الموضوع: نداء الى اهل الخليج انشالله بروح البحرين وبقعد فيها أيام ارجوكم ساعدوني

السلام عليكم يا اهل البحرين والخليج كله
انشالله بروح البحرين في رحله عمل واخاف أمل من المده (خمسة أيام) قولولي وين اروح ووين اسكن وشنو الاشياء المهمه، انا من زمان مارحت البحرين وحابه اشوف كل شي فيها ابي فزعتكم :101:
وماعليكم امر بغيت شقق فندقيه على مستوى راقي وقريب من السوق
وناطرة افادتكم

مواضيع عشوائيه ممكن تكون تعجبك اخترناها لك:

• يوم في البحرين
• رقم منتجع الدانه والبندر
• عاجلالله يخليكم ادخلو
• وكالة تويوتا
• ميركور قراند فاااااشل نوعا ما
• شريحة موبايلي مسبقة الدفع في البحرين
• اجازة عيد الاضحى للطلاب و الموظفين في البحرين ؟
• الوصول للبحرين من الشرقيه ماالطريقه ؟
• معرض الخريف بالبحرين لعام م
• الانترنت في محلات الكوفي شوب البحرين؟؟؟
• استفسارات عن التصريح المطلوب
• نادي الشراع
• فريزر سويتس شقق مفروشة نجوم ملحقة بمجمع السيف
• اهل الخبرة لو تكرمتوا افيدوني
• متى تفتح الاسواق والمجمعات بالبحرين ومتى تسكر؟؟؟
• مساااعده ضروووريه
• كيف الوضع في البحرين آمان؟
• أين أجد محلات الكمبيوتر في البحرين
• ممكن شقه تكون ارضياتها كلها مفروشه بموكيت ؟
• روائع البحرين صباح الجمعة ديسمبر صور × صور

يا بنت بلادي يا مرامي الحقيقة مدة 5 أيام عادة تكون طويلة في بلد كالبحرين لكن ممكن تعمليلج برنامج بحيث يكون يوم في منتجع البندر بجزيرة سترة تقريبا 30 دقيقة عن المنامة ويوم في جزيرة حوار ، أما باقي الأوقات فإقضيها بالأماكن التالية :
1- مجمع السيف والعالي (الغداء بالسيف )
2- الذهاب لمجمع البحرين(جيان)
3- مجمع الدانة للعشاء ومشاهدة السينما .
4- مجمع المرينا مول جيد جدا للشراء (مثل سنتر بوينت الكويت) وبه ماركات أخرى أيضا
مطاعم مرمريز(خلف مجمع جيان)
مطعم زيارة مقابل مجمع السيف (عنده أطباق سيزلر عجيبة)
محمية العرين لو كان هناك وقت مع المرور على بلاج الجزائر بالقرب من محمية العرين (الشاطئ جميل )إذا كنت من هواة الجلسات الشاعرية
والمرور على سوق المحرق الشعبي حلوى ومتاي وغيرها (لاتنسينا بالحلوى )جاسم شويطر
مدينة الدلافين(نسيت إسمها بالضبط) تكون مقابل المنطقة الدوبلماسية تقريبا
هناك قلاع جميلة لمن يحب التاريخ والتراث مثل قلعة عراد والرفاع ومعبد باربار (عجبني المعبد)ومتحف البحرين
وعموما أتصور ممكن أكون غطيت لج أبرز ما تحويه البحرين البلد الجميل بأهله وناسه [/font][/b]:24:
أما بالنسبة للسكن إذا كنتي لوحدج أفضل السكن بفندق مثل الدبلومات أو كراون بلازا أوالشيراتن(أقل مستوى قليلا من سابقيه) وعندج ريجنسي يمدحونه (ماسكنت فيه)وكذلك فندق إيليت خلف مجمع الدانة
وأما الشقق الفندقية (إذا كنتوا عائلة) فالأبرز رامي والجابرية واليت 5 بالجفير
وأي إستفسار آخر حاضرين:101:

المشاركة الأصلية كتبت بواسطة فهد الأحمد


يا بنت بلادي يا مرامي
والنعم في اهلي وناسي
الحقيقة مدة 5 أيام عادة تكون طويلة في بلد كالبحرين لكن ممكن تعمليلج برنامج بحيث يكون يوم في منتجع البندر بجزيرة سترة تقريبا 30 دقيقة عن المنامة ويوم في جزيرة حوار
ممكن تعلمني شلون احجزلهم أو تعطيني الرابط اذا سمحت
، أما باقي الأوقات فإقضيها بالأماكن التالية :
1- مجمع السيف والعالي (الغداء بالسيف )
2- الذهاب لمجمع البحرين(جيان)
3- مجمع الدانة للعشاء ومشاهدة السينما .
4- مجمع المرينا مول جيد جدا للشراء (مثل سنتر بوينت الكويت) وبه ماركات أخرى أيضا
مطاعم مرمريز(خلف مجمع جيان)
مطعم زيارة مقابل مجمع السيف (عنده أطباق سيزلر عجيبة)
محمية العرين لو كان هناك وقت مع المرور على بلاج الجزائر بالقرب من محمية العرين (الشاطئ جميل )إذا كنت من هواة الجلسات الشاعرية طبعا احب :106:
والمرور على سوق المحرق الشعبي حلوى ومتاي وغيرها (لاتنسينا بالحلوى )جاسم شويطر حاظريييين
مدينة الدلافين(نسيت إسمها بالضبط) تكون مقابل المنطقة الدوبلماسية تقريبا
هناك قلاع جميلة لمن يحب التاريخ والتراث مثل قلعة عراد والرفاع ومعبد باربار (عجبني المعبد)ومتحف البحرين
وعموما أتصور ممكن أكون غطيت لج أبرز ما تحويه البحرين البلد الجميل بأهله وناسه [/font][/b]:24:
خوش معلومات جزاك الله خيرأما بالنسبة للسكن إذا كنتي لوحدج أفضل السكن بفندق مثل الدبلومات أو كراون بلازا أوالشيراتن(أقل مستوى قليلا من سابقيه) وعندج ريجنسي يمدحونه (ماسكنت فيه)وكذلك فندق إيليت خلف مجمع الدانة
وأما الشقق الفندقية (إذا كنتوا عائلة) فالأبرز رامي والجابرية واليت 5 بالجفير
وأي إستفسار آخر حاضرين:101:



ماقصرت اخ فهد وعساك على القوة

المشاركة الأصلية كتبت بواسطة حسون

في هذا الرابط اشياء تفيدك كثير حول البحرين وبالصور
http://www.almofd.com

رابط ممتاز ومفيد شكرا أخ حسون

بالنسبة لموقع جزيرة حوار فهو(http://www.hawarresort.com/)
وأيضا يمكن الحجز عن طريق مطار البحرين حيث توجد مكاتب خاصة هناك ، وكذلك يوجد مكتب عند الكورنيش بالقرب من صالة عروض الدلافين بالبحرين

انا سكنت في ايليت اعتقد بس باتاكد لج من الاسم وهو وايد وايد حلو وجديد ونظييييف وجنب السيف على طوووول

المشاركة الأصلية كتبت بواسطة ام ياسمينا


انا سكنت في ايليت اعتقد بس باتاكد لج من الاسم وهو وايد وايد حلو وجديد ونظييييف وجنب السيف على طوووول



انا سامعة فيه وياليت اذا تقدرين تعطيني الرابط