الموضوع: منو بيساعدني بترتيب رحلتي

الحمدلله وبعد مشاورات مطولة قررنا انا والمدعو زوجي العزيز بالقيام برحلة لمدة اسبوع بسيارتنا العزيزة من الامارات إلى الكويت مع طفلي الغاليان:101:
فحبيت الي عنده فكره عن الطريق المختصر للكويت :114:
شقق فندقية مرتبه غرفة وصاله ومطبخ
حدايق عامه وحديقة حيوانات للصغاريه
محلات لبيع جلابيات واشياء مال اول
اهم المولات
مطاعم راقية فيها كابينات
محلات تبيع ملابس اطفال
وبالاخير شو الاشياء الي تصلح نجيبها من الكويت ونهديها لاهلنا
والجو عندكم شو حد يقدر يوصفه

على فكره رحلتي ان شالله بتكون تاريخ 30 او31 /6/2008

ومشكووورين مقدما:24:

مواضيع عشوائيه ممكن تكون تعجبك اخترناها لك:

• كيف جوكم؟
• مقهى راقي بدون شيشهدخان؟
• متى موعد مسيرة هلا فبراير
• ارجو من اخواتى بالكويت مساعدتى
• اسواق المباركية التراثيه تقرير مصور
• جديد سارة بلازا غير موجود باي فندق في الكويت
• استفسار حول الفنادق
• فندق بلازا أثينية
• ميناء الشويخ ميناء عبادان
• وين الشقق الفندقية في السالمية
• صور لشارع الخليج ومدينة الكويت
• الإخوة أعضاء منتدى المسافرون العرب الكرام أرجو المساعدة
• الخطوط الوطنية تسيّر رحلات يومية بين الكويت والبحرين
• كم تكلفة الوزن الزائد من مطار الكويت الي القاهرة
• تشليح الكويت
• هل توجد شقق رخيصة قرب شارع سالم المبارك بالسالمية
• مجموعة من الاستفسارات الله لا يهينكم
• محتاج مساعدة في التراث الكويتي
• ابحث عن شاليهات قريبه للمجمعات التجاريه
• •··´¯`··• زيارتي لمطعم زعتر وزيت •··´¯`··•

الجو عندنا حر موت لو انا منج اخرها شو بعد عيد الفطر انشاء الله لحد نصف اربعة لنا جو بيكون روعة وحياج الله

هلا بيك اختي لاتروحي هاذي الايام لان الجو مغبر والجو ناشف

حاولي تخرين الرحله

كم درجة الحرارة

أختي الجو عندنا 50 في الظل و80 في الشمس
هذا غير الغبار واللاهووووب ....:110:
والحمد لله على كل حال ولا نقول ما يغصب ربنا

أختي الجو عندنا 50 في الظل و80 في الشمس
هذا غير الغبار واللاهووووب ....:110:
والحمد لله على كل حال ولا نقول ما يغصب ربنا

هلا فيج اختي في ديرتج الثانيه الكويت.وبالنسبه للجو فهو حار فعلا بس مش لي درجه 50 وتحت الظل بعد:108: درجه الحراره تقريبا تصل الى 46 الساعه 12 ظهرا وتبدأ بالتزول الى حوالي 36 ليلا. وأغلب المحلات موجوده داخل مولات مكيفه فماراح تحسين بالحر الى هاذي الدرجه.

وأحلى سوق شعبي بالكويت ينصح بزيارته مساءا" لان الجو يكون معقول وهو سوق المباركيه وفيه محلات كثيره للدراريع أو الجلابيات كما يوجد به محلات لبيع الحلوى ومطاعم وقهاووي منتشره فيه جميله جدا".وأسعار المحلات تكوون أرخص بكثير من باقي المجمعات.

وعندج بعد مجمع الأوقاف فيه محلات للجلابيات كثيره جدا" وتتفاوت أسعارها من الغالي الى الرخيص.

والمجمعات الموجوده بالفروانيه كالحمرا مول ومجمع العربيد فيه محلات الجلابيات كثيره.

وإذا تبين الدراعات الغاليه للمصممه الكويتيه أنسام الخلف واللي أغلب المسلسللات الكويتيه تتعاون معاها بوتيكها اسمه أنسام كوليكشن وموجود بالجابريه بجانب الجسر الذي يربط الجابريه بمنطقه السره.

بكل صرااااااااااااااااااااااااااااااااااااااااااحةاحنا اهل الكويت انساف شهر 6و7و8 لان الجو عندنا مرعب فوق الحر غبار وتراب الحمدلله على كل حال وبعدين الامارات احلى من الكويت وابرد وذا مشتهية تزورين الكويت تعالي شهر مارس

السلام عليكم ..
اختي من ارقى المجمعات عندنا .. الصالحيه .. كله ماركات وغــالي وايد ..

عندج مجمع الافنيوز وسوق شرق والمرينا مول والفنار .. هذيل كلهم فيهم سينما ومطاعم .. يعني سوق كاامل ..

اختي العزيزة حياكم الله

بصراحة استغرب من ردود بعض الاخوان الجزو بكل دول الخليج متشتبه الفرق بالامارات والبحرين وقطر الجو رطب والجو بالكويت شمال السعودية ناشف درجات الحرارة بالنهار من 93 الي 46 رجة والليل من 26 الي 33

بالنسبة للشقق الممتازة

قهي ريتز الشرق
ريتز السالمية
بودل سويت
ساره بلازا وجمايكا ان

بالاضافة الي فنادق العالمية المعروفه

بالنسبة للشققق فهي بالعشرات بنس انا ذرت كم وحده احسهم الافضل

اهم المولات

الأفنيوز (هو الأكبر الآحدث)
مارينا مول
سوق شرق
المهلب
الفنار
الكوت
المنشر

ومجمعات شارع سالم المبارك بالسالمية

المطاعم فهي بالالاف
المطاعم العالمية المعروفة
وبعض المطاعم الراقيه الموجدة بالكويت فقط

اتمنى مراجعة بعض التقراير


وهذه بعض الصور للكويت

حياج الله اختي

بس لحد يقول استغرب برد بعض الاعضاء

هذي الصراحة لكويت هذي الايام وبالتحديد من اول شهر 6 لــ 10/7 هوا قوي (( البوارح )) وغبار

واختنا راح تتعنى من الامارات للكويت علشان تستانس مع اهلها الله يحفظهم

ما نبيها تتعنى كل هالمسافه (( بالسيارة )) وتنصدم بالجو

وبجنوب الكويت بالخط الرؤيه غير واضحه في بعض الاوقات

فــ ما نبي نقول لها تعالي ولا سمح الله يصير فيهم شي بهالخط من (( لغبار ))

على حساب ان نبي سياحة

اوكي انا معاكم لكويت ولا اروع فديتها بس الحين مو وقت سياحه

اختي اذا كنتي تبين تزورين لكويت تعالي بعد رمضان الجو حلو

او بعطلة 15

اخر شهر واحد لــ اول شهر 3

وهذي نصيحة لوجه الله

والصراحه محد يزعل منها

واتمنى السلامه للجميع

أخوكم

Q8x

مشكووووورين خواني على المعلوووومات والنصااايح


ان شالله بتشاااور مع زوجي وبنشوووف الوضع


واشكر كل من شارك بالموضووووع

انا اتفق مع كلام الاعضاء الأعزاء الجو هالأيام مايسر و ما يساعد 10 أيام مغبر ويوم نص ونص بصراحة ماراح تستانسين مع هالجو أنصحج بتأجيل السفره للفترة من (شهرأكتوبر إلى شهر إبريل) الجو يكون فيهم من أجمل الشهور

مشكووورة اختي كفيتي ووفيتي


الحمدلله بعد اجتماع مغلق انا وابو العيال قررنا انا نثبت على راينا ونتوكل في نهاية ها الشهر ونسير الكويت

لان خاطرنا نشوفها وهي الدولة الوحيدة من دول مجلس التعاون الخليجي الي ما زرناها

والله يوفقنا بالسيره

ومشكووورين على معلوماتكم القيمة

تراني اقتبست من الكل وسويت بوربوينت فيه اهم الاشياء

حياكم الله بالكويت

وان شالله الفتره اللي تزورين فيها الكويت ما يكون فيها غبار ... لان الغبار بالكويت تخلي الرؤيه شبه معدومه .. لدرجه انج ما تشوفين معالم الكويت عدل ... وحتى الصور اللي اللي عارضينها الاخوان راح تشوفينها مغبره على الطبيعه

واذا قررتوا انكم تسافرون الكويت وحاشكم غبار ... لا تقولين ... ترى احنا نصحناج .. لان الكويت بالشتا واااايد أحلى من الحين. على العموم الله يسهل اموركم ويحفظكم وتوصلون بالسلامه




:106: حرم الملك :106:

ماشاء الله العرب المسافرون ماقصروا

واحنا استفدنا كمان

حياج الله اختي مقدما بالكويت

بعطج شئ مختصر ..

1- مطعم فريج صويلح احلى الماكولات الكويتيه فيه بمنطقه السالميه

2- لا يطوفج الافنيوز مول - على الدائري الخامس

3- في سوق رخيص وفيه كل شئ اسمه المعلم بالسالميه

4- تنزهوا بابراج الكويت بشرق وحديقة الحيوان بالعمريه

وبالنسبه للسكن الاخوان ما قصروا .. وحياكم الله