الموضوع: درجة الحراره والاماكن الروعه في الكويت

صباح الورد والجوري,.,,

شو اخباركم؟؟؟

بغيت استفسر عن درجة الحراره في الكويت....؟
لاني ان شاء الله بعد اسبوعين بزورها...
وياريت اتخبروني عن الاماكن الحلوه للبدل الكويتيه الكاشخه والاسكارفات
والاكسسوارت والشنط..الغاليه والرخيضه وموقعها..؟!
وبخصوص فندق المارينا شو رايكم فيه..؟؟
لانه ان شاء الله بنسكن فيه...
وتسلمون ادريبكم ما بتقصرون..
:106:

مواضيع عشوائيه ممكن تكون تعجبك اخترناها لك:

• افتتاح «دين ديلوكا» أكبر متجر للمنتجات الغذائية الفاخرة في «الأڤنيوز»
• الكويت حلمي القديم يتحقق
• فندق سفير البستكي تغير إسمه إلى فندق البستكي إنترناشيونال
• مساافر للكويت من المدينه المنوره أتمنى تفيدووني
• سؤال عاجل
• هل يوجد مراكز مساج
• فندق الموفنبيك ورمادا
• استفسار عن شاليهات العزاب ؟
• سيارات استعمال امريكي
• خبراء الكويت تكفون أبي منكم خدمة
• مساعدة انا من الرياض ومسافر الي الكويت
• احتاج خدمه من بنوتات الكويت الكشخه للتسوق
• ممكن برنامج هلا فبراير م
• كم المسافة من منفذ السالمي إلى الكويت العاصمة
• مشاريع الوطنية الكويتية تفتتح فندق كورينثيا لندن
• ابي فزعتكم يا اهل الكويت
• ماهو أفضل طريق من القصيم إلى الكويت وكيف حجوزات السكن ؟
• هل يوجد فنادق إقتصادية في الكويت
• مساعده مستعجله
• فندق بوجبة افطار

انا على بداية شهر 12

اذا تبين تعرفين عن الجو شوفي ها الموقع

http://www.masrawy.com/Weather/details.aspx?CityID=15

المشاركة الأصلية كتبت بواسطة المهيريه
http://www.arabtravelersforum.com/tr...4/#post2435155

صباح الورد والجوري,.,,

شو اخباركم؟؟؟

بغيت استفسر عن درجة الحراره في الكويت....؟
لاني ان شاء الله بعد اسبوعين بزورها...
وياريت اتخبروني عن الاماكن الحلوه للبدل الكويتيه الكاشخه والاسكارفات
والاكسسوارت والشنط..الغاليه والرخيضه وموقعها..؟!
وبخصوص فندق المارينا شو رايكم فيه..؟؟
لانه ان شاء الله بنسكن فيه...
وتسلمون ادريبكم ما بتقصرون..
:106:



حياك الله يالمهيرية الساعة المباركة ...وياهلا بأهل الأمارات...خصوصا (المهيري) لأن لي صديق إسمه عبدالله المهيري... من أهل دبي ...وهو عزيز علي.

بالنسبة للجو حار شوي بالنهار وبارد ليلا.

بالنسبة للشنط الغالية أكيد في المجمعات الغالية المارينا ..الأفنيوز..سوق شرق..الكوت..كويت مجك..الفنار

الرخيصة بالعربيد بلازا..وكذالك الأكسسوارات...هذا ألي أعرفه ..وراح أسألك أم العيال وأفيدك.

وأكيد مابنقصر فيكم لينكم تستاهلون.

حياج الله اختي بديرتج الكويت

الجو بالنهار شوي حار وبالليل حلو

وبالنسبة حق الشنط الغالية عندج المجمعات اللي ذكرها اخوي المتفائل جدا وازيد عليهم الصالحية والراية وفيلا مودا للماركات

والرخيصة عندج مجمعات الفروانية وحولي وحوش السالمية (مجمع منيرة) والمباركية

واختيارج موفق بفدق مارينا واهو من افضل الفنادق اللي بالكويت

صباح النور و السرور...
أهلا و سهلاً فيكم في الكويت.

------------------------

تمنياتي لكم بقضاء إجازة سعيدة فيها...
وسط هالجو الحلو, و اللي بدأ يمطر هذه الأيام.

------------------------

و أشكر الأخوان ماقصروا الله يعطيهم الف عافية...
و هذه اضافة مني بسيطة

---------------------

مثل ماقال اخونا الراشد...

اختيار جداً موفق في فندق المارينا...
حيث هو الأفضل في السالمية الآن, و يقع
ضمن أكبر مجمعات المدينة هذه, و يحتوي عديد من الأنشطة....

إضافة لوجود بعض المرافق القريبة منه مثل المركز العلمي, و شارع
سالم المبارك اللي يعتبر الأفضل للتسوق في الكويت, حيث يضم عشرات المجمعات
مثل الفنار, مارينا, البستان, ليلى جاليري, بلازا, جاليريا,,,الخ , إضافة للمقاهي و المطاعم
و دور السينما و غيرها من مرافق.

موقع الفندق : http://www.marinahotel.com/

----------------------------

الشنط و الملابس الثمينة, بالإضافة للمجوهرات
تلقينها بالإفنيوز و الفنار, إضافة إلى ارقى مجمعات مدينة الكويت
الا و هي مجمع الراية, مجمع دار العوضي, مجمع الصالحية"افخمهم".
و بالإضافة للمجمعات الأخرى.

-------------------------

أنصح بمشاهدة هذا الدليل الشامل
للسفر إلى دولة الكويت, و بإذن الله ستسفيدين منه.

http://www.arabtravelersforum.com/travel226092/

---------------------------------------

أنصحك بمشاهدة هذه المواضيع...
فهي مواضيع ذات أهمية كبيرة للزوار...

1- http://www.arabtravelersforum.com/travel228008/
2- http://www.arabtravelersforum.com/travel203220/
3- http://www.arabtravelersforum.com/travel166600/
4- http://www.arabtravelersforum.com/travel169087/
5- http://www.arabtravelersforum.com/travel164197/
6- http://www.arabtravelersforum.com/travel166732/

----------------------------------------

تقبلي تحياتي.

ماقصروا الجماعه كفو ووفوا...وماخلوا لنا زيادة...بس أحب أأكد بالنسبة للماركات على مجمعين إثنيين مجمع الصالحية

و مجمع الراية.

حياج الله
انصحج تشوفين مجمع الاوقاف و العربيد للدراريع و كل المولات مثل الافينوز و شرق و المارينا