يا إخوان
أرجو المساعدة
ضروري ضروري جدا جدا
أبقول لكم السالفة من الأول
اليوم موعدي في السفارة ولسوء حظي صادف 11 سبتمبر
رحت السفارة وبعد ما مرمطوني شوي
جا وقت مقابلتي
ولسوء حظي ما كان فيه مترجمين باليوم هذا
فكنت مرتبك لأبعد الحدود لأني خايف اني ما أقدر أفهم عليهم رغم إن لغتي جيدة ما عليها
المهم
جتني وحدة تسد النفس وتتكلم من طرف خشمها
وقامت تسألني أسئلة كثيرة من ضمنها أسئلة شخصية كثيرة
وللأسف بعض الأسئلة فاجأتني ولا عرفت أختار الكلمات المناسبة
واكتفيت بقولة ما أدري أو يمكن
وبالأخير طلبت مني شهادة الثانوي والضمان البنكي وللأسف الشديد ما كنت داري انها مطلوبة في السفارة
على بالي انها فقط مطلوبة للمعهد والجامعة
وقلت إني آسف ما جبتها وما دريت انها مطلوبة
وأنواع الأسئلة التافهة
وبالأخير قالت لي أنت لست مخول للفيزا الأمريكية
قلت لها ليش
قالت ما شفنا منك جدية
ناسي بعض الأوراق وبعض أجوبتك كانت سيئة
وماراح تطلع لك فيزا
وما تقدر تقدم على موعد ثاني الا بعد سنة كاملة ؟؟؟؟؟؟؟!!!!!!!!!!!!!!
أنا انهبلت وانعقد لساني وقتها ما عرفت وش أقول
واخذت أوراقي وطلعت
وأنا طالع سألت موظفة كانت هناك
قالت مالك الا تقدم شكوى للسفارة
قلت لها اكتبها لمين بالضبط وكيف
قالت لي ما ادري انت شف بنفسك وهذا هو الحل الوحيد
وش رايك يا إخواني
اللي عنده خبرة ليت يساعدني
وش الحل
وش أقدر أسوي
ولو بكتب شكوى أكتبها لمين وكيف
ياليت اللي عنده خبرة أو حصل له موقف مشابه يا ليت يساعدني و أكون شاكر لكممواضيع عشوائيه ممكن تكون تعجبك اخترناها لك:
- تعال يالحبيب والحق على بعثات الحرس الوطني اليوم بدأت
- قلعة المرقب لمحه وصور وفتنة
- معلومات عن جميع الولايات في امريكا
- استشاره للخبرا
- للاخوة المبتعثين في لندن لدراسة او للعمل
- بلييييز أبي رأيكم ووقفتكم
- التقديم للمرحلة الثالثة من البعثات وش سالفته؟
- معهد للغة قريب من الإجوارد رود
- اريد السفر الى سوريا و لكن ليس عندي خبره ؟
- مساعدة فبول في معهد
- الرجاء من الجميع أعضاء وزوار الدخول
- الدارسون في لويزيانا والقريب منها انتبهوا الاعاصير مهم مهم مهم مهم
- السكن مع عائله كنديه او امريكيه ؟
- أرجو الدخول
- بورمنث هيلب مي
- طالب جديد رايح لسان فرانسيسكو
- المبتعثون السعوديون بين الدعوة للإسلام وتشويهه
- الفزعه ياجماعة الخير
- ياليت تساعدونى ابى ادرس لغة فى او
- أستفسـار عن نظام الابتعاث
رد مع اقتباس
المشاركة الأصلية كتبت بواسطة ابن السعودية
المفضلات