الموضوع: افيدوني يا اهل المغرب يعطيكم الصحه

اسعد الله اوقاتكم يا اخوان

ابروح بعد كم يوم لمدة ثلاث ايام
كمرور لكازابلانكا

واتمنى تفيدوني عن شقه ديلوكس لشخص واحد غرفه نوم وحده او ستديو وتكون مجهزه بكافة الوسائل من شاشة ال سي دي كبيره وقنوات وصاله مريحه ومطبخ نظيف وأمن للعماره وتكون مجهزه xxxxxxxxxx
وياليت تكون بمنطقة مأهوله ومسكونه وبها بقالات ومطاعم .. إلخ

بصراحه انا خبري بكازا من 2006 وناسي كل شي : )

وبخصوص الصرف هل اصرف من المطار ؟

اكون شاكر ومقدر لكم اخواني ..

مواضيع عشوائيه ممكن تكون تعجبك اخترناها لك:

• جامع التونبوغا جامع الساحة في حلب إحدى إبداعات العمارة الإسلاميةبعدسة عسل
• صور من طنجة من تصويري
• شركة ليبية مساهمة ترغب بالعمل فى المغرب
• لمحة عن تطوان لؤلؤة الشمال
• صور من سفرتي لمراكش
• نسيت اشكركم
• الصناعات التقليدية
• تعليم اللغة الفرنسية
• الدولار الأمريكي اما الدرهم المغربي
• ثلاثة ايام في مولاي بوسلهام
• رحلتي إلى الصين جوانزو مع التقرير و الصور
• الشحن يا اهل الشحن تعبت من السؤال
• بخصوص السفر الي المغرب
• كيف أسافر من أغادير الى جزر الكناري
• رحله لمدة 10 ايام
• الدريكيش جنة الغابات و أم المياه المعدنية
• بعتها بروح للمغرب
• هل توجد تكاسي تطلع من المطار الى عين دياب وكم سعر التاكسي
• بعد التحيه استفسارات بسيطه
• لكل من يجيد لغة أجنبية اتمنى الدخول

مواصفات الشقه احس افضل رح فندق
اذا مصمم ع شقه راسلني خاص
الصرف من مطار كازا
تحياتي

شكرا لسرعة وحسن تجاوبك يا بطل

والمشكله الخاص ما يرسل لان مشاركاتي قليله حسب ما افادت الرساله الاداريه وما ادري كم المفروض تكون مشاركاتي

عموما انا مصمم على شقه يا بعدي .. واتوقع فيه يعني تقدر تقول مستواها 4 نجوم على ما اذكر فيه .. لكن بإمكانك يالغالي تشرح اللي عندك لي برساله خاصه والشكوى لله بتواصل معك هنا حسب توضيحك .... بالاشاره

تسلم ما قصرت اخوي محسن //

رأي من راي محسن حسب مواصفات الطلب واضح انه فندق او فيلا .........هو الافضل والاحسن

شكرا لك اخي محسن كفيت ووفيت يالغالي لكن ياليت تشرح لي كيف افتح الرسايل ياليت يكون واضح ترى اخوك مفهي هههههه

والشكر موصول للعزيز الاحمدي ايه طال عمرك حنا شياب ههههه وخبرنا قديم لكن انشاءالله ان كل شي على ما يرام واتوقع فيه شقق فخمه لاني قد شفت تيوب عن شقق بمراكش بجنب الماكدونالدز .. شقه صغيره مميزه مثل ما طلبت واكثر .. واتوقع فيه بكازا شي مو بعيد عنها

اكرر شكري لكم اخواني محسن والاحمدي عز الله بيضتوها ما قصرتوا

في الاعلى الرسائل الجديده
اضغط عليها يجيك صندوق الوارد اضغطها
تجيك الرساله اقراها

هههههههههههه يا بعدي انت يا محسن

لالا يالغالي مو قراءة الرساله ههههههه الله يرجك معقول ما اعرف اقرا الرساله هههههههه ضحكتني الله يسعدك

لا قصدي اصير اقدر ارسل عشر رسايل مثل ما يقولون
لاني سمعت انه بالاعدادات تفتح يعطيك عشر رسايل
دخلت الاعدادات ما عرفت
اروح التحكم .. اوكي بعدين ؟

اكون شاكر لك وربي انك قمة في التعامل مع الجميع الله يوفقك اخوي محسن ..

مرسيه اخوي هذا من ذوقك
هي اعدادات تعديل الخصوصيه
عموما ايميلي في ملفي التعريفي انت تامر امر
تحياتي

مايامر عليك عدو اخوي محسن

تمت الاضافه //

هلا اخيك الكريم ..... وتسلم ..
ايه اكيد فيه شقق فخمة .... ....وحتى هاي في جميع الاحوال شقة تقع ضمن عمارة ....ومحسن اكيد بيكفي ويوفي
بالتوفيق

ما عليك زود ابو سعود
انت الخير و البركة

هلا ب الاخ السائل من ناحية الصرف خذ معك صرافات وكاش واصرف مبلغ بسيط من الكاش من المطار
يعني 1000 او 1500 ريال تمشي فيها امورك اول يومين. انا مادري كم بتجلس هناك عشان اضبط امورك بس اللي عاجبني انك بتجلس
في كازا وهو افضل لك . وبالنسبة للشقق فهيا كثيره جدا في كازا ومختلفة من ناحية المتسوى ومن كلامك عرفت ايش اللي يعجبك .
واشوف انك مقارب لي تبي كل شيء حولك من بقالات ومحلابه(بوفيه) ومقهى ومصبنة (مغسلة) . حتى محطة المسافرون للقطارات قريبة
والمدينة القديمة قريبة منك . طلبك موجود وابشر بسعدك بس قلي متى السفره بالضبط وكم يوم .
وتحياتي لك

اخوي حزين اولا / يسعدني تواصلك وتجاوبك وهذا يدل على طيبتك يالغالي

وانا يا طويل العمر ودي لو كنت قريب من كازا بورت وليس محطة المسافرين لان كازا بورت اعتقد المنطقه اللي حواليها ارقى وقريبه من وسط كازا الراقي اللي خلف الشيراتون وحول الريجنسي وعين دياب ماهيب بعيده

انا رحت لكازا مرات عديده لكن بين 2003 واخرها 2005 وقد سكنت بشقه بمجمع مقابل برشلونه هوتيل بتقاطع الرزقطوني مع شارع انفا اكيد انك عارفه ومره سكنت مع عائله مغربيه لزموا علي السكن عندهم كم يوم // والباقي كنت امر مرور كازا واطلع للرباط ومرات اطلع للمحمديه //

انا يالغالي بجلس تقريبا من اربع إلى ست ايام فقط فهل تنصح اطلع مباشره لمراكش اللي اتمنى اشوفها .. تصور رغم اني رحت المغرب سبع مرات ما قد شفت مراكش ولا طنجه ولا اغادير !! مارحت الا كازا والرباط والمحمديه فقطططط

لكن اعتقد التنقل بيتعبني لمدينه اخرى لاني بوصل كازا اصلا منتهي تعب ههههه ومافي ايام كثيره عشان اطلع رغم اني افكر اطلع مباشره لشفشاون بناء على ماشفت من صور في موضوع للاخت مغربيه شماليه ..

مثل ماقلت احب يكون قريب من الشقه كل الاشياء المهمه اللي احتاجها والشقه اتمناها صغيره وتشطيبها حديث مثل شقق شفتهم بالتيوب في مراكش بجانب الماكدونالدز بصراحه اعجبوني واتوقع يكون فيه مثلهم في كازا !

ومن ناحية الهدوء فأنا ولله الحمد بتلقاني اهدى من نزلاء العماره ههههه اقصد الهدوء الطبيعي وليس الهدوء الزايد ..

سردت لك قصة حياتي ههههه لاني مااقدر ارسل خاص : ) اعذرني

فكم تتوقع بيكون سعر الشقه او الستوديو اللي وضحت لك مواصفاته ؟

وطبعا مازال احسن طريقه من المطار انك تطلع بالقطار على طول هربا من جشع بعض اصحاب التكسيات .. صح ؟ ولا فيه شي جديد ؟

شاكر ومقدر حسن تعاملك اخي الكريم

هلا بك يابونواف مادام رحلتك 6 ايام تقريبا خلها كلها في مراكش عشان تتعرف على المدينة وما جاورها بشكل اكبر .
وبصراحة ما انصحك تروح لشفشاون نظرا لان سفرتك قصيره وايضا شفشاون ليست بالقريبه منك وهذه الايام الاجواء بارده
في المغرب ورح تزيد بروده من يوم الثلاثاء القادم كنت قد شيكت على الاجواء لمدة اسبوع . يعني اشوف مراكش مناسبه لك
حتى جوها يكون معتدل هذه الايام وفرصة انك تشوف مدينة جديده وتضيفها للارشيف عندك .
وسأحاول ان اراسلك على الخاص
انشاءالله سفره موفقه

ماشاء الله رحت سبعة مرات المغرب وما رحت مراكش ما يصير ..... ايضا ارشح مراكش .... برأي الكثيرين وبرأي اجمل مدن المغرب ... اذا انك مسافر ع الخطوط السعودية بتوصل في وقت حساس ع مراكش ... مثل ما قلت الافضل القطار ... واعتقد بتوصل ع محطة قيليز بالليل ... افضل سكن في مراكش هو النخيل ...لكن لكل شيء ضريبته ... النخيل سعره نوعا ما اعلى شوي وتحتاج سيارة بسائق ....الشقة 1200 والسيارة حول 400...وميزاته كثيرة اهمها راحة البال.... اذا قلت لا بسكن في وسط مراكش ...بتلاقي احيانا شروط ... صارو البوابين واصحاب المكاتب بعضهم لهم شروط ... وانت افضلك والاحسن تسكن في عمارة مافيها سياح كثير ... يعني تسأل مين ساكن ... الشخص الي اعرفه بياجر بالف درهم وكمان يتشرط والالف اصلا كثير ... انا ناوي ع مراكش ان شاء الله واول مرة احتار فين اسكن
بالنسبة لكازا بورت صح كلامك قريبة من كل شي ... بس لاحبيت تطلع المطار بالقطار لابد تروح لكزا فوياجير...

شكرا جزيلا لكم اخواني حزين الضماير والاحمدي
ما قصرتوا الله يعطيكم العافيه .. كفيتو ووفيتو .. اخوي حزين انشاءالله يتمم الموضوع على خير وانا شاكر لك وبنفس الوقت منقهر على الخاص ههههه لكنك بصراحه ما قصرت وانشاءالله بتجيك الاخبار بزينها وشينها والله لا يجيب الشين ,,

واخوي سلمان بالنسبه للنخيل في مراكش كني شفت الاخوان يشتكون ان مافيه تسوق .. او انه بعيد عن الديره ؟؟ لكن شفت صور له بصراحه مسكت مرره والوضع فيه تمام وهادي وآمن ؟

وشاكر لك بدورك يعافيك ربي ..


كل التقدير

خبير مراكش احونا محسن افادني انه صار فيه مركز تسوق شامل كامل