الموضوع: موجود بالكويت وبغيت أسأل عن موقع كنافة الطيباوي فريق عقاب الخ ؟

السلام

أنا ألحين بالكويت ورايح يصير لنا 3 أيام

تقريباً باجر آخر يوم لنا ، وزرنا عدد من الأماكن ( سوق شرق - الأفينيوز - المباركية - سوق المعلم )

المطاعم ( فريج صويلح - كباب الحجة - ميس الغانم - جاد المصري ):101:

بغيت منكم وين موقع مطعم أو محل كنافة الطيباوي ( سمعت عن كنافته المميزة والكل يتكلم عنها )

ياريت بالوصف بالتفصيل مثلاً لو كان قريب من مكان معروف ولو في إحداثيات كلش تمام

مثل الشي بغينا مطعم للغدا ( سمعت عن فريق عقاب ) فياريت مثل الشي نعرف وين بالضبط ؟

مفكرين نزور أسواق ثانية مثل ( سوق دبي بالفروانية .... الخ ):106:

لو في إقتراحات لأسواق معروفة ومفتوحة يعني لاتبخلون علينا ، عاد مع الوصف ههههههههه

أنتظر ردكم

ومشكووووووووووووووووووووووووووووووووووووووووووورين :surf

مواضيع عشوائيه ممكن تكون تعجبك اخترناها لك:

• زيارتنا لكويتي وأفتخر
• شقق مفروشه
• سياجة في الكويت وعدى استفسارات بخصوص السكن
• استفسارات بسيطة عن الكويت
• ساعدوني بشركة شحن بسسررررعه
• مطعم الفحيحيل
• استفسار بخصوص تأجير السياره من المطار ولا برا المطار ؟
• اريد شقق سعره معقول
• فندق هلتون بالكويت
• كم المشوار بالسيارة من شارع سالم إلى مسجد الدولة الكبير
• مساعده في هونك كونج و جوانزو ؟؟؟
• اماكن تسوق الماركات بالكويت
• بنااات الكويت فزعتــكمـ ،،
• اعيش فى ايطاليا و نفسى ازور الكويت ولا اعلم كيف ؟
• دليل الزائر السياحي للكويت مدعم بالمعلومات والصور
• توني راد من الكويت
• صور احترافيه عن الكويت من تصويري
• اول مشاركة لي لاتخذلوني
• مشاريع الكويت المستقبلية في عاصمتها مميز ومتجدد
• ياهل الكويت الكرام من فضلكم

+
محلات لبوانطلين جينز وفانيلات بأسعار مناسبة غير الأماكن اللي رحناهم وغير المارينا مول !

حياك الله بينا
امممم الطيباوي هاذي حلويات اعتقد بس يمكن فيها كنافه واذا بخاطرك كنافه مو طبيعيه
عندك اشهر محلين بالكويت للكنافه
كنفنجي و الكنفاني
بس مواقعهم في كل مكان
الجابريه , حولي , المناطق السكنيه
سوق دبي ماسمعت فيه
بس جرب تروح الحمرا مول او مغاتير حلوين وشارع الفروانية هاذا راح تحصل اسواق كثـــــــيره وحلوه واسعارها جدآ معقوله
جرب تروح بيت اولادنا فيه جنزات على كيف كيفك
اي صح عندك فاشن مل في مجمع بيروت في منطقة حولي
اسعاره اوكي وملابسه حلوه على مسؤوليتي
بالنسبه للمطاعم مممم ماعندي فكره وين صاير فريج عقاب
اتمنى اني فدتك

و عليكم السلام و رحمة الله...

------------------------

عندك الكنفاني و الكنفجي...
و متوفرة في جنوب السرة, حولي, السالمية, و موجوده كذلك في المجمعات مثل مارينا مول.

---------------------

بالنسبة لمطعم فريج عقاب...
هو من فئة مطعم فريج صويلح,,,
و يقع في مجمع أجيال بالفحيحيل "قريب من الكوت تقريباً".

----------------------

تقبل تحياتي.

حياك الله يالحبيب..................... بالنسبه (((للطيباوي)))
أذا أنت ساكن بالسالميـــه أو رايح اليوم .... راح أعطيك الوصف اللي ما يخرش الميــــه
لأني أمووت فيها .. تـؤبـرنـــي .. بكنافةالطيباوي....آوكي أتخلي مركز سلطان عاليمين والفنار عاليسار
وتكمل لين الأشاره مالت شارع قـطـــر وتأخذ يسار وتلف مع الأشاره يسار ؟؟ إذا خذيت يمين تتطلع عالبحر ؟؟
آوكي خذيت يسار من تمشي 300متر تتدخل يمين راح يقابل دوار صغير أخذه3/4
وكمل سيييده راح ينحني فيك الشارع وكمل بعد راح تشوف المطاعم
*مغل محل * + *فايز*+ وأرينتيال بعدهم 50متر راح يكون الطيباوي علي السطره
من هالمطاعم... بالعافيـــــــــــــــــــــــــه وتذكرني ,انت تأكــل قول لقمه لي ولي ل صوت المطــر ) شرايك فيني ,
إذاك في حولي علي نفس شارع (((مجمع بلازا))) اللي في شارع العثمــــان
شكرآ /اسمحلي عالاطاله
صوت المـــــطــــر

تونا راجعين من السوق ( رحنا سوق دبي في الفروانية - وسوق الفروانية ماشجعتني أنزل من السيارة - رحت بعدها السيتي سنتر وشريت جينزين )

شكراً Noosha84 بروح مجمع بيروت ،

Dhari :
المتألق دائماً تسلم على الوصف ،في الطريق حصلنا كنفاني في الفروانية وحولي وحفظت الإحداثيات حق الليلة نروح !


صوت المطر :
يعني ألحين من أفضل الكنفاني لو الطيباوي ؟
أنا ساكن ببنيد القار ، وأدلي شارع البلاجات والخليج العربي ......... الخ
بس بسهل عليك أنا أدلي مغل محل اللي في شارع جابر المبارك بالعاصمة ؟
فأخليه على يميني وأواصل وبحصل الطيباوي ؟؟؟؟؟؟؟؟؟؟؟؟؟

أو سويت سيرج في nokia map وحصلت central plaza complex وجنبه plaza cinema يمكن هذا هو مجمع البلازا بحولي
يعني أروح لهالمجمع وأواصل وبعده بحصل الطوباوي ؟

وأدلي شارع قطر يعني أدخل شارع قطر من شارع الخليج العربي وأواصل في الشارع سيدا وبعد الدوار سيدا بحصل الطيباوي ؟

مللتك أدري بس إن شاء الله أحصله ومشكووووووووووووووووووووووووووور يالغالي

العفوو بس ضروري تروح بيروت فوق حلو وايد ويمه بنفس الشارع مجمع السندس فيه سنتر بوينت تحصل ملابس رجاليه قويه وستايل واسعار معقوله جدآ
بلازا اللي فيه سينما هذا في السالميه وليس في حولي
انصحك تخلي عنك الطيباوي وتجرب الكنفاني او الكنفجي افرعهم في كل مكان اذا انتا في بنيد القار اممم
انا اقول اتصل عليهم احسن واسألهم اقرب فرع وين وعلى فكره خدمة التوصيل موجوده
1800555 رقم كنافة الكنفاني
22612636 رقم كنافة الطيباوي

وبالعافيه

للأسف المغرب دورت الطيباوي ولا وصلت له ،

إذا تقصد مركز السلطان اللي على شارع الخليج واللي شعاره أحمر ( في فرع ثاني في سوق شرق صح؟ )

المهم مريت عليه وكان على يميني ( يعني كان هو البحر تقريباً )، وشلون بعرف إشارة شارع قطر أي وحدة فيهم حتى ألف يسار

المشاركة الأصلية كتبت بواسطة ronaldo4ever
http://www.arabtravelersforum.com/tr...0/#post2531540

للأسف المغرب دورت الطيباوي ولا وصلت له ،

إذا تقصد مركز السلطان اللي على شارع الخليج واللي شعاره أحمر ( في فرع ثاني في سوق شرق صح؟ )

المهم مريت عليه وكان على يميني ( يعني كان هو البحر تقريباً )، وشلون بعرف إشارة شارع قطر أي وحدة فيهم حتى ألف يسار



راح أروح مجمع الفنار ولما يكون على يميني باخذ قدام يوتيرون وبرجع ولين وصلت لإشارة شارع قطر بلف يسار وبواصل على شرحك ( لأنه عرفت شارع قطر من النفيقيتور ) ، إن شاء الله يكون فاتح باجر قبل لا نسافر

وشكررررررررررررررررررررررررراً صوت المطر ، ومابنساك بالكنافة أفاه عليك :109:

Noosha84 :

رحت مجمع بيروت المغرب ( محل Fm ) وشريت جينز وفانيلتين ، بالنسبة للكنافة يمكن نجرب النوعين !

تسلللللللللللللللللللللللللللم ومااااااااقصرت

المشاركة الأصلية كتبت بواسطة ronaldo4ever
http://www.arabtravelersforum.com/tr...0/#post2531540

للأسف المغرب دورت الطيباوي ولا وصلت له ،









المشاركة الأصلية كتبت بواسطة ronaldo4ever
http://www.arabtravelersforum.com/tr...0/#post2531540


إذا تقصد مركز السلطان اللي على شارع الخليج واللي شعاره أحمر ( في فرع ثاني في سوق شرق صح؟ )

المهم مريت عليه وكان على يميني ( يعني كان هو البحر تقريباً )، وشلون بعرف إشارة شارع قطر أي وحدة فيهم حتى ألف يسار




يقصد مركز سلطان اللي مقابل الفنار في شارع سالم المبارك...
ليس مركز سلطان المطعم اللي بالبحر.

اليك الصورة توضيحاً...




و بعد السهم الأحمر الصغير جداً في اسفل الصورة...
سينعطف فيك الشارع لليمين...

و تكمل للأمام ستجد مجموعة من المطاعم كما ذكرت الأخت صوت المطر...



------------------------

تقبل تحياتي.

الحمدلله رجعنا أول أمس العصر من الكويت ، وشرينا كنافة من الطيباوي

شكراً جزيلاً لكل من ساعدني والله يعطيه ألف عافيه :106:

برنامجنا كان كالتالي :

اليوم الأول :
الوصول 10:30 صباحا للكويت ، البحث عن سكن ( في بنيد القار ) ، شراء غذاء من مطعم فريج بوصويلح ، راحة العصر ، المغرب الذهاب لمجمع سوق شرق والتمشي على البحر ، العشاء من مطعم كباب الحجة !


اليوم الثاني :
الخروج من السكن صباحاً والتوجه للأبراج ، زيارة سوق المباركية والإفطار فيها ثم التسوق ، الذهاب لسوق المعلم المركزي ، التمشي ظهراً على ساحل شارع الخليج العربي ، الغذاء في ميس الغانم ، العودة للسكن والراحة ، المغرب التوجه لمجمع الأفينيوز ، بعدها شراء عشاء من مطعم جاد المصري بشارع المطاعم ، العودة للسكن .


اليوم الثالث :
الصباح التوجه لسوق دبي بالفروانية والتسوق بالمحلات فيها ، الذهاب لسوق الفروانية، شراء بوظة من محل بكداش الشام ( قريب مدخل من شارع البلاجات) ، وظهراً التوجه للسيتي سنتر ، الغذاء في مطعم قصر البردوني بحولي ، العصر راحة ، الليل الذهاب لمجمع بيروت ، ثم شراء العشاء من مطعم فطائر العمدة .


اليوم الرابع :
إتمام التشطبيات النهائية والخروج من السكن ، شراء كنافة من مطعم الطيباوي وبعدها مباشرة التوجه لمنفذ النويصيب للعودة للسعودية ثم البحرين .


إذا حصلت وقت راح أنزل تقرير مدعم بالصور لمختلف الأماكن اللي زرناها !:surf

الحمدالله على سلامتكم

لايطوفكم مجمع الكوت بالفحيحيل

وعندنا محل كتكات اسعاره زينه للجينزات بالسالميه وحولي بمجمع العدساني

حمدلله عالسلامه
بانتظار التقرير المصور منك

حولي بشارع العثمان مقابل مسجد العثمان