الموضوع: تكفون فرايبورغ الوقت داهمني

السلام عليكمالوصول الى فرايبورغ الساعه ثمان ونص تسع في الليل يوم الجمعة والعشاء فيها
ابي احد يرتب لي جدول السبت الاحد الاثنين
وانا توهقت مادري في الاماكن الي اقدر ازورها في يوم واحد الزحليقه الصيفيه بحيرة تيستي هل هي في schaffhanusen
مادري هل اقدر اورح الغابات السوداء وبعده ستراسبورغ او بادن او اقعد فيها يوم كامل وهل اخلي يوم كامل حق ستراسبورغ او اروح بعدها بادن بادن
مادري وربي توهقت والكاكو جبل ميركري ومدينة الي فيها التسوق قريبه المهم واحد يرتب لي الجدول بالتنقالات من والى والصباح والليل وحنا ثلاث شباب كبار فوق 27

مواضيع عشوائيه ممكن تكون تعجبك اخترناها لك:

• اريد التعلم فى المانيا
• رحلتي يوم المشرفين الاعزاء الرجاء الدخول
• بحاجة لمساعدتكم ضروري بتنظيم رحلة سويسرا المانيا زلمسي
• افضل خطوط لوصول الى مطار فرانكفورت
• السادة الافاضل أرجو المساعدة ألمانيا هامبورج
• مسافره بعد العيد والتسوق هو الغرض من الزياره
• اختي دموع الوجد لو سمحتي اتفضلي
• محتاجة شقق ضروري
• افضل الفنادق في المانيا
• ايش الطريق المناسب لهذه المدن الالمانيه
• تنصحوني ان اسافر بالسياره من سيوسرا الى ميونخ و العكس؟؟
• استفسااار عن السكن
• التسوق فى برلين وبون
• استشارة في جدول سياحي
• هل يوجد قمه ثلجيه في
• تم الحجز ولله الحمد لكن بقي خط سير المدن مارأيكم فيه ؟؟؟
• اين انتم يااخبراء المانيا
• شراء سيارات من المانيا
• وينكم ياهل الخبره
• استفسار لوضع خطه سفر ابتداء من المانيا

احنا سكنا في فرايبورغ رحنا كولمار الفرنسيه ترى قريبه يمكن نص ساعه او 45 دقيقه نصيحه لاتفوتها روووووووووووووعه وحتى الشوبنق فيها حلوووو واسعارهم جدا معقوله ... وبادن بادن وسترازبورغ تقدر اتروح لهم بنفس اليوم لان بادن بادن صغيره تقدر تلفها بسرعه اختارو يا تتغدون في بادن بادن او سترازبورغ وتروحون للمدينه الثانيه


وفي فرايبورغ انصحك روح أجر لك سيكل وفي عندهم نهر وشارع بس للسياكل والرياضات الثانيه روح سوق هناك والله متعه غير طبيعيه بتدعي لي بتحس بالانطلاق والحريه اللي مانقدر انسويها في بلادنا والحياه حلووووووه من قلب هناك

واتمنالك سفره جميه وممتعه

طيب في وين أجر السيكل اسم المكان هذا اول شي ثاني شي المدينه الفرنسيه اول مره اسمع فيها في هل المنتدى او سمعت وناسي وانا ابي ترتبين رحلتي وادري انه طلب ثقيل يعني ترتيب بالايام مثل يوم السبت في فرايبورغ والغابات والسوداء وهل اروح للكاكو مادري متوهق صراحه في الترتيب واليوم الثاني مثل اروح بادن بادن وستراسبورغ الفرنسيه وهل اروح جبل ميركور في بادن ويوم الاثنين باروح رست ملاهي بارك

في فرايبورغ احنا ماسكنا في الشارع الرئيسي اللي صوب الفنادق والمحلات سكنا جنب النهر اول ماتدخل فرايبورغ بتحصل منطقه سكنيه ريفيه ونهر والكل فوق السيكل وحتى الفنادق هناك اكثرها تاجر سياكل بس انا لان السيكل حق الفندق كبيرررر علي عطونا اسم محل تأجير للسياكل هم اكتبوه ودخلناه في القارمن ورحت أجرت لي قمة الوناسه

اما المدينه الفرنسيه خياليه لاتفوتك تنفع حق 3 او 4 ساعات تتمشون فيها والحلو ان فيها قطار سياحي انصحكم تركبونه بيلف فيكم على المكان وبتحصل موضوع عن كولمار موجود تحت في مواضيع العضو فوق توقيعي موضوعها مدينة السحر والجمال colmar شوف اذ ابتعجبك او لا

الكاكاو هذا مارحت له وللامانه في فرايبورغ ماتمشينا كنا مستانسين على المكان اللي سكنا فيه والسياكل اليوم اللي كان مفروض نتمشى فيه خليناه انا وزوجي على السياكل والطبيعه اللي تشرح الصدر

روح بادن بادن واركب الجبل حلوو وفيه مناظر حلوه اتضيع وقت ودور في المنطقه فيها حناطير وفي عندك منطقه اسمها الكازينو في بادن منطقه حلوه وتشرح الصدر احلى مكان في بادن بادن القعده فيها حلوه .. واذا باقي وقت طويل روح سترازبورغ تمشى فيها حلوه بعد ونصيحه لاطولون في بادن بادن لان مافيها شي بس اسم انكم رحتو لها صغيره ماتستاهل تاخذ نص يوم حلوه اتكون بس نقطة انطلاق ونصيحه لاتجربون المطعم الهندي اللي فيها الطعم الله بالخير وغاااالي اتذكر ان هو المطعم الهندي الوحيد .. واتذكر جنبها ريف لان زوجي كان يبي الكارتنغ وسوى سيرج في النت طلع له مكان الكارتنغ قريب من بادن يمكن نص ساعه ناسيه بالضبط الطريق كان خياااااااالي والطبيعه مقدر اوصفها ريفيه ميه بالميه انصحكم جربو الكارتنغ اذا كنتو اتحبونه


بعدين لاتزحم نفسك انت رايح ريلاكس تمشو واستانسو على راحتكم انتو رايحين سياحه ووناسه مب تضغطون على نفسكم وتشقون عمركم الامور سهالات بس نصيحه لازم اتمرون كولمار اتشوفونها بتدعي لي ومحلات الاطفال هناك روعه ورخيصه شريت اشكثر تقدر اتقول بجنون والله يمكن اللي دفعه زوجي 1500محلاتهم حلووه لاتفوتكم .... واحسن لكم نامو بدري على الساعه 10 بالكثير 11 وابتدو يومكم من الساعه 9 علشان يمديكم تفترون والحلو ان النهار الحين طوويل