الموضوع: استفسار يا خبراء المانيا

السلام عليكم
راح اتكلم باختصار شديد
ولله الحمد والمنه حجزنا تذاكر وخلصنا
والمسافرين انا وزوجي وولدي عمره3سنوات
والرحله من8/18ميلادي الي9/10ميلادي
الذهاب والعوده فرانكفورت لانها ارخص تذاكر
ياليت لو تساعدونا غي تقسيمة الايام
واحنا مفكرين مبدئيا
ليله فرانكفورت
باريس ماحددنا الايام بس تقريبا مفكرين ليلتين بالشانز وليلتين بدزني
زلامسي3ليال
ومنها لمبلان 5ليال
ميونخ ليلتين
قارمش 3ليال
فرانكفورت ليله
ومن ثم العوده الي ارض الكويت
ترا الحسبا وتقسيمه قابله لتغير تبع نصايحكم
وياليت تساعدونا بفنادق بالمانيا بميونخ و فرانكفورت وقارمش ويفضل بقارمش كوخ ان وجد
ملاحضه الفنادق مو مهما 5نحوم وغاليا اهم شي بالسنتر وقريبا من المترو

الغرض من السفر:
الاستمتاع بالطبيعه واهم شي الالعاب مثل دزني ويورب بارك واذا في غيرهم بمخططنا ان وحد والتسوق مهم

وشكراً جزيلاً واعتذر ع الاطاله
وطامعا بنصايحكم وتوجيهاتكم من الموبايل

مواضيع عشوائيه ممكن تكون تعجبك اخترناها لك:

• استفسار عن شركة لتاجير السيارات
• ياأخوان من يعرف جزيرة الطاووس في برلين يساعدني
• لا احد يبخل علينا برأيه ومشورته وشكراً
• من ينتهي جوزاه قبل الفيزا
• أبي شقة فيها مطبخ في قارمش
• استشارة بخصوص شهر عسل بالمانيا وفرنسا والنمسا
• مساعدة ضرورية يااهل الخبرة
• استفسار عن حالة الطقس لمدينة ميونخ على مدار العام
• ارجوكم ساعدوني
• صور الفيزا للنساء
• السواقه من ميونخ الى زيلامسي
• مسافر ميونخ رحلة علاج وعندي استفسارات
• يا خبراء المانيا في حاجتكم ضروري
• بغيت رقم سايق وسيارة بميونخ
• اريد ملاحظاتكم واستفساراتكم على رحلتي اليوم مسافر
• اسئجار السيارة عن طريق بوكنج
• ترتيب رحلة الى النمسا وفرنسا و سويسرا
• تساؤلات قبل السفر لألمانيا للمرة الأولى
• من مطار ميونخ والى مطار ميونخ ولا ؟؟؟
• استفسار حول استخراج الشنجن هل لازم من المانيا لان نزولي على مينوخ

عفوا اختي ويلة التنقل ايش راح تكون؟

قطار واذا كانت مسافه طويله طيران داخلي بس مو كل المحطات طيران داخلي احنا نبي اقل التكاليف من الموبايل

طيب طيب
المانيا والنمسا وايطاليا , عادي لو تستخدمون سياره.
ومن مطار ميلان على باريس
الى هنا احتاج رأيك؟

يعطيك العافيه حلوووه الفكره
بس انا شوي اخاف من الطرق الغريبه وما احب المرتفعات بالسياره ودنا بسياره بس مسافات بسيطه وهم ودتا نحرب القطار

بس اخاف البنزين نستهلك واجد واحنا نبي اقل التكاليف؟
فكرة السياره مش رافضينحها محتاجين تشجيع واطمنان اكثر من الموبايل

صلي على محمد

متعة اروبا بالسيارة لانها اكثر حرية بعيد عن ارتباطات القطار ومواعيد الباصات.
لامانع من تجربة القطار في باريس بحكم الزحام والصخب
لكن الارياف تستدعي استخدام سيارة مثلا:
عند رؤية نهر يمشي ... صعبة تقولون للباص او القطار نبي ناخذ صور عند النهر. والامثله تأتي.
النصيحة المهمه جدا جدا جدا جدا جدا

كثر التنقلات يذهب متعة السفر + صرف مال

اللهم صلي وسلم علي سيدنا محمد

متعب جداً

احنا كحسبه اوليه
فرانكفورت
زلامسي
ميلان+فالنسيا+فينسيا+وروما اذا تساهل
باريس
ميونخ+قارمش+سالزبروغ
فرانكفورت
والعوده الي ارض الوطن
ماهو رايك؟
نخلي السياره بالمانيا والنمسا نقدر نروح فيها لميلان ولا قطار اسرع!؟ من الموبايل

مشاء الله عليكم المانيا والنمسا وايطاليا واسبانيا وفرنسا

تعب والله ياوخيتي

لا لا اسبانيا لا
بس المانيا وايطاليا وفرنسا والنمسا تعتبر قريبا من المانيا صح؟ من الموبايل

طيب المخطط المبدئي اللي كتبته في الاول كيف يعجبك ؟

تقصد هذا المخطط
المانيا والنمسا وايطاليا , عادي لو تستخدمون سياره.ومن مطار ميلان على باريس*
؟؟
اذا هذا اوك يبقي ننحد المدن
اما الثاني فهو متعب من الموبايل

المشاركة الأصلية كتبت بواسطة قايدعنادك
http://www.arabtravelersforum.com/tr...2/#post7691892

صلي على محمد

متعة اروبا بالسيارة لانها اكثر حرية بعيد عن ارتباطات القطار ومواعيد الباصات.
لامانع من تجربة القطار في باريس بحكم الزحام والصخب
لكن الارياف تستدعي استخدام سيارة مثلا:
عند رؤية نهر يمشي ... صعبة تقولون للباص او القطار نبي ناخذ صور عند النهر. والامثله تأتي.
النصيحة المهمه جدا جدا جدا جدا جدا

كثر التنقلات يذهب متعة السفر + صرف مال



فرانكفورت
بادن
قارمش
زيلامسي او كابرون
فيلاخ
جاردا
ميلان
ثم طيران داخلي الى باريس
من باريس الى سترازبورغ بالقطار ثم من سترازبورغ الى فرانكفورت بالقطار
هذا المخطط اذا تبين عليه تعديل نعدل ولايهمك

https://maps.google.com/maps?saddr=F...mra=ls&t=m&z=6

وانتظر رأيك

يعطيك الف عافيه اخووووي وتعبناك معانا
اذا انت تشوف مناسب لنا ومافيه تعب علينا انتوكل على الله
بس جاردا وفيلاخ مانعرف عنهم اي شي اصلا مادري اي دوله هم

وشلون نقسم الايام ع المناطق
مع الاخذ بالحسبان فرانكفورت لراحه قبل وبعد السفر فقط

والله يجزاااك الف خير من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...0/#post7692500

يعطيك الف عافيه اخوي تعبناك معانا


اذا انت تشوف مناسب لنا ومافيه تعب علينا انتوكل على الله
بس جاردا وفيلاخ مانعرف عنهم اي شي اصلا مادري اي دوله هم

وشلون نقسم الايام ع المناطق
مع الاخذ بالحسبان فرانكفورت لراحه قبل وبعد السفر فقط

والله يجزاااك الف خير من الموبايل



بخصوص فيلاخ http://www.arabtravelersforum.com/travel75610/http://www.arabtravelersforum.com/travel75610/
سبب وضعي لفيلاخ وجاردا في المخطط ماهي الانقاط ترتاحون فيها
يعني من زيلامسي الى ميلان حوالي 5 ساعات ونصف
فأضفت فيلاخ في النصف الاول من الطريق
وجاردا قرية ايطاليه ريفيه يوجد فيها بحيرة رائعه وفيه كذا تقرير عنها في البوابة الايطالية
وهي النصف الثاني من الطريق الى ان تصلو الى ميلان.

سؤالي كم يوم بالضبط رحلتكم علشان نقسم الايام
و
استخيري

21ليله و22يوم
بخصوص ميونخ راح تكون بالحسبا ولا لا؟
وسمعت ان الاسواق بشهر اغسطس ميلادي تغلق هل صحيح ولا لا صحه لذلك اذاا تغلق نخلي ميلان بايام شهر سبتمر
ولك خالص الشكر من الموبايل

ميونخ ماهي ضمن المخطط.....واذا شايلة هم التسوق فيه اوت لت قريب من ميلان بيعجبك

اوكي
كيف تكون تقسيمه الايام ع المدن؟؟
وين افضل مكان نحجز سياره اقصد بأي دوله ووين نسلمها مانبي مسافات طويله بسياره
وهل الجدول بيكون متعب ام مريح
بديت اتخوف تخرب رحلتنا من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...2/#post7693352

اوكي
كيف تكون تقسيمه الايام ع المدن؟؟
وين افضل مكان نحجز سياره اقصد بأي دوله ووين نسلمها مانبي مسافات طويله بسياره
وهل الجدول بيكون متعب ام مريح
بديت اتخوف تخرب رحلتنا من الموبايل



هو يا اختي جدولكم فيه تنقلات يعني
فرانكفورت ليله
بادن 3 ليال
قارمش ليله او ليلتين
زيلامسي 5 ليال
فيلاخ ليله
جاردا ليله
ميلان 3ليال

كيف كذا يا اختي؟

هذا لثلاث دول فقط

السيارة تاخذونها من مطار فرانكفورت وتسلمونها في مطار ميلان

حلو بس هذي14ليله؟؟
والباقي
حلو نستاجر سياره بالمانيا والنمسا من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...8/#post7693478

حلو بس هذي14ليله؟؟
والباقي
حلو نستاجر سياره بالمانيا والنمسا من الموبايل



يبقى باريس 4 ليال او خمس ثم بالقطار الى ستراسبورغ تجلسون ليلتين ومن ستراسبورغ الى فرانكفورت ليله وترجعون...... بس بعلمك بشي مهم

ميزانيتكم كم؟

بحدود2500دينار من غير فنادق
حلو التخطيط حالياً جزاك الله الف خير
تفضل شنو الشي المهم من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...4/#post7693524

الكل يقول قارمش مثل زلامسي ولا وش رايك ونقدر نروح لقارمش من زملاسي من الصبح لليل او اي منطقا ثانيا غير قارمش؟ من الموبايل



غير صحيح .... اللي ماراح زيلامسي كنه ماراح للنمسا ابدا
بعدين زيلامسي قريبة لعدة قرى ممكن تزورونها منها
ممكن تروحون سالزبورغ + هالشتات الخ ... خيارات كثير.

شوفي يا اختي العزيزه .
انا اشوفك متحمسه للسفر جدا فودي اسال سؤال

السفره هذي وش الغرض منها ؟ لاني راح ابني على جوابك اشياء كثيره ان شاء الله تنفع لكم .

تقبل اجمل تحياتي

اي والله حيييل متحمسين
الغرض منها تغير حو والمتعه والتسوق والالعاب للكبار قبل الطفل

الله يجزاااام الجنه اتعبتك معانا والله من الموبايل

يجزاك****** من الموبايل

ايطاليا بالصيف حررررر ما انصحك وهي قريبه من سويسرا*خلي رحلتك النمسا والمانيا وباريس نصيحه*فيينا - سالزبورغ - زيلامسي - ميونخ - باريس*اشوف هالتخطيط رائع جدا

هذا اقتراح اخت لندنيه جزاها الله الف خير وش رايك فيه من الموبايل

كم تبعد فينيسا عن زلامسي اذا مسافا طويلا نكسل احسن؟!

حلو المانيا والنمسا بس حيل خاطرنا بدزني لاند حلم الطفوله

ونخلي ايطاليا اذا كامت مسافة فينسيا بعيده بسفره الجايه مع اسبانيا ان شاءالله والايام فدامنا من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...4/#post7693644

كم تبعد فينيسا عن زلامسي اذا مسافا طويلا نكسل احسن؟!

حلو المانيا والنمسا بس حيل خاطرنا بدزني لاند حلم الطفوله

ونخلي ايطاليا اذا كامت مسافة فينسيا بعيده بسفره الجايه مع اسبانيا ان شاءالله والايام فدامنا من الموبايل



كذا حلو
من زيلامسي الى فينيسيا 4 ساعات وتقدرون تطلعون لها من الصباح ويكفيها يوم فقط تمشي

اذا راح ضبط مخططكم واجهزه بعدين ننتقل للسكن

4ساعات بالساره ولا القطار؟؟

باريس بالمخطط ولا لا!
ضيف باريس جزاك الله الف خير من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...8/#post7694218

4ساعات بالساره ولا القطار؟؟

باريس بالمخطط ولا لا!

ضيف باريس جزاك الله الف خير من الموبايل



بالسيارة
اذا تبون باريس فلازم طيران داخلي من سالزبورغ او ميونخ + طيران داخلي او قطار من باريس الى فرانكفورت.....شرايك

بخصوص فنسيا ليش مانروح لها بقطار يمكن تكون ارخص

اوكي حلو تخلي الذهاب طبران داخلي والعوده الي فرانكفورت بقطار اذا مسافه مو طويله

انا اعتذر منك احس شتت افكارك ودوختك معانا من الموبايل

فينيسيا بالقطار مشوار عليكم

خلاص تم فسنسيا بسياره
وباريس ذهاب طيران داخلي وعوده قطار

نبدي بالتقسم الحين؟ من الموبايل

طيران داخلي لباريس شيكت عليه فيه ترانزيت طويل .... متعب لكم

والحل؟؟
ليش مانغير محطة باريس ونخليها ثاني محطه بعد فرانكفورت من الموبايل

ممكن
بس اذا من فرانكفورت الى باريس بالسياره 5 ساعات
بالقطار اكثر ..
شرايك

ممكن احط لكم مدينه في نص الطريق ترتاحون فيها يوم وتكملون المشوار الى باريس
بس المشكله راح تضطرون ترجعون مع نفس الطريق اذا تبون النمسا.........شي غير معقول طلعت سفرتكم مشاوير ...... على قولتكم عبريه

طيب ترتاحون في فرانكفورت ليله وتطيرون لباريس 5 ليالي وترجعون لفرانكفورت ؟؟؟؟

المشاركة الأصلية كتبت بواسطة قايدعنادك
http://www.arabtravelersforum.com/tr...2/#post7695192

طيب ترتاحون في فرانكفورت ليله وتطيرون لباريس 5 ليالي وترجعون لفرانكفورت ؟؟؟؟



الطياره ب 450 يورو اذا حجزتو بدري

يعني كم كويتي؟
ذهابا وعودا؟
انت تشوف التخطيط مناسب؟ من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...6/#post7695246

يعني كم كويتي؟ذهابا وعودا؟انت تشوف التخطيط مناسب؟ من الموبايل



شوفي يا اختي الغالية
بالنسبة لي هالمخطط خصوصا معكم اطفال اذا مو تعب عليكم فهو تعب عليهم
واهم شي بالسفره الترتيب واستغلال الوقت
الغرض الراحة والاستجمام
اذا تبون سفره ممتازه لابد تستغنون يا عن فرنسا او النمسا
والخيار يرجع لكم


مع خالص تقديري واجمل تحياتي

ماهو راايك نستغني عن النمسا؟؟

ياليت تساعدنا

وجزاك االله الف خير من الموبايل

اتا وزوجي حيل خاطرنا بالنمسا وباريس والمانيا
مايصير نخليها
فرانكفورت ليله
وطيران داهلي ع باريس
5ليال باريس
ونرحع لنيونخ ومنها
يبقي 16ليله نوزعها بين النمسا والمانيا
وشرايك؟ من الموبايل

ارخص طيران يكون من فرانكفورت وباريس والعوده فرانكفورت
الطيران لوجهات متعدده ... مثلا فرانكفورت باريس ميونخ بيكون غالي يوصل الى 1200 يورو

طيب اذا فرانكفورت باريس والعوده فرانكفورت ايضاً هم غالي؟
او نخلي فرانكفورت ومن ثم الي منطقه قريبه من باريس ونريح فيها ليله عقب نروح باريس يمكن تكون ارخص؟؟
طيب اذا من فرانكفورت لباريس كم المسافه بالقطار عادي اذا 5ساعات قحد اقصي
لانه زوجي لما قلت له كنسلنا ايطاليا لبعدها وكثره التنقلات قال عادي تنقلات دام عندنا21ليله

والله اعتذر منك بشده لاني حيل دوختك
وعساه في ميزان حسناتك من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...2/#post7696052

طيب اذا فرانكفورت باريس والعوده فرانكفورت ايضاً هم غالي؟
او نخلي فرانكفورت ومن ثم الي منطقه قريبه من باريس ونريح فيها ليله عقب نروح باريس يمكن تكون ارخص؟؟
طيب اذا من فرانكفورت لباريس كم المسافه بالقطار عادي اذا 5ساعات قحد اقصي
لانه زوجي لما قلت له كنسلنا ايطاليا لبعدها وكثره التنقلات قال عادي تنقلات دام عندنا21ليله

والله اعتذر منك بشده لاني حيل دوختك
وعساه في ميزان حسناتك من الموبايل



يا اختي لادوختيني ولاشي بلعكس ... شي يسعدني.
طيب دام التنقلات عادي
ابشرك فيه قطار من فرانكفورت الى باريس دايركت بس يبيله حجز قبل سفرتكم بشهر على الاقل ... لا وبعد 3 ساعات 49 دقيقه
ممتاز كذا؟

يعطييك الف الف الف الف الف الف عافيه
والله فرحتني كثير جزاك الله خيييير عقب ماكانت متسكرا بوجهي

مو واجد 3ليال ع فرانكفورت؟ احنا نبيها لراحه فقط
انا قول نزيد ليله ع ميونخ
وليله باريس
وش رايك اخوي؟؟
وممكن تعطيني رابط القطار؟
ومايصير احجزه من الحين؟ من الموبايل

المشاركة الأصلية كتبت بواسطة ام تركش
http://www.arabtravelersforum.com/tr...6/#post7696476

يعطييك الف الف الف الف الف الف عافيه
والله فرحتني كثير جزاك الله خيييير عقب ماكانت متسكرا بوجهي
الله يعافيك
مو واجد 3ليال ع فرانكفورت؟ احنا نبيها لراحه فقط
انا قول نزيد ليله ع ميونخ
مو مشكله زيدو
وليله باريس
برضوه مو مشكله
وش رايك اخوي؟؟
وممكن تعطيني رابط القطار؟
http://www.raileurope-gcc.com/

ومايصير احجزه من الحين؟

قبل رحلتكم بشهر احجزو علشان تضمنون تحصلون سعر ممتاز
لما تحطين تاريخ حجزك في الموقع راح يجي مسج يوضح ان الرحلات اللي انتم تبحثون عنها سوف تتوفر لاحقا وفيه خيار تحطين فيه ايميلك ويرسلون لك اذا فتحو الرحلات في وقتكم.من الموبايل



تحياتي لك يا اختي الغالية

المشاركة الأصلية كتبت بواسطة ام تركش
http://www.arabtravelersforum.com/tr...0/#post7696760

طيب يعني نحجز القطار قبل شهر باذن الله
طيب كيف التسوق بزلامسي؟
سالزبورغ فيها اوت ليت ممتاز.
وميونخ فيها بعد

ياليت ترشحلنا فنادق بالمناطق الي حددناه وانه تكون الاسعا رمعقوله كحد اقصي 30دينار لليله وانها تكون قريبا من السنتر وبالمنطاق الي مانكون مستاجرين سياره قريبا من المترو وجزاك الله الف خير من الموبايل



والله 30 دينار بالسعودي كم ؟ باليورو كم ؟ بالدولار كم ؟

الوصول الي فرانكفورت 8/19صباحاً
كيف تكون تقسم الايام
اعتذر للخبطه
العوده 9/10صباحاً من الموبايل

المشاركة الأصلية كتبت بواسطة قايدعنادك
http://www.arabtravelersforum.com/tr...6/#post7696196

بسم الله الرحمن الرحيم.
من 18-8 الى 19-8 فرانكفورت ( مبيت ليله).
ثم بالقطار الى باريس
من 19-8 الى 24-8 باريس (مبيت خمس ليال).
ثم الرجوع بالقطار الى بادن بادن او سترازبورغ واستأجار سيارة تكملون بها باقي رحلتكم
من 24-8 الى 27-8 بادن بادن (مبيت ثلاث ليال).
من 27-8 الى 29 قارمش (مبيبت ليلتين).
من 29-8 الى 4-9 زيلامسي (مبيت سبع ليال).
من 4-9 الى 6-9 سالزبورغ (مبيت ليلتين).
من 6-9 الى 9-9 ميونخ (مبيت ثلاث ليال).تسوق.
ثم بالقطار او بالسياره الى فرانكفورت (نفس الوقت قطار كان او سياره).
من 9-9 الى 10-9 فرانكفورت (مبيت ليلة).

ثم رجوع الى دولة الكويت.... وايضا قابل للتعديل .... انتظر ارائكم.

خالص تحياتي لك



كذا ممتاز الان

بسم الله الرحمن الرحيم.
من 19-8 الى 20-8 فرانكفورت ( مبيت ليله).
ثم بالقطار الى باريس
من 20-8 الى 25-8 باريس (مبيت خمس ليال).
ثم الرجوع بالقطار الى بادن بادن او سترازبورغ واستأجار سيارة تكملون بها باقي رحلتكم
من 25-8 الى 28-8 بادن بادن (مبيت ثلاث ليال).
من 28-8 الى 30 قارمش (مبيبت ليلتين).
من 30-8 الى 5-9 زيلامسي (مبيت سبع ليال).
من 5-9 الى 7-9 سالزبورغ (مبيت ليلتين).
من 7-9 الى 10-9 ميونخ (مبيت ليلتين).تسوق.
ثم بالقطار او بالسياره الى فرانكفورت (نفس الوقت قطار كان او سياره).
من 9-9 الى 10-9 فرانكفورت (مبيت ليلة).

يعطيك الف عافيه

الحين بقي عليينا الفنادق وااذا في اكواخ لا مانع من ذلك من الموبايل

http://www.arabtravelersforum.com/re...b68672f3267e20

ما رايك بهذا الفندق
وسعره حيل مغري؟؟
ناطره ردك

شرايك بهذا

[url]http://www.booking.com/hotel/at/pension-lederer.ar.html?label=gog235jc%3Bsid%3D2c16d754202 3d8b856f7854124eaf3a8%3Bdcid%3D1%3Bcheckin%3D2013-08-30%3Bcheckout%3D2013-09-05%3Bsrfid%3D73a221db4a86e2a7bf1abf39d16a4faf5ec9e d0eX13%5B%2Furl%5D+&aid=358324

انتظرك يا اختي

لا مرا غالي اخوي من الموبايل

تمام وسعره حلووو
بس حق اي منطقه؟
وحق شنو السياره! من الموبايل

هذا يبعد عن زيلامسي نص ساعة ..... ارياااف