الموضوع: مافي مواعيد بالسفاره الالمانيه وش الحل؟

السلام عليكم
لي صديقه تبغى تقدم على السفاره الالمانيه
كان عندها موعد اليوم وراح عليها الله يهديها
حاولت ادور لها موعد ومالقيت
كلمت مكتب قالوا مافي مواعيد بالالمانيه
وانا الاسبوع الي فات تعطل السيستم وتورطوا بمواعيد الاسبوع الي فات
فصار زحمه
وش الحل؟
من جرب يروح بدون موعد بدري
ودخلوه؟؟؟؟؟
أي حل مقترح يا اخوان

مواضيع عشوائيه ممكن تكون تعجبك اخترناها لك:

• فزعة خفيفة لو سمحتم
• استفسار بخصوص فندق Le Méridien Munich في ميونخ
• لمحبي قارمش اليكم هذه الصوره
• من اجل ان نستفيد من التجربةاين ذهبت زوبعة وهالة وهلع مرض انفلونزا الخنازير؟
• الانتقال من يورب بارك الى باريس
• فندق قريب من الطار ؟؟؟
• كيف تكون الآجواء في المانيا النمسا ايطاليا في شهر مايو؟؟
• مدينة هولندية قريبة من ديسلدورف
• وصلت ميونخ اليوم وتفاجئت بالإسواق مغلقه العصر
• ميونخ في ايام
• المانيا في نهاية اغسطس
• الدخول للأراضي الالمانية
• استفسار عاجل
• لأول مرة ميونخ النمسا ، مشورة ؟
• الله يخليكم عطوني حل
• استفسار عن برلين
• عندي إستفسار بخصوص الرحلة من الرياض إلى إي برلين أو مدينة أخرى أرجو منكم الإفادة
• الريف الالماني شمال برلين
• عااجل استفسار مهم جدا في المطار فرانكفورت
• موقع فساتين سهرات

وعليكم السلام ورحمة الله

مايدخلونها بدون موعد .. خليها تجرب الايطالية عسى تلقى

الايطاليه ممكن احصل فيها بس مابي تتورط في المانيا ومايدخلونها من المطار
بالاظافه بنعيد
الورقه الي ترجمتها حقت العمل الموجهه للسفاره الالمانيه
شغله والله

الحين سؤال يا اخوان فيه اشكاليه
اذا كشف الحساب مافيه فلوس
يعني فيه راتب
ينزل بس الحين الحساب صفر؟؟؟؟؟

عادي جدا ..المهم يكون باللغه الانجليزية لاخر ثلاث شهور

ايه بالانجليزي لكن فيه واحد كلمته بالمركز الموحد قالي بيرفضونها
قلب مخي

انا مقدم كشف حساب لاخر 3 شهور علما ان الحساب كان سالب مو صفر بعد وحولت له مبلغ وسويت كشف حساب وقبلوه رغم ان موظف المركز رفضه وكلمت المدير واخذه .. ف ان شاء الله يقبلون حقك بالنسبة للمواعيد كل يوم تتجدد المواعيد

كل اليوم احاول ماحصلت موعد
اخر شي اضطريت لمكتب والحمد لله على كل حال

انا من خلال الدخول على صفحة حجز المواعيد تبين ان المواعيد المقفله حايا في الرياض فقط اما جدة والخبر ففيها إمكانية ولكن الموعد بعيد جدا اقربها في 14 اغسطس !!
شي غريب فعلاً هذا الأمر
عسى الله يسهل عليكم

خليها تقدم صورة من البطاقة الائتمانية بدل كشف الحساب

اللي صاير ان الاسبوع الي فات تعطل السيستم بالكامل في المركز الموحد
وصار عليهم ضغط حقين الاسبوع الي فات صاروا هذا الاسبوع
والاسبوع هذا للي بعده
وبعدها بيقفل المركز الموحد بتاريخ 25 رمضان
هذا الي صاير
وصار من مصلحه المكاتب الي يسوون حجوزات ومواعيد وهميه ويقفلون المواعيد بسببهم
للاسف

الي مضطر يروح لمكتب

سلام عليكمأنا صار ليه نفس الموقف في جدة
حجزي كان في شهر 6 ولا رحت
وجيتهم 5 رمضان وقلت الحجز ما جيته ولا فيه مواعيد
ورحلتي في العيد أن شاء الله
دخلت vab
والحمد لله خلصت من نفس اليوم
والحين انتظر الفيزا
فخلي صديقتك تروح بموعدها الأول وأن شاء الله يدخلونها

نبشركم بأنه تم فتح المواعيد في مدينة الرياض وأقرب موعد حسب ما ظهر لي اليوم هو 30 Jul