الموضوع: سلامي للكويت ومن سكن فيها عندي كم سؤال لاهنتو

السلام عليكم ورحمة الله وبركاتهـ

اتمنى للجميع دوام الصحهـ والعافيهـ

انا ناوي بإذن الله اسير على الكويت خلال الأيام القادمهـ برفقة إثنين من الشباب

وبتكون اقامتنا لمدة يومين فقط يعني خميس وجمعهـ

ابي منكم لاهنتو ولاعليكم أمر تتكرمون علي ببعض ماابحث عنهـ

1- السكن وابي شقق مفروشهـ او فندق بسعر معقول لثلاث اشخاص

2- ابرز الأماكن السياحيهـ اللي ممكن نروح لها للتمشيهـ كالمتاحف او اشياء علميهـ وغيرها

3- ابرز الأسواق التجاريهـ وأهمها لأننا لن نستطيع زيارتها كلها ولذالك ابحث عن الأبرز منها

4- افضل المطاعم سواء الشعبيهـ او غيرها وأهم شي ابي مطعم بحري

واذا كان فيه اشياء مهمهـ لم اذكرها ياليت تقولولي عنها

شاكر لكم تلطفكم وتكرمكم بالرد على إستفساراتي

مواضيع عشوائيه ممكن تكون تعجبك اخترناها لك:

• مواصلات المطار
• تقرير رحلتي الى الكويت بالصور
• شاليهات الدانه
• نداء الى اهل الكويت الأفاضل
• لخبراء السفر براً بين الكويت و السعودية
• سمو أمير الكويتيفتتح مجمع الافينوز
• شقق في شارع الخليج
• شقة سكنية ساعدوني
• الى اهل المشورة لو تدلونا على افضل الشواطئ الرمليه النظيفه جدا صالحه للسباحه ومواقعها
• حجزت في فندق ريجينسي ولكن كيف أوصله؟؟
• استفسار عن شقق سويت هوم وفندق
• مواقع مكتبات الكويت
• ممكن اسعار الشقق بالكويت
• عاااااااااااااااااجل
• نعم هذا مايحدث في الكويت
• فزعتكم هل الكويت أريد أماكن بيع سكارفات أو الملافع الكويتيه
• لوازم وحاجات مدرسيه جديدة وغريبه
• مطلوب وصف مجمع الكوت
• زياره الي كويت ماجيك منتزه ترفيهي مهم لزائر الكويت
• احسن مطعم فطور فى رمضان

هلا و غلا

حياك الله بديررتك الثانيه الكويت

- ابرز الأماكن السياحيه المركز العلمي على شارع الخليج و ابراج الكويت .

- ابرز الأسواق التجاريه المرينا مول و مجمع الافنيوز و مجمع جديد توفه فاتحينه اسمه 360 .

- افضل المطاعم فريج صويلح شعبي و النوخذه موجود بفندق كراون بلازا بحري و في فش ما ركت .

انشالله اكون فدتك ولو شوي

هلا اخوي موهوب القصيم

الكويت راح تنور بوجودكم

**بالنسبه للسكن...

انا افضل " ميراج سويت " حلو و موقعه عالبحر على شارع الخليج

و سعر الليله 35 دينار و هذا رقمهم 0096522663131

" فندق ايبس " حلو و موقعه بالسالميه شارع سالم المبارك عند الاسواق
اسعاره معقوله.

"بودل" موقعه بالسالميه شارع المطاعم.

و عموما بشارع الخليج راح تلقى عمارات عالبحر شقق فندقيه.

**الاماكن السياحيه...

المتحف العلمي و موقعه على امتداد شارع الخليج.

ابراج الكويت ايضا على شارع الخليج.

الاكوابارك ايضا على شارع الخليج بجانب ابراج الكويت.

** بالنسبه للاسواق التجاريه...

الافنيوز و افضل تروح له فتره صباحيه لانه كبير و حلو و موقعه
على امتداد الدائري الخامس تلقاه على ايدك اليمين.

مارينا مول بالسالميه على امتداد شارع الخليج .

سوق شرق ايضا على امتداد شارع الخليج.

الكوت و كويت ماجيك و المنشر هذيلا بمنطقه الفحيحيل طريق البحر
تلقاهم على ايدك اليسار.

سوق المباركيه حلو للتمشي و الهدايا.

**بالنسبه للمطاعم...

مطعم ميس الغانم لايطوفك لذيذ موقعه على امتداد شارع الخليج
تلقاه على ايدك اليسارمقابل ابراج الكويت.

و عموما مجمع الافنيوز فيه جميع المطاعم و المقااااهي.

واي استفسار انا متواجده ؛ )

تقبلوا تحيـــــــــــــــــــــــــــــــــــــــاتي،،،

كل ما تبحث عنه هناااااااا

http://www.arabtravelersforum.com/travel253738/


وهنااااااااا

http://www.arabtravelersforum.com/travel226092/

المشاركة الأصلية كتبت بواسطة soud321
http://www.arabtravelersforum.com/tr...2/#post3173239

هلا و غلا

حياك الله بديررتك الثانيه الكويت

- ابرز الأماكن السياحيه المركز العلمي على شارع الخليج و ابراج الكويت .

- ابرز الأسواق التجاريه المرينا مول و مجمع الافنيوز و مجمع جديد توفه فاتحينه اسمه 360 .

- افضل المطاعم فريج صويلح شعبي و النوخذه موجود بفندق كراون بلازا بحري و في فش ما ركت .

انشالله اكون فدتك ولو شوي





ربي يعافيك وبالخير يجزيك

مشكور على هالمعلومات ولمرورك العطر

المشاركة الأصلية كتبت بواسطة أحلى كيميائية
http://www.arabtravelersforum.com/tr...2/#post3173974

كل ما تبحث عنه هناااااااا

http://www.arabtravelersforum.com/travel253738/


وهنااااااااا

http://www.arabtravelersforum.com/travel226092/



هلا بمشرفتنا العزيزهـ

الف شكر لك على ردك واهتمامك بزوار هذه البوابهـ

حياك الله........