الموضوع: اورلاندو لاس فيغاس نيويورك فبراير

السلام عليكم عليكم ورحمة الله و بركاته




اخواني اعضاء المنتدى



محتاجه منكم خدمة

بما اني رايحه ان شالله شهر فبراير 2008 امريكا محتاجة شووويت معلومات


طبعا انا شفت المواضيع الموجوده بالمنتدى و استفدت منها بس محتاجه جم شغله



خطتي راح تكون كالتالي كويت - نيويورك - لاس فيغاس - اورلاندو - نيويورك - الكويت



1- اول شي شلون الجو خاصتا اورلاندو لان ادري انها حر مووووت مع اني دخلت مواقع و شفت درجات

الحرارة بذك الوكت بس من باب التأكيد و نفس الشي لنيويورك و لاس فيغاس



2- جم ساعه طيران من نيويورك لي لاس فيغاس اذا الفترة طويله احتمال اكنسل لان اختكم بالموووت

تتحمل تقعد بالطيارة يعني بندول نايت و مشاكل و بالغصب تطوف الرحله


3- في احد مطلع ليسن دولي لان بطلع ان شالله من باب الاحتياط مع اني مو ناوية اسوق بس للطوارئ

فهل ليسن الكويت معترف فيه هناك ول شلون




و شكرا جزيلا





:101:

مواضيع عشوائيه ممكن تكون تعجبك اخترناها لك:

• بخصوص الصوره في الفيزا
• طمنوني الله يطمنكم ويوفقكم
• مسجد داخل جامعه اوكلاهوما ستيت يونفرستي
• استشاره استفسار لأهل الخبره
• هل يمكننى السفر لاستكمال دراستي والعمل بامريكا ؟؟؟ ارجوكم افيدوني
• ايش هي المناطق البارده في امريكا خلال شهر
• أرجو المساعدة
• تسعة أشهر من الإننتظار والسبب هو
• تاخر وصول الجواز جدا
• كيف اشتري سيارة من امريكا ؟؟؟؟؟؟
• شقة
• شو رأيكم يا اخوانيعاجل
• هل هذه الأدوية والعلاجات مسموحة لدخول أمريكا
• استفسار بخصوص الفيزا الي امريكا انا وولدي
• مقابلتي في السفارة وماحدث فيها
• الي اخذ فيزة سياحيه للولايات المتحده الامريكيه مؤخراالرجاء الدخول
• عاجل ابي اعدل من سياحية الى دراسية وش السواة
• من نيويورك الى شلالات نياجارا
• آوت لت لوس انجلوس نيويورك سان فرانسسيكو
• من شاف بنت الصقور وينها مطلووووبه للعدالة

و عليكم السلام و رحمة الله و بركاته ،،،،،


1- أورلاندو حلو جوها الحين و ما فيها حر كلش هالوقت ... النهار شمس و أحيان مطر هالوقت و بالليل برد شوي ... نيويورك برد مووت و ثلج ... لاس فيجاس في النهار حلو و المساء برد ناشف بما انها في صحراء

2- من نيويورك لـ لاس فيجاس سبع ساعات اذا دايركت و اذا ترانزيزت نطول الرحله لنه بتقعدين في المطار بعد كم ساعه في ولايه ثانيه .. فأحسن حل تروحين من نيويورك للأورلاندو 3 ساعات و منها على لاس فيجاس ... الطيران الداخلي سفر بحد ذاته كأنج رايحه من الكويت للندن الله يعينج

3- يبيلج ليسن دولي

4- رحله سعيده و موفقه انشالله

السـلام عليكم إختي العزيزة ( q8 Moon ) ...........

أنا رأيي إنـج تنزلون بنيويورك جم يـوم منها ترتاحون من الـدرب الطويل من الكويت لنيويورك و هم بعـد تزهبون لرحلة أولاندو ..... و بعدها بجم يـوم تروحون لأورلانـدو ... من نيويورك لأورلاندو حوالي 3 ساعات و بعد ما تخلصون من أورلانـدو تروحون لفيجاس ( طيران حوالي 5 ساعات بدون توقف ) بالنسبة للطيران الداخلي حاولي تاخذين رحلات بدون ترانزيت .... إحنـا كنـا نستخدم طيران ( الدلتـا ) و كانت مباشرة و بدون توقف و تقدرين تدخلين موقعهم و تشوفين كل شي .... و في طيران اليونيتـد و الأمريكان آيرلاين .... شوفي الي يناسبكم .


و ممكـن تغيرين الدرب يعني بدلاً من روحتكم إلى فيجاس مباشرة من أورلانـدو .... تروحون من أورلانـدو إلى سان ديغو او سان فرانسيسكو .... المنطقتين روعـة و حسافة تفوتكم و منها بعدين إلى فيجاس .... بس إنتي ما قلتي جـم يوم راح تقعدون هـناك ؟ إشرايــج تخلين الدرب ( أورلاندو - سانديغـو او سان فرانسيسكو - فيجاس وممكن بالردة نيويورك اذا كان في وقت ) انا قاعدة أكتب و كأن الرحلة لـي


الجو الحين حلو سواء في أورلانـدو أو كاليفورنيـا ...... درجة الحرارة في سان ديغو حوالي 15 س و سان فرانسيسكو 12 س و أورلانـدو حوالي 17 س ...... يعنـي عــــــــــــــــــــــز الطلب و البارك تقريبا فـاضي مو مثل الصيف زحمة و طوابير يعني تروحون من لعبة لي لعبـة ..... إختياركم للوقت ممتاز و عسى الله يهنيكم و يسر دربكم .


لازم طلعـون ليسن دولي .... أفضل و هم بعـد اخذوا معاكم الليسن الكويتي إحتياط .

اذا بغيتي أي شي .... انا حاضرة

مشكوووووووووووووووورين وايد وايد وايد


و لو علي جان رحت كل الولايات بس المشكله بالوقت و ثاني شي انا وزوجي ممكن نغير خط سير الرحله بأي لحظه يعني

ممكن نكون حاطين فبالنا لاس فيغاس و لما نوصل نيويورك نروح اي مكان ثاني عشان جذي ما حجزنا سكن ول حتى طيران

داخلي لما نوصل هناك ان شالله بالسلامه راح نحجز وانا ودي اكنسل لاس فيغاس بسبة مدة الرحله بس زوجي و ولد


خالي الي يدرس باورلاندو مسوين ضغط مكثف علي و يقولون حرام ما تطوف .

* اهم معلومه لي اهي مدة رحله لاس فيغاس


*عدد ايام الرحله 25 يوم بما ان لاس فيغاس 7 ساعات طيران فالخطة المؤقته راح تطون كالتالي :


نبات ليله بنيويوك و بعدها نطير على لاس فيغاس نقعد فيها 3 ايام و بعدها نروح اورلاندو و نقعد فيها 12 يوم وبعدها

احتمال نروح ميامي كم يوم و بعدها نيويورك و احنا الي رادين انشالله


و ان شالله نثبت على هالخطه المشكله فأن انا وزوجي حيل هااايبر مجرد ما نشطب على المكان رحنا على مكان ثاني



و بالنسبة لليسن ان شالله ناويه اطلع و طبعا زوجي بعد



وحبيت اعرف عن الوزن الزايد للامتعه كم كيلو مسموح لشخص و كم عدد القطع المسموح فيها وكم ياخذون للكيلو الزايد


و شكرا جزيلا و الله لا يحرمني منكم و ان شالله ايي اليوم الي ارد لكم فية الجميل

تعقدين نحتاح إعادة جدولة للخطه ؟ على العموم مشكورة حبيبتي و ما قصرتي ان شالله بنرتب امورنا عدل و اعطيج الاخبار