الموضوع: إستفسار واستشارة لزيارة أحلى الأوطان البحرين

السلام عليكم ورحمة الله وبركاته

الأخوة المشرفين والأعضاء الكرام

أنوي زيارة مملكتنا الغالية "البحرين" خلال عطلة عيد الأضحى القادم بإذن الله تعالى
ولأنه لم يسبق لي زيارتها من قبل.. فأرجو مساعدتي في عمل برنامج لهذه الزيارة
وفق المعطيات التالية:

- المدة المقررة للزيارة ستكون أسبوعا كاملا.
- السفر سيكون عن طريق الطيران. إذن نحتاج سيارة للتنقل.
- نفضل السكن في شقق فندقية أو فلل خاصة إن وجدت.
- سنقوم بتأجير شاليه أو منتجع لمدة يومين أو ثلاثة.

أسرتي تتكون مني وزوجتي وستة أولاد أكبرهم عمره 14 سنة
ولأننا أسرة متدينة ومحافظة فيهمنا جدا الابتعاد عن أي أماكن قد
نرى فيها ما يضايقنا من بعض السياح أوغيرهم


أتمنى ممن لديه أي اقتراح أو مشورة أن لا يبخل علينا بها..


بارك الله فيكم جميعا..
ودمتم بحفظ الله ورعايته ..

مواضيع عشوائيه ممكن تكون تعجبك اخترناها لك:

• سؤال لأهل البحرين وزوارها هام جدا إسألوا حريمكم
• افتتاح مبنى «عذاري» الرئيسي نهاية العام بكلفة مليون دينار
• ذهب البحرين
• مـواضـــيع بحــريـنـيـة رائـــعـــة محــدَّث
• أستفسار بخصوص الطريق إلى ؟
• يـــــوم فـي الــبــحــريــن
• مشكلة جوازي
• ارجو المسااااااعده العاجله
• شقق فينيسيا في البحرين
• منتجع عذاري هل فتح؟
• استفسار عن مجموعة
• أول فندق كونراد في البحرين
• ايام في البحرين وين تنصحوني اقضيهاا
• المقيمن في السعودية وشروط زيارة مملكة البحرين برا؟
• إستفسارات بسيطة
• الشراع ومارينا
• هل يوجد في الجسر شركات تأجير سيارات ؟ وهل اقدر استاجر منهم واطلع البحرين بنفس اليوم ؟
• الشقق المفروشة المحترمة في البحرين
• سؤال مستعجل
• رايكم في فندق رمادا بلاس في القضيبيه

اولا
حياكم في ديرتكم الثانية و إن شاء الله تكون رحلتكم ممتعة و مفيدة
وما تكون آخر زيارة لكم للبحرين

بالنسبة لأسئلتك راح احاول اجاوب عنها قد ما اقدر و اذا عندك اي استفسار لا يردك الا كيبوردك


- المدة المقررة للزيارة ستكون أسبوعا كاملا.
انا ما افضل اقولك سو كذا او كذا باليوم الفلاني
لكن اقدر اعرض لك المناطق او الوجهات السياحية القريبة من بعضها و انت تختار منها اللي يناسبك خصوصا دامك ناوي تاخذ سيارة

- السفر سيكون عن طريق الطيران. إذن نحتاج سيارة للتنقل.
في المطار في أكثر من شركة لتأجير السيارات
وخارج المطار كذلك ... يفضل تحاول تحجز أون لاين لان في مواسم الاجازات ما شاء الله يكثرون الزوار و يقل المعروض خصوصا مع حجم عائلتك الكبير الله يحفظهم و يبارك فيهم تحتاجون سيارة كبيرة
هذا رابط مطار البحرين الدولي ومنه تقدر تشوف أرقام الشركات المتوفرة وتواصل معاها
http://www.bahrainairport.com/ar/rea...r-rentals.html


- نفضل السكن في شقق فندقية أو فلل خاصة إن وجدت.
الشقق الفندقية كثيرة ... وفي اكثر من منطقة
نصيحة مني خلكم في منطقة السيف وما حولها
أول شي قربها من المجمعات و المطاعم و الخدمات
وثانيها بعدها عن المناظر اللي ما تبي تشوفها

مثلا عندكم
The Westin Bahrain City Centre
و
http://www.booking.com/hotel/bh/le-m...ml?aid=1329869
موصولين بمجمع الستي سنتر

أو
Fraser Suites Seef Bahrain
قريب جدا من مجمع السيف

Hani Suites & Spa
في منطقة السيف

Elite Seef Residence
في منطقة السيف

والخيارات ايضا كثيرة في خارج هذي المنطقة و اذا حبيت خبرني اعرضها لك


- سنقوم بتأجير شاليه أو منتجع لمدة يومين أو ثلاثة.

تقدر تروح جزر الدار
فيها شاليهات بس ما أنصحك تبات فيها
يعني من الصباح لحد آخر قارب يرجعك (تقريبا 6 المغرب)
وتسكن في منتجع البندر (تقريبا مسافة 15 دقيقة من المنتجع للجزيرة) و المنتجع فيه بركه سباحة للكبار و بركه سباحة كبيرة للصغار
وشاطئ مع بعض الانشطة المائية
بس ما فيه شي خاص للنساء
لكن أنا مرة رحت ولبست المايوه الإسلامي و إستمتعت في البركة
بس حاولوا لما تحجزون ما يكون يوم الويكند

منتجع ثاني اللي هو فندق السوفوتيل
بركة سباحة حلوة و شاطئ جميل
وانشطة مائية متنوعة
ونفس الشي مافيه مكان مخصص فقط للنساء ما عدا السبا اللي كلمة روعة قليلة عليه
بس ما فيه شاليهات ... غرف و اجنحة فقط

منتجع العرين
فيه غرف .. و فيه فلل فيها برك سباحة خاصة



نرجع الحين للمناطق السياحية
في منطقة السيف 3 مجمعات تجارية كبيرة
متنوعة فيها المحلات و المطاعم و أماكن الترفيه واللي هي
مجمع السيتي سنتر يحتوي على سينما و حديقة ألعاب مائية (واهوو)
مجمع السيف يحتوي على سينما
ومجمع العالي

في مطاعم متنوعة خارج المجمعات المذكورة
منها مطعم و كوفي شوب لاشوكولا (كيكاتهم لذيذة)
مطعم بلازا (الماكرون عندهم جميل)
و فندق الريتز كارلتون فيه أكثر من مطعم ممكن يخدمكم بعد

متحف البحرين
في المتحف مطعم أو كوفي شوب صغير إسمه دارسين
و من المتحف تقدرون تروحون برحلة بحرية إلى قلعة بوماهر
اللي اهيه بداية طريق اللؤلؤ وهناك تقدر تتعرف على تفاصيل هذا المشروع المسجّل على قائمة التّراث الإنسانيّ العالميّ
وبالقرب منه منتزه الدولفين وعندهم عروض حلوة للدولفين و أسد البحر .. قبل لاتدخلون المتحف سألوا عن أوقات العروض عشان تحجزون اللي يناسب وقتكم

قريب منهم بيت القرآن
متحف إسلامي فيه مخطوطات ونسخ قديمة للقرآن بأحجام متنوعة

موقع قلعة البحرين ومتحف الموقع المسجل على قائمة التراث العالمي لليونسكو
في منطقة كرباباد و فيها كوفي شوب صغير

مركز الجسرة للحرف اليدوية
فيه ينعرض أكثر الحرف القديمة في البحرين
و ممكن تشترون المنتجات من عندهم
و تزورون بيت الجسرة اللي أنولد فيه المغفور له الشيخ عيسى بن سلمان آل خليفة

محمية العرين (بالقرب من محمية العرين)
و قريب منها حديقة جنة دلمون المفقودة للألعاب المائية

سوق المحرق (الحلوى البحرينية و الأزياء الشعبية)
مسجد سيادي
بيت سيادي
بيت الشيخ عيسى بن علي
ومطعم زعفران التقليدي
كلها قريبة من بعض
و ممكن تروحون دوحة عراد
فيها مطعم بن شملان .. شعبي أيضاً

منطقة باب البحرين
فيها سوق المنامة القديم
سوق الذهب
باب البحرين (محلات في منطقة مغطاة)
مطعم نصيف الشعبي

هذي المناطق مو حصر للاماكن السياحية في البحرين طبعا ولكنها تشمل أهم الاماكن التراثية و الحديثة حسب وجهة نظري
مرة ثانية اقولك اخوي حاضرين لأي إستفسار

وعليكم السلام ورحمة الله
ماقصرت um Reema على الافادة الله يجزاها خير