.. بسم الله الرحمن الرحيم ..

السلام عليكم ورحمة الله وبركاته ..

اسال الله العلي القدير ان يشفي ابنتي ويشفي جميع مرضى المسلمين ..

اللهم آمين اللهم آمين .

اخوتي هذه بعض المعلومات المهمة لمن يذهب الى امريكا للعلاج :

1- أرسل موعد قدومك الى الملحق الصحي قبل قدومك بفترة كافية ياريت لو قبل شهر .

لانه وبنسبة 99% ما راح احد يستقبلك في المطار .


2- احجز في فندق لمدة 3 او 4 ايام حتى تتمكن من الحصول على سكن جيد .

3- اهم شي تفعله عند الوصول وبعد السكن في الفندق ارسال فاكس للمحق الصحي تطلب فيه ورقة تفيد بانك تستلم ( راتب ) في امريكا وانك هنا للعلاج .

هذه الورقة تفيدك كثيرا في الايجار وتريحك في اكثر الاماكن من ( السوشل سيكيورتي ) .

4- اذا كنت موظف ارسل فاكس الى الملحلق الصحي واطلب فيه شهادة مرافق وتحدد فيه جهة عملك ويوم وصولك , ثم ارسلة الى عملك .

5- يجب ان يكون معك مبلغ كاف لمدة شهر ( مايقل عن 5 الاف دولار )

لانك ماراح تستلم ريال قبل يوم 24 هجري .

يعني لو انت جيت يوم 20 راح يصرفون لك يوم 24 شيك بمدة 4 ايام فقط ويرسلونه لك
مع العلم انه لكل مرافق 80 دولار في اليوم واي طفل اقل من 7 سنوات مايصرف له شي .


6- يجب عليك فتح حساب في اي بنك ( وانصحك بـ بنك اوف امريكا ) ممتاز جدا وفروعه في كل مكان .

ملاحظة : عند عملية السحب يجب ان تسحب من نفس صراف البنك او يحسب عليك عمولة على كل سحبه .


هذا ما اتذكره الان وان شاء الله ان تذكرت شي ساضعه مستقبلا.


ملاحظات عامة :

ان كنت في الولايات الشرقية فالمناطق هناك غالية شوي .


السكن في امريكا مشكلة لانه نادرا ما تلقى سكن مفروش كامل .

يعني راح يعطونك شكن فيه فرش ارضي فقط ومطبخ وفرن وانت عليك الباقي

اما انك تشتري اثاث جديد او انك تستأجر اثاث .

ايجار السيارة يتطلب وجود رخصة دولية من دولتك + رخصتك العادية .

وايجار السيارة معقول ولكن مع التامين راح يكون غالي جدا جدا يصل الى 1400 دولار في الشهر

وماننسى البنزين سعر الجالون اكثر من 3 دولار .


* دائما ابتعد عن الدوان تاون لانه غالي .

فمثلا :

سعر ايجار غرفتين في الداون تاون مؤثث كامل = 3400 - 3700 دولار في الشهر .
بينما سعر غرفتين غير مؤثثة + ايجار اثاث كامل + سيارة = 2500 دولار في الشهر يبعد عن الداون تاون 15 دقيقة .


استفيدوا من اخوانكم اللي يدرسون في المدينة اللي رايحين لها .

فوالله لهم فضل كبير علينا الله يجزاهم خير .

هذه بعض النقاط ان شاء الله تفيد من يود الذهاب ولاتنسونا من دعوة في ظهر الغيب فنحن في امس الحاجة لها


في امان الله

مواضيع عشوائيه ممكن تكون تعجبك اخترناها لك: