الموضوع: بنات الكويت الرجاء الدخول ضروري ابي منكم مساعده

[color="Blue"][size="5"][font="Arial Narrow"][center]السلام عليكم

كيف حالكم تمام :24:

مواضيع عشوائيه ممكن تكون تعجبك اخترناها لك:

• زيارتي لـــ اول فرع لايس كريم الفواكه الطبيعيه بالكويت
• الفزعه يا أصحاب الخبرة
• أوقات الدوام في مولات الكويت في رمضان ؟؟؟ فزعتكم
• مطعم التسيمو الايطالي
• شاليهات الكويت
• فندق ريتز السالمية
• سفير مارينا هوتيل
• استفسار حجز فندق في الكويت من الجزائر من النت
• الخطوط الكويتية تطلق رحلة إضافية من لندن للكويت
• زيارتنا لكويتي وأفتخر
• اين اجد هذه الأماكن فى الكويت؟ تكفون ّ
• عبدالسلام البحر «الخطوط الوطنية» قادرة على مواجهة التداعيات السلبية للأزمة المالية
• أرجو المساعدة ياأهل الكويت الأفاضل
• يهنئ الكويت بعيد الاستقلال
• افضل استديو بالكويتاستفسار
• استفسار عن فندق ماريوت الكويت
• مقهى بنت العجمي سفن
• استفسار وطلب مساعده
• عوزة صور لمنطقة
• وين القاها

انا مو من الكويت بس اعرف فيها شوي واذا تبين سوق حق دراعات عندج مجمع الاوقاف كله دراريع وعندك بالفروانيه الحمراء واللي جنبه هذا اللي اعرفه
وبخصوص سؤالك عن مصممات مااتوقع فيه مصممه سعرها متوسط كله غالي انا شفت محلات بمجمع زهره حق مصممات بس نار اسعارهم وفيه بعد مجمع ليلى جاليري واتمنى من بنات الكويت يفيدونك اكثر مني

حياج الله بديرتج
مثل ما قالوا
العربيد و الاوقاف
الفساتين : اذا ما تبين غالي حيل اشتري جاهز مو لازم مصممه
او شوفي محلات خياطة الفساتين اللي وراء مجمع النقره ( اعتقد الشمالي) االلي يكون المجمع يسارج و المحامبد يمينج
فيه محل خياطه اسمه اليجنس فيه مصمم فلبيني اسمه اجي خياطه و نصاميمه رووووووووووعه
شوفيه
و بالتوفيق

يا هلا فيج بديرتج روحي بعد النقرة مو بس المجمعات بعد اللي حوالين المجمعات بتلاقين جم محل واسعرهم معقولة

فارسه

يعطيج الف عافيه على المساعده

Hambka Q8

هههه اكيد ولا وش رياك بيض الله وجهك اخوي

المرام

لا انا ابي مصممه لان عندنا ثياب نفس ثياب اهل الكويت الجاهزه علشان جذي ابي تفصال

غلا امها

يعطيج العافيه وشكرا على مساعدتك

وياليت الي بيدخلون يساعدوني صح الجماعه ماقصرو بس انا طمعانه بعد وانتم ياهل الكويت ينطمه فيكم هههههه والله انكم تستاهلون شكرا على مساعدتكم مره ثانيه

لي عوده انشاللة على موضوعج حاليا مش في البيت
وعندي محلات حلوة وانشالله تعجبج

حبيبتي اليجنس اللي قلت لج عنه خياط للتفصيل ... مو جاهز
و جنبه محلات خياطه كثيره ... شوفيهم كلهم
لكن لازم تروحين مبجر
لانه ممكن يطول بالتصميم و الخياطه
و بالتوفيق

حبيبتي


بالمنطقه العاشره في مجمعات حلوة مثل :


الكوت (منطقه الفحيحيل)
المنشر (منطقه الفحيحيل)
أجيال(منطقه الفحيحيل)
وفي كويت ماجيك (منطقه ابوحليفه)



وفي بالمنطقه الرابعه :

مجمع المغاتير (الفروانيه)
مجمع الحمرا مول (الفروانيه)
مجمع مناور (الفروانيه)
مجمع الافنيوز ( بالري يجانب الشويخ )
مجمع الصيفي (الفروانيه)



الكويت داخل :

المرينا مول(السالميه)
الفنار(السالميه)
ليلى جاليري(السالميه)
مجمع زهره(السالميه)
مجمع البستان(السالميه)
مجمع مريم(السالميه)
مجمع الرايه(المباركيه)
مجمع الصالحيه(المباركيه)
مجمع البحر(حولي)
مجمع العوضي
مجمع المهلب (منطقه حولي )
مجمع الوطيه (المباركيه)
مجمع دانا سنتر (السالميه)




من اشهر محلات السهره بهالمجمعات السالميه مثل :
الاسطورة (بزهره_الصالحيه_دانا سنتر_ليلى جاليري)
البوشيه (الفنار_الصالحيه)
نورامينا (زهره _مريم)
اس ستايل (مجمع زهره)
الاميره(المهلب)
ويوجد محل سهره من ايطاليا لوحده كويتيه اسمها جنا الرشيد بمنطقه الروضه بمحل سكني وعندي رقمها لانه ما اعرف العنوان بالضبط ومادري عن قوانين المنتدى اذا ممكن احط اراقم او لا
وفي محل بمنطقه الجابريه اسمه شذر بشارع البنك التجاري




اتمنى انج استفدتي من اللي كتبته وعندي الكثير لكن بارقامهم وانا ما ادري اذا مسموح كتابه الارقام او لا ؟؟

اختي

ماشاء الله الاخوان والخوات ما قصروا بالاسواق والدراريع

اذا على البدل مالت السهرة اللس سعرها يعتبر مناسب ودايما تكون شبيه لمصممين او احيانا تقليد لبدلات المصممين اللبنانيين وفيه بعد غيرهم عندج مجمع المهلب فوق واسعارهم حلوة ومناسبة
وبعد نفس المحلات وزيادة في النقرة الشمالي

وحوالين النقرة وايد خياطين بس مو مصممات كويتيين لا اغلبهم مصممين فلبينيين او هنود بس وهذولا اسعارهم مناسبة

اما المصممات عندج محل زهرة القاسم بيربل ديزاين بالجابرية خلف مستشفى رويال حياة وتلاقين الصالون مالها بعد يمه
وعند فاطمة اسماعيل الملكي بس خبر فيها بيت بجانب مستشفى هادي وما عندي الرقم بصراحة بس بالجابرية هناك واسمها فاطمة قبازرد وعندج شروق سالمين وبعدمحل البرجوازي في مصمم لبناني

بس كل اللي قلتهم من المصممين غالييييين يعني مو اقل من 500 دك الا بالنادر

انصحج بالجاهز وايد احلى في محل بالبيوت عند جم وحدة تصمم بس مادري عن مستوى الشغل بصراحة اسمع فيهم وبعدين الجاهز اذا تبين مناسب تلاقين بالمجمعين اللي قلتلج


وعندج محلات الدراريع تقدرين تمرين المعارض الدائمة مثل بيت ديفا و كاريزما بشرق بجانب المستشفى الاميري مقابل سوق شرق تلاقين شغلات حلوة وعلى مدار الاسبوع

يا هلا ومرحبا فيج
انا الصراحة انصحج بمجمع المهلب اللي بحولي
عندهم محلات سهرة وايد وتلاقين اشياء اسعارها معقولة
يعني انا قبل فترة شريت بدلتين سهرة وكانت اسعارهم وايد حلوة
وكان كل شغلهم من لبنان


والبنات بعد ماقصروا وانشالله يفيدونج اكثر :106:
ورحلة موفقة :101:

حبيبتي مغتربه عندج الدراريع انصحج بالعربيد مثل ما قلتي ومجمع الحمرا مول فيه درايع جاهزه هذي اسعارها مناسبه اغلا شي يمكن 30 او 40 دينار
اما الاوقاف الاسعار متفاوته بس اللي غير جذي لازم تفصيل
وفي مجمع بالفروانيه اسمه مبارك الصيفي بالسرداب كله عبي وملافع كشخه وتصلح لعرايس ( اذا كنتي تجهزين ) واسعارهم من 20 دينار الى 30 دينار العبايه مع الملفع
وعندج في سوق المباركيه سرداب اسمه سرداب الشايع او سرداب ( سوق البشوت ) محلات مكياج و اكسسوارات وساعات
نسيت لا اقولج الشنط والجواتي اعزكم الله بالحمرا مول فوق
والبدلات في العربيد بلازا هذا مجمع ملاصق في الحمرا مول في محلات كثيره للبدل مثل انوتا وريفا واكسيجين وغيرها
وموفقه

http://www.arabtravelersforum.com/tr...4/#post2346485

ان شاء الله يفيدج هالموضوع

حياج بالكويت