الموضوع: هذه خطه رحلتي للبحرين اقتراحاتكم

السلام عليكم

كيف الحال ان شاء الله طيبين ,, ان شاء الله بسافر شهر عسل اسبوع للبحرين من May 11 إلى May 17


بعطيكم خطتي وياريت تعدلوا عليها بحكم عدم خبرتي الكبيره في البحرين
--------------------------------
اول ليلتين بتكون في العرين


طبعاً اليوم الاول ما حطلع منها ,, اليوم الثاني امكن افكر اتغدى او اتعشى بره ,, فشفت هذا المطعم ياريت ارائكم


اذا في مطاعم اقرب وافضل ياريت تعطوني اقتراحاتكم
--------------------------------

ثاني ليلتين بتكون في النوفوتيل ,, احترت بينها وبين البندر ياريت نصائحكم
نوفوتيل


طبعاً اول يوم مفكر اروح السينما وبعدها مطعم العبد الوهاب


ثاني يوم بصراحه مني عارف فين اروح ياريت ارائكم
في شخص قلي اروح مطعم ليالي بيروت فنصائحكم هل المطعم كويس وان كويس بعد المطعم فين ممكن اروح لانه يوم كامل صعب بس مطعم
--------------------------------
ثالث ليلتين ان شاء الله بروح جزيرة الدار ,, ارسلتلهم رساله ومنتظر ردهم بحيث اعرف من فين اقدر اطلع على البوت الي يوصلني لهم وهناك طبعاً في اشياء كثير ممكن اسويها
--------------------------------


الان يهمني اول شي اقتراحاتكم للاسئلة الي باللون الاحمر ,, تقدرو تقترو اي شي تاني


والله يعطيكم العافيه

مواضيع عشوائيه ممكن تكون تعجبك اخترناها لك:

• سؤال عن كورنيش البحرين
• اريد فندق جميل وغرفه راقيه
• ممكن المساعدة بوصف محل جاسم للزراعة للضرورة
• مساعدة عاجلة تكفون للعمل
• الوضع العام
• ابشركم رحت للبحرين
• قالو لي لاتروح البحرين وياليتني ؟؟
• فورمولا البحرين؟؟؟
• طلب وياريت ماتردوني
• عاجل ك استفسار عن التنقل ببطاقة الهوية الوطنية للسعوديين
• استفسار بخصوص سفر الزوجة ببطاقة الأحوال
• أرجو ترشيح فندق
• شباب ابي مساعدتكم في شقق البحرين
• ســـــاعـــــة بــمـــاذا أقــــضــــيـــهــــا ؟
• ارقى محل مساج
• الزحمة في البحرين
• سـاسافر مع العاملة المنزلية من خلال مطار البحرين ما المطلوب؟
• خاااااااااااااااص جدا لاهل البحرين
• تكفون ياجماعة سرعة الرد مقيم بالسعودية ويريد الذهاب الى البحرين
• منتجع العرين الصحراوي البحرين

سلام عليكم اخوي شهر عسل سعيد عليك وانشالله شهورك كلها عسل قول امين بالنسبه حق العرين والله فندق حلو بس بعيد فمنطقه مهجورة حق الاسترخاء هذا اذا تبي تسترخي
مطاعم بجنب العرين مابتحصل الا الفاست فود وبعيد شوي عن العرين امابنسبه حق الفندقين البندر والنوفوتيل يتروى لي من حيث الراحه والنظافه وسعت الصدر والامان نوفتيل
البندر مايصلحه لنه فمنطقه اسمها سترة وكلها مشاكل خلك على النوفتيل واجد ازين لك بالنسبة حق السينما يتروى لي التوب فالستي سنتر اذا تبي سياحة عائلية اسئل الفنادق وبعطونك برامج
بس نصيحه اخويه اذا مابتجي بسيارتك لاتركب تكسي ابد لنه بقصون ظهرك بالاسعار خلك على سيارات بالايجار اليومي في امكان سيحاية عندك جنة دلمون حديقة العرين عندك المجمعات
عندك منتزه عذاري عندك الاسواق الشعبيه فالمحرق وباب البحرين واي استفسار ثاني حاضر لك دمت بود

الله يعطيك العافيه سلمت

أخوي عبدالله ألف ألف ألف مبروك والله يبارك لكم في حياتكم إن شاء الله

بالنسبة لفندق العرين (بنيان تري) هو فعلاً بعيد مثل ما ذكر أخوي لكن أنا من البحرين وسكنت فيه أنا وزوجتي وراح تستمتع فيه، وإذا حبيت تطلع منه فعندك أقرب مكان فيه مطاعم وكوفي شوبات فندق سوفوتيل الزلاق، وعندك قريب من فندقك (جنة دلمون المفقودة) ممكن تغير فيها جو

بالنسبة عن أول يوم السينما ومطعم عبدالوهاب اختيار طيب وعندك إذا بتغيير ممكن تروح مجمع دراغون في جزر أمواج ورا مطار البحرين الدولي فيه مجموعة من المطاعم المتنوعة والمجمع فيه بحيرة...

ثاني يوم أنصحك اتروح (The Walk) في منطقة الرفاع فيه مجموع من المطاعم والكوفي شوبات ومن بعدها تروح حق الرفاع فيوز فيه مطعم جداً راقي وأكله لذيذ اسمه دوم (Dome) جربه مع المدام لأنه أفرب مكان حق فندقك

بالنسبة عن الحيرة ما بين البندر والنوفوتيل (أنا أقولك وبدون ما تفكر النوفوتيل على طول) لأن البندر في منطقة سترة وهذي المنطقة الله يعنا عليها ...
وأنا سكنت مع زوجتي في النوفوتيل في ذكرى زواجنا وبصراحة استانسنا بالمناظر الحلوه وإن شاء الله راح تستانسون ...

أما بالنسبة حق المناطق السياحية والمطاعم والأسواق فراح احطها لك مثل ما حطيتها في الرد على استفسارين سابقين:

أولاً: المجمعات: وراح أذكر أكبرها وأشهرها:
- مجمع السيتي سنتر (فيه 20 صالة سينما وعدد كبير من مالطاعم المتنوعة وعدد كبير من المحلات المعروفة)
- مجمع السيف (فيه صالات سينما ومطاعم ومحلات)
- مودا مول (مجمع للماركات العالمية)
- مجمع الإنماء بالرفاع (مجمع جديد)
- مجمع الواحة في المحرق والرفاع

ثانياً: الجزر:
- جزر أمواج فيها مجمع دراغون مجمع متداخل مع البحر(فيه مطاعم جديدة فتحت) فيه مجموعة من المطاعم والكوفي شوبات بالاضافة إلى وجود فلل وشاليهات في الجزيرة يمكن تأجيرها
- جزر حوار وتحتاج لحجز تذكرة للذهاب للجزر من ساحل الفاتح (النادي البحري)
- درة البحرين
- جزر الدار

ثالثاً: الأسواق:
- سوق باب البحرين بالمنامة (يجمع ما بين الشعبية والتراثية والحديثة)
- سوق المحرق (يجمع ما بين الشعبية والتراثية والحديثة) وفيه المطعم الشعبي (زعفران)
- سوق الرفاع

رابعاً: المناطق التراثية:
- قلعة عراد بالمحرق
- قلعة الفاتح بالرفاع
- قلعة البحرين في السيف

خامساً: الأماكن الترفيهية:
- جنة دلمون المفقودة (مدينة بها ألعاب مائية)
- حلبة البحرين لسباقات الفورمولا وان
- منتزه عذاري
- واهووو (المدينة المائية) في مجمع سيتي سنتر
- منتزه الأمير خليفة بن سلمان على جسر الحد (فيه كوفي شوب جديد في البرج الموجود في المنتزه)
- دوحة عراد بالقرب من مطار البحرين (ممشى ومحمية طبيعة وفيها مطاعم وكوفي شوبات بسيطة) (فيها مطعم جديد مفتوح يقدم أكلات شعبية اسمه فريج بن رشدان)
- محمية العرين (محمية فيها مجموعة من الحيوانات والطيور)
- تأجير قوارب بحرية من كورنيش ساحل الفاتح من مكتب سياحي اسمه كورال بي

سادساً: المطاعم:
- معظم المطاعم راح تلاقينها في المجمعات التجارية اللي ذكرتها وأغلبها في السيتي سنتر
- ذا ووك (The Walk) في منطقة الرفاع (مطاعم وكوفي شوبات ممتازة) منطقة جديدة وحلو
- مطعم زعفران (مطعم شعبي سياحي يقدم أكلات شعبية) موجود في سوق المحرق بالقرب من سوق القيصرية وموجود في قلعة الفاتح بالرفاع (تم افتتاحه في قلعة الفاتح من أسابيع فقط)
- مطعم كوكوز في منطقة العدلية بالقرب من فندق الخليج
- ليلو كوفي شوب في منطقة السيف
- لو شوكولا كوفي شوب في منطقة السيف
- المطبخ اللبناني في منطقة السيف
- وافي غورميه (في سيتي سنتر)


مع خالص تحياتي

وعليكم السلام ورحمة الله

بارك الله لكما وبارك عليكما وجمع بينكما في خير

أتمنى أن تكون وجدت إجابات لجميع استفساراتك اخي الكريم

والشكر موصول لاخوانا الغالين hmodee2008 و mahmeed99 على مشاركتهم القيمة والرائعة والإجابة عن الاستفسارات

استفسار جميييل و تسلم الايادي

و الاخ محمد كفى و وفى و ماخلى شي

و انا شخصيا حفظت الصفحة عندي لانها مفيده و ذكر فيها جميع الاماكن