الموضوع: سؤال للي جرب طيران الجزيرة

السلام عليكم ورحمة الله وبركاته
هل الطيارة جيدة .. والكراسي زينه ووسيعة
وهل درجة البلاس كراسيها اكبر من الدرجة العادية .
ناويين نسافر فيها الى اسطنبول .. وش رايكم
نبي نعرف تجاربكم معاها
شكرا

مواضيع عشوائيه ممكن تكون تعجبك اخترناها لك:

• يابنات الكويت
• رحلتي تحت المطر الى حديقه الشعب صــــووور
• تقرير شامل بأحدث الصور المذهله لبرج الحمراء السينما النادي المول
• السلام عليكم يأهل الكويت الكرام
• أهل الكويتأهل الكرم ساعدوني في اختيار شقة فندقية
• كيف احسب
• ابغى شاليهات ع البحر
• مساعدتكم يأهل الكويت ارجو الاجابة؟
• ناصيتكم ياأهل الكويت
• شاليه حلو في الكويت
• استفسارات وتبي جواب؟؟؟؟؟
• يالنشاما أبي الأحداثيات لبعض المواقع
• اماكن الجلابيات الدراعات
• ممكن تساعدوووني تكفووووووون؟
• مشروع عروس البحر شركة التجاره والاستثمار العقارى
• تكفوووووووون يااهل الذوق
• استفسار ضرووووري
• مطعم السوليدير اللبناني في الفنطاس
• صـــور من تصويري في الكويـــت
• احداثيات مطاعم مع الوصف؟؟؟

أنا سافرت فيها في فبراير الماضي من الكويت إلى دبي إلى المالديف

بصراحة الكراسي مريحة، و المسافة بينها معقولة، و درجة plus ما تختلف عن السياحية من ناحية حجم الكرسي. و نصيحتي لكم، إنكم تاخذون أكلكم معكم، لأن المنيو غير متوفر في كل الأوقات

ممتازه سافرت فيها لاسطنبول ومواعيدها مضبوطه

انا ما جربتها
تروحون و ترجعون بالسلامه
ولا تنسين تقولين لنا رأيج

انا مجربة طيران الجزيره مواعيدها مضبوطه

و كراسيها مريحه و المسافه بينها معقوله

الطيران ممتاز انا جربته الى دبي

بالنسبة لطيران الجزيرة فهو رائع من جميع النواحي وحقق نجاحات مذهلة رغم ان الشركه بدأت التحليق في اواخر 2005

وهي الشركة الوحيدة التي لها مركزين رئيسين للتتشغيل الاول في مطار الكويت والثاني في مطار دبي وهذا مما يعطيها افاق اوسع للنجاح

انا جربت طيران الجزيرة مرات كثيرة فهي رائعه والطائرات جديدة ويعظها وصل من اسابيع وهذه بعض الصور


الطائره من الداخل





الطائره من الخارج

نصيحتي لك روح علي الجزيره احسن من التركيه ...البلس علي الجزيره و البزنس علي التركيه نفس الشي كراسيهم وحده بس الجزيره طياراتهم اجدد واريح...تروح و ترجع بالسلامه

والله اخوي انا ماجربت الجزيره بس جربت التركيه وماعليها كلام نوعا ما جيده

بس للعلم الجزيره ماتنزل في مطار اتاتورك تنزل في مطار صبيحه ويمكن يكون بعيد شوي عن وسط اسطنبول يعني يمكن التاكسي راح يأخذ عليك اكثر من اللي معترف عليه

موفق خير

طيرالن الجزيره تهبل الصراحه انه على طول ملازم بحرين ا لكويت على الجزيره وهجرت الخطوط الجويه الكويتية ,,,

انا رحت فيها من الكويت لدبي اعتقد سعرها كان 40 دينار حلوة ومواعيدها مضبوطه لازم توصلون للمطار قبل ساعتين والدرجه العاديه ماتختلف عن البلس
واكلهم سندويتشات عاديه وبطاط تقدرون تاكلون بالمطار قبل لا تسافرون او اذا معاكم يهال اخذوو اكل بس الوزن دقيقين فيه يعني كل جواز اعتقد 25 كيلوووو

شهر 8 اللي طاف رحت عليها لاسطنبول .. الصراحة الطيارة ما تنعاب وممتازة والمواعيد اوكي .. وتنزل بمطار صبيحة .. مطار ثاني باسطنبول اصغر ويديد .. وغير جذي السعر طلع علي ببلاش .. 90 دينار فقط مع حجز مبكر من قبل السفرة بـ 3 اشهر