الموضوع: كيف اصل الى شارع المطاعم من شارع الخليج؟ ساعدوني من فضلكم

مرحبا اخواني وخواتي الغاليين


اخوكم مستر ايلفن من البحرين و أن شااء الله بإذن الله سأكون في الكويت الحبيبة في اجازة العيد وانا زرت

الكويت عدة مرات من قبل لكن كل المرة اكون مجرد مرافق للأصحابي وما كنت اسوق السيارة بالكويت

واخر مرة زرتها لسبب تأدية واجب العزاء لبعض اقاربي ورحت ورجعت في يوم وليلة وكنت انا الي اسوق بس

كان في اشخاص معاي يوصفون الطريق وويوم وصلت الاقارب هناك اهم قاموا بالواجب واهم الي كانوا

يوصلوني اي مكان كنت اروحه يعني داخل الكويت بس مسكت خطوط بس هالمرة راح يختلف الامر علي

ساكون وحيد من غير ان يكون مع شخص يدليني مثل المرة الي طافت ولا باكون مرافق يعني انا باكون

السايق وبتكون معاي زوجتي وبنتي الله يحفظهم لذلك ابي اعرف كيف اصل الى إلى شارع المطاعم

(شارع عمرو بن العاص) وبالتحديد لشقق بودل من شارع الخليج العربي لأني حجزت بشقق بودل بس

طرشوا لي رسالة يقولون فيها انه تم حجز غرفة على الانتظار وانا بعد باحجز في سارة بلازا عشان ما

اتوهق لذلك ابغي بعد اذا ما عليكم امر ان توصفون لي شلون اوصل من شارع الخليج لسارة بلازا

واذا عندكم اي اقتراحات وملاحظات تفيدني او فنادق بمستوى جيد وفي السالمية وفي موقع استراتيجي ويا ريت توصفون لي كيف اصول لها و

يا ريت ما تبخلون علي فيها وباكون لكم من الشاكرين


وتقبلوا مني فائق التحية والاحترام

أخوكم

mr.11

مواضيع عشوائيه ممكن تكون تعجبك اخترناها لك:

• الكويت مطعم منش متعة الطعام
• وين الاقي قماش دراريع الرجال في الكويت
• في الكويت
• استاد ثامر
• أنا رايح للكويت وأتمنى أجد إجابة للأسئلة
• السياحة في الكويت روووعه
• أهل الكويت ممكن مساعدة ممكلة البحرين
• سوق الصفافير
• هديه لخوانا زورا الكويت وفر نص المبلغ ولكم الطريقه هديه من اهل الكويت تستاهلون
• رحله الى الوفره
• جايه الكويت و ابي مساعدتكم ؟
• أول مشاركاتي مطعم زمان أول
• ملافع الشرقيه بالكويت
• بخصوص عدد الاشخاص لكل غرفه بليز ردوا قبل السفر
• اين يقع الجامع الكبير إمامه الشيخ مشاري العفاسي
• يه يه يه إشصاير فبراير؟
• ممكن تساعدوني
• طلب تاشيرة لدخول الكويت
• الـــشقق الفندقيـــه بالكـــــويت
• استفسارات بخصوص السياحه في الكويت

هلا فيك اخوي

اذا تبي تروح شارع المطاعم

تخلي المرينا مول على يمينك وتكمل سيدا راح تطوف المركز العلمي وتكمل سيدا لما تشوف من بعيد مطعم بيزا هت على اليسار راح تكون يمه اشاره اخذها فرعي يمين وراح تكون بشارع المطاعم

ما ادري اذا وصفي مفهوم وياريت من اخوانا انهم يساعدونك بخريطة من القوقل ايرث

اما بالنسبة حق سارة بلازا ما ادري وين بالضبط اللي اعرفه انه ورا مجمع الفنار

مراحب أهلا و سهلاً اخوي فيك...
وحياك الله في بلدك الكويت.

--------------------------------------

أخونا الراشد ماقصر طبعاً...
و هه مشاركة بسيطة مني للتوضيح.

---------------------------------------



إذا كنت قادم من طريق الملك فهد "اي من منفذ الخفجي"...
تكمل للأمام حتى تقاطع الطريق مع الدائري الخامس السريع "الموضح باللون الأخضر".
و بالتحديد ستجد التقاطع بعد تقريباً 98 إلى 100كيلو متر من دخولك للكويت.

و ستكمل طريق الدائري الخامس حتى نهايته.
حيث ستكون في دوّار البدع,,,
و ستسلكه بإتجاه اليسار.

حينها ستكون في شارع البلاجات "بالأصفر",,,
الذي ستكمل فيه مسيرك إلى أن تجد أول إشارة ضوئية فيه.
و هذه الإشارة الضوئية ستسلكها لليسار.

عند سلكك اياها لليسار, ستكون في شارع عمرو بن العاص "باللون الأسود"...
أو كما يسمى "شارع المطاعم", ستسلكه للأمام حتى تجد "بودل" على يسارك.


و أخونا الراشد ما قصر,,,
ذكر لك طريق الوصول له من شارع الخليج العربي.
الموضح باللون الأزرق في الأعلى.

و شقق سارة بلازا تستطيع الذهاب لها
من شارع سالم المبارك الموضح باللون الأحمر.

-----------------------------------------

إجازة سعيدة نتمناها لكم.

مشكووووووووووورين أخواني الغاليين على سرعة التجاوب وان شاء الله يكون في ميزان حسناتكم واتمنى اذا عندكم اية ملاحظات تقيدوني وخصوصاً اني سمعت ان ديرتي الثانية الكويت تصير زحمة بالعيد يا ريت تفيدوني شلون اقدر اتجنب الاماكن المزدحمة

المشاركة الأصلية كتبت بواسطة mr.11
http://www.arabtravelersforum.com/tr...1/#post2357478

مشكووووووووووورين أخواني الغاليين على سرعة التجاوب وان شاء الله يكون في ميزان حسناتكم واتمنى اذا عندكم اية ملاحظات تقيدوني وخصوصاً اني سمعت ان ديرتي الثانية الكويت تصير زحمة بالعيد يا ريت تفيدوني شلون اقدر اتجنب الاماكن المزدحمة

أذا ماتبي زحمه أقعد في الشقه لاتطلع :109: أتغشمر وياك لاتزعل أعتقد أول يوم في العيد مايكون ذيك الزحمه القويه لأن الناس منشغله في الزيارات والمباركه تبدا الزحمه ثاني يوم العيد واللي بعده والاسواق تكون الزحمه أقل :101: