الموضوع: برنامج عائلي يبدأ من فرانكفورت بليز مساعدة

السلام عليكم

لو سمحتوا مطلوب مني اضبط رحلة لاوربا لي انا وزوجي وعيالي كلهم تحت 12 سنة

انا زرت ميونخ وشفتها فحبيت ابدي رحلتي هالمرة من فرانكفورت ..

سمعت عن بادن بادن .. رست .. بحيرة بودنسي .. فلاخو ..الغابات السوداء

مدة الاقامة لي الحين ما حددتهاا ..

ابي مشورتكم في رحلة مريحه يعني اقيم في منطقة او منطقتين وتكون قريبة منهم اكثر من منطقة .. يعني اضرب عصفورين بحجر ..

اتعرفون السفر مع الاطفال شوي متعب ..

ابي احد يسوي لي برنامج يكون عائلي واتمنى تفكووني من الاماكن الرياضية والاسواق الغالية ..

وعطوني الاماكن اللي اقدر اروح لها في ايام الاجازة عندهم السبت والاحد اللي كلش شي مسكر عندهم ..

وشكرا ..

مواضيع عشوائيه ممكن تكون تعجبك اخترناها لك:

• لخبراء الطيران التركي والالماني ارجوو الدخول
• سؤال عن الشركة الالمانيه الخليجيه للخدمات الطبيه
• تأمين السفر
• اتمنى الافادة بخصوص النقل العام في برلين و ميونخ
• الطريق من برلين الى فرانكفورت
• الخطوط الالمانيه لوفثانزا آمل الافادة
• استفسار بخصوص شرائح الاتصال والبلاك بيري في المانيا
• الي الاخوة خبراء ميونخ أريد جدول سياحي لأربعة أيام
• خط سير الرحلة ميونخ و زيلامسي و كونستانس و الغابات السوداء
• مكاتب عمل الفيزا فى الكويت
• استفسار لترتيب الرحله المانيا النمسا سويسرا
• فيزا المانيه وماراح اجلس في المانيا الا يوم هل في ذلك مشكله عند المطار؟
• اعضاء المنتدى الكرام
• ارجو المساعده في الحال
• استفسار عن الانتقال من ميونخ إلى زيلامسي
• السلام عليكم الفزعه يا اخوان
• مدينه فرانكفورت
• استفسار من ذوي الخبرة ما استغني عنكم
• استخرجت فيزا شنقن من السفارة التشيكية وسوف تكون وجهتي الاولى المانيا هل هناك مشكلة
• المسافة من هامبورغ الى دويسلدوف

مرحبا

اولا متى الرحله .,, وكم يوم تقريبا ؟؟

ماهي وسيلة التنقل داخل اوربا سياره او وسائل عامه .. كم طفل ؟

انتي ذكرتي مدن وبلدات بعضها مو قريب من بعض .. وذكرتي روشت وبادن والغابات السوداء وهم يعتبرون سياحيا واااحد بسبب القرب

عموما ننتظر جوابكم وابشري خير

اهلين اخوي

الرحلة احتمال بعد العيد

وسيلة التنقل سيارة راح ناجرها

عددنا انا وزوجي وعيالي 4 واحتمال 1% اخذ بنتي رضيعه عمرها سنة

مدة الرحلة كلها ثلاث اسابيع

انتظر الرد

وشكرا

زرتي الريف النمساوي او السويسري ( كابرون - انترلاكن )
شنو المدن الي زرتيها مع ميونخ
تقصدين عيد الفطر ..؟

رحت ميونخ .. زلمسي.. سالزبوغ .. فيينا .. جنييف .. بارس .. لندن

كل رحلاتي كانت مع قروب سياحي فزرت اغلب الاماكن السياحية اللي فيهم

ابي هالمرة اروح فرانكفورت والمناطق المحيطة فيها .. انترلاكن بسويسرا والاماكن اللي حولهاا

يعني اذا نقدر نمر جم منطقة بطريجنا ...

الخطة حجز فندق يومين في فرانكفورت وبعدين نتنقل بين المناطق ونشوف لنا فندق اذا عجبتنا المنطقة ..

اذا في مجال تضبط لي الرحلة السكن ليلة في يورو بارك في رست .. وليلة في يورو ديزني في باريس ..

بس احتمال كبير باريس مانمرهاااا لان خط الرجعه بيكون ميونخ مبدئياً ..

عندنا حجز عقب عيد الفطر بس لي الحين مو اوكي ..

اممم اعتذر عن كثرة الاسئله

بس ابي اسكن بكوخ انا وعيالي جدامنا جبل ونهر

ويكون بمنطقة بالريف وهادية

مرحبا

اولا

ملاهي ديزني لاند بتكون بعيده وبتضيع الرحله كثير

شوفي

بعد فرانكفورت اما تسكنون في بادن بادن الجميله والراقيه والتي فيها منتجعات صحيه وهي تبعد ساعه عن ملاهي يوربا بارك ومن بادن بادن انزور التالي الملاهي وستراسبورخ الفرنسيه وفرايبورغ وحتى بحيرة تيتسي والاخيره تيتسي اقصد ممكن تسكنون بفنادق على البحيره او حتى شقق قريبه من البحيره

ثم ننطلق الى سويسرا اختار مدينه جميله مثل لويزرن بعدها اجمل اقليم بالنمسا وهو اقليم تايرول وهنا الطبيعه الحقيقيه وممكن نسكن باكثر من مدينه بالاقليم نفسه نختاره بعد ما نحدد المخطط واخير ميونخ او غارمش الريفيه القريبه من ميونخ وهي رائعه وساعه عن الاقليم تايرول النمساوي

ان شاء الله واضح شرحي او اعيد

مشكور اخوي ويعطيك الف الف الف عاااااافية

خطة فعلا اشوفها رااائعه

اتمنى لكم التوفيق