الموضوع: كم سؤال يبون اجابه

السلام عليكم يالطيبين بزور الكويت بحيل الله وباول الله الاسبوع القادم وببالي عدة اسئله تبي اجوبه :

1 - وين الاقي القيمر الاصلي اللي يجي صنع محلي ، مابي القيمر المعلب حق kdd وغيرهم ، ابي القيمر الأصلي ولو حصل قيمر عراقي هل اجده بالكويت الغالية ؟

2- ابي العقال الكويتي القديم اللي يتدلى منه كركوشه على شكل حرف T سبق شفته بالكويت قريب ودورت بالمباركية عند الملابس الرجالبة الجاهزة ومالقيت وبعد الوزار الكويتي القديم حق النواخذه وين القاه هل يجي قطعة كاملة او يجي قماش بلمتر ينباع ؟
الغتر الكويتية القديمه الكاروهات واللي مخططه بالوان بني وسماوي زي اللي بمسلسل التنديل وين القاهم بالكويت؟




3- المواعين فناجيل الشاهي الكويتية التراثية اللي مضغوطه من النص وين القاها؟ ناس تقول بشارع فهد السالم بسالمية صحيح هالكلام ووين بالضبط ؟

4- مطعم فريج صويلح هل يجب علي اني احجز قبل ما اروح او ادرعم عليهم ؟ كم بالله رقم تلفونهم

5 - ابي وصف لمجمع الكوت بالفحيحيل واوقات الاسواق عامة بالكويت من متى تفتح ومن متى تسكر

طولت عليكم بالاسئله سامحوني يخليكم ربي

مواضيع عشوائيه ممكن تكون تعجبك اخترناها لك:

• يا اهل الخبرة سؤال عن فنادق الكويت
• خريطة لمنطقة الفحيحيل
• الى الكويت
• احدث الشقق الفندقية؟؟
• صور متفرقه من الحياة بالكويت
• تكفون ابي اسافر الكويت فيدوني
• الخطوط السنغافورية تعود الي الي الكويت بعد غياب عام
• مكتب شحن جوي
• طلب مساعدة في السكن
• من يرد على أستفساراتي؟؟؟؟؟؟؟
• البنيات بس يدخلون ؛
• استفسار بخصوص السكن الشقق الفندقيه
• بغيت اسماء ومواقع محلات شوكلاته مشهوره بليز
• سؤال ؟ بس لا تقولون ويه شخباري
• وش رايكم وش الافضل كويت بحرين
• هل من مرحب؟
• رسالة عامة ل بيت الكويت
• استفسار
• انصحوني بمطعم حلو ويصلح لمناسبة حلوة
• مسافرين للكويت لأول مره وابي مساعدتكم يا هل الخبره

السلام عليكم يالطيبين بزور الكويت بحيل الله وباول الله الاسبوع القادم وببالي عدة اسئله تبي اجوبه :



و عليكم السلام
حياك الله ابـ ديرتك الكويت ,, :24:








1 - وين الاقي القيمر الاصلي اللي يجي صنع محلي ، مابي القيمر المعلب حق kdd وغيرهم ، ابي القيمر الأصلي ولو حصل قيمر عراقي هل اجده بالكويت الغالية ؟



امممم.. والله ماني عارفه ! :114:








2- ابي العقال الكويتي القديم اللي يتدلى منه كركوشه على شكل حرف T سبق شفته بالكويت قريب ودورت بالمباركية عند الملابس الرجالبة الجاهزة ومالقيت وبعد الوزار الكويتي القديم حق النواخذه وين القاه هل يجي قطعة كاملة او يجي قماش بلمتر ينباع ؟



بوكركوشه هذا عقال قطري بالكويت حسب اللي اعرفه ما يلبسون جذي :tongue:
الوزار تلقاه بالمباركيه عند سوق الغربللي صوب المحلات الرجاليه
انا شايفته جاهز من فوق فيه (سيير).. :8888:
و اتوقع بعد تلقاه قماش بالمباركيه..








الغتر الكويتية القديمه الكاروهات واللي مخططه بالوان بني وسماوي زي اللي بمسلسل التنديل وين القاهم بالكويت؟



بالمباركيه ابـ تلقى اتوقع ابـ سوق الغربللي..








3- المواعين فناجيل الشاهي الكويتية التراثية اللي مضغوطه من النص وين القاها؟ ناس تقول بشارع فهد السالم بسالمية صحيح هالكلام ووين بالضبط ؟



شارع فهد السالم مو بالسالميه
بالديره هالشارع تحديدا منطقة القبله..
تلقاهم بالاسواق الشعبيه مثل المعلم "موجود ابـ حولي شارع تونس او مجمع بيروت شارع بيروت"
و تلقاهم بعد بالمباركيه..
اكو نوع انسميه بالكويت "استكانة ام نقطه" :8888:








4- مطعم فريج صويلح هل يجب علي اني احجز قبل ما اروح او ادرعم عليهم ؟ كم بالله رقم تلفونهم




لا درعم و بس
بس عموما يوم الخميس و الجمعه و السبت يكون زحمه لان ويكند انت قبل لا تروح اتصل عليهم :24:
هذا رقمهم 25755991








5 - ابي وصف لمجمع الكوت بالفحيحيل واوقات الاسواق عامة بالكويت من متى تفتح ومن متى تسكر



اذا كنت جاي من الديره
طريق الملك فهد السريع
عند جسر الصباحيه
تاخذ فرعي يمين و توقف بالاشاره و تلف يسار
راح تكون حديقة الصباحيه (مرح لاند) على يمينك
تكمل سيدا لحد ما ينتهي الشارع
راح مقابل البحر
تلف يمين و تمشي سيدا
راح تلقى الكوت على يسارك.. :24:


يفتح من 10 الصبح لغاية 10 بليل !
غالبية المولات جذي
بس المباركيه غير تفتح الصبح و تسكر الظهر و تفتح بعد العصر.. :101:

أخوي العقال اللي تقصده هو عقال كويتي قديم ( وكان يلبسونه أمراء السعودية أيضا) وهو يختلف عن العقال القطري

وتحصله بمكانين سوق الغربللي قريب من المباركية

وكذلك يكون تفصيل في محلات التفصيل ( سوق البشوت) وهو قريب من الغربللي .

( استكانة الشاي) اللي تقصدها إسمها إستكانة أم نقطة وتلقاها مثل ما قالت إختي همبكه في الأسواق الشعبية وأبرزها سوق الميرة وسوق لندن بالشويخ بالقرب من سوق التمور .

حياكم الله بديرتكم


1 - وين الاقي القيمر الاصلي اللي يجي صنع محلي ، مابي القيمر المعلب حق kdd وغيرهم ، ابي القيمر الأصلي ولو حصل قيمر عراقي هل اجده بالكويت الغالية ؟

خالتي تجيبه من محلات المباركيه ... طعم حلو
بس ما ادري بالضبط اي محلات

2- ابي العقال الكويتي القديم اللي يتدلى منه كركوشه على شكل حرف T سبق شفته بالكويت قريب ودورت بالمباركية عند الملابس الرجالبة الجاهزة ومالقيت وبعد الوزار الكويتي القديم حق النواخذه وين القاه هل يجي قطعة كاملة او يجي قماش بلمتر ينباع ؟
الغتر الكويتية القديمه الكاروهات واللي مخططه بالوان بني وسماوي زي اللي بمسلسل التنديل وين القاهم بالكويت؟

الوزار شكثر راح تلقاه بالمباركيه


3- المواعين فناجيل الشاهي الكويتية التراثية اللي مضغوطه من النص وين القاها؟ ناس تقول بشارع فهد السالم بسالمية صحيح هالكلام ووين بالضبط ؟

تلقاهم بأي سوق شعبي

4- مطعم فريج صويلح هل يجب علي اني احجز قبل ما اروح او ادرعم عليهم ؟ كم بالله رقم تلفونهم

عادي روح ... بس ب الجمعه و السبت الاحسن تحجز

5 - ابي وصف لمجمع الكوت بالفحيحيل واوقات الاسواق عامة بالكويت من متى تفتح ومن متى تسكر

ما ادله

مشكووووووووووووووووريييييييين الله يجزاكم خير ويفرجها عليكم

Hambka Q8 سوق المعلم هذا موجود بالشارع اللي فيه فندق ابيس ؟

فهد الأحمد هلا بلشيخ ياعمي اذكر شفت خريطة المباركية مقسم السوق لاكثر من قسم وين بالضبط القى تفصيل وجاهز للعقال ابوكركوش وتكفى توصف لي سوق الميره ولندن اللي بلشويخ لاني ما ادل زين بالكويت وتسلم ماقصرت


المرام تكفيييييييييييين الله يخلي لك خالتي تسئلينها لي وين بالضبط القى القيمر بالمباركية ترى والله بتخدميني خدمة عظيمه لو عطيتيني الوصف ولو حصل رقم تلفون الدكان اللي يبيع وكيف يجي بعلب او بقواطي وسعرهم لا هنتي

نسيت اسئل بعد عن السكن بمنطقة دسمان ،،،،،،،، دورت بلمنتدى ومالقيت اي شي عند منطقة دسمان وهي مليناه فنادق رخيصه من يدلني على فندق مريح ورخيص بدسمان

الوزار الكويتي القديم حق النواخذه

انا لقيتها في المباركية ب دينار

تسلم اخوي ماقصرت طاح هم الوزار والعقال ، باقي القيمر اللي للحين ماردت علي المرام وباقي السكن بدسمان مررررررره محد عطانا علم وش السالفه ؟

وش احسن فندق بدسمان من ناحية السعر والمكان الهادي والباركينج الآمن من الكسر والسرقه

تكفون عجلو علي سفري قرييييب والى الحين ما توقعنا