الموضوع: نصيحتكم طيران الجزيرة ؟

السلام عليكم يا أهل الكويت ..

طبعا أنا كويتي وهم عندي إستفسار عن الكويت عااد هلا هلا فيني ولا تبخلون علي بالجواب ..

واحد من ربعي يبيي إي الكويت عن طريق طيران الجزيرة وسألني عنها ,, والصراحة أنا عمري ما طرت عليها عشان أفيده .. ف ممكن تفيدوني عن طيران الجزيرة .. يعني كخدمة ونظافة ودقة للمواعيد أو عموما بشكل عام عن هالطيران ...

ومشكورين على وقتكم ..

مواضيع عشوائيه ممكن تكون تعجبك اخترناها لك:

• ابى معلومات عن فندق المنشر بليزززز
• اريد شقق مفروشة في الكويت عوائل بسعر مناسب
• «طيران الجزيرة» تطمح خلال سنوات لبلوغ محطة في أوروبا وإفريقيا وآسيا
• بنات الكويت الذويقات ممكن تساعدوني
• شاليهات هيلتون الكويت من تصويرى
• مطعم بي أند أف أوبن فليم كيتشن
• برجاء الافادة
• أنتم مدعون
• زياره وسياحه للكويت
• تصميم الفلل بالكويت
• عاجل للأهميه
• مطـــاعم وكــافيــهــــات الكــــويت متجــدد
• المدام مشغلتني تبي الكويت
• وين القاها
• صور لمجمعات الراية العوضي الصالحية
• وش رأيكم في اختياري للفندق
• استفسار عن الاقامة في الكويت
• متى تفتح ؟
• أبل بيزكبابجيبرج الحمامبيتزاهتبرجركنج
• للمساعدة الهامة

الخدمة والمواعيد تمام

وطيران الجزيرة خوش طيران لا يتردد

طيران ممتاز دقه بالمواعيد خدمة ممتازة طائرات جديدة واسعار مناسبه خل يتوكل على الله

خوش طيران هو من النوع الاقتصادي و دقيق في المواعيد و طيارات جديده و كراسي مريحه

و لكن لا يوجد خدمه على متن الطائره من مثل وجبه____ الخ

طيران إقتصادي للي يحب يوفر في سعر التذكرة مواعيد مضبوطه واسعارة معقوله بالمقارنه بباقي شركات الطيران

يا هلا فيك وبـ رفيجك

بخصوص طيران الجزيرة طيران حلو ومواعيد عال العال

وطيارات جديده

وكراسي مريحه

وما عليه كلام

بس بخصوص الاكل والشرب بفلوس

يعني نفس الكفتيريا بالجو

تمر عليك المضيفه تقول لها اشتبي وتقولك سعر كل سلعه

واي استفسار بعد اخوانك حاضرين لا تتردد

ورحلة سعيده لـ رفيجك ويوصل بالسلامه

أخوك

xQ8x

اصلا مافيه كلام او مقارنة بينه وبين الكويتية احسن منها وارخص
سافر وتوكل

بعد عمري والله يا أهل منتدى الكويت مشكورين وما قصرتوا على الرد

هلا اخوي طيران الجزيرة زين بس الله هداهم اسعار كل يوم عن يوم تقرق وسعر الطفل من 2سنتين للبالغ 12سنة نفس سعر الكبير بالسن ،،،، واما عن الوزن انا مجبتة كل شي معاك باليد او علي الشحن كله بالحساب عرفت اشلون يعنى حتى في تغير موعد الرحلة هم ياخذون منك مبلغ ما وعليك الحساب اهيه حلوة حق السفرات السريعة اللي بدون اغراض زيادة بس احنى للكويتيين مانعرف ناخذ اغراض اشوية معانا بالردة للديرة ،،،،

بس اللي يحليها تطير في وقتها ونفس الشى بالاقلاع

وان شالله الاخوان ما يقصرون وياك بالردود