الموضوع: تكفون ياهل الكويت هل من مجيب

أولا حياك الله بالكويت وتنورونا وان شاء الله تعحبكم.
بالنسبه للإقامه أنصح بالاقامه في الفنادق القريبه من المولات وأماكن التسوق.
1. فندق المرينا ملاصق لمجمع المرينا وموقعه حلو وعلى البحر وبجانب الفندق مشيا" على الاقدام كافيهات ومطاعم حلوه جدا وموقعها حلو ورومانسي عالبحر.

وهذه موقع الفندق:
http://www.marinahotel.com/

وهذه صور للفندق ويوضح موقعه الخلاب


وهذه صور للغرف




وهذه صوره للمرينا كرسنت وهو مقابل لفندق المرينا وتنتشر به المطاعم والمقاهي المطله على البحر


وأحلى مافي هالفندق إن ماراح تحتاج للسياره وكل شي قريب من بعض


2.فندق المريديان على شارع الخليج
موقعه مميز وفي وسط شارع الخليج ومطل على البحر ورومانسي وبه مطعم سمك يجنن:24:

الفندق من الخارج


الغرفه



وهذا موقع الفندق
http://www.accomline.com/hotels.rese...tel_Kuwait.htm

بالنسبه للأماكن الحلوه اللي تستحق الزياره وطبعا الأماكن كثيره بس راح أحط أهمها:

1. مجمع المرينا وفيه محلات حلوه ومطاعم وسينمات.وأنصحكم تروحون فلم وبعدها تتسوقون وبلليل الجلسه بالمرينا كرسنت تجنن ورومانسيه(المرينا كرسنت هو مجموعه مقاهي ومطاعم موجوده على البحر ويربط بينها وبين مجمع المرينا جسر)..أنصحكم بشوكليت بار يجنن:24:

2.المركز العلمي على البحر حلو وفيه الأكواريوم ممتع وفيه أسماك لاتخطر على بالكم وفيه سينما أي ماكس تعرض أفلام علميه ممتازه للكبار والصغار بتقنيه ثلاثي الأبعاد وفيه مقاهي والقعده حلوه فيه.

3.سوق المباركيه وهو سوق قديم بس حلو وفيه محلات ذات جوده عاليه لبيع الأقمشه الرجاليه والشماغ ومحلات ممتازه لبيع البخور ودهن العود مثل أطياب المرشود)

4.مجمع الأفنيوز وهو أكبر مجمع بالكويت وفيه محلات كثيره جدا ومطاعم ومقاهي كثيره أيضا وفيه 11 سينما.أنصح زيارته يوم كامل والإستمتاع بكل مرافقه.وفيه مطعم يجنن ايطالي اسمه لافورنو أنصح بزيارته

5.سوق شرق. جميل جدا وفيه سينمات والقعده عالبحر على احد المقاهي او المطاعم ممتازه.

6. مجمع الكوت والمنشر في الفحيحيل يستحق الزياره للموقع المميز على البحر وفيه ايضا سينمات يحتاج الى يوم كامل.

7. مجمع الصالحيه( شفت أمس عبدالله القصبي مال طاش ماطاش مع ابنه بالمجمع وكان ساكن بالفندق الملاصق للمجمع) هالمجمع حلو وفيه أغلى الماركات الفرنسيه والألمانيه منها شانيل وأل في و جفنشي وشواروفسكي وكارتير وشوبارد وغيرها الكثير)
وأتمنى ان هالرد البسيط يفيدك. وحياك الله مره ثانيه بالكويت بلدك الثاني

حياااااكم الله بالكويت صراحه الأخوان ما قصروا ما بقى شي و قالوه بس انا انصحكم بفندق المارينا وااااايد حلو و رومانسي انا رحتله يوم عرسي و على فكره الفندق هادي و الخدمه ممتازه برغم من الزحمه إالي حوااليكم .