الموضوع: وصف الشقق للقادم من السعوديه برا

السلام عليكم يااخوان

ارغب في وصف دقيق لشقق مينك مارينا وذلك عند دخولي المنفذ الاماراتي مرورا بطريق ابوظبي ومن ثم دخولي دبي
سيكون دخولي دبي ان شاءالله مسائا بحدود الساعه 11
فممكن الوصف وانا داخل دبي
ماهو المعلم او الكوبري الذي سيكون مفرق الاتجاه للمارينا

وشكرا لكم

مواضيع عشوائيه ممكن تكون تعجبك اخترناها لك:

• شقه في دبي ؟
• لو سمحتو ابى مواقع صينيه بالإمارات للبيع بالجمله
• كاثي باسيفيك تدشن رحلاتها المباشرة بين أبوظبي وهونج كونج
• كوبثرون عرب لنك
• فندق واحة الشاطئ رايكم اخواني
• ترانزيت بأبو ظبي
• مهرجان دبي للتسوق يناير ومفاجآت الصيف يونيو
• عاجل نبي عناوين شقق في ابو ظبي عائلية
• ساعات وين تقضيها في ابوظبي
• ابي فندق رخيص وخاص للشباب في دبي
• الآخوه من الآمارات الرجاء المساعده ناصربنت الاماراتعرب لينكبنت الشيخ زايد
• استفسار عن طريق حرض
• كم ياخذ التكسي من مطار الشارقه الى سوق الفيستفال
• احداثيات المواقع في دبي
• ابى اشترى سياره من الشارقه دلونى
• الى كل من حجزو عن طريق عرب لينك الرجاء الدخول
• فنادق خلال عيد الأضحى ؟
• محلات بيع الورد الاصطناعي في دبي
• الطيران الهولندي يطرح أسعار مخفظة من مطار دبي
• صور جامعة الشارقة

قد يفيدنا بعض الاعضاء بتفاصيل اكثر، و لكن يوجد لوحات ارشادية للمارينا و سيكون مخرجها بعد مركز ابن بطوطة بحوالي 5 - 7 كم، و تقع على الجهة اليسرى.

ابراج جميرا بيتش

جي بي ار
jbr

ياليت اللي عنده وصف دقيق يوصف لنا

هلا اخوي
وان شاء الله توصل بالسلامه يارب

شوف اخوي اول ما تدخل دبي بتكون على شارع الشيخ زايد واول شي بتشوف ابن بطوطه مول على ايدك اليمين ,,,امش سيده على طول وانتبه للوحات الارشاديه وين مكتوب عليها مرسى دبي او المارينا
هو بعد ابن بطوطه بيك جسر يوديك يسار على المارينا
واذا ضيعت وقف لك تاكسي وخله يدليك على اتجاه المارينا

بس ع فكره المكان ما يضيع لان كله لوحات ارشاديه بس انت خفف من السرعه وانتبه

هذا موقع فيه خارطة الطريق للفندق
http://www.marinahotelapt.com/dubai/...marina-map.php

بحاول أوصف لك المكان تقريباً بحكم إن كنت ساكن في نفس الشقق و كانت معاي سيارتي الخاصة و اسوق و عرفت أكثر من طريق يوصل للشقق بس إن شاء الله ما يكون تغير شئ في الطريق و إلا صار فيه تحويلة جديدة تخلي الواحد يضييع ... المهم الوصف من طريق الشيخ زايد المتجه دبي .. فيه مخرج بعد مجمع أبن بطوطة مكتوب عليه جميرا بيتش رزيدينس و مرسى دبي على اليمين تاخذون المخرج على طول لين يجيكم تفرع للطريق يصير اثنين y واحد مرسى دبي يسار و الثاني يمين جميرا بيتش رزيدنس .. طبعاً أتبعو طريق جميرا بيتش .. بعد ما تنزل من الكبري تجيكم إشارة .. خلوها و بعدها إشارة ثانية صايره حرف tتصير على طريق الصفوح و للتأكد على اليسار شقق تماني .. و في الوجه فندق ويستن ... حلو إلى هنــــا؟؟
يسار مع الإشارة على طريق الصفوح ... تجي إشارة .. برضو على طول بعدين يلف فيكم الشارع .... و تجي إشارة ثانية ... و هذي أهم إشارة ... على اليمين فيه محل صرافه اسمه الإنصاري ... الشارع اللى على اليمين يدخل للممشى .. بس خلوه .. بعد ما تعدون الإشارة مباشرة في طريق خدمة يدخل للمواقف الخاصة بأبراج صدف اللى فيها الشقق أدخلو المواقف و على طول يسار و تصير عمارة صدف 3 اللى فيها الشقق في أخر الممر .. ويمكن سؤال حارس الأمن اللى في المواقف عن مدخل الشقق .....

أتمنى إن وصفي يكون واضح و أقترح عليك أخوي إنك تخلي رقم تلفون الشقق معاك علشان لو ضيعت المكان تتصل على الشقق و خلوهم يوصفون لك الموقع بعد ما تدخل المرينا لطريق الصفوح

و بالتوفيق و رحلة سعيدة

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...5/#post3324015

هذا موقع فيه خارطة الطريق للفندق
http://www.marinahotelapt.com/dubai/...marina-map.php



معليش أختي بنت الشيخ زايد .. بس للتوضيح .. الخريطة المرفقة ما هي لنفس الفندق المطلوب

طيب اوكي وش رايك في الشقق هذي وكم اسعار الإيجار ؟

المشاركة الأصلية كتبت بواسطة الراهـــــــــي
http://www.arabtravelersforum.com/tr...1/#post3325191

معليش أختي بنت الشيخ زايد .. بس للتوضيح .. الخريطة المرفقة ما هي لنفس الفندق المطلوب



اها اوكي اسفه على الغلطه

بس اضن ان الطريج واحد صح ولا لا؟ انا اقصد المدخل من شارع الشيخ زايد بس بدل ما ينزل للمارينا يكمل لجميرا بيتش ريزدنت الممشى

بنت الشيخ زايد


عندي استفسار لو سمحتي


بغيت اسأل عن شقق نجوم الامارات هل يوجد لها مواقف خاصه لها او لا .


شاكر ومقدر

المشاركة الأصلية كتبت بواسطة مشاري الرياض
http://www.arabtravelersforum.com/tr...3/#post3325873

بنت الشيخ زايد


عندي استفسار لو سمحتي


بغيت اسأل عن شقق نجوم الامارات هل يوجد لها مواقف خاصه لها او لا .


شاكر ومقدر




هلا اخوي مشاري

والله يا اخوي ما ادري ,,,,,,بس شي اكيد بيكون لها مواقف خاصه

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...4/#post3325864

اها اوكي اسفه على الغلطه

بس اضن ان الطريج واحد صح ولا لا؟ انا اقصد المدخل من شارع الشيخ زايد بس بدل ما ينزل للمارينا يكمل لجميرا بيتش ريزدنت الممشى



بالتأكيد أختي الوصف ..واضح و مع التركيز أثناء المرور بالقرب من اللوحات إن شاء الله بيوصل الواحد للمكان بسهولة
و أعتقد دبي ما شاء الله في ظل هالتطور و النمو اللى تشهده فإن القائمين عليها لم يغفلوا عن تسهيل الوصول للأماكن المهمة بإنشاء اللوحات الإرشادية المؤقته في التقاطعات و التحويلات و أنا كنت أجد طريقي بدبي بكل يسر و سهولة .....

تمنياتي بالتوفيق للجميع ...وكل عام و أنت بخير .... عيدكم مبارك و عساكم من عواده

ياليت لو يجاوب احد على تساؤلي .. !

المشاركة الأصلية كتبت بواسطة c.f.c
http://www.arabtravelersforum.com/tr...3/#post3325363

طيب اوكي وش رايك في الشقق هذي وكم اسعار الإيجار ؟



هلا c.f.c
المعذرة أخوي ما أنتبهت لسؤال ...
بالنسبة للشقق أنا سكنت فيه قبل شهر بصراحة الشقق ممتازة و نظيفة و موقعها جداً رائع في منطقة jbr و في الممشى و قريبة جداً من البحر .. شاطئ نظيف و حلو مره ... و فيها مواقف خاصة تحت المبنى و سكيوراتي 24 ساعة و فيه سوبرماركت مفتوح 24 ساعة تحت العمارة مباشرة .... بس العيب الوحيد فيه قليل إزعاج من تأثير الإنشاءات من المناطق اللى حواليها يعني نصيحة اللى بيسكن فيها يطلب شقة في الأدوار العليا و تكون إطلالتها داخلية على الأبراج و البحر أحسن و أخف عن الإزعاج ....
و بالنسبة للإجار و الله ما غندي خبر هاليومين كم السعر بس أنا كنت مأخذ عندهم شقة 3 غرف نوم عن طريق عرب لينك بــ 793 درهم بعد الخصم .. بس هاليومين عرب لينك وقفوا التعامل معاهم ......بس شف أكيد بتلاقي لهم عروض في مواقع ثانية مثل موقع Booking وترى أسمهم تغير من مينك إلى SUHA

بالتوفيق أخوي و رحلة سعيدة