الموضوع: افيدوني شهر عسل في اوروبا

يعطيكم العافية أعضاء هذا المنتدى بصراحة جهود جبارة تبذل تشكرون عليها وانا في الحقيقة ابي رأيكم في ترتيبي لشهر العسل اللي راح يكون في شهر جون 2014 من 21 و لمدة 14 يوم راح تكون بين ثلاث دول المانيا و النمسا و سويسرا راح أحجز الى ميونخ ذهاب و عودة شنو اقتراحاتكم لي من الموبايل

مواضيع عشوائيه ممكن تكون تعجبك اخترناها لك:

• بطاقه الفيزا الكترونيك تمشي في المانيا والنمسا
• كـــــوكتيل المــــــانى
• السكن في كونستانز
• الابلكيشن وكم سؤال لا هنتم
• السكن في قارمش ضروررررررييييييييي
• ايش افضل
• رأيكم يعني قراري في هذا الفندق
• مدة السفرة
• ياحماعه اريد رأيكم
• المسافه بين بون ولندن
• فندق Sheraton Frankfurt Congress في فرانكفورت
• هل الجواز المضاف مقبول في الشنقن الالماني ؟ وفي داخل المانيا ودول الاتحاد الاوروبي ؟؟
• هذا ما صار معي في يورب كار فرع الرياض أبي رايكم
• نريد المساعده بليززززززززززز
• عاجل عاجل ابغى الرد
• وش اللي يجي قبل قارمش ولا سالزبورج
• فزعة يا أهل الخبرة ببرنامج رحلة يوسع الصدر الى الريف الاوربي
• هل يوجد مطاعم ومقاهي مشهورة في غارمش؟
• استفسار عن حجز سيارة من
• مشكلة في حجز الطيران بالخطوط الالمانية

ميونخ
سالزبورغ
زيلامسي او كابرون
ماينفيلد
انترلاكن
ميونخ

تحياتي

طيب شنو تنصح توزيع الأيام ع المناطق و كيف افضل وسيلة للتنقل بينهم من الموبايل

ميونخ وصول فقط ثم الانطلاق الى سالزبورغ والمبيت ليلتين
ثم كابرون او زيلامسي والمبيت 5 ليالي
ماينفيلد مبيت ليله
انترلاكن 4 ليالي
ميونخ ثلاث ليالي
افضل وسيله للتنقل بالسياره

تحياتي

شنو الأماكن الحلوه في هالمناطق و اذا تقدر تنصحني بفنادق زينه من الموبايل

وعليكم السلام

مبروك عليك الزواج يا بعدي ووالله يوفقك
وإن شاء الله تستانسون في رحلتكم ووقت سفرك راائع جداً ماشاء الله

وقبل كل شيء لازم تقرأ كثيييير ولا تستهون تجارب الاعضاء لان فيها فايدة تهممك

طبعا اذا انت بتحجز ذهاب ميونخ وتبي سويسرا بنفس الوقت
الافضل تحجز العودة من جنيف

يومين في ميونخ ( طبعاً انت عريس ومايحتاج انك تتهجول بعد الرحلة وتمسك خط )
وأنا أفضلك هذا الفندق Eurostars Book Hotel
بصراحة أنا ارتحت فيه جدا من ناحية الموقع ونظافة الفندق والمعاملة الحسنة وقريب من كل شيء

تنزل على زيلامسي وتاخذ فيها اربع ايام
انا سكنت في فندق Grand Hotel Zell Am See تقريباً ليلته بـ 1100 ريال واللي يميز هالفندق موقعة القوي
لكن يمكن يناسبك ويمكن لا ... وبصراحة ما أقدر أفتيك في غيره هناك

وزيلامسي فيها أماكن رائعة كثيير
قمة كابرون الثلجية تبعد عن زيلامسي أتوقع أقل من 10 كيلو
خوانق سيغموند ثون خياال
طريق جروس جلوكنر وتمشي بسيارتك في طريق ثلجي رااائع
شلالات كريمل تبعد عن زيلامسي حوالي 40 كيلو
الزحليقة الصيفية قبل ما تدخل زيلامسي ,, ناسي بكم كيلو قبلها بس قليل جدا
وفيه أماكن رائعة كثير ماهي بذاكرتي الان يمكن يفدك الاعضاء فيها

وبعدها دق سلف على سويسرا وروح اسكن في قرية هايدي ( ماينفيلد ) خذ ليلة فيها
لانها تبعد عن زيلامسي حوالي 400 كيلو ( طريق في قمة الخيال ) وبنفس الوقت اطلع للقرية وادخل بيت هايدي
وأنضف فندق هناك تقريبا هوSwiss Heidi Hotel

وشد الرحال على انترلاكن قلب سويسرا
وخذ فيها 4 أيام
وأنا سكنت في فندق Goldey Swiss Quality Hotel ليلتين وكان موقعه مطل على النهر رووعة
واخذت ليلتين في فندق Neuhaus Golf- & Strandhotel انتبه لاتسكن فيه لانه سيء وندمت اني سكنت فيه

ما اقدر افيدك في فنادق غيرها لاني ماقد جربتها يا بعدي .. ان شاء الله يفيدك غيري فيها

ممن انترلاكن تقدر تروح البحيرة الزرقاء وتروح قرية زيرمات وعندك قمة جينفروباخ وعندك 3 شلالات رائعة
أنا رحت منها واحد اللي هو شلال جس باخ وكان أشبهه بالخيال من روعتة سبحان الله
فيه أماكن كثيرة تقدر تروحها من انترلاكن راح تعرفها مع القراءة

وشد الرحال على ديفون الفرنسية ( تبعد عن جنيف حوال 10 كيلو )
خذ فيها 3 ايام ( الاخيرة ) طبعا ديفون صغيرة ومافيها شيء الا البحيرة
بس ليش اخترتها لك ؟
بسبب قربها من جنيف لان لو سكنت 3 ايام في جنيف بتكلفك كثير لكن في ديفون رخيص جدا بالنسبة لجنيف
ارجحلك هذا الفندق Park & Suites Prestige Genève Divonne Les Bains
رائع ونظيف

تقدر تروح منها لجنيف في ليلة ... وتروح آنيسي الفرنسية الرائععععة في ليلة
واليلة الاخيرة تجهز للسفر وعودا حميدا ان شاء الله

يعني عندك
2 ميونخ
4 زيلامسي
1 ماينفيلد
4 انترلاكن
3 ديفون

لكن اذا كنت من محبي الالعاب والملاهي لازم تروح اوروبا بارك

2 ميونخ
4 زيلامسي
2 زيورخ الافضل تسكن في رامادا لانه نظيف وسعره مناسب .. تنطلق منها على الغابات السوداء وتروح اوروبا بارك
تستانس هناك ثم ترجع زيورخ أو ( تاخذ ليلة في زيورخ ترتاح من السفر وتاخذ ليلة في قرية رست اللي فيها اوروبا بارك )
4 انترلاكن
2 ديفون
العودة من مطار جنيف ( تسلم سيارتك في الموقف المخصص لها وتروح المطار وتركب طيارتك ) اذا تبي تفصيل لها ابشر بعزك

طبعا أفضل وسيلة تنقل السسسسيييييييييييياااااااااااارة راح تدعيلي وقتها ( لا تدعي علي تكفى هههه )
خذلك قارمن أو ركب برنامج نافيجون أوروبا في الايفون .. واتعلم كيف تدخل الاحداثيات وأمورك تمشي تمام التمام

وهذا اللي عندي يا بعدي وإذا تبي أمور ثانية أبشر بعزك أو تبي تفصيل لمطار ميونخ أو جنيف من ناحية استلام السيارة وتسليمها أو امور اخرى .. مابقصر معك باللي عندي ... وأعذرني إذا فيه تفقيع بالمخطط ههههههه ولا إذا فيه كلجات لاني أكلج كثير

وأي شيء تامر عليه أنا بخدمتك يا عريس

لا اعتقد اني راح ارجع من جينيف لان فرق السعر كبير جدا بين التذكرة اذا كانت من نفس المكان او مكانين مختلفين
وأشكرك على هذا الجدول شوقتني للسفر ولكن يبدو لي اني راح اعدل عليه بسبب الرجوع من ميونخ و بتاكيد راح امر على اوروبا بارك
اذا عنك اي اقتراح على التعديل لا تبخل علينا حسيتك الاب الروحي لي في هذه السفرة

ماقصر نزف الزمان
واذا تبي ترجع مع ميونخ ,,, اذا خلصت من انترلاكن شد رحالك على ميونخ الطريق ممتاز جدا وممتع

يابعدي

طيب انت اسأل عن اسعار التذاكر لاقرب مكتب تعرفه وشوف الاسعار قبل ما تقرر
لان انا رحت على ميونخ ورجعت من جنيف على الخطوط القطرية في مايو تقريبا ب 2800 ريال ( من جدة طبعا )

أو اذا مالك مزاج لجنيف
فكر في فينيسيا في ايطاليا
شوف اسعار التذاكر اول وردلنا يا غلاي

لان ودي انك تغير مكان الرجعة علشان تشبع وناستك باماكن اكثر

وانا ان شاء الله بكون متابع معاك يا عريس