بسم الله الرحمن الرحيم
كيفكم ان شاء الله طيبين
أبقول لكم قصة حصلت لي مع عامل سوبر ماركت من جنسية عربية، القصة هي ان زوجتي العزيزة اتصلت علي وقالت لي حبيبي اذا ماكلف عليك ابي شويت اغراض تجيبها معك وانت جاي للبيت قلت ابشري وتدللي المهم ارسلت لي الأغراض برسالة جوال من ضمن الأغراض كيلو مفروم دجاج ااااااااااه ياهالكيلو انت السبب بكل اللي صار رحت لقسم اللحوم ولا حصلت الا صدور دجاج كامله دورت مفروم مالقيت قلت الشكوى لله خلينا نحاول بالعامل يفرم لنا شوي صدور، ومكينه الفرم موجودة وأشوفها قدامي كلمته وقلت له لو سمحت ممكن تفرم لي كيلو دجاج قال لي والله الفرامه بايزه يعني عطلانه يعني خربانه حاولت فيه مافيه فايدة مشيت اجيب باقي الأغراض وصدفه مريت من عند قسم اللحوم واذا العامل جالس يتلفت يمين وشمال وجاء وطلع قطعة لحم وجلس يفرم تدرون ليش زانت الفرامه او ماتدرون زانت لان الي يبي اللحم ماهو انا تدرون من اللي يبي اللحمه هي بنت لابسه ذيك العباية والنقاب اللي مادري وش يبي وجيت العامل وانا ماشوف الطريق من شيء في نفسي علية وتهاوشت انا وهو الين ماكبرت المسالة وجاء مدير السوق وقلت له القصة كاملة وبدا يلتمس له العذر وبعدين تاسف مني وقال حقك علي وفرملي الدجاج غصب عنه وقبل البنت وراح يمشي معاي مدير السوق الى الكاشير وهو جالس يعتذر والحمد لله ان القصة انتهت كذا والسلام*
مواضيع عشوائيه ممكن تكون تعجبك اخترناها لك:
رد مع اقتباس
المفضلات