الموضوع: رحلة بنت الصقور الى بالصور

السلام عليكم جميعا .. اليوم سوف أطير بكم الى مدينة لاس فيغاس أو كما يطلق عليها سين سيتى ... بسم الله نبدأ
طبعا الرحلة كانت عن طريق البر من لوس انجلوس و بالتحديد ايرفاين ... انطلقنا صباحا فى الساعة العاشرة .. و اتجهنا الى مدينة ثانية اسمها لوماليندا لأصطحب صديقتى كارول ... لحسن الحظ انها عالدرب .. الرحلة فى العادة تستغرق 5 ساعات بدون توقف ... و هذى تعتبر مسافة عادية جدا فى امريكا ... بس الله لا يوريكم الطريق .. كأنك فى فيلم كوبوى :11ight: .. لاس فيجاس طبعا فى ولاية نيفادا و يغلب عليها الجو و الطبيعة الصحراوية ... بس أحلى شى فى وسط هالصحرا و الأرض القاحلة فجأة تطلعلك محطة وقود قديمة جدا و فيها شايب .. تماما مثل الأفلام .. و بعدها محطات استراحة و مطاعم أكلات سريعة .. تستغرب من وجودها فى هالمكان ... يعنى اللى يشتغلون فى هالمطاعم وين يسكنون ياترى ؟ لا توجد أى منطقة سكنية حولهم .. عجيب :114: ... المهم توقفنا فى محطة بيكر و هذى من أكبر المحطات بالضبط فى الوسط ما بين لاس فيغاس و لوس انجلوس ... بعضنا أكل و بعضنا قالوا بينتظرون و بياكلون هناك ... أنا طلعت أشطر منهم و أكلت مرتين :109: ... بعد توقف دام نص ساعة تقريبا .. كملنا مسارنا مع تهديدات و وعيد اخوى انه ماكو نزلة لين نوصل الفندق .. بس من يقول ... أنا ماهمنى فى الرحلة كلها إلا السوق اللى عالحدود .. هذا يا إخوان مراكز اللى يطلقون عليها اسم أوتليت .. اللى تبيع البضائع المخفضة ... فكرة انشائها على حدود فيغاس ذكية جدا بحيث اتهم يستغلون اللى رايح و اللى جاى ... بس شنو بضائع و شنو ماركات و بالرخص طبعا .. :107:

مواضيع عشوائيه ممكن تكون تعجبك اخترناها لك:

• ابغى خدمه يااهل دالاسالله يسعددكم
• الى مشرفينا الافاضل وكل من لديه خبرة
• استفسار عن اجارءات المقابله للفيزا والمطلوب؟؟
• وين البرج هذا ؟؟ باي مدينه بامريكا ارجو المساعده تعبت
• يا باغي الخير اقبل
• الرخصة السعودية في امريكا
• ساعدوني بليييييييييز تعبت وانا ادور ومالقيت معلومات
• الفنادق القريبة من الملحقية الثقافية السعودية في واشنطن
• تغيير موعد المقابلة ؟؟؟؟؟؟؟؟؟؟؟
• تغيير موعد المقابلة
• اهم الاسواق في امريكا
• استغسار عن اجرائات الدراسة ارجو من الاخوة الافادة
• ساعدوني رايح انا و الاهل لوس انجبوس ابي سكن
• استفسار سريع جدا بليييييز عن شيكاغو
• انا رايحه امريكا وناااااااسه
• أفضل فنادق أربع نجوم في مدينة سان فرانسيسكو في الولايات المتحدة الأمريكية
• ابا اطلع فيزا امريكا من الامارات ؟؟؟
• تعبئة نموذج التأشيره السياحيه
• هل في فرق بين مطار جون كنيدي و مطار لاغوارديا
• وداعا يالكرت الاحمر

تابع...
[align=center]بعد الصياح و الترجى وافق انه ينزلنا لمدة نص ساعة بس .. نزلنا و تسوقنا و فى جنب المركز فندق و كازينو .. دور ما داير الفندق رولر كوستر اللى هو قطار الموت ... يلتف حولين الفندق شكلة عجيب غريب .. الاخوان فضلوا انهم يلعبون اللعبه لين نخلص من السوق .. صارت الساعة 4 العصر تعبنا من الشمس قلنا خل نكمل طريقنا عشان نوصل الفندق و نرتاح و لا تنسون فيه جماعة ماتغدوا بعد ... وصلنا بحمد الله الفندق ... بيلاجيو .. و يدلعونة و يطلقون عليه بيل .. من حقه صراحة [/align]



[align=center][align=center]أعرفكم على لوبى بيل :101: [/align]



لو تلاحظون الاضاءة الملونة فى صقف اللوبى هو ما يميز الفندق ... كل من يدخل يرفع راسة و يسنتر 5 دقايق فى حالة ذهول و فى ناس رايقة تعد كم لمبه لوووول

ممتاز يابنت الصقور
كملي ترى شوقتينا. الله يعطيكي العافيه :x1: صراحه سرد موضوعي ممتاز وتصوير حلو.

[align=center]
أختي الكريمة

[glint]بنت الصقور[/glint]
الله يعطيج العافية ..

بداية ممتازة :113: .. لاتتأخرين علينا بباجي التفاصيل



تحياتي

[/align]

تسلم هلى تقريرج ،،،بس ما شي صور ،،،

تابع...









[align=center]لاحظو الفرونت ديسك .. اوبن اير و حديقة و باقات ورد ... هناك ميزة احلى للفندق و هي ريحة الورد على حسب موسمه ... أول ما ينفتح باب الفندق تهب عليك ريحة الورد .. تحس كأنك طاير فى السما .. قمة الابداع و الاثارة [/align]

تابع..

هذي صور الغرف المزدوجة ... قمة الفخامة



منظر لحوض السباحة



[align=center]هذى الحديقة موجودة فى لوبى الفندق .. أنواع الورود و ألوان غريبة و نوافير تتلاعبب و تحوم فوقك و انت تمشي ..





شتشوف شوتخلى ما تدري .. الناس تمشى مسبهه ... لام الله من لامهم .. طبعا الواقع يختلف بس أنا أحاول أقرب شي أوصل الصورة و الانطباع ... شرايكم :114:

ماشاء الله
تقرير رائع وصور اروع
الله يعطيك العافيه اختي بنت الصقور
بانتظار البقيه

تابع..

[align=center]طبعا الفندق من كبره عادى تضيع فيه .. ما ينشره عليك :108: لا و تطيح ريولك من المشى بعد :110: .. اجراءات التشيك ان ما تطول 3 دقايق و انت خالص .. بس لين توصل السويت يبيلك نص ساعة .. :105: يادوب تستريح شوي و تحط أغراضك و ترجع تضيع مره ثانية فى الفندق :109:
أحلى شي السوق والمحلات اللى فى بيلاجيو .. و هذى مقتطفات منه ...











المحلات الموجودة هى .. كريستيان ديور .. جوتشي .. برادا ... هيرمس .. تيفانى اند كو .. ايف سانت لوران .. شانيل ... و ازيدكم من الشعر بيت .. عندهم مواسم التنزيلات رخص بالهبل .. صندل شانيل بثمانين دولار و الشنطة من السيزن اللى طاف ب 400 دولار .. طبعا هذا اذا خلو شى اليابانيين :112:

أختى بنت الصقور ، طريقة سردك وشرحك كالسيناريو فقد تهيأ لى أنى أشاهد فيلم أمريكى وأتخيل نفسى
أما شاشة التلفزيون لمتابعة فصول الرحلة الجميلة ،،،،
الله يعطيك العافية وماقصرتى .....
تحياتى

تسلمين على الصور ،،،،

ماشاء الله جدا جميل تسلم يدينك.......

كملي الله يديك العاافية موضوع راااااااائع جدا وخاصتا انة نادرة المواضيع عن ذا البلد...........

[align=center]تابع...
[align=center]لاحظوا للحين ما طلعنا من حدود الفندق ... أهم شى فى فيغاس الفنادق و كل فندق يتميز بشي أو ياخذ طابع بلد معين ... بيلاجيو ماخذ الطابع الفرنسي الكلاسيكي .. و مقابلنا فندق باريس لاس فيغاس ..[/align]





[align=center]هذا سوق فندق باريس .. مو نفس فخامة بيل[/align]



[align=center]هنا تقام العروض الموسيقية الليلية .. قعدة صغيرة فى بهو الفندق[/align]



[align=center]ولا يخلى المكان طبعا من السلوت ماشينز [/align][img]

[align=center]مشكورين و ماقصرتوا ... هذا المطلوب الله يسلمكم انكم تستمتعون و تعيشون جو :106:
ترا نحن تونا فى أول المشوار و ما خفي كان أعظم .. الجاي أحلى و أروع .. سموا[/align]

[align=center]

والله شوقتينا يابنت الصقور ..

مثل ماتفضلت إختي طيف الورود المواضيع نادره عن هذه الولاية

لاتتأخرين علينا .. بإنتظارج


[/align]

تابع ...
[align=center]أبى أوضح نقطة مهمة عن فيغاس و عشان الكل يستفيد ... اذا فكرتوا تزورون لاس فيغاس فى المستقبل .. لازم تحددون و تخططون قبلها بوقت .. مثلا اختيار الفندق أهم شى .. حجز العروض قبلها بشهر أو شهرين ... تحديد أماكن الأكل يعنى وين بتفطر و وين بتتغدا و وين بتحلى ..... الخ ... تدرون ليش ؟ خل أقولكم شنو أهم شى فى فيغاس
1- الفنادق و اختيار المناسب لك ... اذا تبي من حيث الشكل أو العروض المقامة فيه أو السوق أو الشهره
2- العروض الأستعراضية العالمية .. و هناك كل فندق يتميز بعرض .. مثلا فندقنا كان يعرض سيلين ديون
3- المطاعم و خصوصا البوفيهات .. حيث كل فندق يتنافس منو الأحسن و الأفخم من حيث تعدد الأكلات و الكوزينز

انتبهوا عاللى قلته عشان راح أذكرهم فى تقريري عشان فى زيارتنا مشينا على نفس الخطى و حاولنا نرضى جميع الأطراف .. و أقصد حملتى لوووول كل واحد فينا كان مخطط يسوى أو يشوف شى ..

نتابع ...[/align]

خل أكمل تفاصيل اليوم الأول ..
وصلنا الفندق و عينا خير .. و تفرقنا كل اثنين أو ثلاثة يروحون مع بعض .. و هذا أريح للجميع .. مجموعتى طبعا توجهت الى السوق اللى في الفندق .. ويندو شوبينغ بس أول يوم ... بعدها توجهنا الى مول جديد كنت شايفة اعلاناته فى المره اللى طافت و قلت لازم أرجع و أشوفه ... حشى مو مول طاحت ريولنا من كبره .. و كل ديبارتمنت ستور أكبر عن الثانى .. ينراحله مشى عالأقدام ... يعني عشان توصله يبيلك تمر على 3 فنادق ... و كل فندق تمر عليه من برا تلاقي الناس قدامة واقفين ينتظرون العرض ...

[align=center]عرض الأكوا فنتازيا الأكبر فى العالم .. رهيب والله رهيب :101:



عرض فندق تريجر آيلند .. جزيرة الكنز ... اضاءة و نار و سفن تتحرك و قراصنة :113:



عرض فندق ميراج ... بركان و نار و ماء و اضاءة و صوت



كل هالعروض فى واجهة كل فندق و تكون مجانية و تبدأ كل ساعة و نص

كل هازحمة و العفلة عشان نوصل لهالمكان .. آيه عليه يستاهل :x1:



فاشن شو مول ...



هذا مخطط المول واللى يضم أكبر المحلات التجارية فى امريكا فيه .. محلات ديلاردز أكبر متجر من نيويورك و ساكس افنيو ... و المفضل عندى نيمان ماركوس :107:

طبعا المول يسكر 8 بس كنا فى حاله من التعب و الارهاق و الصداع ما تنوصف ... أولا تعب المشي و اللف و الوقفة .. ثانيا عنصر الاثارة بحيث ما يتحمله مخنا صوت و اضاءة و عروض وانبهار و كل شي حلو و غريب و الحق ما تلحق و ماكو وقت نخلص كل شي ... تعب تعب كل المشاوير تعب
قررنا نرجع الفندق نرتاح (مع انه ماكو وقت للراحة) طبعا ماقدرنا ناخذها كعابى من التعب و خفنا نوقف فى الدرب نتفرج على عرض ولا شى لووول أخذنا تاكسي ..
صارت 9:30 و البوفيهات تسكر 10 قلنا خل نلحق عالقروب الثانى و نتعشى فى فندق باريس اللى مقابلنا .. أشوا ما كان فى طابور عالبوفيه ...

[align=center]هذا هو فندق باريس ... لاحظوا ارجل البرج تمتد داخل الفندق .. شكله يخوف من داخل ..



هذا البوفيه .. السقف مصبوغ كأنه سماء زرقاء و بيوت طراز فرنسي قديم .. طبعا البوفيه أنواع السي فود .. very classy



حتى قوس النصر ما نسوه ...



و هذا مشهد من السويمنغ بول مالهم .. لاحظوا البرج

تسلمين على تقريرج المميز ،،،

تابع الشرح ..

طبعا البوفيه عامر و يانفس شنو تشتهين .. الجو العام فى فندق باريس كانك فى العصور الوسطى فى باريس .. كله حواري و بيوت متلاصقة و انارة خفيفة .. صبح ليل كله نفس الجو ... و الأرض الصخرية مو رخام ... يعنى يعيشونك الجو غصب ... و سعر البوفيه 25 دولار للشخص .. رجعنا بعدها الفندق و حنا مو قادرين نشيل عمارنا ما نشفع و لا ننفع و كلن يون من صوب :110: .. أذكر يومها خلص البندول عنا

اليوم الثانى صحينا بالزور بس عشان نفطر فى بوفيه فندقنا بيلاجيو ... تخيل فندق فيه آلاف البشر .. كم تتوقع يعد طعام حق كم شخص ؟ يمكن 100 شيف من غير الويترز ... ناس تشيل و ناس تحط .. حتى السي فود موجود و أكلات مو وقتها الصبح :105: ... الشخص ب 21 دولار ..





و هذا من أهم و أبرز عروض فيغاس اللى ينعرض فى بيلاجيو ... سيركو دى سولاي و يدلعونه O .. يعنى قول للربع شفت O و خلاص :101:



العرض كله فى حوض مائى و ناس متعلقة و حبال ... كأنه سيرك ... يمشون عالماي كأنهم طيور :114:

يعطيج الله الصحه والعافيه على التقرير الجميل
:107: :107: :107: :107: :107: :107:

تابع ...

بعد الفطور الدسم سوينا تشيك أوت و شيلنا شلولنا و رحنا الفندق المجاور له .. سيزر بالاس .. مو عشان بيلاجيو مو زين ولا شي .. بس حبينا نجرب كل الفنادق و نعيش التجربة :kashkhah: .. و كل مرة نروح نسكن مكان مختلف .. يا زين السيزر زيناه .. سوقة قمة ، روعة و كارثة من الكوارث :bounce8: ... كله ماركات عالمية .. شوفوا معاي السيزر



هذا منظر الفندق من الخارج



الغرف المزدوجة ... بس غرفنا كانو أحلى





هذا سوقهم العجيب اللى الواحد مايحب يطلع منه



هذا مكان البوفيه .. فطرنا فيه ثاني يوم ... يطل عالمسبح




للى يبون يعرفون شنو المحلات الموجودة فى سوق السيزر ... فندى ، لويس فيتون ، اسكادا ، فرساتشي ، ديور ، فلنتينو ، فكتوريا سيكرت ، جوتشي ، تودز ، فيراغامو ، أرماني ، بولغري ... و غيرهم

و بالنسبة للعروض اللى تقام فيه .. أذكر أهمها سيلين ديون .. آ نيو داي (يوم جديد) هذى لقطات منه ..
[align=center][img]











مافى شي عادى .. كل العروض متميزة و فيها ابداع قيمة التذكرة 100 دولار و فيه أعلى على حسب المقعد .. بس لازم الحجز المسبق ولا إنك تنطر أحد يكنسل على باب المسرح .. مالك أمل تحصل

هذى نبذة بسيطة عن السيزر .. بعدها ببتدى اسرد فعاليات اليوم الثاني :101: بالتفصيل ..

ya salaaaaaaaam
:107:
تقرير رائع لمدينة مذهلة
بس مثل ما قلتي هاذي مدينة الخطيئة والله تخاف الله يخسف فيهم كلها قمار في قمار

ياي ياي ياي كملي تراكي شوقتينا

[align=center][grade="ffffff 00bfff 0000ff 4b0082"]اخوانى و اخواتى الاعزاء اعضاء منتدى المسافرون العرب .. سوف اجيب على كافة الاسئلة بعد اكتمال تفاصيل الرحلة .. حضروا الاسئلة و فالكم طيب :107: على قولة مشرفنا ياماس [/grade][/align]

وصلنا يا طولين العمر لليوم الثانى و قلت انه سوينا تشيك ان فى الفندق اللى جنبه سيزر بالاس المذكور اعلاه ... حطينا شنطنا و قرر كبيرنا انا نطلع كلنا جماعة و نخطط ايش بنسوي بقية اليوم .. الجدول كان كالتالي.. اولا ناخذ لفه عالفنادق لانه الفنادق هناك تعتبر وجهة سياحية و كل فندق متميز فى شي .. ثانيا حجز تذاكر لعرض الساحر العالمي ديفيد كوبرفيلد اللى قلداه داوود حسين فى برنامج ارهابيات لووول :109: .. ثالثا نختار بوفيه فى اى فندق نتغدى فيه .. :222:
سوف اقوم بشرح كل نقطة على حده و بالتفصيل الممل و بالصور بعد :11oto:

اول ما توجهنا كان فندق مندلاى باي .. من الفنادق القديمة يعتبر و فى بداية شارع الفنادق .. صرح ضخم جدا .. طراز أسيوي



هذى خارطة تبين الفنادق اللى فى شارع لاس فيغاس بوليفارد .. كلهم جنب بعض و البعض يربطهم جسر او قطار صغير او سير كهربائى



مندلاى باي من الداخل






بعد ما طاحت ريولنا توجهنا للفندق اللى بعده :icon_fara بواسطة القطار المتصل بين الفندقين ..



فندق لقصر



[align=center]هذا من داخل الهرم .. و باينة ممرات الغرف كانها بتطيح عليك[/align]











أحلى شي فى فندق لقصر مطعمهم البوفيه ، و انت جالس حواليك توابيت و مومياء كأنك فى موقع تنقيب

يتبع ..

بعد لقصر اتجهنا إلى فندق اكسليبر المجاور له و اللى يربطه به جسر للمشاه ...



فندق اكسليبر :11ight: فندق على طراز العصور الوسطى ...





عرض التنين يقام فى ساحة الفندق من الخارج كوسيلة لجذب السواح و الأطفال

يتبع ..

الفندق اللى متصل بأكسليبر .. نيويورك نيويورك و اللى يملكه المليونير الأمريكى دونالد ترامب .. الفندق صاخب جدا و ما يناسب العوائل .. ما عجبنى أبد تحس كأنك فى قبو .. الشي المميز اللى فيه هو الرولر كوستر .. قطار الموت اللى مالك أمل تلاقيه فاضى ..

نيويورك نيويورك





داخل الفندق .. مظلم و كئيب و الصقف أسود











بعدها توجهنا لفندق إم جي إم جراند اللي يقام فيه عرض الساحر ديفيد كوبرفيلد و قلنا بنحجز حق عرض الساعة العاشرة مساءا نفس اليوم ... هالفندق يقع فى الجهة المقابلة لفندق نيويورك و يرتبط فيه بجسر فى الهواء الطلق ... و الحمدلله انه الجو كان غائم و الجو بديع بكل معنى الكلمة و نزلت زخات مطر خفيفة :kashkhah: .. و هذا نادر ما يحدث فى الصيف .. المعروف انه جو فيغاس حار و الشمس على طول ساطعة و تأذيك خصوصه انه أغلب المشاوير تكون مشي و فى الهواء الطلق :105: ... الفندق تقام فيه مسابقات رياضية و أذكر أهمها بطولة الملاكمة لمايك تايسون :120: .. كما يشتهر الفندق أيضا بمشاهير السينما الأمريكية اللى دائما يقيمون فيه .. المعروف انه كل شخص يزور فيغاس أول مرة لازم يجلس فى الإم جي إم .. نحنا أول إقامتنا كانت فيه أيضا .. نمشي عالعرف :106:

المنظر الخارجى للفندق ..



الأسد .. عند بوابة الفندق ... شعار الإم جي إم







الليون هابيتات اللى فى لوبي الفندق ..



هذى القراند أرينا .. الصالة الرياضية ... آخر مباراة لمايك تايسون كانت فيه






و الحمدلله توفقنا فى التذاكر يومها بس لقينا كراسي فى آخر صف فى المسرح .. العرض بصراحة مو ذاك الزود ولا أنصح فيه .. الغرض منه انه ديفيد سيلبرتى بس و الكل يروح عشان يشوفه بس .. بس دمه خفيف و يسوي جو :109: و على فكرة هذا بناءا على رغبة الوالدة بعد انه تشوف ساحر شارون :114: بس فيه عرض أحسن منه حق الساحر لانس برتون .. ان شالله المرة الجاية بنروحله ..

ديفيد كوبرفيلد .. قص علينا :110:



جانب من العرض

حلو كتير
شكرا على هذا المجهود
و الفاصيل الشيقة

[glint]اليوم الثالث[/glint]

صحينا عالساعة 10 و قلنا بننزل تحت نفطر :1076: من البوفيه فى مطعم لاقو ... لين حصلنا طاولة صار موعد البرنج (فطور و غداء) أنا فضلت انى اتغدى أحسن عشان ورانا مشاوير و تكملة لف عالفنادق و بعدها بنرجع ايرفاين :097: .. بعد الفطور سوينا تشيك أوت و حطينا الشنط فى السيارة و كملنا مشي للفندق اللى جنب سيزر بالاس تريجر آيلند أو جزيرة الكنز و اللى أشرت إليه سابقا ذو الطابع الكاريبي ....





[IMG][/IMG]

العرض الخارجى روعة









قاعة الاستقبال :107:





[glint][align=center]يتبع لاحقا ابقوا معى [/align][/glint]

صراحه روووووووووووووعه ....


بس المعروف انه هذي المدينه لها سمعه بأمور ما تناسب العوائل ....

شو رايج أختي ؟؟؟؟؟ شو شفتيها على الواقع ؟؟؟

لا يسعنا القول الا ابداع في ابداع
بس يا ريت لو تفكينا من الشوبينج شوي طارت فلوسنا واحنا مارحنا بعد
يعطيك العافيه
واصلي التالق
تحياتي

أختي حسيت من تقريرج .... انه فيها مقومات سياحيه كبيره ... فنادق عروض ... بوفيات ... أسواق

واحس انها تناسبني بس من بيوديني لين لاس فيغاس ؟؟؟

أختي شو سبب زيارتج لأمريكا كل سنه ؟؟؟ ممكن توضحين ... لأن ما اتخيل في ناس بيتعنولها حق سياحه

[blink]تابع تفاصيل اليوم الثالث و الأخير فى لاس فيغاس[/blink]

طبعا من كثر الفنادق الواحد يحتار شو يشوف و شو يخلى .. المهم إخترنا فندق فينيشن نسبة إلى مدينة فينيسيا فى إيطاليا .. الفندق طبعا ماخذ الطابع الفنيسي ... شوفوا معاى و احكموا

الفندق من الخارج .. قرية سياحية مو فندق











الفندق من كبره كرهته ممراته طويله جدااا :112: بعد اللوبى مباشرة قاعة الكازينو .. لازم تمر عليها عشان تروح السوق أو المطاعم .. و هذى الحكمة من وراها .. و جميع الفنادق نفس الفكره ... بجانب السوق يوجد الغاليريا اللى يضم أشهر الأعمال الفنية للفنانين الإيطاليين ... متحف الشمع مدام توسود .. و قاعة معارض كبيره جدا .. أحلى شي الجندول و بإمكانك تختار جولة داخليه ب 13 دولار للكبار و 5 دولار للأطفال و اذا كنت ترغب بجوله دون أن يشاركك أحد من الركاب 50 دولار (شوفوا الفرق) :114: أما الجوله الخارجية حيث يقوم الجندول بجولته حول الفندق ب 15 دولار و الخاص ب 60 دولار .. تكون محظوظ لو يحصلك و تركب من كثر الطوابير و كله عرسان .. بالرغم من انه الفندق يعد تحفة فنية بمعنى الكلمة إلا انه ما عجبنى .. يمكن من التعب أو ما فيه محلات حلوه :105:

جهد جبار من انسانة قديرة فرضت نفسها في عالم السياحة كما كسبت اعجاب الجميع
تحياتي لك على هذه الرحلة والتي يمكن ان تعتبر سبقا فريدا في الوصول الى هناك رغم المصاعب
والقادم اجمل

[align=center]السلام عليكم و رحمة الله
الأخ الكريم [blink]آخر الفرسان[/blink]
لا يسعنى الا ان اشكرك على هذا الكلام الطيب ..واللى أعتبره شهاده لي من شخص خبير كشخصكم الكريم ... و اللى زادنى ثقة .. و مثل ما تفضلت القادم أحلى و أجمل .. ليس من ناحية التصوير و السرد فقط .. الأهم من ذلك أن تعم الفائده على الجميع ..تحياتي


[blink]و يا مرحبا الساع[/blink][/align]


[align=center] :smile105: [/align]

بصراحة موضوع عجييييب وقيم..وان شاء الله يوم الواحد يفكر يسافر لاس فيغاس يكون موضوعج مرجع له..
ياريت تقولين لي اسعار الفنادق التقريبية كم؟؟وكم تكلفت الرحله مع التذاكر؟؟؟؟

[align=center]السلام عليكم و رحمة الله و بركاته
أختى الفاضلة [blink]أم ياسمينا[/blink]
أسعدنى مرورك الكريم و حياج الله .. سوف أقوم بوضع كافة التفاصيل قريبا و من ثم الاجابة على جميع استفسارات الاخوان الاعضاء ..

الأخت الكريمة [blink]غروب[/blink]
أسعد الله يومك و مشكورة عالاطلالة الرائعة .. اختى هذا الشعور بتحسين فيه لو زرتى امريكا و ليس فقط لاس فيغاس .. فعلا عالم ثانى و شعور غريب تحسين انك عايشه لحالك ماحد له دخل فيك و لا أحد يناظرك .. سوى اللى تبين ماحد بيعلق أو يقول شى .. و كمان بعد المسافة له تأثير كبير جدا .. انك بعيدة عن المشاكل و الحروب و الازمات .. بس صدقينى اذا زرتى امريكا سفراتك السابقة بتكون صفر عالشمال و بتنكتبلك صفحة جديدة فى عالم السفر .. اللى راح تكتسبينه اكبر و اكثر من زيارة بلد فيه طبيعة و جو حلو .. اتمنى انى قدرت أوصل الصورة و لو شوي ..


[blink]و يا مرحبا الساع[/blink]

:smile105: [/align]

موضوع رائع جدا والى الأمام دائما :113:

[align=center]السلام عليكم و رحمة الله و بركاته


هلا و الله حي الله راعي لبنان :101: .. مشكور أخويه عالمرور و ناطرين تقريرك عن سفرة لبنان :107:



[blink]و يا مرحبا الساع[/blink][/align]


[align=center] :smile105: [/align]

[blink]نهاية اليوم الثالث و الأخير فى لاس فيغاس[/blink]

[align=center]آخر شي توقفنا عنده كان فندق سيركس سيركس ... للأسف هناك العديد من الفنادق اللى كنت أتمنى أشوفهم و خصوصا اللى طلعوا فى الأفلام مثل جولدن نقتس و ذى بالم .. عالأقل يبيلنا اسبوعين عشان نلف بس عالفنادق و نكتشفهم عدل .. و كل سنه يكون فى شى جديد فاتح .. فى فندق جديد أعتقد بيفتح فى ربيع 2005 بس شي مو طبيعى :107: .. من برا شكله جاهز يشبه مندلاي بي زجاج ذهبى عاكس ... بس شي فخم جدا و على مستوى و بيكون كله سويتات .. الفندق اسمه لاريف يعنى الحلم بالفرنسي :106: ... ان شالله السنه الجاية بنسكن فيه و بجيبلكم كافة التفاصيل .. استغرقت رحلة العودة 5 ساعات بالسيارة .. و طبعا توقفنا فى مدينة لوما ليندا اللى تبعد عنا ساعة .. عشان نوصل صديقتى كارول .. و عزمتنا على آيسكريم و ماي (شفتوا عزايم الأجانب شلون؟) :114: بس كنا تعبانين و نبى نرجع البيت .. وصلنا البيت تقريبا 10:30 و قبل ما نوصل البيت وقفنا عند السوبرماركت الإيرانى اللى جنب البيت عشان ناخذ عشاء :101: .. طبعا السوبر ماركت كبير جدا مثل كارفور وفيه قسم مطعم يسوي أكل ايراني و سندويشات شاورما تركية .. و قسم للحلويات الإيرانية ... و بالمره شرينا ريوق حق الصبح لووول .. و صلنا البيت و أكلنا و تفرجنا عالمسلسل و بعدين :thumb_ico [/align]




[align=center]اللي عنده سؤال الحين يتفضل :101: [/align]

السلام عليكم

تقرير شامل وممتع ومميز


وعافاك الله على هالمجهود

عندي مجموعة اسئله


بالنسبه للفنادق بلاس فيجاس بحسب علمي الي يميزها رخصها مقارنة بمستواها العالي

لكن بالتحديد كم تتراوح اسعار الغرف بالفنادق خمس نجوم بلاس فيجاس


اكبر مشكله تواجه الراغب بزيارة امريكا هي الفيزا فكيف الامور معك وهل واجهتي مشاكل
او تأخير بالحصول على الفيزا


لاس فيجاس هل هي مدينه كبيره ام متوسطه وكم عدد سكانهاا


واخيرا ذكرتي انك رحتي للوس انجلس

نتمنى تمتعينا بتقرير عن لوس انجلس مثل ما امتعتينا بتقريرك المميز هذا


وكل التقدير لك اختي الكريمه

[align=center]السلام عليكم و رحمة الله و بركاته[/align]
الأخ الفاضل [blink]يزيد[/blink]

أسعدنى مرورك الكريم على تقريرى المتواضع، كما يسعدنى أن أرد على كافة الأسئلة اللى قمت بطرحها
أولا: بخصوص أسعار الفنادق هناك تعتمد عالمواسم .. بس بإمكانك الأختيار من مجموعة كبيرة من الفنادق .. الفترة اللى ذهبت فيها كانت بداية شهر سبتمبر و فى وسط الأسبوع و هذا أفضل بكثير ليس من أجل السعر فقط .. بل الزحمة تكون أقل خلال أيام الأسبوع .. أسعار الفنادق اللى ذكرتها فى تقريري ..

بيلاجيو 200$ *****
مندلاي باي 100$ ****
باريس لاس فيغاس 130$ ****
ألادين (علاءالدين) 169$ ****
ام جي ام جراند 109$ ****
سيزر بالاس 180$ ****
ذى ميراج 80$ ****
تريجر آيلند 80$ ****
فينيشن 175$ ****
لقصر 75$ ***
نيويورك نيويورك 70$ ***
إكسيليبر 50$ ***
سيركس سيركس 29$ **

هذى الأسعار تقريبية ممكن انها تقل أو ترتفع مثل ما ذكرت تعتمد عالفترة اللى بتكون متواجد فيها هناك ..

ثانيا: بالنسبة للفيزا نحن ماعندنا مشكلة :108:

ثالثا: لاس فيجاس مدينة تابعة لولاية نيفادا .. و مدينة كبيره و فيها جميع المرافق و الجامعات و كل شي كأي مدينة أمريكية ثانية .. بس شهرتها بشارع الستريب اللى كله إضاءة وفيه الفنادق و الكازينو و اللى الناس تجي عشانه .. و كل سكان المدينة تقريبا يشتغلون فى هالفنادق .. فى النهار ما تحس فيه حياة .. شمس و حر مناخ صحراوي .. بس فى المساء شي ثانى .. اذا كنت جاي بالسيارة تمشي فى ظلام و فجأة تلقى شارع واحد بس مضئ و فيه كل العالم و الزحمة .. عجيب

[blink][align=center]و يا مرحبا الساع[/align][/blink]

[align=center] :smile105: [/align]

هذى صور للفندق الجديد اللى بيفتح فى ربيع 2005 و اللى سبق و ذكرته "لاريف" يملكه رجل الأعمال الأمريكي ستيف ويين ... و هو أحد مؤسسي لاس فيغاس و يملك أفخم الفنادق فيها .. و معروف بمستوى فنادقه الراقيه و أنه ذو ذوق عالى جدا .. يمتلك 20 لوحة لأعظم الفنانين أمثال فان كوخ و بيكاسو و رينوار .. فى سنة من السنوات تم إختطاف إبنته و قام بدفع دية مليون و نص لإسترجاعها لاكن تم القبض عالمجرمين قبل فرارهم (مثل الأفلام) :11ight:
حلمه انه يبنى فندق يحمل اسمه .. لذلك سمي الفندق "لاريف" الحلم .. بس على واجهة الفندق يظهر إسم وين .. كتوقيع ... حركه :107:






الفندق يقع فى شارع الستريب و يظهر أمامه الفاشين شو مول (عز الطلب) :106:



نموذج للغرف فى الفندق



نموذج لملعب الغولف التابع للفندق




يضم الفندق تقريبا 3000 غرفة ... الواجهه بتكون عباره عن شلال بمستوى خمس طوابق .. تكلفة المشروع 2.6 بليون دولار .. توجد به معارض سيارات للفيراري و الميسراتي و كذلك صالة عرض تضم أشهر اللوحات الفنية اللى يمتلكها ويين .. و كذلك مسرح للعروض و الشو يسع ل2000 شخص...رهيب هالفندق .. I'm looking forward to see it

[align=center]السلام عليكم و رحمة الله و بركاته

الأخ [blink]القلب الكبير[/blink][/align]

أولا، الحمدالله الأمن مستتب ولا فى أي شي :108:
ثانيا، الناس هناك من جميع أنحاء العالم و الجنسيات .. و لا أحد يقدر يميز انت من وين أصلا ولا يهتمون
ثالثا، و انت هناك تأكد انك مقطوع عن العالم لا أخبار و ارهاب و لا يدرون شنو صاير .. همهم الربح و بس
على روحاتنا ما أذكر أحد كلمنا ولا سألنا انتو من وين .. كلن فى عالمه مع العلم انه الوالدة كانت معانا و كم وحدة متحجبات

مطارهم بروحه كأنه كازينو .. كله سلوت مشينز .. و التفتيش فيه عادى كأى مطار.. و معاملتهم لنا جدا عادية .. و بعدين شكلنا عايلة و جاية سياحة :surf .. بالعكس رحبوا فينا و تمنوا لنا اقامة سعيدة

[blink][align=center]و يا مرحبا الساع[/align][/blink]

[align=center] :smile105: [/align]

حبيت اعرف كم تكلفة الرحله للشخص الواحد تقريبا( سعر تقريبي للشخص)
وتنصحين بكم يوم في لاس فيغاس؟؟؟
طبعا رحله امريكا يبي الواحد يقعد شهر عشان ينسى تعب الطريق ففي هالشهر وين احلى المناطق اللي الواحد يروح لها.. واحلى الولايات

[align=center]

:x1:
:x1:
:x1:

يعطيج العافيه حبيبتي
موضوع جدا جدا جميل بل رائع إختي بنت الصقور ,,
وكأنك أعرتينا عبره جناحيك , لنغادر بهما الي ولاية تكاد تكون المعلومات عنها معدومه وربما اغلب ما وصلنا عن تلك المدينة التي لا تنام حسب ما يقال لا يشجع فقد سمعت عنها من إحدي صديقاتي والتي كانت تدرس هناك مع زوجها كيف انه شوارع هذه الولاية تنقلب شي ثاني مختلف تماما ما بين العاشره مساء و الثانية صباحا عما كانت عليه في النهار :114:
لكن بناء على تقريرك وما رأينا من روعه في تصميم الشوارع ,الفنادق ,الأسواق و المطاعم المبنيه على طرز مختلفه ومتنوعه واغلبها رائع الجمال فقد اثرتي الشوق فينا لنسافر اليها والي ولايات أخري في أمريكا فانا مثلا كنت لا اري في امريكا سوي اورلاندو فقط لا غير ..


.. وينك يا بو محمد يا رئيس نادى الطفرانين بسبب موضوع اختنا بنت الصقور زاد الطفر حبتين فوق ما لدينا



تحياتي ..............

[/align]

[align=center]السلام عليكم و رحمة الله و بركاته

اختى الغالية [blink]أم ياسمينا[/blink][/align]

بالنسبة للتكاليف ..السفرة ما كانت باكيدج ... و لاس فيغاس ماهى وجهتنا الأساسية و هذى الناس يروحولها بس جذيه فى الويك إند ..رحلتنا كانت كالآتى دبي/لندن /واشنطن دى سي/لندن/ دبي فيرست كلاس تقريبا 15 ألف للشخص للتذكرة فقط .. لندن اسبوع .. واشنطن اسبوعين ... كاليفورنيا(ايرفاين) 3 أسابيع ... واشنطن اسبوع ... لندن اسبوع .. هذا خط الرحلة ... الخطوط الدولية كانت بريتش ايرويز و الداخلى أميريكان أيرلاين .. و تم الحجز عن طريق النت .. موقع أوربيتز (واشنطن / أورينج كاونتي) سعر التذكره 230 دولار تقريبا أو أقل شوي .. الطيران الداخلى كل ما حجزتى مبكر كان أفضل و أقل سعرا ... من واشنطن إلى كاليفورنيا (أورينج كاونتي) تقريبا 6 ساعات طيران .. نزلنا ترانزيت فى دنفر (ولاية كولورادو) .. مطار رهيب .. لمدة ساعة تغدينا و بدلنا طيارة و كملنا لأورينج كاونتى .. كاليفورتيا ولاية كبيرة جدا و فيها عدة مطارات .. فإنت تختار المطار الأقرب للمدينة اللى بتروحلها و انتبهوا اذا كان مطار دولى يكون الحجز أغلا و اذا كانت الرحله دايركت هم تطلع عليك التذكرة غالية .. لا تروح على مطار لوس أنجلوس الدولى اللى هو LAX ... المطار فخم و كبير بس زحمة و عادى تضيع فيه .. خليك عالمطارات الداخلية البسيطة (هذا اذا كنت مسافر داخلى من ولاية لأخرى بس اذا من بلدك عادى) ... المطار اللى اخترناه كان مطار جون ويين فى أورينج كاونتي و أقرب شي لأرفاين .. تقريبا 7 دقائق من البيت ... الرحله للاس فيغاس كانت بالسيارة من لوس أنجلوس 5 ساعات طريق ... يبيلك اسبوع فى لاس فيغاس تقريبا ... بإختصار يمكنك ترتيب رحله من بلدك مثلا و تكون دايركت لين لوس أنجلوس فى كاليفورنيا .. أحلى ولاية و أحلى جو و أحلى عالم ... لمدة شهر من خلالها المرور على لاس فيجاس .. سعر التذكرة عالإكونمى تقريبا 5400 .. و الفنادق منتشرة و متوفرة بكثرة ...

اي استفسار ثانى أو توضيح ... حاضرين للطيبين :101:

[blink][align=center]و يا مرحبا الساع[/align][/blink]

[align=center] :smile105: [/align]

[align=center]السلام عليكم و رحمة الله و بركاته

اختى [blink]الباحثة[/blink]

أسعدنى مرورج الكريم جدا جدا .. أنا سبق و ذكرت فى تقريري انه الوضع ينقلب بعد الساعة عشر مساءا فى لاس فيغاس و لا أنكر وجود فساد فى المدينة بس ما تشوفينه إلا اذا دفعتي يعنى كل شي بثمنه و لهم أماكنهم الخاصة .. فيه إعلانات و فيه ناس توزع عليج عناوين فى الشوارع بس عادى امشي ولا كأنك شفتى شي .. بس بالنسبة لنا كعايلة ما حسينا بشي .. كنا نمشي على خطة أو جدول و ينتهى يومنا من التعب و اللف طول النهار بسرعة ... أنا أعتقد انه يمكن تفادى هالأمور هناك بالتوجه للأماكن العائلية .. تصدقين معظم العوايل اللى شفتهم هناك كانو كويتيين .. و معاهم أطفال و ناس كبار فى السن .. و مبسوطين عادى .. :107:


[blink]و يا مرحبا الساع[/blink]

:smile105: [/align]

هذه بعض الصور لشارع الستريب الشارع اللى يشتهر بالفنادق و الكازينوهات .. أنا متأكده انه بعضكم بيتعرف على بعض الصور خصوصا المتتبعين للأفلام الأمريكية ...

هذى أول لوحة تصادفك و انت داخل لاس فيغاس ( اللوحة طلعت فى جميع الأفلام و المسلسلات اللى تتكلم عن المدينة)



شارع الستريب فى المساء



شارع الستريب خلال النهار و ما فيه حياة





نهاية شارع الستريب و طالعة الفنادق القديمة و الأولى فى المنطقة



أشهر كازينو و كذلك ظهر فى كثير من الأفلام



لاحظوا السواح كلهم كبار السن و عوايل يتمشون فى النهار

الحقيقة من أجمل التقارير الوصفية التى تعم بالفائدة على المتتبع لسرد حتى أدق التفاصيل . إن دل هذا إنما يدل على الذوق الرائع وثقافة راقية وإستغلال الوقت بشىء مفيد.تقرير كبير رائع يحتوى على صور كثيرة رائعة ومذهلة لرحلة قصيرة.مرة أخرى أهنيج على قدرتج الكبيرة لجذب هذا الكم الهائل من المعجبين بك وبتقاريرج المصورة الشيقة.....

[align=center]السلام عليكم و رحمة الله و بركاته

الأخ الفاضل [blink]samiaudit[/blink]

مشكور و عسى عمرك طويل .. و الله يجمل أيامك انشاءلله .. انتظر التقارير الجاية بتكون عن واشنطن و لوس انجلوس ... انشاءلله تحوز على رضاكم ..

[blink]و يا مرحبا الساع[/blink]



:smile105: [/align]

السلام عليكم ورحمة الله وبركاته
كل الشكر والتقدير لك
اختى
بنت الصقور
فقد اتحفتينا بموضوع وتفاصيل مفيده ورائعه
قدمتى من خلالها تجربه سياحيه تستحق التوثيق ولذلك وضعت كا احد المواضيع المميزه
فى الصفحه الرئيسيه للموقع (( مجلة العرب المسافرون))
ليستفيد منها الجميع
اتمنى لك التوفيق ومزيد من الابداع

[align=center]و عليكم السلام و رحمة الله و بركاته

الأخ الكريم [blink]أبو مضاوي[/blink]

يسعدنى و يشرفني انه التقرير حاز على رضاكم و اعجابكم .. لقد تفاجأت بوضع تقريري فى الصفحة الرئيسية فى المنتدى .. مشكورين و ما قصرتوا :107: ... انما هدفى الوحيد هو الإستفادة من هالموضوع و ليس فقط عرض الصور و المواقف ... هناك الكثير عن المدينة ما لم أذكره بعد .. خفت تملون :101: ... كان ودى أذكر المطاعم اللى زرتهم هناك و اللى يترددون عليها المشاهير ..و العروض اللى تقام فى الفنادق للعوائل .. مع بعض الصور للأشياء اللى عجبتني فى الفنادق ..

[blink]و يا مرحبا الساع[/blink] [/align]

تسلمين اختي بنت الصقور على الوصف الرائع والذي يحس الواحد بانه موجود بالمكان

واحنا نايمين على اوروبا وفنادقها الاقل من العادية والغالية الاثمان لكن على ايش ما ادري

ان شاء الله تتحسن اجراءات الفيزا الى اميركا ونترك استغفال اوروبا على الخليجين

مشكورة مرة اخرى وبالتوفيق ان شاء الله

[align=center]السلام عليكم و رحمة الله و بركاته

الأخ الفاضل [blink]saud00[/blink]

صدقت ، فنادق اوروبا غالية عالفاضى و يا ريت لو تستانس بعد .. ترجع ديرتك و تحس بالقهر انك على قد ما دفعت مافى شي مميز شفته أو سويته أو تعلمته هناك ... ان شاءالله تتعدل ظروف الفيزا خصوصا للأخوة السعوديين .. باقى الخليج ماعتقد انه عندهم مشاكل مع الفيزا ..


[blink]و يا مرحبا الساع[/blink][/align]


[align=center] :smile105: [/align]

:8888: :8888: :8888:
هاذي التقارير الي تفتح النفس الي جعل الناس :gathering والي خلانا لمدة اسبوعين :mf_pcwhac على الكمبيوتر
نستنى موضوع لوس انجلس بفارغ الصبر :113:

[align=center]السلام عليكم و رحمة الله و بركاته

الأخ الكريم [blink]بو عبداللطيف[/blink]

تسلم الله يطولى بعمرك .. ابشر بالتقارير السنعه قريبا :107:


[blink]و يا مرحبا الساع[/blink]


:smile105: [/align]

good Luck Bint Al Falcon
realy it seems very nice trip ! waiting the rest of your Trip