استفسار ي اهل الفنادق

**ahmed3** · 02-02-2015, 08:29 PM

السلام عليكمم

انهيت اول خطوه وهي التذاكر اخذتها من القطريه

باقي الاهم وهي الفنادق

ابي استفسر عن وضع الفنادق هناك هل هو مثل وضعنا هنا مثلا لو اخذ شقه غرفتين المسموح ( 6 اشخاص ) ندخل فيها 8 مافي اشكاليه

انا بجلس من 22 سبتمتبر الى 6 اكتوبر

يومين سلانجر ابي فندق حلو ل 8 اشخاص

3 ايام لنكاوي برضو يليت لو عالبحر

4 ايام بينانج كمان اذا في عالبحر

4 ايام كوالا فندق وسط المدينة

واللي عنده اضافة للبرنامج يليت والله

مواضيع عشوائيه ممكن تكون تعجبك اخترناها لك:

**ahmed3** · 02-02-2015, 08:29 PM

هلابك ياصاحبي..تمنيتك توضح الميزانيه؟؟

1- بخصوص العدد في الغرفة هالش يختلف من فندق لاخر.. بعضهم يتغاضى عن الاطفال اذا لم تطلب سرير واستخدمت مثلا الكنبه كسرير.
وبعض الفنادق ماتسمح بهالشي ولابد من اخبارهم مسبقا ولايتساهلون . ويتضح هالشي في شروط وسياسة الفندق اللي تجدها اسفل صفحة الحجز في بوكنق مثلا.
والشي اللي كلهم يتفقون عليه في الغالب ان زيادة سرير بالغرفة يكون بمقابل مادي.. مافي بلاش.
وانصحك دامك تبي هالشي (ان تحرص على حجز الغرف الواسعه مساحتها كبيره وتكتب في الطلبات الخاصة ان العدد سيكون اكثر.واطلب سرير او اكثر.
وبعد كذا اتصل ببوكنق ووضح الامر لهم من جديد .. وخلهم يتواصلون مع الفندق ويردون لك خبر عن راي الفندق والاغلب يعطونك ماتريد بس ادفع.

2- الفنادق .. سلانقور اذا تبي ممتاز موقع وخدمه ونظافة فلابديل عن فندق صن واي او فندق براميد.. اذا تبي ارخص وبموقع اخر فعندك امباير.
لنكاوي عندك فوربوينت شيرتون وهو افضل الفنادق الرخصية. ثم لاقون والوستن وكاسا ديل والفرينجباني والدانا كلها ذات شواطي خوقاقيه.
بينانغ عندك عدة فنادق على اجمل شاطي وهي متجاورة نبدا بالاغلى قولدن ثم بارك رويال ثم هاردروك ثم هوليدي الرائع لكن احجزه من غير بوكنق
واختر مبني الشاطي لان الاطلاله البحرية تتوفر فيه فقط. وعندك ارخص من هذولا وعلى شاطي اخر وهو فلامنقو.
فنادق كوالا عندك التايم سكوير وانصحك به رخيص وموقعه ممتاز وتحته مجمع ضخم من الاسواق والمطاعم وغير كذا غرفة كبيره ومطبخ لكنه مدهوك الاثاث.
وعندك تريدرز وهو الافخم ويقع عند البرجين. وايضا رويال شولان قريب من البرجين.. وامبيانا كذلك .. والوستن وذارويال في شارع العرب.
ونق وشوف وربي يوفقك.

كازامي

**ahmed2** · 02-02-2015, 08:29 PM

مشكور اخوي كازامي دايما انت المبادر بالاجوبة

الميزانية للفنادق اللي حاطها من 20 الى 24

كمان حبيت استفسر اذا في فلل كبيره

واي موقع احجز منه الهوليدي ان مضمون مثل بوكنق

وهل افضل استخدم تكاسي او سائق يومي ( اذا موجود )

وبما انك خبير ما رايك في تقسيم الرحلة للمدن علما باني ما سويت البرنامج اليومي

اسف كثرت اسئلة بس زي ما تعرفون اول رحله لنا

**ahmed1** · 02-02-2015, 08:29 PM

هل بك اخوي وخذ راحتك..تمنيت ان تذكر لنا هل معكم اطفال وهل انتم عائلتين ..لان التاكسي لااعتقد يناسبكم بهذا العدد اذا كان الثمانيه كلهم كبار,الا اذا انقسمتم.
الافضل التنسيق مع سائق معه سيارة عائلية.او البحث عن التاكسي الازرق والاتفاق معه ورغم انه غالي. ويفيدونا الشباب اكثر باذن الله.
وبالامكان مراجعت تقرير ابوسراج وستستفيد منه باذن الله لان عددهم تقريبا نفس العدد عندكم وسفريته كانت قبل كم شهرين اوحولها
يعني كلامه بيكون افضل.

مسالة الفلل الكبيرة اممممم اتذكر شفتها بس في بانكور. وليس منتشر في ماليزيا هالشي مثل اندونيسيا. لكن البديل هي الشقق فموجوده في كوالا.
ماعندي علم بالفلل الكبيره والاعضاء يفيدونا اكثر.

هوليدي ان يمكن حجزه من هوتلز او اجودا وهوتلز ممتاز لان عندهم الرد على الاتصالات سريع ومتعاونين واسعارهم بعض الاحيان صيدات
حدد الغرفة اللي تبيها واتصل عليهم وقول هذي الغرفة هل يمكن اضيف اسره؟؟ لو بغيت اكبر ؟؟ كيف الاطالة ؟؟ بأي مبني هي؟ ابي مبنى الشاطي؟؟

التقسيم عال العال..لكن انا فضضل لنكاوي على بينانغ. لان مناشطها ومزاراتها واجد ولاتمل بعكس بينانغ ماعندك الا اشياء محدوده وكثير فيها اربع ايام.
مجرد وجهة نظر.. راجع تقارير الاخوان الحالية وشوف رحلة الغروب وجولة الدبابات في الغابة.

كازامي