الموضوع: الكويت وجهتي القادمة

بما أني من هواة السفر والترحال فإني سأكون في الكويت بعد شهرين من الآن بإذن الله .

من لديه خبرة عن :
1- الفنادق ***** القريبة من الأسواق والمطاعم .
2- أشهر المطاعم العالمية والشعبية .
3- الأماكن السياحية .
4- المعالم التاريخية .
5 - الأثار والمتاحف .
6 - الأسواق الشعبية .
7- الحرف التقليدية .
8- اماكن تستحق الزيارة .

علماً أن مدة الزيارة 6 أيام والعدد شخصين .

والشكر للجميع.

مواضيع عشوائيه ممكن تكون تعجبك اخترناها لك:

• أفيدوني بارك الله فيكم ؟؟
• رايح بعد بكرة أن شاء الله للكويت أفيدوني
• ممنوع الدخول او المشاركة لغير الكويتيين
• السكن في الريتز وش رايكم
• الأفنيوز
• ارقام الفنادق في الكو يت
• عندي مشكله صغيرة
• الصين هونج كونج
• وين القى هل منتجات الكويتية بالجملة؟؟
• استفسار
• احد جرب ريال إلى الكويت
• شاهدوو جمال وروعة مجمع الكوت لاتفوتك الصور
• اين اجد معارض السيارات
• اي افضل سويس بيل ولا ريتز السالميه؟
• فندق خمس نجوم بالقرب من هذا العنوان
• قرية المسيله ضروري
• ارينزا تاور
• ارغب السكن في منطقة حيويةبس وين؟ مادري
• إلى جميع الأعضاء بالمنتدى وضيوفه
• بليز اتمنى مساعتكم يالغالين

المشاركة الأصلية كتبت بواسطة أخو بدوى
http://www.arabtravelersforum.com/tr...1/#post2305498

بما أني من هواة السفر والترحال فإني سأكون في الكويت بعد شهرين من الآن بإذن الله .
من لديه خبرة عن :
1- الفنادق ***** القريبة من الأسواق والمطاعم .
2- أشهر المطاعم العالمية والشعبية .
3- الأماكن السياحية .
4- المعالم التاريخية .
5 - الأثار والمتاحف .
6 - الأسواق الشعبية .
7- الحرف التقليدية .
8- اماكن تستحق الزيارة .
علماً أن مدة الزيارة 6 أيام والعدد شخصين .
والشكر للجميع.






حياك الله بين اهلك واخوانك
والكويت ترحب فيك وبكل زاير
واقتراحي لك بالاماكن التاليه

اولا الفنادق :
موفن بيك السالميه ليكون قريب جدا من احلى المطاعم والكافتيريات الجميله ومكانه في البدع
او فندق مارينا مول .. لنفس الاسباب اعلاه

ثانيا المطاعم :
الجماعه في هذا الباب ماقصروا وذكروا اغلب المطاعم ولكني اخص بعضها للزياره وهي

بيكوك والواقع في فندق راديسون ساس - البدع
مطعم اسماك في فندق كراون بلازا بجانب المطار.
مطعم برج الحمام في بنيدر القار
مطعم للاسماك (جديد ) بجانب الابراج .. ممتاز
ثالثا : المجمعات التجاريه :
اختار الافنيوز للاستمتاع بالتسوق والاحتكاك بالناس والتمشي
ثم مجمع مارينا مول - يسوى الزياره والتمتع بشرب القهوه بالفتره الصباحيه .
مجمع الصالحيه - للرقي وعالم الصيحات ( يسوى الزياره )
مجمع الرايه بشرق للتمتع بالكافتيريات والتسوق العائلي الراقي.

رابعا : التنزه:
زياره المركز العلمي براس السالميه - وبالاخص السينما والاكويريوم.
اذا الجو زين ممتكن زياره المدينه الترفيهيه بالدوحه .
وايضا اذا الجو زين - زياره الجزيره الخضراء.

خامسا : الاسواق الشعبيه :
زياره سوق المباركيه وهذا يبيله يوم كامل للتمشي والتسوق الشعبي.

سادسا : رحله الى فيلكا :
لاتطوفك وتقدر تاجر العباره بجانب مارينا الفندق .

سابعا : زيارات مختلفه :
بيت البدر - متحف بشرق على شارع الكورنيش
يوم البحار
احدى القهاوي الشعبيه والتمتع بالشاي والقهوه والمشويات الشعبيه.
حديقه الحيوان - في منطقه العمريه قريبه جدا من الافنيوز.
التمشي بشارع السالميه وزياره مجمع الفنار الى جانب مجمع البستان اماكن تعلق بالذاكره.
زياره مجمع الكوت بالفحيحيل.
الى جانب الابراج وبرج التحرير.

اما عن المواقع فهي ما اتضيع وابحث عن شارع الكورنيش فهو الرئيسي بالمنطقه وجميل التمشي فيه بالسياره خاصه وقت العصر.

اتمنى لك طيب الاقامه بين اهلك واخوانك وحياك الله
واترك البقيه لبقيه الاخوان والخوات للاضافه

حياك الله اخوي بالكويت

و بخصوص السكن انصحك بفندق مارينا حلو و قريب للاسواق

و و انصحك بزيارة الافنيوز و المركز العلمي

مرحبا مليووون أخو بدوى في بلدك الثاني الكويت...أحللت أهلا ووطئت سهلا.

والاخوان ماخلو لنا شي نضيفه...أنصحك في تتبع المواضيع في البوابة وستجد مايسرك.

الأعزاء

جديد

ضاري

مسافرة بلا وجهة

المتفائل جداً

مشكورين على سرعة الرد و المشاركة

لا خلا ولا عدم

حياك الله بديرتك وان شاء الله تقضي احلى الاوقات بين اهلك

اللهم اجعلها رحلة سعيدة

روح مطعم حسني بحولي اذا كنت تحب الماكولات البحرية

لايفووووووووووووووووتك

موطبيعي

انت تختار الاسماك والربيان الجامبووو والاستاكوزا

تعال مبجر يعني 7

لان الكباين دائما فل

^_^

اما الكراسي متوفرة

بالتوفيق

المشاركة الأصلية كتبت بواسطة alrashedq8
http://www.arabtravelersforum.com/tr...1/#post2309521

حياك الله بديرتك وان شاء الله تقضي احلى الاوقات بين اهلك



تحيا وتدوم يالغالي

أشكرك على التلطف بالرد.

المشاركة الأصلية كتبت بواسطة سفير النوايا الحسنة
http://www.arabtravelersforum.com/tr...5/#post2313225

اللهم اجعلها رحلة سعيدة



يسعد أيامك

المشاركة الأصلية كتبت بواسطة الســـــــــراب
http://www.arabtravelersforum.com/tr...4/#post2316034

روح مطعم حسني بحولي اذا كنت تحب الماكولات البحرية

لايفووووووووووووووووتك

موطبيعي

انت تختار الاسماك والربيان الجامبووو والاستاكوزا

تعال مبجر يعني 7

لان الكباين دائما فل

^_^

اما الكراسي متوفرة

بالتوفيق



هلا بك يالسراب

وتم وضعه بالقائمة

وما أدري هل للشباب قسم خاص بالمطعم ؟؟؟

لأننا اثنين شباب

بصراحة انا استفدت جدآ من الموضوع .. وانا شاء الله قريب جدآ بسافر الكويت .. ولكن عندي سوال لاخواني اهل الكويت شنو المجمع اللي دائم فيه زحمة ناس مثل زحمة مجمع الراشد اللي في الخبر وزحمة مجمع السيف اللي في البحرين..

المشاركة الأصلية كتبت بواسطة اودي 2008
http://www.arabtravelersforum.com/tr...0/#post2318570

بصراحة انا استفدت جدآ من الموضوع .. وانا شاء الله قريب جدآ بسافر الكويت .. ولكن عندي سوال لاخواني اهل الكويت شنو المجمع اللي دائم فيه زحمة ناس مثل زحمة مجمع الراشد اللي في الخبر وزحمة مجمع السيف اللي في البحرين..

حياك الله أخوي أودي والمجمعات الي تكون فيها زحمه عندك مجمع الافينيوز والمارينا وسوق شرق والكوت :24:

شكرآ لك اخوي مهاجر والله يعطيك العافية