الموضوع: هذا الي حصل

السلام عليكم اخواني عندي استفسار بخصوص فيزة شنقت الالمانيه


انا اليوم رحت السفارة الامانيه عشان اقدم على فيزه
مع العلم انهه عندي شنقن اسبانيه صالحه
و عندي شنقن المانيه منتهيه ف الجواز القديم و الموظف ف السفارة رفض الطلب قال روح سفارة اسبانيا كنسل فيزتك عشان نسويلك وحده يديده


المهم استفساري اني ابي اروح المانيا دايركت يعني من دبي الى المانيا
هل هو عادي و بيدخلوني و لا بيقولولي لازم تروح اسبانيا ابي حل ي جماعه

مواضيع عشوائيه ممكن تكون تعجبك اخترناها لك:

• ماهو الفورم الذي يعبأ في الطائرة ؟؟
• استفسار عن شركة التأمين
• هل تنصحوني استجار سياره من مطار ميونخ او من ديرتي ؟
• ماركه هولستر
• استفسارات مهمة لسفرتي الي المانيا
• سبحان الله وبحمده سبحان الله العظيم
• ابي فزعتكم بالسكن تكفون
• ارجو المساعدة في اختيار المدن السياحية في ألمانيا وانترلاكن اذا امكن
• انقل لكم نصيحتي وتجربتي في السكن في فندق مريديان ميونخ
• اريد المساعدة لو سمحتو
• استفسار متعلق بميونخ وغابه سوداء
• سؤال سريع للخبراء عن اكسبيديا
• فندق قريب من الطار ؟؟؟
• سؤال بخصوص خطوط اللوفتهانزا
• ثلاثة ايام داخل المانيا بالسياره ثم العوده الى ستراسبورغ
• شريحة الجوال فى المانيا
• هام جدا الفزززغه السفره بعد ساعه بضبط
• ساعدوني بالسفر لأول مره لالمانيا
• رحلة مناسبة لكبار السن
• أرجو المساعدة للتخطيط لرحلتي

الفيزا الي مستخرجه من اسبانيا ؟؟

سافرت بها ؟؟؟

واذا نعم وين رحت فيها اول دوله اوربيه ؟؟

تحياتي

والله ي اخوي الفيزة طلعتها و ما سافرت بها ابد

ي اخوي ابغي شي مضمون ترى حاجز تذاكر و سياره و فنادق ،.

الغالي عادي تدش اي بلد من البلدان اللي تستخدم الشنجن مب شرط الفيزه من نفس البلد
انا كانت عندي فيزه شنجن المانيه ودخلت اول مره النمسا عادي لا تحاتي.....
انا اليوم رحت المكتب عشان اطلع فيزا حق عيالي لان العام عطوني انا 3 سنوات وعيالي 3 شهور
فرحت اليوم مركز وافي عشان اطلع فيزا الحمدلله اوراقي كامله معبي الابلوكيشن وصورتين جواز سفر للي بطلع له فيزا وصورتين شخصيات خلفيه بيضاء وصورة خلاصة القيد لكل واحد وصورة جواز الاب وصورة جواز الام وتوقيع الابوين على الابلوكيشن ورساله موافقه من الوالدين موقعه بعدم ممانعه من اعطاء الابناء فيزا يطبعها لك مكتب الطباعه..
انصحكم قدموا الطلب بروحكم تخيلوا انا مقدم حق 4 اطفال مكتب السياحه والطباعه قال كل واحد 750 درهم يعني 3000 درهم صح
والله مكتب الوسيط خذوا مني بس 900 درهم
اللي اقل عن 6 سنوات الفيزا فري بس رسوم المكتب ومن سن 6 الى ال12 سنه نصف قيمة البالغ اللي فوق 12 سنه يعني 150 درهم والبالغين 300 درهم
صح رحت بدري الساعه 7 صباحا ودخلونا 8 ونصف والله خلصت قبل تسع الا ربع يعني تقريبا ربع ساعه...
بعدين متعه تتعرف على كيفية تقديم الطلبات وتسأل عن كل شي وتستفيد...

الله يجازيك خير يخوي ماقصرت

لو جلوسك في المانيا اكثر مده

بمعنى اعمل حجوزات بميونخ اكثر من ليله حجوزات حقيقيه وليس وهميه او اي مدينه بالمانيا

واخبرهم لو سئلوك ان كنت تنوي السفر الى اسبانيا وقت استخراج الفيزا لكن ما قدرت واذكر الظروف

اخوي علي مارفهمت عليك

انا بسكن ف ميونخ 3 ايام بعدها بروح النمسا كم يوم
و منها على سويسرا و برجع من فرنسا او ايطاليا

توكل على الله

المهم لديك حجز بميونخ ومعاك الفاوتشر

وكانت رحلة اسبانيا بالماضي لهذا استخرجت فيزا من السفاره الاسبانيه وكنسلت الرحله ؟؟ صحيح هذا قصدي

يبتلكم الخبر اليقين .،، قبل شووي اتصلت على سفارة الامارات في المانيا و حولوني على الاستاذ يوسف الشميلي سالته
انا عندي فيزة اسبانيا و ابي ايي المانيا قالي بالحرف الواحد مايدخلون و في عوايل ردوهم ،. يعني احسن حل اني اروح السفارة الاسبانيه و اكنسل فيزتهم
و بعدها اقدم تاشيره ف السفارة الامانيه
ان شاء الله غيري يستفيد

دخلت المانيا 3 مرات بدون ان اتسخرج الفيزا من المانيه ولا حتى انها اكثر مدة جلوس

لكن طالما في بلدك هالكلام .. اتبعه ما راح تخسر شي

اتمنى لك رحله موفقه