الموضوع: لاهل الخبره ماليزيا عاااجل

بسم الله الرحمن الرحيم

اخواني انا حجزت لماليزيا عالخطوط الاماراتية من 23 سبتمبر الى 7 اكتوبر من مكتب سياحي ل 8 اشخاص ... والفنادق وهي اهم شي عندي اعطوني رايكم فيها لاهل الخبره اللي جربوها لاني بعضها لقيت تعليقات سلبية عليها


فقال لي المكتب انو بياخذ 7000 ريال لكل شخص شامل الخطوط + تذاكر الطيران الداخليه + الفنادق + السائق .


هذي رحلة العمر يعني هل 7 مناسبة لكل شخص ام هي كثيره ومبالغ فيها يعني المجموع كذا 56 الف .. !!

بالنسبة للفنادق هذي بالترتيب


سلانجور فندق http://www.booking.com/hotel/my/hilt...ml?aid=1329869 ?aid=358324

ليلتين ( غرف ديلوكس )


لنكاوي فندق فور بوينت شيراتون
مطله عالبحر 3 ليال


بينانج فندق فلامنجو مطله عالبحر 4 ليال


كوالالمبور فندق سويس قاردن 4 ليال ( ديلوكس )




اعطوني رايكم فالفنادق اذا كويسه او لا


بالنسبة ل بوكنق بغيت اسوي جدول بنفسي لكن لقيته صعب وبذات مع عدد كبير 8 اشخاص وخوفي اذا رحت هناك وقالو مالك حجز كما حصل مع بعض الاخوان ..


منتظركم ....

مواضيع عشوائيه ممكن تكون تعجبك اخترناها لك:

• استفساااااااااااااااار
• رايكم في برنامجي لشهر العسل
• ارجو المساعدة للأهمية .. الله يجزاكم خير
• سؤالان لاهل المعرفة والخبرة
• أرجو المساعدة من زوار ماليزيا
• رأيكم جدا مهم حتى لو تقولو كنسل كنسلت
• ساعدوني جدولى وراسي مخربط جدا ماندري صح كذا او لا
• ارجوا الافادة من الاخوة الكرام
• كيف يمكني السفر من الـعراق الى ماليزيـا
• فندق برينس للشقق الفندقية
• تورطت في الحجز والجواز على وشك الانتهاء ندااء إلى أهل الخبرة
• استفسار لخبراء ماليزيا
• بخصوص التسوق وافضل الاسواق بارك الله فيكم
• شرايكم بهذي الفنادق وما البديل ؟
• عريس ومتلخبطه علي الامور محتاج مساعده
• عريس وابغا جدول للسفر الله يرحم والديكم
• استفسار عن الاماكن السياحيه في رحلتي
• شهر عسل
• سن واي بيريميد أو سن واي لاغون
• الاستفسار عن فندق

.. لاتعليق.انت متاكد من السعر؟ لكل شخص 7000الاف. يارجل تقوله صادق.
عموما والله مقدر اقولك هل مبالغ فيه اولا ؟؟ حسبتها وقلبتها وامعنت النظر فيها. بصراحة الرقم كبير.
والفنادق تعتبر فنادق اقتصادية ننصح فيها الاعضاء اللي ماعندهم دراهم يسكنون فيها
هي نظيفة وممتازة بس تكون اقل فخامة واثاث قديم وكذا.
يعني لوهالمبلغ على فنادق فخمة اقول شي معقول. لاتفهم من كلامي ان مثلا سعر الرحلة بيكون 30. اويكون الفرق خمس اللاف واعتبرها شي كبير
وانتم احق بكل فلس. ايضا قد يكون المكتب لم يبالغ بالاسعار لكنه واجزم بهذا لن يكون حريص على توفير المبلغ لك والبحث عن الشي الاقل تكلفة
بيسوي لك جدول وهو مغمض .
بقولك شي انتم 8اشخاص وممكن تسكنون في 3ثلاث غرف بينما هو بيحطهم في اربع ويخليك تدفع اكثر ولايبالي.
بالامكان اختيار غرفة مساحتها كبيرة واضافة سريرين ويسكن فيها اربعه وهم مستمتعين وتراها للنوم .هالشي انت تسويه.لكن هو لا.
فندق صن واي اتوقع فيه غرف مشتركة يكون بينها باب او متقابله ..او بالمكان استاجار شقة سكنية في كوالا فخمة وومتعه وتصلح للعوائل.
مثال اخر الطيران بدل مااقارن بين الاسعار واشوف الاوفر لانها مجرد ناقل وقد يمضي الوقت بالنوم وعددكم كبير فلو كل شخص
وفرنا من حجزة مبلغ 500ريال حيكون المجموع 4000. تخيل . الطيران الاماراتي معروف غالي وفيه سلبية التوقف خذ الماليزي او السعودي لشخصين باقل من4000 وفي الوقت افضل لك.
والاماراتي لشخصين ب6200.شفت الفرق. انا العام طلعت بالاماراتي وصحيح هو افخم بس ماهو ذاك الفرق الشاسع. طبعا امس شفت الاسعار.
التنقلات الداخلية ارخص مماتتصور. الان حجزت انا لاربع اشخاص في طيران فاير فلاي ب270رينقت.يعني لو ثمنية اشخاص بيكلفك 520رينقت بالريال بتكون 650ريال.يابلاش
يعني الفرد يكلف80ريال.وتذكرة الفيري والباص باقل من كذا.. لايغرك ان التنقلات الداخلية بين المدن عليه تراها ماتكلف واجد يمكن ماتوصل 3000ريال للجميع. نصيب كل فرد
400ريال ..واذا كانو اطفال بيكون اقل.
مثال اخر التنقلات لو بتاخذون يوميا تكسين اربعه+اربعه وجولة كاملة ثمان ساعات يوميا بيكون ثمن اليوم للتاكسي الواحد 200رينقت والاثنين400 او سيارة فان ب350تقريبا.
يسير كل الايام بتكلفكم جولات تكاسي بحدود 5000ريال في اقصى حد. هذا وفي ايام مافي جولات اثناء الانتقال او تكونو بالملاهي لكن انااحسب السقف العالي يعني مبلغ التكاسي بيكون اقل..
نصيب كل فرد من التكاسي 650ريال الى700ريال.


نجمع نصيب كل فرد: التكاسي 700+التنقلات 400ريال+الطيران الدولي2400.=3500ريال معقولة بيسكن كل واحد ب3500والله لو تختار افخم الفنادق .
انا لدي رحلة في نفس تواريخكم تقريبا والمده اوطول. والفنادق افضل واغلى واكثر خمس فنادق. وكلفت الفنادق لي ولزوجتي6500ريال تقريبانقول الواحد ب3250.
والمفروض انتم اقل لان فنادقكم اقتصادية وبالامكان تقليل الغرف.
التنقلات الداخلية بين المدن خلوكم بالباصاات رخيصة وفخمة ونت ووجبه ومريحه ولاتحس بالخط.بامكانك توفير 1000ريال من كل فرد.في رايي

عموما الحجز عبر البوكنق من اسهل الاشياء ولو مره مافهمت اتصل عليهم بالرقم المجاني
وبيخدمونك ويعطونك اي استفسار تبي ويساعدونك وانا مجرب.


اسف طولت الهرج وكثرت كلام لكن والله انفعلت مع الرقم الكبير. لو ماتغير الا الخطوط راح توفر.
لواخذت الخطوط السعودية مباشرة او الماليزية و2ب4000 يعني وفرت 1000من الفرد. وانت براحتك.
بخصوص الفنادق ياليت تغير اول فندق الى البراميد او صن واي لانه قريب الملاهي والمطاعم والاسواق والتكاسي.
قولدن كوالا هو اثنين انت بالشقق او بالفندق؟


وشكرا..كازامي

اشكرك اخوي عالتفاعل االسريع معي و والله انا انفعلت اكثر منك عالسعر لكن وش نسوي وكلامك صح اخوي كازامي لو جينا بنحسبها بانفسنا بوفر اكثر من 10 الاف لكن خلك مكاني لاول مره تروح ولا تعرف الديره هم فوق هم وانت بتروحون تفك عن نفسك


الان بحاول اكلم بوكنق وبشوف كيف الوضع ان شاء الله


بالنسبة للخطوط السعودية اغلى من الاماراتية الواحد ب 4000 ريال عشان كذا اضطررت اخذ الاماراتية

سبحان الله .. حجزت على السعودية ب4300 للاثنين .. طيب حلو خذ خذ الماليزيه .. وكل الناس اللي سافرو كلن لهم مره اولى وتعبوا ولكن احنا معك وبنساعدك وكلش يكون تمام.


كازامي

الله يعطيكم العافيهه