السلام عليكم ورحمة الله وبركاتة
من العايدين وكل عام وانتم بخير اولا
وبعدها حطخلكم بالموضوع على طول وحديكم باذن الله كل الاشياء الي ممكن تهمكم برحلتي
انا سفرتي كانت من 21 اغسطس
الى 11 سبتمبر واتمددت الى 15 سبتمبر
كانت تسميتها بالشكل هذا
الوصول الى جوهانسبرغ والذهاب الى سن سيتي مباشره مع السواق فريد الي حاط رقمه دوراك باشا
واتفقت معاه يوديني ويجيبني الى المطار بعد ثلاثه ايام بالف راند
واول ماوصلنا سن سيتي ذهبنا الى فندق كباناس حسب حجزي
وانا كنت حاجز جميع الفنادق من موقع اكسبيديا الي حاط بموقعه
وكنت حاجز ثلاثه ايام بالفندق مع الفطور
وكانت ب2407 راند
والمدينه مع صغرها كانت روعه بس بصراحه ماتستاهل اكثر من 3 ايام وانا من اول يوم لفيتها كامله ومنها روحنا الى السفاري و الى حديقه الاسود وكانت حديقه الاسود احلى من السفاري بكثير
واتذكر كان فيه اعلان عن حديقه التماسيح بس مارحنا لها
وبعد ذلك رجعنا الى المطار وكنا حاجزين الى كيب تاون
وفيه شغله ابا اقولها هنا عن الحجز على موقع طيران جنوب افريقيا وهيا اذا جيتو بتحجزوا عليها طبعا اسعارهم اقل من النص اذا جيتو بتحجزوا عن طريق المطار بس اذا اتاخرتو عن رحلتكم راح تتدفعو اكثر من سعر التذكره عشان تغيروها يعني لو تاخذو تذكره جديده احسن بس فيه حل ممتاز وهو اذا كنتم تبون تسافرون على رحله الساعه 5 العصر مثلا تحجزون على رحله 8 بالليل وتجون على موعد الرحله الي تبون فتقدرون تسجلون انتظار و حتروحون فيها ويصير باسواء الاحوال تضمنون انكم ماتتاخرو لان انا كنت حاجز على موعد الرحله الي اباها واتاخرت غصبا عني بسبب السواق ماجاء بدري وصدقوني تعبت هناك الا ابعد درجه لان كان لازم ادفع 3700 راند عشان اقدر اغير التذكره ومع ذلك ماحقدر اطلع بنفس اليوم لانه كان فل وبالقوه ق\رت ادبر نفسي مع موظف هناك وادفع له 600 راند بس ؟؟؟؟ وتخيلو من الساعه 3 الظهر ماقدرت اخلص اموري الا الساعه 9 بالليل وانتبهوا من الشي ذا لن فيه ناس كثير حيسوا انهم يبون يساعدونكم بشرط تدوهم فلوس بس اغلبهم حياخذكم ويلف فيكم المطار ويقولكم ادوني فلوس طبعا هذا لو كنتم ماتتكلمو انجليزي تمام
المهم بعد ماخلصنا من حوسه المطار طلعنا الطياره عشره ونص ووصلنا الى كيب تاون 12 ونص
وكنت متواعد هناك مع اسوق حسين انه يوديني الى فندق امباسدر ب200 راند وماتفرق كثير عن الي من المطار لنهم حياخذوا منكم بالمتر و من الفندق الى المطار تطلع 230 راند والفندق هذا في منطقه السي بوينت وكنت ماخذ فيه سويت لمده 9 ايام وبصراحه الفندق كان جدا رائع ونظيف ودوبه مخلص من تجديد كامل جدا وكنت ماخذه من الموقع اليوم ب 74 دولار و كل يومين تاخذ يوم ثالث مجانا
والفندق اربع نجوم يعني روعه وعلى البحر مباشره
واول يوم خليناه راحه و نوم وماصحينا الى الساعه 3 الظهر و على الوتر فرونت روحنا عن طريق الباص بعد ما تمشينا على البحر
وجلسنا فيه الى الليل ولاطفشنا واتفقت مع السواق حسين اننا بكره نروح ثلاثه اماكن
جبل الطاوله
حديقه الزهور
حديقه النعام
وكان حسابهم 500 راند طبعا حسابهم هذا ماكان على اليوم لا كان على الاماكن بس
لان ثاني يوم كنت ابا اروح الى كيب بوينت الي هيه راس الرجاء الصالح بس وهيه صح بعيده بس مو لدرجه يكون حسابهم 1400 راند؟؟؟
فقررت استاجر سياره؟؟؟؟؟
وفعلا استاجرت سياره من ثاني يوم عن طريق نفس الموقع من شركه هيرتز
واخذتها لمده 15 يوم مع تامين السرقه وتامين الحوادث وهاذي ماهي اجباري ولكن انا فضلت اني اخذها لان الواحد هناك مايضمن السرقه ولايضمن سواقته لانها عكس عن هنا وكان حسابهم كامل 4700 راند تقريبا طلعت 2400 ريال سعودي
بس بصراحه احس الرحله بديت حلاوتها من وقت استئجار السياره واخذناها من المطار لانه كان يوم احد واجازتهم الاحد
بس الي يبا يستاجر اقوله افضل شركه شفتها هناك انتشار غير طبيعي كانت شركه avis لان انا سويت فلم تطعيس بالسياره واضطريت اغيرها لمن كنت في ويلدرنيس وطول ما انا جالس اتمشى هنك كنت اشوف شركه افيس اما هيرتز مالقيتها الا بمطار جورج وطبعا جورج ماهي بعيده عن ويلدر نيس بس انها وراها و كل التمشيات كانت من ويلدر نيس بعكس اتجاه مدينه جورج فعشان كذا كانت شويه متعبه وماغيرتها الا وانا راجع من ويلدر نيس الى كيب تاون
وبعد ماستاجرت السياره لفيت كيب تاون كامله ثاني يوم من استئجارها روحت على كيب بوينت وطبعا بالخارطه الي اسهل منها مافي مع ان المنطقه الي اباها كانت بعيده جدا يعني اخذنا بالروحه والرجعه يوم كامل واخذتها من نفس مكتب الايجار وكانت الاسهل والاوضح مع اني اشتريت ثلاث خرايط للمدينه
واحنا راجعين مرينا على شاطي البطاريق الرائع والقريب من كيب بوينت والي على طريقها كمان وانا فضلت اخليه بالرجعه ومرينا على كذا شاطي هناك كان مافيه اختلاف كثير بينها لكن كانت المتعه في انك تسوق السياره وانت وزوجتك بس فين ماتبا تجلس توقف وفين ماتبا تروح باي وقت
وثاني يوم روحنا على حديقه الطيور الي اساسا هيه على طريق كيب بوينت فكنا عارفينها ولا استخدمنا الخارطه لان طريقها سهل
وكانت بصراحه شامله انواع من الطيور روووووووووووعه وكان فيها مجموعه قرود غريبه ولا بغينا نطلع من الحديقه هاذي بسبب روعتها وبعد ماخلصنا فكرنا وين نروح فقلنا بنتمشى بالسياره على روسنا وجلسنا نلف الى العصر تقريبا وبعدها على الوتر فرونت وكملنا تمشيه على رجولنا
وكنا يوميا يا نروح الوتر فرونت او السنشري سيتي بس الوتر فرونت كانت احلى لانها عباره عن مجمع كبير فيه اسواق و فيه المنطقه المائيه الرائعه الي تتشكل من سفن ومطاعم ومحلات رائعه وفيه الحديقه المائيه الي عباره عن احواض لكائئنات بحريه كثيره جدااااااااااا
وثالث يوم نمنا الى الظهر ايضا ولمن صحينا جلسنا بالفندق الى العصر وعلى افلام الدي في دي الي استاجرناها اليوم الي قبله بالليل من محل فيديو هناك ومشغل الدي في دي كان موجود بالفندق وهذا الشي كان متميز فيه فندق الامباسدر وعندهم ايضا قائمه افلام تختار الي تبا منها احنا كنا احيانا نختار من عندهم واحيانا ناخذ من محل الفيديو وايجار طبعا
والعصر طلعنا وعلى السكوير ماركت وهي منطقه تسوق كبير تقريبا بنصف المدينه بس كبيره جدا وفيه منطقه فيه عباره عن بسطات زي الي بسوق الاحد بس على اضغر وكانت يوميا الا الاحد غير موجوده البسطات لان الناس كانت تروح على سوق الاحد فتلقى اصحاب البسطات هاذولي كلهم هناك بالاضافه الى اناس كثير غيرهم وتلقى جميع الاشيا الي ممكن تم في بالك من الصناعات اليدويه او الملابس او التحف او الاسحه كمان تحصلها على ختلافها من السكين الى الرشاش جميع مايخطر في بالك
ولمده يومين متواصله كنا نروح هاذي المنطقه والي يقع باقرب منها مطعم بخارى الرائع
:113: :113: :113: :113:
والان ناخذ وقت مستقطع كي نكمل لكم في مابعد التفاصيل الباقيه
استاذنكم يا اخوان
مواضيع عشوائيه ممكن تكون تعجبك اخترناها لك:
رد مع اقتباس
وارخص من السواق اليومي..
المفضلات