بسم الله الرحمن الرحيم
السلام عليكم ورحمة الله وبركاته

بعد حيره بين السفر إلى دبي او شرم الشيخ وبعد تنتيف الشعر اخترت الذهاب لشرم

حجزت على الخطوط السعوديه ترانزيت جده
الذهاب (1/نوفمبر) الساعه 9.55 ص
الوصول الساعه (15.30) م
العوده (8/نوفمبر) الساعه (16.30)
طبعاً لم يتم الدفع لحد الأن لاني صراحه محتار وكان ودي احجز على تاريخ (20/سبتمبر) والعوده (25/سبتمير) 6 ايام فعليه ودايركت بدون ترانزيت

اولاً: افراد الرحله انا والمدام وابنائي الاربعه ومن ضمنهم رضيعه
الاعمار (9/7/4/رضيع)
ثانياً: هل تنصحوني اقدم الحجز واروح في سبتمبر خاصتاً ان الزياده في التذاكر فقط الف ريال وغير انه اخر اسبوع قبل اجازة الحج اسبوع دراسي ميت

ثالثاً: طبعاً انا قريت بعض الاستفسارات والتقارير لكن حبيت اضع استفساراتي بنفسي واخذ رائي الجميع عشان توصل لي المعلومه مباشره

رابعاً: بالنسبه للسكن احترت بين خليج نعمه والسوهو سكوير

خامساً: الفنادق في خليج نعمه وقع العين على فندق هلنان عاجبني موقعه لانه قريب ايضاً من المشايه وسعره معقول بس مو ضامن القاء حجز على عددنا وياليت ترشحون لي فنادق تكون جيده وقريب من السعر ويكون موقعه ممتاز
بالنسبه للسوهو سكوير نصحني الاخ (msa_996) ان اسكن في فندق سييرا بس وجدته غالي شوي وخاصتاً ان الحجز بيكون غرفتين بحكم العدد ياليت ترشيح فنادق اخرى

طبعاً على حسب اذا بكن في خليج نعمه او السوهو

ياليت تكون الفنادق فيها اشياء لتسلية الاطفال

سادساً: بالنسبه للباس هناك هل البرمودا مناسب والتيشيرت العادي وبالنسبه للحجاب الكامل هل فيه مشكله او بيكون فيه مضايقات

سابعاً: بالنسبه للبرامج السياحيه انا قريت ان الكشكات في خليج نعمه متوفره بكثره طيب في حال السكن في السوهو سكوير وين احصلها

ثامناً: ياليت وضع برنامج سياحي مع الاخذ بان معي اطفال ابي شي يناسبني ويناسبهم نبي ننبسط سواء وماهي المعدات والاشياء الي اخذها معي في كل برنامج سياحي او هم يوفرون لي كل شي

تاسعاً: شريحة الاتصال والانترنت وين احصلها وبكم سعرها وماهي الشركه الافضل في شرم الشيخ

عاشراً: مالذي احتاج اخذه معي من السعوديه وبالنسبه للأمان شرم الشيخ قريبه من فلسطين هل هناك خطر



اخيراً وليس اخراً

شاكر ومقدر لكم تعاونكم مقدماً واتمنا الاجابه على اسئلتي نقطه نقطه عشان توصل المعلومه صح علماً بان هذي اول سفره عائليه لي خارج المملكه ويهمني ادق التفاصيل فيها

واوعدكم بحاجتين الاولى اني باغثكم بالاسئله الي احتاج لها اجابه وثاني شي تقرير مصور اجعلكم تعيشون معي كانكم انتم الي مسافرين مو انا

مواضيع عشوائيه ممكن تكون تعجبك اخترناها لك: