السلام عليكم ورحمة الله وبركاته ..
مسـاء الخير للجميع ..
انا حالياً جالس احضر لـ رحلة للأراضي الماليزية لـ شهر العسل
رحلتي من 26 أكتوبر الى 8 نوفمبر تقريباً 14 يوم مع الطيران .. انا ما عمري رحت لماليزيا بس قد رحت إندونيسيا لذلك ما عندي خلفيه عنها .. صار لي كم شهر ادخل على تقارير الاخوان وخذت معلومات كافية عن المناطق والعمله وما الى ذلك عندي كم شغله حبيت استشيركم فيها .. خن ندردش مع بعض ونتبادل الخبرات ..
طيارتي راح توصل كـ العادة العصر بتوقيت ماليزيا انا ما بعد حجزت فنادق ولا بعد حطيت خط سير للرحلة .. اغلب الناس يوقفون في سلانجور للراحه مدري بس احسها مو مناسبه للعرسان ؟ ملاهي والعاب مائية ما تصلح ولا ؟ وش رايك اطير مباشر من كوالا الى لنكاوي ؟ حسب اللي قريته على لنكاوي مدينة خرافية ومناسبه للأجوى الرومنسيه
ودي اجلس فيها 4 أيام وبعدها الى بينانق 3 أيام والباقي في العاصمة كوالالمبور أحس كل ما قللت الرحلات كل ما كان امتع ولا وش رايك ؟ بدل ما نقضيها من فندق الى فندق ويضيع الوقت وتصير رحلة مملة .. ابي رايكم في تخطيطي وعطوني مقترحاتكم اذا اقدر اعدل عليه ..
أرائكم حول الاماكن اللي ازرها في هذي المدن ؟
نجي حق الفلوس انا راح احجز كل شيء من السعودية بس السؤال كم احتاج اخذ معي حق مصروف يومي يعني المعدل اليومي كم ؟ الشيء الثاني تنصحوني اخذ معي كاش واصرف من هنا ولا من المطار ؟
تنصحوني بـ العبور من لنكاوي الى بينانج على السفينه ؟ احسها شيء جديد علينا تستاهل التجربه ؟
سؤال شاطح زي المرأة السعودية ( العباه ) هل يلفت أنظار السكان المحليين ولا الوضع عادي ؟
كيف الجو هناك في هذا التاريخ ووش نوع الملابس اللي ناخذه معانا ؟
يعطيكم العافية
رد مع اقتباس
.
المفضلات