الموضوع: مطعم سفن سييز اللي فوق برج الحمام

السلام عليكم و رحمة الله و بركاته

بعرضلكم صور مطعم مكانه خيالي .... اهم شي تكون كابينه و شرط بالنهار للاستمتاع بمنظر البحر

المطم من اسمه يدل على ان اكله بحري, بس عادي عندهم طبقين غير بحريين اللي اهمه ستيك لحم و سكالوب دجاج و بعد عندهم حمص :24:

الخدمة مو ذاك الزود لكن كل شي ثاني حلو و السعر نص و نص

احنا يوم دشينا ما كان في كبينه خاليه فكنا بنهون و نمشي لكن دبرولنا كابينه تكفي يمكن 6 اشخاص بس كانت عجيبه فيها دريشتين

منظر البحر من الدريشة الاولى





منظر البحر من الدريشة الثانية





الطاوله



صمونهم ايبون معاه زبده و مثل صلصة طماط و ليمون




طلبي ستيك طعمه جيد جدا لكن السكالوب ما عجبني كلش :108:






منظر من داخل الكبينه الى خارجها





بالعافية

مواضيع عشوائيه ممكن تكون تعجبك اخترناها لك:

• كوانكزو والصين
• محلات البخور والعطور الشرقيه
• استفسار عن فنادق عاجل جداً
• ابي رائيكم لاتبخلووون علي
• أكتبوها بالتاريخو أخيرا أكلت لحم النعام شلون تعالوا أقولكم مطعم قصر التكتك
• للخبرااء في الكويت ارجو الإفااده
• بخصوص الاحداثيات الكويتيه
• طلب تكفون رد علي
• مطعم و مطعم بالصور
• علب عسل؟
• سؤال هام وعاجل اشكركم للتجاوب
• استفسار عن مهرجان باللكويت
• افتتاح سلسلة مطاعم «إنزو» للبيتزا على الحطب
• طلبتكم طلبات طراره وتتشرط بعد طلبات
• سوق واجف و الزيارة اليتيمة
• زيارة الأولى للكويت
• مطلوب شقق و مشاغل
• سليل الجهراء منتجع فندق مجمع تجاري مدينه ملاهي بمكان واحد
• اول سفره للكويت
• بغيت كوفى شوف لمشاهده الدورى الانجليزي

بالعافيه أختي

البحر شكله حلو والمطعم نظييف مره

المطعم مكانه ممتاز وإن شاء الله أزوره قريب

بصراحة
المطعم غالي جدا جدا
أنا جيتيه
وطالعت المنيو
سعر سمكتين صغيرتين ب
35 دينار كويتي
أو
500 ريال سعودي
يعني أغلى من فنادق 5 نجوم

الصراحة الاكل البحري بشكل عام غالي و انا ما طليت باسعاره بس اكيد بيكون غالي لان المكان روعه و حيل راقي.. يعني اذا جذي غالي حلو حق المناسبات
يوم زرته في كابينه شي مو طبيعي فيها ورد امقطط على الطاوله و بوكيه ورد و اشموع .. الظاهر معاريس او مناسبة مهمة

شكرا للمشاركة

المشاركة الأصلية كتبت بواسطة Abdulmalik100
http://www.arabtravelersforum.com/tr...8/#post2047328

بصراحة
المطعم غالي جدا جدا
أنا جيتيه
وطالعت المنيو
سعر سمكتين صغيرتين ب
35 دينار كويتي
أو
500 ريال سعودي
يعني أغلى من فنادق 5 نجوم




الاخ عبدالملك حياك الله وانا اضم صوتى معاك 35 دينار لوجبتين كثير جدا لكن هناك مطعم بحرى جديد

اسمه FISH MARKET على ما اعتقد وهو بالجمب من الابراج وارجو ان يكون ارخص منه وكذلك سوف يتم

اعادة افتتاح مطعم الدانه البحرى من جديد وبذلك سوف يعيدون النظر فى الاسعار بسبب المنافسة

فعلاآآ مكاآآن و لا أرووووعـ و الأكل حلوووو .@@ هذا أهم شي

يعطيك العآآفيه

المشاركة الأصلية كتبت بواسطة honeyMooner
http://www.arabtravelersforum.com/tr...6/#post2047476

الصراحة الاكل البحري بشكل عام غالي و انا ما طليت باسعاره بس اكيد بيكون غالي لان المكان روعه و حيل راقي.. يعني اذا جذي غالي حلو حق المناسبات
يوم زرته في كابينه شي مو طبيعي فيها ورد امقطط على الطاوله و بوكيه ورد و اشموع .. الظاهر معاريس او مناسبة مهمة

شكرا للمشاركة



يالغالي

أتفق معك
المكان رائع
المكان جميل
الاطلالة روعة

لكن الشيء غير المعقول:
أن تكون أسعاره أغلى مرتين أو ثلاث
من مطاعم 5 نجوم
!!!!!

أنا وانت عندنا قدرة وندفع أكثر من هذا المبلغ
لكننا غير مقتنعنا اطلاقا بهكذا أسعار
ومضحوك علينا

اهو غالي اي غالي, و صح كلامك في مطاعم بفنادق ارخص منه بوايد بس ترى حلو لمن يكون في مطعم جذي مثلا من خلال تجربتي(مطعم ستيكات قاوتجو قريل و الريكاردو بالشيراتون و الهاشمي بريدسون ساس ) يعني هالمطاعم ينراح لها بالسنه مرة او بالمناسبات الخاصة جدا .. بوجهة نظري حلو جذي لم تروح تحس بطعمه ... بس انا و ريلي يوم رحناله و مطلبنا اكل بحري طلع يمكن اب 14 دينار

المطعم حلو ومبين من الصور

وسعره معقول

بس اللي ب35 دينا هذي مو معقولة

انا زرته من زمان اول ما فتح تقريبا وكان اكله خيالي وعجيب

مشكورة اختي وماقصرتي

مطعم فش ماركت اللي يم الابراج رحتله ومستواه جيد جدا

واحنا كنا 8 اشخاص وطلباتنا كله مأكولات بحريه مع المقبلات والعصائر طلع ب160 دينار كويتي

يعني اعتقد ارخص من سفن سييز ولا اشرايكم

شكرا لكم جميعا
djommd
بلسم القلب
alrashid
الملك
و بالعافية

السلام عليكم المطعم من جد غالي بس المطعم روعه وأن دخلت الغرف عشان ابعد عن الموسيقى وطلع حظي زين مطعم مميز بمناظره لا بأكله ويظل لكل منا وجهة نظر وتصدق انيمن زمان عن المنتدى ولكن حمستني اكتب عن رحلة للكويت ولكن لازم اعدل اشوي صعب من المفكرة للعلن لكنها بإذن الله قريباً

بيلا زياره

الاخ مواطن مسلم ... شكرا لك و يظل لكل واحد وجهة نظر مثل ما قلت
ناطرين تقريرك... لا تبخل علينا

البسبوسي... جربه حلوه التجربة و بالعافية

شكرا اخي العزيز على الموضوع وعلى الصور الجميله

يعطيج العافيه حبيبتي على التقرير الحلو

حياكم الله داوود و عزيزتي المرام نور الموضوع

بالعافيه عليك ..

باين خوش مطعم

كفاية اطلالته عالبحر ..

و اذا جربتيه ابتعجبج القعده اكثر و الله يعافيج مشكوووره

تسلمين

بس سؤال:
هالمطعم بس كباين؟

لا في كباين و في قعده عاديه
حياك الله

المطعم حلوووووووووو وراقي جربوا سمكه السنايبر مدخنه عجيييييييييييييبة الذ سمكة طعمتها تذوووووووووووب بالفم اممممممممممم

بالعافية qatar queen لو احب السي فوود جان ذقتها
شكرا

انا رحت لبرج الحمام بس مادخلت الفندق
ان شاءالله بزوره...
يسلمو ع الصور والطرح الحلو ...

الاخ النوخذه هذا مو فندق مطعم بس مكانه فوق برج الحمام

شكرا للمرور