الموضوع: مش حتقدر تغمض عينيك

السلام عليكم جميعا

اخيرا بتشوفون تقرير رحلتي لجنوب افريقيا وبالبدايه اشكر الله اللي سخر لي السفر لهذي البلده اللي طالما كنت خايفه منها واشكر الاخوان الرائعين بالمنتدى الرائع لمساعدتي والاجابه على تساؤلاتي الكثيره.

تفاصيل الرحله

العدد انا وزوجي واولادنا ثلاثه على القطريه كويت قطر كيب تاون الذهاب مع التوقف ساعه بمطار جوهانز بيرغ

مده السفر 20 يوم من ضمنها يوم السفر ذهاب ويوم عوده

البدايه 24/6/2008 طلعنا من مطار الكويت العصر متجهين قطر ومنها كيب تاون ووصلنا الصبح
يوم 25/6/2008 وصلنا الصبح واستلمنا الشقه بالسي بوينت وهي اللي ذكرها الاخ العضو مانديلا اشبي مانور غرفتين نوم وصاله وحمامين ومطبخ مريحه جدا وموقعها عالبحر وكل الخدمات حوالينا نمنا الى العصر وبعد ماصحينا رتبنا اغراضنا وطلعنا نتمشى عالشواطئ الساحره وكان الموج عالي وصوت امواج المحيط تختلف فعلا عن صوت بحر الخليج وبعدها توجهنا بالتاكسي الووتر فرونت للعشاء ورجعنا الساعه 9 وهذي صوره للسكن

مواضيع عشوائيه ممكن تكون تعجبك اخترناها لك:

• الفزعة ياشباب ابي حجز في السن ستي الفنادق مليانة
• غرب أفريقيا وشرقها كأنك تراها
• حديقة غيون أديس أبابا
• استفسار
• هل تريد أن تعيش ملكًـا في ؟؟ تعال معي في فندق
• المواصلات الى سن سيتي والى ويلدرنس معلومة مهمة وطازة
• موقع رائع للشقق الفندقية كيب تاون
• استفسار عن جنوب افريقيا ضرووووووري
• برنامج مفيد
• الى كل من سافر الى جنوب افريقياشارك معناكــــــــم وكــــــــم وكــــــــم؟؟؟
• زامبيا ونامبيا التطعيمات المناسبه
• التنقل من جوهانسبرج الى صن سيتي
• خرائط سياحيه للقاردن روت وكيب تاون
• حاولت حجز التذاكر من موقع ولكن
• شنو رايكم بهذه الفنادق
• رحلتي ال اديس ابابا
• شهر العسل بين كيب تاون وبين موريشوس ساعدوني
• شباب طالعين الحبشه
• مقاهي ومطاعم عربية في كيب تاون
• تقرير الريح الاحمر للرحلة الرائعة الى جزيرة زنجبار والجزيرة الخضراء

بأنتظار باقي التقرير............................

صورها لسكن وباين فندق البنسويلا عالزاويه احنا مقابل الفندق المبنى الثاني

https://travel.maktoob.com/photo/sho...p?photo=385085

اسفه حجم الصور صغير وحضرتي غشيمه بالصور ضغطوا عالصوره يمكن تكبر .

اليوم اللي بعده 26/6/2008 قلتا ناخذ لفه عالمحلات القريبه من السكن ولقينا محل تاجير سيارات اجرنا سياره قولف 2007 ولفينا فيها على شواطئ الهوت باي الطرق كانت خيال ولما بعدنا شوي جتنا طرق جبليه والبحر تحتنا والروعه لاتوصف سبحان الخالق وفيه باعه عالطرق تبيع جلود حيوانات وقواقع وتحف ومشغولات يدويه

https://travel.maktoob.com/photo/sho...p?photo=385348

وهذي صور لبعض الباعه اللي عالطريق مع اني محرجه جدا من الصور بسبب الحجم
https://travel.maktoob.com/photo/sho...p?photo=385295

وبعدها صار الجو عجيب قلنا نلروح نتغدى بالوووتر فرونت وتغدينا بمطعم فشر مان وكانت النوارس تشاركنا الاكل وفعلا مو وقته لما تكون ميت من الجوع وتجي النوارس تاخذ الربيان وتطير فيه

بعدها خذينا لفه بالسوق المحلات راقيه وحلوه اخذنا فكره وشرينا شغلات بسيطه للاولاد وطلعنا اخذنا لفه بالبحر وقت الغروب وانتهى اليوم ورجعنا الشقه

27/6/2008 الصبح الساعه 11 الجو حلو ومغيم شوي قلنا نبي نروح حديقه النعام وسالنا عنها قالوا لنا بعيده التاكسي افضل اتصلنا على ارقام السواقين اللي بتقارير الاخوان بس كلهم اعتذروا قلنا الله يسهل ووقف لنا باص عام قال اوديكم ب 300 راند كاسرناه ب250 راند ووافق وصلنا المزرعه واول ماوصلنا سالنا الموظف اذا الزياره تبونها مع وجبه الغدا من لحم النعام والبيض وتمشينا فيها والمرشد يشرح عن النعام ومنتجاتها ويخليك توكل النعام وتركب عليها وتوقف على بيضها واخيرا اكلنا لحم وبيض نعام وكانت الطواويس تدور بالحديقه على راحتها محد يزعجها او يلحقها وهذي بعض الصور
https://travel.maktoob.com/photo/sho...p?photo=385356

https://travel.maktoob.com/photo/sho...p?photo=385358

هذا الطاووس اللي يتمشى بالمزرعه وبعدها رجعنا البيت ريحنا شوي واخذنا سيارتنا تمشينا بالمنطقه ورحنا عشينا الاولاد ورجعنا للراحه لانه الجو بارد جدا والصغار تمللوا وانتهى يومنا

السبت 28/6 بدا اليوم بشمس مشرقه والسما صافيه ومافي غيم والبراد اللي يرد الروح قلت فرصه نروح جبل الطاوله وبالفعل رحنا وصعدنا بالتلفريك الى القمه صار الجو ابرد بكثير عن البرد اللي تحت وسبحان الله تحس انك تلامس الغيوم وبدت تمطر شوي وللاسف اغلب الصور بجبل الطاوله شخصيه بس صوره وحده واحنا صاعدين بالتلفريك راح احطها لكم

الحمد لله على السلامة

إن شاء الله تكونون استانستوا بسفرتكم


وآآآآآآآآآآآآآآه يا جنوب أفريقيا


كنت بنفس الوقت بكيب تاون والاجواء كانت أكثر من روعة

https://travel.maktoob.com/photo/sho...p?photo=385359

رجعنا تقريبا الساعه 3 العصر ريحنا شوي بالبيت ولفينا بالسياره بمنطقه القرين بوينت ولقيت سوق شعبي كانه بسطات يبيعون فواكه واشياء بسيطه ومقابل السوق افرع لمحلات وولد وورث وايدجر وتسكر عالساعه 6 المغرب ردينا وكنا ملينا من اكل المطاعم والاولاد اشتاقو للعيش قلنا نروح البيت ونتعشى عشى بيتاوي

يوم 29/6 كان يوم احد طلعنا الساعه 11من البيت رحنا سوق الاحد ماكان فيه شي غريب بس شريت البومات صور اعجبتني واخذت سوار افريقي خشب ملون للذكرى واعجبني فنجان قهوه مع الصحن ملون الوان ورسومات افريقيه بعدها رحنا الوتر فرونت وكان فيه عروض تقام يوم الاحد وصدفه كان الجو حلو وفرق تقدم عروض افريقيه وقعدنا شوي وبدت السماء تمطر قلنا نروح الكانال ووك وشفنا بالخريطه انه على طريق N1ومسكنا الشارع ودايركت لقينا روحنا امام مدخل كانال ووك والعاب راتنجا تبين من بعيد شافوها الاولاد وطبعا لازم يروحون وراحو والعبوا الالعاب مو غريبه عاديه بصراحه نفس العاب المدينه الترفيهيه بالكويت وصار برد ماكملنا باقي الالعاب رحنا تغدينا بالكانال ووك وسرعان ماظلمت الدنيا وماشفت المول من بره قلنا لازم لنا رجعه مادام دلينا طريقه وسيارتنا تحت ايدنا وايضا كان المول زحمه حيل لانه يوم احد وعطله .

الحين اخليكم مع بعض الصور للعروض اللي بالووتر فرونت ومره ثانيه سامحوني على حجم الصور

ابو الجوري الله يسلمك وطبعا انت عايش الشعور نفسه بس يالله استعيد معاي ذكريات جنوب افريقيا

والحين خلني اكمل التقرير لاني ملزمه اخلصه اليوم

https://travel.maktoob.com/photo/sho...p?photo=385389
https://travel.maktoob.com/photo/sho...p?photo=385403
https://travel.maktoob.com/photo/sho...p?photo=385405

https://travel.maktoob.com/photo/sho...p?photo=385406

هذي بعض الصور للعروض في الووتر فرونت

اشوي وارجع لكم اكمل :115:

الاثنين30/6/2008 ايضا كان الجو جميل ومشمس بس بارد لكن مافيه مطر اتصلنا عالتاكسي وطلبنا منه يودينا راس الرجاء الصالح وكان الطريق طويل وبعيد لكن بفضل الله وصلنا الساعه 2 الظهر وصعدنا للقمه وكانت تيارات هوائيه قويه ووقفنا عند المناره وعند المؤشر اللي يحدد المسافات وجهاتبعض المدن العالميه وجاني شعور بقيمه هذا المكان التاريخيه فقلت الحمدالله اني وصلت للمكان اللي اسمع فيه من ايام الدراسه بالمتوسط ولم اتوقع اني ساقف به يوم ولما تشاهد التقاء المحيطين تشعر بعظمة الخالق اللي مسير الامواج تتلاقى وترجع بدون ماتختلط ببعضهاسبحان اللهوبعدين شفنا المحل اللي يبيع بعض الشعارات والاشياء التذكاريه وتغدينا بمطعم بالاسفل اكل بحري بس لذييييذ

طلعنا بعد الغدا وقلنا للتاكسي ياخذنا شاطئ البطاريق اللي استمتعنا فيه حيل وخصوصا اليهال مو مصدقين انهم يشوفون بطريق حقيقي ظلينا الى الساعه 6 مساء نلاحق البطاريق المسكينه اللي ابتلشت فينا

بصراحه دورت لكم صور من راس الرجاء الصالح بس ماتنفع كلها عائليه بس ممكن شاطئ البطاريق كم صوره تنفع انزلها

الحمدالله على السلامه
والله يعطيك العافيه على التقرير
بسس لو سألتك وش الشيء اللي لازم الواحد ما يخليه لو طلع جنوب افريقيا وش يصير ؟

https://travel.maktoob.com/photo/sho...p?photo=385409

https://travel.maktoob.com/photo/sho...p?photo=385410


وانتهى اليوم

الثلاثاء 1/7/2008 صحينا متاخر الساعه 11 تقريبا وكان مطر وضلينا بالبيت الى الساعه 1.30 قررنا نروح الكانال ووك نتغدى فيه ونعوض المره الي فاتت رحنا ولقينا العاب داخل ناحيه المطاعم وضلينا فيه الى المغرب تسوقناواكلنا ورجعنا وقضى اليوم

2/7/2008 الاربعاء ايضا كان الجو مطر والظاهر بدا موسم الامطار عندهم واول ماخف سالنا عن الطريق اللي يوصل لتايجر فالي وطلع ايضا طريق N1 ,ورحنا نتبع اللوحات الارشاديه عالطريق ووصلنا كان المول هادي اكثر مو مثل الكانال ووك والووتر فرونت والمناظر خلال الطريق ممتعه وايضا اسعاره ارخص شوي من الباقي

بس مشكلته انه يسكر بدري الساعه 6 تسكر المحلات والمطاعم تسكر الساعه 9 وانتهى اليوم

سلطان الحميدي الله يسلمك بس مافهمت السؤال بس لوتقصد زياره مكان اعتقد حسب اهتماماتك انا مكانين حسيت وقتها اني فعلا بجنوب افريقيا لما زرت جزيره روبن ايلند وشفت زنزانة مانديلا كانت الرحله هذي مهمه بالنسبه لي احب الاماكن التاريخيه وراس الرجاء الصالح ايضا نقطه التقاء المحيطين شئ عظيم وبصراحه جنوب افريقيا كلها تستحق الزياره بالعربي ديره تهبل فوق الوصف

الخميس 3/7/2008
ايضا برد ومطر بس تمشينا بالسياره ناحيه حديقه الزهور وعالم الطيور بس للاسف ماكنت حاطه الكاميرا بالشنطه وكملنا تمشي بالسياره شفنا منطقه عالبحر وكانها ميناء صغير فيه قوارب سفن وقوارب كثيره وايضا قوارب شراعيه والمنظر كان كانك في مواني امريكا ومطاعم بحريه على طول الخط بس بسيطه عاديه ومحلات تبيع الاسماك الطازجه والمغرب اتجهنا للوتر فرونت نتعشى ونرجع البيت

الجمعه 4/7/2008 طلعنا نحجز لرحله مشاهده الحيتان ولقينا اكثر من مكتب منتشرين بالووتر فرونت مكتب منهم خلف برج الساعه قال اخذكم بالباص لمده ساعتين لمنطقه الحيتان وواحد قال اوديكم بقارب خاص ب350 راند والوعد بالوتر فرونت يوم الاربعاء اخذ الرقم وقال حسب الجو والموج اذا اوكي اتصل عليكم اما روبن ايلند ماحصلنا قريب قلنا يصير خير وقلنا نروح نتمشى صوب منطقه تايجر فالي نكتشفها وهلقينا بحيره صغيره خلف المجمع السكني اللي خلف تايجر فالي وملعب قولف مظره يرد الروح واللون الاخضر يغطيه وهذي بعض الصور واولادي مستمتعين بالمنظر

https://travel.maktoob.com/photo/sho...p?photo=385414

السبت 5/7/2008

كنت اتصفح كتيب عن الرحلات بجنوب افريقيا وكيب تاون خاصه لقيت رحله لمنطقه اسمها wain land فيها مزارع عنب ومصانع الواين بس الطرق خضره جميله ومراعي وشفناها على نفس الخط اللي نتمشى فيه كل مره بس ابعد شوي من تايجر فالي وتمشينا فيه وشفت باصات القروبات السياحيه واقفه بقرب المزرعه قالوا هني يذوقون السياح اللي يزورونهم شراب الواين المعتق الفاخر:114:

استمتعنا بالمناظر طول الخط الاخضر وبعدها تغدينا بتايجر فالي وشرينا اغراض للاولاد وتسوقنا ولقيت سوق اسمه willo bridgeالغينا نظره عليه حلو وهادي بس مافيه محلات كثيره اخذنا عشانا ورجعنا البيت


الاحد 6/7/2008

ماكان فيه شي مختلف ايضا مطر فقضيناه بالسوق ولقينا واحد يدلل على الهليكوبتر قلنا نجرب قال انتوا 5 اشخاص لازم تاخذون طياره 6 كراسي 20 دقيقه ب 3000 راند لقينا مكتب ثاني ب2700 رحنا معاه بالسياره لمهبط طائرات قريب من الووتر فرونت وبصراحه تجربه ممتعه جدا جدا

الاثنين 7/7/2008
كان اليوم اللي قررنا نروح فيه القاردن روت وكان ابو الشبابرافض انه يروح بسبب المده 6ساعات ومعانا اطفال ومانعرف الطرق قلت بلاها بس خلينا نتمشى الى اول الخط نشوف المناظر اللي اذكروها الاخوان بالمنتدى ونرجع مسكنا طريق n2 اللي يوصل الى جورج ومن روعه ماشفنا ماحسينا الا والطريق تناصف قلتله ها نرجع قال لا بكمل ووصلنا جورج المغرب المطقه ظلمه وهاديه ماشفت شي بس كان باين انها تجاريه ومصانع ووكالات سيارات وكملنا الى وايلدرنس واول فندق كان امامنا فندق وايلدرنس بيتش هوتيل الليله ب 550 راند 4نجوم الغرف مطله عالشاطئ والمستوى كان 5نجوم مع الافطار قعدنا ليلتين الغرفه على زاويه الحديقع عالشمال والبحر قدامنا شي ولا احلى

هذي بعض الصور من طريق القاردن روت واذكر كان عالطرق الجبليه قرود تراقب الطريق شكلها بدعه بصراحه :109:

الاث

الحمدلله على السلامه

اختي شراع الهوى

وقلبتي المواجع اشتقت لجنوب افريقيا

والحمدلله انكم انبسطتو فيها

وتقرير من بدايته رائع

https://travel.maktoob.com/photo/sho...p?photo=385478



https://travel.maktoob.com/photo/sho...p?photo=385482

نمنا نوم عميق اول ماوصلنا الفندق بعد ساعات بالسياره بس صحينا الصضبح على صوت امواج المحيط العاليه والمنظر الخبالي والامواج اللي توصل لي باب البلكونه .نزلنا البوفيه وكان حلو واصناف متنوعه وواجهه المطعم تطل على حديقه الفندق طلعنا استكشفنا المكان بعدها رحنا لفينا بالسياره بين جورج ووايلدرنس ورحنا الجاردن روت مول تغدينا فيه المول كبير وشرح اما المحلات نفس محلات كيب تاون

صباح الاربعاء 9/7/2008

وهذا اليوم اللي كنت حاجزه فيه رحله الحيتان وكنت ناطره الاتصال وبندم اني ماراح اروح لكن جت منهم ومااتصلوا الظاهر كان مطر بكيب تاون وكنسلوا
احنا رحنا نايزنا بالسياره تقريبا ربع ساعه من جورح وكانت شواطئها ساحره وخياليه بعدها رجعنا سوينا شيك اوت ورجعنا كيب تاون لانه رحنا بدون استعداد وماكان معانا ملابس واغراضنا كلها بكيب تاون وهذا السبب اللي ماخلانا نطوا بوايلدرنس . طبعا وصلنا الساعه5 ورحنا مطعم كنتاكي الي بالشارع القريب من سكنا واكلنا بالبيت ونمنا . بس اول ماصحيت الصبح الجو شمس والبحر هادي قلت اتصل عالمكتب اسال عن الرحله فتاسفمني انه امس ماقدروا يروحون وقاتل ممكن اليوم الساعه 1 الظهر وعلى طول طبعا استعدينا ورحنا كانت هاديه وممتعه فعلا طلع لنا بطاريق بالبدايه بعدها فقمتين واختفوا بعدها دولفينات كثيره تسابق القارب ولكن الحوت :108: ماله اثر وقالوا راجعين خلاص شعرت بخيبه امل واحباط واولادي بعد بس شوي ويصرخ ولدي يمه حووت تعالي طنشته لكن اعلن مرشد الرحله عن وجود حوت عاليسار وكان ربي مايحقق لي امنيتي وشفته قريب من القارب وهذي صوره للحوت واسفه ماعنديصور اكثر لانه الاغلب فيديو

https://travel.maktoob.com/photo/sho...p?photo=385495

خلصت الرحله الساعه 4وربع العصر واليوم كان خميس واحنا لازم السبت العصر نروح المطار استعداد للعوده يعني ماعندي الا يوم الجمعه وانا للحين مومحصله حجز لجزيره روبن ايلند ومتحسره اني اوصل كيب تاون وماازور هذا المكان التاريخي قلفت لزوجي جرب يمكن نحصل خصوصا احنا واقفين عند المكتب موخسرانين شي قالي احنا متصلين الصبح وما حصلنا قلت ماعليه نجرب وفعلا قال فيه حجز باجر الجمعه رحلة الساعة 1الظهر وكانت هذي الرحله الاخيره

الجمعه 11/7/2008 طلعنا عشان نروح الوتر فرونت نلحق عالرحله لانه قالوا لازم تكونون موجودين قبل ربع ساعه لقينا ورقه عالسياره من مكتب التاجير يطلب حضورنا فورا وكنت خايفه نتاخر رحنا قال راح نبدل لكم السياره عطونا مرسيدس فان وديزل قلنا وينكم من الاول البنزين غالي . المهموصلنا المكتب حده و5دقايق قلت خلاص مافي امل ولكن الحمدالله لحقنا عليهم وكنا اخر الركاب وصلنا الجزيره وركبنا باص فيه مرشد وهو سجين سياسي سابق وشرح عن انواع التعذيب اللي تعرضوا له السجناء ومرينا على كهف صغير وصخور كان مانديلا وربعه يكسرون الصخور 13 سنه لحد ماتعبت عينه وصارت حساسه جدا واسمحوا له بلبس نظاره شمسيه وبعدها دخلنا الزنزانات وشفنا زنزانه نيلسون مانديلا وفراشه وكوبه وصحنه المخصص له بالسجن . بصراحه تستاهل جنوب افريقيا انه مانديلا ينسجن عشانها 27 سنه
اخيرا صور لجزيره روبن ايلند

https://travel.maktoob.com/photo/sho...p?photo=385506

https://travel.maktoob.com/photo/sho...p?photo=385507

هذا الفراش اللي ينام عليه السجناء خشن جدا كانه مصنوع من الحبال .

هنا انتهت الرحله وضلينا بالووتر فروني الى 9ونص وداعيه خلاص اخر يوم باجر

السبت 12/6/2008 رتبنا اغراضنا ورجعنا السياره وطلعنا نتمشى مشي عالبحر وكان شمس كانه يأهلنا لاستقبال جو الخليج والساعه 4 وصل التاكسي اللي كلمناه ورحنا المطار تغدينا فيه وطارت الطياره الساعه 8 الى جوهانزبرغ الساعه 10 ووقفت ساعه الى 11 وطارت الى الدوحه ووصلنا الساعه 7.25 الصبح وظلينا ترانزيت بالدوحه الى الساعه 1.50 الظهر الساعه 3 وصلنا الكويت والحمد لله بس كان مطار قطر مريح فيه العاب للاطفال وماحسيت فيهم طول المده بالالعاب وغرف للاستراحه ممكن تتمدد شوي

موقف حصل لنا مع سايق التاكسي بعد مارجعنا من مزرعه النعام نسيت الكاميرات بالسياره عنده وما انتبهنا ولا فقدناها اصلا الا بعد اتصاله علينا وقال انتوا نسيتوا الكاميرات بالسياره اشوي وارجع معاي زبون وما رجع قلت خلاص مافي امل لتصل زوجي وقال ممكن بكره ارجعها ففدت الامل اكثر ولكن اوفى بوعده ورجعها الصبح
ايضا شفت الناس هناك متعاونه متجاوبه وتساعد اللي يسال بعكس اللي شفته باوروبا سالنا واحد بالاندر قراوند عن مكان رد علينا جدامكم الخريطه مالا داعي الاجابه
اتمنى اني ارضيتكم بتقريري ولكن السموحه هذي اول مره اكتب تقرير بس حبيت اوفي بوعدي وردا لجميلكم واعذروني مره ثانيه على حجم الصور

مشكوره حبوبه مس ترافلر واشكر مرورج العطر على تقريري المتواضع

ghj

لاتطوفك اذا مازتها ان شاء الله تزورها تستحق الزياره والله

ارجو المعذره التقرير يحتوي على اخطاء مطبعيه كثيره بس والله لاني من الساعه 9 والى الساعه 4.30 الفجر حبيت اخلصه مره وحده وتاريخ العوده 12/7 وليس 12/6

انتهى .......

عزيزتي شراع الهوى ..

جنوب أفريقيا من الدول التي أعشقها ولن أمل زيارتها مرات أخرى ..

وإن شاء الله ستكون لي الإفادة من تقريرك عندما يصل موعد السفر لجنوب أفريقيا .. :24:

" رجاء لو سمحتي بأن تقومي بتكبير الصور قليلا "

وتقبلي أرق تحياتي ..

رد جوري اعلم ان الصور صغيره وقدمت اعتذار اكثر من مره بس فعلا ماعرف اكبر الصور حاولت اكثر من مره فلا يقبل التحميل لكن ممكن تضغطي عالصوره تكبر وشكرا للمرور

مشكوووره على التقرير الحلو اهم شي نزلتيه قبل ماسافر لاني كنت متحمسه اقراه

ببياي ان شاء الله ا التقرير يفيدج بشي ومايكون التقرير خيب املك على هالحماس وتلروحون وترجعون بالسلامه

حبيبتي شراع الهوى :
قرآءتي لتقريرك حسستني بطعم ثاني((التقارير الطازجة لها ردة فعل غيييييييييييييير))
واضح إنكم استمتعتوا برحلتكم _ما شاء الله عليكم_
وعجبني فيكم يوم كملتوا الطريق لجورج وما قلتوا شقتنا وأغراضناو....و...((كذا الشغل العدل واستغلال الفرص))
رحلتي بعد أسبوع بإذن الله وبسوي مثلكم ونستأجر سيارة أول وا نوصل وكنا مقررين نأجرها إذا رحنا للقاردن روت
بس الحين غيرنا رأينا بعد ما حسيت انكم كنتم آآآآآآآآآآآآآآآآآآآآآآآآآخذين راحتكم بوسط البلد...ِ

نووووف احسن شي تسوونه انكم تاجرون سياره والله اخر راحه ووناسه وتقدرون تلفون اي مكان وتقفون وتصورون باي مكان وبصراحه انا عن نفسي وايضا زوجي فعلا شعور لايوصف وناسه حقيقيه وغير عن السفرات اللي فاتت وهذي بعض الصور ولوتشوفون الباقي وايد احلى بس للاسف شخصيه

اتمنى لج السلامه والمتعه وبحفظ الله ان شاء الله

الله يسلمك ويحفظك يارب
وإن شاء الله أول ما نوصل ناخذ السيارة وإذا حصل لي فرصة راح أعطيك أخبارنا أول بأول
وما راح نستغني عن تجربتكم,,
بس عندي طلب بسيط :
لابد من بعض الهفوات والأخطاء البسيطة في كل سفرة ,,وأنا أحب أعرف السلبيات اللي جربها غيري وكان يتمنى إنه ما سواها,,,,
ممكن تستعرضين بعض الأخطاء أو السلبيات؟؟؟

والله يانوف انا مالقيت سلبيات بالبلد بس في اخطاء احنا وقعنا فيها مثلا لما اجرنا السياره كان المطلوب الحجز غلى 2000راند من الفيزا وتم الحجز لكن لما جينا نرجع السياره اخر يوم وندفع اللي علينا زوجي دفع المبلغ ونسى انهم حاجزين اساسا على 2000 فالمفروض انهم ياخذون من المحجوز واتصلنا على الموظف واحنا بالمطار وقال لا تهتم راح ارجع المبلغ والموقف الثاني انا كنت محتفظه بكل الفواتير عشان التاكس بالمطار ومريت المكتب عشان يرجعون المبالغ بس بعد مادخلنا الشنط فطلبوا مني يشوفون المشتريات ولكن للاسف الشنط مومعانا يعني الكل كان محتفظ بالمشتريات بشنط خاصه بعد مايستلم يروح يدخلها الشحن فراحت علينا وبس

الأخت شراع الهوى:

تقرير جيد ووافي وطازج ما شاء الله تبارك الله

وعندي بعض الأسئلة:

(1) هل كان عندكم سواق لسيارتكم وإلا ما أحتجتم لسواق؟
(2) بكم حصلتم الفان المرسيدس الديزل؟
(3) هل حجزتم الفندق في كيب تاون (اشبي) من الكويت أو من النت؟

وشكراً

المشاركة الأصلية كتبت بواسطة الأوزنغولي
http://www.arabtravelersforum.com/tr...7/#post2192027

الأخت شراع الهوى:

تقرير جيد ووافي وطازج ما شاء الله تبارك الله

وعندي بعض الأسئلة:

(1) هل كان عندكم سواق لسيارتكم وإلا ما أحتجتم لسواق؟
(2) بكم حصلتم الفان المرسيدس الديزل؟
(3) هل حجزتم الفندق في كيب تاون (اشبي) من الكويت أو من النت؟

وشكراً



اخي الكريم شكرا لقراءتك لتقريري المتواضع والذي كتبته على عجل . بالنسبه لاسئلتك :

1/لم نحتاج لسواق زوجي هو اللي يقود السياره بنفسه والطرق سهله لكن السايق عاليمين بالبدايه فقط كان يرتبك بس بعدين عادي

2/السياره اللي اجرناها باليوم 175 راند و250 كيلو باليوم بعد الخصم بس الفان عطانا اياه اخر يوم وحسبه لنا بنفس السعر لانه هو الوحيد المتوفر عندهم اما السعر الاصلي كان 190 راند

3/اما اشبي مانور حجزناها من الكويت بس عن طريق التلفون وعطتني الايميل وتواصلنا معاهم

اتمنى اني فدتك وشكرا

المشاركة الأصلية كتبت بواسطة شراع الهوى
http://www.arabtravelersforum.com/tr...9/#post2194339

اخي الكريم شكرا لقراءتك لتقريري المتواضع والذي كتبته على عجل . بالنسبه لاسئلتك :

1/لم نحتاج لسواق زوجي هو اللي يقود السياره بنفسه والطرق سهله لكن السايق عاليمين بالبدايه فقط كان يرتبك بس بعدين عادي

2/السياره اللي اجرناها باليوم 175 راند و250 كيلو باليوم بعد الخصم بس الفان عطانا اياه اخر يوم وحسبه لنا بنفس السعر لانه هو الوحيد المتوفر عندهم اما السعر الاصلي كان 190 راند

3/اما اشبي مانور حجزناها من الكويت بس عن طريق التلفون وعطتني الايميل وتواصلنا معاهم

اتمنى اني فدتك وشكرا



نعم أفدتيني كثيراً ولكن أرجو أن تطولي بالك علي وتفيديني عما يلي:

(1) هل السيارة الفان كافية لمثل عائلتي (6 كبار وطفل) ومعنا ما يقرب من 5 شنط؟
(2) أي شركة أجرتوا منها لأن الأسعار جداً ممتازة؟

وشكراً مقدماً

المشاركة الأصلية كتبت بواسطة الأوزنغولي
http://www.arabtravelersforum.com/tr...0/#post2194970

نعم أفدتيني كثيراً ولكن أرجو أن تطولي بالك علي وتفيديني عما يلي:

(1) هل السيارة الفان كافية لمثل عائلتي (6 كبار وطفل) ومعنا ما يقرب من 5 شنط؟
(2) أي شركة أجرتوا منها لأن الأسعار جداً ممتازة؟

وشكراً مقدماً



اخوي لايهمك اسال لاني قبلك سالت كثير وكلهم بركه يردون علي بصدر رحب وانا ايضا

1/ نعم كافيه اتوقع والشنط لن تكون معكم دايما بكل رحله

2/ المكتب اسمه فاليو وهو مقابل سوبر ماركت اسمه سبار وكان قريب من الشقه اللي سكناها

ودمت بود

اخي الازنغولي

نسيت اقولك اول ماتوصل مطار كيب تاون وقبل لاتطلع تلاقي مكتب يوفر لك تاكسي ترا ارخص بكثير من اللي برا المطار لقيت تاكسي برا قال اوصلكم ب 300 راند اما من مكتب المطار 200 راند بما انكم 6 والشنط 5 يوفرون لك ميني باص

المشاركة الأصلية كتبت بواسطة شراع الهوى
http://www.arabtravelersforum.com/tr...3/#post2197653

اخي الازنغولي

نسيت اقولك اول ماتوصل مطار كيب تاون وقبل لاتطلع تلاقي مكتب يوفر لك تاكسي ترا ارخص بكثير من اللي برا المطار لقيت تاكسي برا قال اوصلكم ب 300 راند اما من مكتب المطار 200 راند بما انكم 6 والشنط 5 يوفرون لك ميني باص



شكراً مرة ثانية وثالثة على التجاوب وبالنسبة لنصيحتج عن تاكسي مطار كيب تاون فأنا بإذن الله سآخذ السيارة من جوهانسبرغ وأدور فيها كل جنوب افريقيا وأنا الآن محصل فان تويوتا 12 راكب بسعر 1150 راند يومياً وعداد كيلومترات مفتوح فهل تعتقدين أنه مناسب؟

والله كانه غالي 1150 يعني 38 دينار باليوم ؟؟؟؟؟

وهل تقصد انك بتروح كيب تاون من جوهانزبيرغ بالسياره ؟انا افضل انه ماتطول بجوهانزبيرغ ومن كيب تاون تلف جنوب افريقيا على كيفك لانها اامن حتى لوتوصل لاي منطقه بالليل مافي خوف

والله يسهل امرك ويحفظكم ودمت بود

المشاركة الأصلية كتبت بواسطة شراع الهوى
http://www.arabtravelersforum.com/tr...1/#post2199361

والله كانه غالي 1150 يعني 38 دينار باليوم ؟؟؟؟؟

وهل تقصد انك بتروح كيب تاون من جوهانزبيرغ بالسياره ؟انا افضل انه ماتطول بجوهانزبيرغ ومن كيب تاون تلف جنوب افريقيا على كيفك لانها اامن حتى لوتوصل لاي منطقه بالليل مافي خوف

والله يسهل امرك ويحفظكم ودمت بود



أنا بعد أقول غالي ولكن معرفة التالي تخفف الأمر:
(1) السعر الأصلي 1650 راند اما 1150 راند فهو بواسطة ولد عمي وهو يشتغل في بريتوريا
(2) يوجد GPS في السبارة
(3) الفان كبير بحيث الواحد ما يشيل هم الشنط ونوم الأولاد في الطريق
(4) الفان راح آخذه من مطار جوهانسبيرغ وأقضي 3 ليال فيها ثم آخذ جولة بالفان حتى أصل الى كيب تاون يعني أوفر قيمة التذاكر

وأخيراً جزاج الله خير على الدعوة

الاوزنغولي

الله وياكم وتروحون وتردون بالسلامه


الاخ خالد

شكرا لمرورك الكريم والفال لك اذا مارحت لها

.

هلا إشراع الهوي

الحمد الله علي السلامه ونتمني أن تكوني قد إستمتعت برحلتك ولكن ماعشنا مع رحلتك لحظه بلحظه بسب عدم وجود الصور الكثيره


سوي نفسي :ضحكة: غطي الوجه وخلينا نعيش اللحظات الجميله


بس شنو أحلي مكان رحتي له ، وماأدري رحتي للسفاري أو لأسباير أو لكاليدن .


لأنها أماكن ماتتفوت بصراحه

.

هلا وغلا ابوسعد9 واخيرا مريت على تقريري

والله معاكم حق بمدح هالديره فعلا تفوق الوصف بس للاسف مارحنا اسباير ولا كالدين بس جاردن روت لانه الجو بارد وممطر وشكلي بسمع كلامك ونزل باجي الصور بس شوفة عينك الصور تطلع صغيره ماتشجع بس لاني وعدتكم سويت تقرير مختصر وعلى عجل ورد لجميلكم

وتسلم لمرورك

مرحبـــــــــــــ بكم ـــــــــــاً


للرفـــــــــــــــــع

حبيبتي شراع شنوا انطباعج عن الشقه وممكن رقم تلفونها وبكم حسبوها لكم شاكره لج اختي

عزيزتي لوبه اولا اسفه عالتاخير بالرد

ثانيا بالنسبه لانطباعي عن الشقه بصراحه احنا جازت لنا وعجبنا الموقع حيل وهي مثل ذكروا الاخوان غرفتين نوم وصاله وحمامين ومطبخ مجهز اما الاثاث عادي مافيه فخامه والراي يختلف حسب متطلبات الشخص المسافر يعني في ناس الفخامه مطلوبه بالسفر اما احنا فكان يهمنا النظافه والموقع والخدمه لاني اقضي طوال اليوم بره والشقه للنوم فقط

ثالثا السعر اللي اخذناه 480 راند لليله بعد المكاسر

تقرير رائع ، شكراً جزيلاً لك ،،،

شكرا حبيبتي ربي يعطيج العافيه ماقصرتي

اختي شراع الهوى اعتقد اني تلاقيت وياج في بوفيه فندق وايلدرنس بيش هوتيل لاني كنت موجوده هناك بنفس الفتره اذكر شفت وحده خليجيه معاها اولاد

يهطيك العافية اختي


تقرير جميل

hابو ريان شكرا ومرورك على تقريري المتواضع هو الاروع

ام خليفه والله يمكن نكون التقينا لاني اذكر بالبوفيه شفت عايله خليجيه زوج وزوجته وطفل صغير وهذي الساعه المباركه

انا


الله يعافيك وشكرا للمرور والتعليق