الموضوع: تكفووووون بس رايكم نصيحه باقي يوم عالسفر

السلام عليكم ورحمة الله وبركاته

لقيت هالسياره وقررت استأجرها بس لو تعطوني نصيحتكم

هم كاتبين 5 ركاب
وانا وام العيال و 4 ابنائي يعني عددنا ٦

هل يسمحون لي استأجرها بما انه عددنا 6 ولا مايسمحون

ولا اجباري العدد يكون ٥ ركاب على اساس خمس كراسي وكل كرسي بحزام الامان

و كيف اتأكد انها تأمين كامل ضد كل شي مثل ماينصحون كل الاخوة عشان مااتورط

هاذي السياره اللي قررت استأجرها
الرابط مايشتغل



FREE cancellation up to 48 hours before your pickup!

Peugeot 307 Estate or Similar
Only AED167.39 a day Car Hire Charge AED2,008.67




Class: Compact [ulist][*]X 5[*]X 4[*]Yes[*]Manual[/ulist][ulist][*]We give you the following for FREE:[*]Cancellation[*]Amendments[*]Theft Protection[*]Collision Damage Waiver[/ulist]PLUS your rental includes
[ulist][*]Unlimited Kilometres[*]Local Taxes[*]Airport Surcharge[*]Road Fee[*]Premium location fee[/ulist]بس معقوله هذا سعرها!!!

غريب احس في شي غلط

اذا تقدرون تدبرولي حجز غيرها بكون ممتن

سؤال اخيرومهههههههههم الله يرضى عليكم

اذا مالقيت شقق وقررت انزل بفندق بس الفنادق غرف مفصوله

هل توجد غرفتين جنب بعض ترتبط بباب داخلي يعني غرفتي وغرفة عيالي متلاصقتان بباب داخلي

لان الى الان مالقيت شقق ومستحيل القى انا تأخرت بالحجز كثير لظروفي

هل حد جرب هالشي غرفتين بباب متصل داخلي؟

شوركم الله يرضى عليكم بقى لي يومان عالسفر
١٩/٨/٢٠١٣

ولكم جزيل الشكر

اخوكم بو هزاع

مواضيع عشوائيه ممكن تكون تعجبك اخترناها لك:

• الاسواق في ميونخ
• ما رأيكم في مخطط رحلتي واستشارة في اختيار الشقق ؟
• افيدونا يا أهل اوروبا جولة على القارة
• احداثيات مساجد الجمعه في فرانكفورت
• فندق انا هوتيل يحتاج تاكسي من محطة القطار
• ارجاء من خبراء ألمانيا الدخول واعطاء الرأي
• مخطط رحلتي الى المانيا والنمسا وايطاليا آمل توجيهات الخبراء في الخطه
• زيارة مدينة أخن الالمانيه للعلاج
• طلب وضع اعلان في موقعكم (المسافرون العرب)
• اللي دخل مطار فرانكفورت بشنجن فرنسيه عاااااجل
• المساعدة في رسم خط سير لشهر عسل في نوفمبر
• مطلوب معلومات عن شقق فى بادن بادن بأسعار معقولة لعائلة كبيرة
• إصدار الشنغن
• ساعدوني
• شهر عسل المانيا والنمسا
• طلب برنامج سياحي ميونخ لمدة اربع ايام
• استفسار مهم لخبراء برلين وفرانكفورت اللي اقاموا مده طويله
• المساعدة يا أعضاء وخبراء المنتدى عاجل جدا جدا
• العلاج في المانيا
• استفسار عن السفر بواسطه السياره من ميونخ الى فيينا دايركت

هذا رابط موقع السياره

يمكن الحين يشتغل

http://www.rentalcars.com/DriverExtras.do

الله يرضى عليكم ردوا علي

اللنك مايشتغل ماعرف شو الحل

دبروني

ابو هزاع وين مقر سكنك انت؟

وعطني التواريخ لاستلام السياره وتسليمها؟
واي مطار؟

الحمد لله حد رد علي


استلام السياره عند الوصول مطار فرانكفورت ١٩/٨/2013 والذهاب دايركت الى ستراسبورغ للمبيت فيها
والتسليم في لوقانو تاريخ ٣١/٨/2013


مشكور مسبقا

هذي في سيكست
سعرها 3771 بدون تأمين شامل
بالتامين الشامل سعرها 4960
بدون كراسي الاطفال

هذا موقعهم
http://sa.sixt.com/php/reservation/h...ier=1376689799

بس الحين قريت موضوع احد الاخوة وينبه من شركت سكست

يقول انها تاخذ تأمين دبل قيمة استأجار السياره

الحييييين قريت موضوعه وينبه الكلللل

حاولت ادور لك على رابط موضوعه بس مالقيته

وراسلت الاخ Aboaziz

وقالي انه اوروبا قوانينهم صارمه ولازم اتقيد بعدد الركاب فالسياره يعني اذا كاتبين ٥ ركاب يعني 5

جزاك الله خير اخي
قايدعنادك

بس مش محددين عدد الركاب

شكلي بتوكل على الله وبحجزها

والله المستعان

والله ياخوي فريت كل مواقع السيارات المشهوره ولا حصلت سياره لافي المطار ولا في الخارج
لكن
الحل الوحيد انك تراجع اي فرع ليوروب كار في مدينتك وتتأكد منهم او سيكست او افيس او بدجت
هناك اوضح وافضل

مشكور اخوي وجزاك الله خير

اتعبناك معانا

لاتعب ولاشي

موضوعي نفس موضوعك
توهقت
والاهم تاكد من التامين يكون شامل والكيلومترات مفتوحه وكم يحجزون من الفيزا لان بعض الشركات تحجز قيمة السياره من الفيزا
وانت بحاجه للمبلغ

واذا وجدت حجز انقذنا

التامين اللي يحجزونه كل ماكان فئة السيارة افخم كل مازاد المبلغ المحتجز
والتامين الشامل كل ماقل مثلا الاكسس يصير 850 يورو يزيد المبلغ المحتجز
وكل مازاد الاضافات جي بي اس - كرسي اطفال يزيد مبلغ التامين

هذا كلام توصيف الاخ الهندي اللي بسكست الرياض شرحي لي كذا

قلت طيب متى يحجزون دبل قال اذ خليت الدفع عند الوصول يحجزون مبلغ الايجار ومبلغ مساوي له
بس لاجل ماتخليهم يحجزون دبل ادفع قبل سواء بالموقع او اي مكتب وهناك راح يحسبون عليك الزيادات ونوع التامين

كنت ب استاجر بي ام 3 سيرس قال راح يحجزون 500 يورو لان الفئة بريميم واللي تحتها ستاندر زي سي ال اي و باسات سي سي راح يحجزون 300 يورو



ويورب كار يقول اذ حجزت ودفعت . . بالفوتشر يعلمونك كم راح يحجزون من الفيزا قلت مافي طريقه لحسبتها قال لا

الاخ

ناصر محمد1
و
بيبي بولد


مشكورين ع اضافة المعلومات

خلاص انا رايح الحين لاي مكتب في مدينتي وبشوفهم

اشكر لكم اهتمامكم

واخوي ناصر محمد1 اذا لقيت شي بخبرك


مشكورين ويزاكم الله خير

بس الحين حيرتوني

يعني الافضل استأجر من مدينتي ولا لما اوصل عندهم مطار فرانكفورت

شو الاوفر والاضمن

اخاف اوصل المطار ويكون نوع السياره العائليه غير متوفر او شيِ من هالقبيل

نسيت اخبركم حاولت احجز سياره كبيره نوع van
6/7 اشخاص

لكن للاسف

يطلعلي فالموقع انه الفان van لازم ارجعها في نفس بلد الاستلام

لا واعتقد بعد لازم ارجعها من نفس المكان اللي استأجرته منها

يعني اذا خذتها من المطار طلعلي لازم ارجعها للمكان نفسه المطار

ماعرف اذا المعلومه صح او غلط بس هذا اللي يطلع معاي فالموقع

وانا وصولي المانيا و الرجوع ايطاليا

يعني ورررررررطه ماكانت فالحسبان

والحين شو الحل مادري

افكر استأجر من المطار ولما اطلع من المانيا الى سويسرا اسلم السياره في كونستانس او ميونخ


وررررررطه

الله المستعان


بسأل مكتب السفريات واتأكد احسن

اخوي ناصر محمد 1


ذهبت الى مكتب السفريات

قالي النظام مايسمح ان استأجر سياره 5 اشخاص ونحن عددنا 6

ممنوع ومخالف

المهم قالي اقدر استأجر سياره van 6 اشخاص

الاستلام من فرانكفورت والتسليم فبلد اخر لكن فاماكن محدده

يعني اذا بسلم السياره في سويسرا لازم اسلمها فمكانين فقط اما زيورخ او جنيف فقط

لهذا السبب كانت مواقع تأجير السيارت اللي احاول احجز منها تقولي انه ماقدر اسلمها بالمناطِق اللي كنت اختارهاِ

فاذا الاستلام من فرانكفورت تاريخ 19/8/2013 والتسليم بزيورخ او جنيف نسيت تاريخ 31/8/2013 يعني 14 يوم بيكون المبلغ 8827 درهم/ريال

بس طبعا مع كاااامل التأمين وضريبة الاستلام والتسليم من دول مختلفه والنفيجيشن وكيلومترات مفتوحه وضريبة طريق والخ...

وقال انه المواقع بتاخذ علينا الاضعاف المضاعفه

ماعرفنا مين نصدق ومين نكذب ومين ينصب عليا ؟؟؟

المهم انا للحين ماحجزت لانه قالي بيرد علي بكره ان شاء الله

واذا في اي مستجدات بضيفه فالموضوع

سألته اذا اقدر اسلمها في لوقانو ولكن للاسف السيستم عندهم قفل

قالي بكره بيرد علي

الله يوفقك

والله توهقنا