاركة الأصلية كتبت بواسطة ولد خمس نجوم
http://www.arabtravelersforum.com/tr...5/#post3352655

خذ كلامي و انا اخوك انا من سكان محافظة الفروانية اعرفها مثل بيتنا بس ما ادل الجمعية الى اعرفه عن الجميعة انها تقابل مجمع مغاتير و المخفر بس

اخي الفاضل ...
تسجيلك عشاني موضع احترامي وتقديري ودليل ان فيك خير وحب للمساعدة
فشكرا لك ياصاحبي ...
ويكفيني عن الخريطة وصفك التفصيلي ... الصراحه انك احرجتني .. وصدقني اني
ادعيلك .. واكيد لما اجي الديره واشوف الاستاد الرياضي بتذكرك ...

دمت بود واي خدمه من السعودية احنا بالخدمه طال عمرك

المهم مشكور على اهتمامك فيني بس لازم تتبع الجدول يلي قلته لك







انت راح تجي من خط السالمي و يتنهي عند تقاطع طريق الجهراء و الدائري السادس




امش مع الخط لا يمين ولا يسار اذا جاك استاذ جابر على يسارك تذكر انه في لفه و بعدين راح تجيك لوحة مكتوب فيها ميناء الشويخ و الفروانية و الرحاب خذه اوكيه



بعدين تصير منطقة الفروانية على يمينك في لفه تجيك مكتوب فيها جنوب الفروانية لا تاخذها لا تاخذها لا تاخذها بثلاث


بعدين تجيك لفه الثانية الفروانية و الرحاب لازم تاخذها خذها و ادخل الفروانية يمين و خلاص و الجمعية اسئل اي واحد قوله وين الجمعية الكبيرة يوصفونك لأنها قريبة



اي سؤال اخوي انا حاظر

.
.
.
.
.
.
.
.

...
...

المشاركة الأصلية كتبت بواسطة ولد خمس نجوم
http://www.arabtravelersforum.com/tr...3/#post3354543

المهم مشكور على اهتمامك فيني بس لازم تتبع الجدول يلي قلته لك







انت راح تجي من خط السالمي و يتنهي عند تقاطع طريق الجهراء و الدائري السادس خذه




امش مع الخط لا يمين ولا يسار اذا جاك استاذ جابر على يسارك تذكر انه في لفه و بعدين راح تجيك لوحة مكتوب فيها ميناء الشويخ و الفروانية و الرحاب خذه اوكيه



بعدين تصير منطقة الفروانية على يمينك في لفه تجيك مكتوب فيها جنوب الفروانية لا تاخذها لا تاخذها لا تاخذها بثلاث


بعدين تجيك لفه الثانية الفروانية و الرحاب لازم تاخذها خذها و ادخل الفروانية يمين و خلاص و الجمعية اسئل اي واحد قوله وين الجمعية الكبيرة يوصفونك لأنها قريبة



اي سؤال اخوي انا حاظر

ـ.ـ.ـ.ـ.ـ.ـ.ـ.ـ.ـ.ـ.ـ.ـ

عاشت ايامك

ها شصار معاك