الموضوع: دوبي جاي من سوريااااا

السلام عليكم جميعا

انا توني جاي من سوريا قبل 10 ايام تقريبا في رحلة سياحية لدمشق ولبنان وانا في اتم الاستعداد لاي سؤال يخص الرحله من سكن ومطاعم الخ...................

مواضيع عشوائيه ممكن تكون تعجبك اخترناها لك:

• مسافر لسوريا الاسبوع الجاي
• كيف من المطار إلى المدينة ؟ وأيضاً الجولات السياحية ؟
• استفسارعن افضل المطاعم والاسواق واماكن الترفيه في دمشقوكيف الجو هالايام؟
• يسعدني الانضمام لكم
• مشرفين سوريا وأهل الخبرة
• اين تذهب في ســوريـا بالتفصيل
• خبر عاجل
• محتاجة مساعدتكم ضروووري
• الصـــــــــــــور تتكلم
• افيدوني ودلوني للسفر لسوريا
• السفارات السعوديه في الخارج اسمع صوتك
• سؤال فطائري و معجناتي
• كم الميزانيه لعشرة ايام بالشام ؟؟
• أول مشاركة لي أرجو الاهتمام بطلبي هذا
• محتاج لرأيكم في البرنامج واقتراحكم في التنقل
• ’آأآ كــــلـــمــــات مضيــــــــئة ’’’آآآ
• يا حلو ها الجلسه معاه
• نواعير الحياة ثقافة وهوية حموية
• سؤال سريع
• مليارات دولار تكلفة تنفيذ الجانب السوري من المشروع

ممكن تعطينا ملخص عن الرحلة لاهنت

الحمد لله على السلامه

منتظرين التقرير المفصل عن الرحله

الحمدلله على السلامه اخوي ...


كيف اجواء سوريا الحين ... و كيف الامن فيها ؟؟؟؟؟

وين سكنت بسوريا و على كم السكن ؟؟؟

na99992

الحمدلله على السلامه

ويا ليت تكتب لنا تقرير كامل عن زيارتك لدمشق ولبنان

في إنتظارك

نبغى تقرير مدعم بالصور لوتكرمت

شكرا للجميع على المرور واوعدكم بالتقرير مدعم بالصور مع بعض المعلومات المهمه قريبا جدااااااا
لعيون المنتدى

الحمد لله على السلامة ..

بانتظار تقريرك المصور ..

na99992

الحمد لله على السلامة وبنتظار تقريركم المفصل

كيف ش معربه ؟!

الحمد لله على السلامه


وننتظر تقريرك

الحمد لله على السلامه
وبنتظار التقرير ونتمنى وضع الصور ان امكن ذلك

الحمدلله على السلاااااامة
ومنتظرين التفاصيل

السلام عليكم جميعا واسف على التأخير
راح يكون تقريري ياشباب على شكل نقاط بحيث تكون الرؤيا واضحه وسهله للجميع ... على بركة الله
1- كانت الرحله على خطوط طيران الخليج عن طريق البحرين الى دمشق بمبلغ 1450 ريال
2-اول يوم وصول تم السكن في شارع بغداد لمدة اربعة ايام بمبلغ 2500 ليره لليوم الواحد
3-في اليوم الثاني للرحله ذهبنا الى بلودان وعند الثلووووووووج وكان الجو بارد وكانت الرحلة من 10 صباحا حتى الساعه 5 مساء بمبلغ 1600 ليره
4- تم الغداء ذلك اليوم في مطعم نبع الفيجه(ابوسعيد)وكان الاكل طيب مررره وبسعر منافس
5-اليوم الثالث تم التنقل داخل مدينة الشام جبل قاسيون وباب تومه ومطعم ايم زمان
6- اليوم الرابع ذهبنا الى لبنان عن طريق جروب 8 اشخاص ب6000الاف ليره سوري شامل السكن فندق 4نجوم وفي وسط الروشه والافطار بوفيه مفتوح والغداء والعشاء كان متنوع
7-الرحله الى لبنان استغرقت 3 ايام ذهبنا فيها الى جميع الاماكن السياحيه وعلى سبيل المثال
ذهبنا الى مغارة جعيتا - تلفريك المدينه بجانب سيدة لبنان - قلعة موسى - متحف المشاهير - جولة بحريه عند جونيه..الخ
8- لبنان بلد راقي جدا وارتحنا كثير وكان الجو اكثر من روعه امطار وضباب والحمد لله كانت موفقه
9- بالنسبه للمطاعم في لبنان ذهبنا الى مطعم البندر - مطعم جونيه - مطعم الطازج السعودي اللي عند الروشه
عند
10-بالنسبه للمقاهي اللي في الروشه تعتبرغاليه جدا باستثناء ستار بكس سعره موحد تقريبا نفس الاسعار بالسعوديه
11- تعاملهم دائما بالدولار وعملتهم رايحه فيها ههههههههههه
12-اللي شد انتباهي كثير في المناطق السياحيه مغارة جعيتا (لاتعليق)
13- الجوله البحريه كانت اكثر من رائعه
15-تم السكن بفندق ديروي عند الروشه وبجانب قناة المستقبل القسم الاخباري
16- في اليوم الثالث عدنا الى سوريا وتم الغداء في مطعم اسمه الحدائق المعلقه وكان الجلسة راقيه جداااا
17-بعدها عدنا الى دمشق وتم السكن في شارع بغداد
18- في الحقيقه ارتحت كثير في هذا الشارع المكان جميل وقريب جدا من الاسواق مثل باب تومه والحميديه
ومدحت باشا والتنقل داخل الشام رخيص جدا يعني من باب تومه الى الحميديه 50 ليره
19-من افضل المطاعم اللي دخلتها في الشام مطعم اسمه مطعم الخوالي داخل سوق مدحت باشا وهو عباره عن بيت من الطراز القديم ومحدث روووووووووووووووووعه والاكل مايحتاج والاسعار مستغرب منها بتقولو شلون اقولكم العاده في المطاعم السياحيه مافيها قائمة طعام يسردها عليك سرد يعني بالعربي مع دفع الحساب ياكلك يزود عليك حبتين بما انك سائح لكن هذا المطعم جاب لي القائمه واستغربت ان الوجبه مكتوبه وبجنبها السعر اول مره ادخل مطعم في سوريا كذا وكانت الجلسة مرررررررره رايقه وانصح اي واحد بسافر هناك ان يروحله وبيدعيلي
20-ليلة من اليالي تم العشاء في جبل قاسيون وكان الجو جميل بس الاسعار موحلوووه هههههههه عند سؤالنا ليه كذا يقولون لان المنطقه مستأجره بالغالي وفعلا لما سألت واحد من السوريين عنها قالي الكلام صحيح اسعاره شويه غاليه بحكم انها سياحيه
21-اليوم اللي بعده تم العشاء في مطعم بوابة دمشق على شارع المطار العشاء كان ممتاز لكن اللي ذبحنا العاملين الكل اشتغل على طاولتنا على اساس الاكراميه بعد ماطلبنا الفاتوره اجتمعوا علينا تقول عصابه هههههه قلت اوريكم عطيت المسؤول عن الطاوله 100 ليره وقلتله هذا حسابك وحساب الشباب سلام
22- بالنسبه ليوم رجوعنا الى البحرين عن طريق المطاااااااار الله لايبلاكم الكل يبي يااااااااااااااكل
ويبي اكراميه حشى مجوعين الحمد لله ان حنا جينا بدري قبل الرحله 3 ساعات لانه عند كل منطقه تفتيش اللي يغمز لك واللي عينك عينك يطلب لكن والله مادفعت ولا هلله ومشت الامور الى بوابة الطياره وكنت وقتها منرفز مرررررررره مافكيت الا عند مطار المنامه
23- بالنسبة للتصربف 1000ريال يساوي 14300ليره سوري
24-اتمنى ان اكون ماطولت عليكم وانا مستعد عن اي استفسار واعتذر مره اخرى عن التأخير

سافرت من تركيا أنا وزوجتي الى دمشق على الخطوط التركيه وكانت الرحله مليانه خواجات ولما وصلنا المطار عند التفتيش كانو الاجانب امامي وخلفي والله خلو الاجانب اللي وراي يمشون وخلوني أنا وزوجتي آخر ناس ولما راحو الناس كلهم وخلصوا من التفتيش قلت لهم ليش موقفيني ؟؟ جاني واحد رتبه كبيره وقال لي والله العظيم بالحرف أكرمنا وكررها كذا مره وأنا قمت اتلكع عليهم وأسوي ماني فاهم وقلت بصوت عالي وأنا زعلان أيش تقصد بإكرمنا ؟؟ ولما صيحت بوجهه خلاني اعدي وختم على الجواز ،،، أقسم بالله سافرت لدول كثيره ومالقيت أقذر من معاملت السوريين في المنافذ الحدوديه حراميه ونصابين والا المطاعم لما تطلب اكل يحطون لك طلبات ماطلبتها وكل شوي يوقفون فوق راسك ولما تجي الفاتوره ياهي تطلع لك طلبات أنت اول مره تسمع عنها وتشوفها ناس همج وتوبه أروح لهم مره ثانيه..

شكرا المعمري على المرور واوفقك الرأي الاكراميات في وسط دمشق حاااجه والمطاااااااااار حاجه ثانيه مرررررررررره والله المستعان

الحمدالله على السلامه .

عـــــــاشق الطبيعة

الله يسلمك ومشكور على المرور عاشق الطبيعه

حمد الله على سلامتك

الــــــحـــــــمــــــــد لله عـــــــلـــــــى الـــــــســــــــلامــــــــــــة

الحمد لله على السلامة ..

بانتظار المصور .. خي الكريم

الحمدالله على السلاامة اخوي000

بالنسبة للإكرامية في المطاعم هي في الحقيقة مقابل خدمة العامل عطه بالمقسوم لأن أغلبهم يعيشون على الإكراميات وبدون راتب من صاحب المطعم هكذا قال لي أحد السوريين ..

رحلة حلوة وموفقة

اخي الكريم أشكر لك تقريرك الجميل .... ولا تزعل من طلب الإكراميات طالما انك لم تدفع اي شىء هي فعلاً عادة ذميمة ولكن الناس غلابة يعني مستحيل واحد يمد يده ويكسر خاطره لو ما كان محتاج

ادعي الله يديم عليكم النعم الكثيرة واحمدوه على ذلك فبالشكر تدوم النعم


ملاحظة صغيرة : يقول عليه الصلاة والسلام ( هلك المسئول إن صدق السائل ) أو بما معناه



أخوكم / العمدة