الموضوع: يااهل الخبره مطلوب مروركم الكريم

السلام عليكم

عندي استفسار

جاي دبي ان شاء الله تاريخ 30-10 والعوده 4-10

ابي فندق مسكت انا والمدام

وشرايكم بأتلانتس ؟؟

والسعر

ونوع الغرف الحلوه , لان سمعت فيه غرف فيها اكواريوم

................................................

وهل فيه شقه او فندق او منتجع يكون فيه مسبح خاص

وبخصوص الاسعار جم ؟؟؟


كل الشكر لكم

متابعكم

مواضيع عشوائيه ممكن تكون تعجبك اخترناها لك:

• خبرتكم ياهل الذوق
• مدينة عالم فيراري أبوظبي تفتتح ألعاباً جديدة
• مساعدتكم ياأخوان
• عرض رائع من فندق جراند حياة دبي
• سائق مع سياره ؟
• انطلاق مهرجان صّيف في أبوظبي
• استفسارات عن دبي مسافر بكرهجزاكم الله خير
• عندي استفسار عن فنادق دبي الجديده ياليت تفيدوني
• افتتاح أول متاجر جاك ويلز بدبي مول
• كم المسافة من ابو ظبى لدبى
• فنادق قريبة من مطار أبوظبي؟؟
• الإضطرابات في مصر وسوريا ولبنان جعلت من دبي الوجهة الأولى
• اريد ان ازور دبي
• تطبيق لجوالات الاندرويد وايفون لمعالم دبي خدمة ممتازة
• سوق السمك في فندق إنتركونتيننتال
• أنا طالع دبي أنشاء الله بليز جاوبوني على الاسئلة بلييييييز
• طالب فزعة اخوانا الاماراتيين ؟؟
• السلام عليكم جميعاًأبي شقة جنب المطار
• خادمه في دبي
• الاستفسار عن كورنيش الشارقة

هلا فيك اخوي

وحياكم ببلدكم الثاني الإمارات

اتلانتيس فندق حلو وما عليه كلام وموقعه ايضا زايد حلاوته

الفندق فيه منطقة شاطئ

وفيه حديقة مائية (الأكوافتيشر)

وفيه مثل المتحف البحري او الأكواريوم (اللوست شامبس)

والحوض الكبير وسوق صغير

والمناظر اللي يطل عليها

وايضا يمكنك مشاهدة الدلافين او حتى السباحه او الغوص معهم

وغرفه ايضا حلوة

ولكن يعيبه في بعض الأيام وخاصة الجمعه

ان اللوبي يكون زحمه ومب اي زحمه زحمه لا تطاق

واكثرهم آسيوين بحكم اجازتهم في هاليوم

وايضا لاحظت خلال زيارتي

ان الأشخاص الخارجين من الحديقة المائية لا يلزمون بالتستر

بل يتمشون في الفندق بملابس السباحة

وبصراحه اذا لم تكن من محبي الأنشطة البحرية فما انصحك بأتلانتيس

لأن اذا بتقولي عن الغرف توجد فنادق فيها غرف احلى وارقى

واذا كنت تبغي اسواق ففي فنادق متصلة بأرقى مجمعات دبي

وهذا رأيي الشخصي

وبالنسبه للغرف المطله على الأكواريوم

فاللي انا اعرفه ان الغرفة المطله على الأكواريوم واللي هي الجناح الملكي وسعره بالعلالي


وبالنسبه للأسعار في الفترة من 30/9 إلى 4/10:

فسعر الليه في الديلوكس رووم 1680 لـ اللية الواحده بمجموع 6720 درهم

ولكن بعيبها انها تقع في اول 5 طوابق (الإطلالة ما راح اتكون حلوه)


اما الأتلانتيس روووم

فهي بنفس مواصفات الديلوكس

ولكن سعرها اغلى شوي

1840 لـ اللية الواحده وبمجموع 7360 درهم


طبعا اللي يحجز في اتلانتيس يحصل على دخول مجاني لللوست شامبس والأكوافتشير

وخصم على الدلافين


وهذا موقع اتلانتيس

http://www.atlantisthepalm.com/


واي استفسار انا حاضر

وبالنسبه لسؤالك الثاني

عندك فندق ذا بالم دبي (5 نجوم)

قربب من السوق الصيني او الدراجون مارت (على طريق حتا وعمان)

والفندق نظام فلل

وسعر الفيلا اللي فيها حوض وهي فيها غرفة وحده

9400 للليالي الأربع بسعر 2350 لـ الليه الواحده


وايضا عندك فندق ارجان مدينة الإعلام وهو قريب من مرسى دبي او المارينا

وموقع bookin.com مسوي عرض على السويت بغرفة وحده (الكلاسيك)

اربع ليالي بسعر 3 والسعر 3000 درهم


والديلوكس سويت (غرفة وحده)

سعره 4400 درهم


والبريميير سويت (ايضا غرفة وحده)

9200 درهم


ولكن مب كل الغرف فيها حوض خاص

لذا يجب عليك التأكيد عند الحجز ان يكون السويت به حوض خاص


وللعلم الأسعار اعلاه من موقع booking.com


واي استفسار انا حاضر

ولد زايد فندق ذا بالم بقرب السوق الصيني يعني بعيد عن الامارات مول واتلانتس اذا بتمشى

واذا في فندق قريب من الامارات مول وهل الامارات مول قريبه من اتلانتس؟؟

ولد زايد حب لي خشمك 100 مره

المشاركة الأصلية كتبت بواسطة blot
http://www.arabtravelersforum.com/tr...2/#post3319253

ولد زايد فندق ذا بالم بقرب السوق الصيني يعني بعيد عن الامارات مول واتلانتس اذا بتمشى

واذا في فندق قريب من الامارات مول وهل الامارات مول قريبه من اتلانتس؟؟

ولد زايد حب لي خشمك 100 مره




والله اخوي فندق ذا بالم بعيد عن اتلانتيس

يعني اقل شي بالسياره 45 دقيقه تقريبا

تطلع من ذا بالم وتاخذ شارع الإمارات متجها إلى أبوظبي وعند دوار المرابع العربية

تاخذ يمين متجه إلى البرشاء والقوز

ومنها راح تكون عند مول الإمارات

وذا بالم يعتبر قريب من القرية العالميه

اما عن سؤالك الآخر

فنعم اتلانتيس قريب من مول الإمارات

يعني بالكثير مسافة 30 دقيقه بالسياره تقريبا

وبالنسبه للفنادق القريب من مول الإمارات فعندك كمبنسكي مول الإمارات

واسعاره للسوبرييور رووم 6000 درهم لليالي الاربع

وللغرف المطلة على السكي 9600 درهم

وللديلوكس 6240 درهم



واي استفسار انا حاضر

كل الشكر على تجاوبك السريع

والاسعااار ناااار ياساتر

المشاركة الأصلية كتبت بواسطة blot
http://www.arabtravelersforum.com/tr...2/#post3319350

كل الشكر على تجاوبك السريع

والاسعااار ناااار ياساتر




اخوي اذا تبغي شي رخيص

عندك شقق نجد قريبه جدا من مول الإمارات (300 متر)


والفندق او الشقق حلوه وراقيه

وسعر الشقة بغرفة واحده 1298 درهم

واذا بغيتو الفطور تضيفون 45 درهم للشخص

وهذا موقعهم

http://www.najdhotelapartments.com/


وهذا رقمهم

3619007 (4) 00971